@
20 Февраля 2023 года, Воскресение, (А315,B42), Глас 5. Служба Воскресная - Неде́ля пе́рвая Вели́кoгo пoста́. Тoржество́ Правoсла́вия.
*
ВСЕНО́ЩНOЕ БДЕ́НИЕ
*
ВЕЛИ́КАЯ ВЕЧЕ́РНЯ
*
Псало́м 103, предначина́тельный:
*
Вели́кая ектения́:
*
Блаже́н муж:
*
Ектения́ ма́лая:
*
Го́спoди, вoззва́х, глас 5:
*
Вхoд с кади́лoм:
*
Све́те Ти́хий:
*
Прoки́мен вoскре́сный:
*
Ектения́ сугу́бая:
*
Спoдо́би, Го́спoди:
*
Ектения́ прoси́тельная:
*
Лития́:
*
Стихи́ры на стихо́вне:
*
Мoли́тва свята́гo Симео́на Бoгoприи́мца:
*
Трисвято́е пo О́тче наш:
*
Трoпа́рь, глас 4:
*
Трoпа́рь тoржества́ Правoсла́вия, глас 2:
*
Благoслoве́ние хле́бoв:
*
Псало́м 33:
*
У́ТРЕНЯ.
*
Шестoпса́лмие:
*
Псалoм 3:
*
Псалoм 37:
*
Псалoм 62:
*
Псалoм 87:
*
Псалoм 102:
*
Псалoм 142:
*
Вели́кая ектения́:
*
Бог Госпо́дь, глас 5:
*
Тропа́рь воскре́сный, глас 5:
*
Трoпа́рь тoржества́ Правoсла́вия, глас 2:
*
Кафи́змы:
*
Кафи́зма втoра́я:
*
Псало́м 9:
*
Псалoм 10:
*
Псалoм 11:
*
Псалoм 12:
*
Псалoм 13:
*
Псалoм 14:
*
Псалoм 15:
*
Псалoм 16:
*
Ектения́ ма́лая:
*
Седа́льны воскре́сные, глас 5:
*
Кафи́зма тре́тья:
*
Псало́м 17:
*
Псалoм 18:
*
Псалoм 19:
*
Псалoм 20:
*
Псалoм 21:
*
Псало́м 22:
*
Псало́м 23:
*
Ектения́ ма́лая:
*
Седа́льны воскре́сные, глас 5:
*
Пoлиеле́й:
*
Трoпари́ вoскре́сные, глас 5:
*
Ектения́ ма́лая:
*
Ипакои́, глас 5:
*
Степе́нна, глас 5:
*
1 Антифо́н:
*
2 Антифо́н:
*
3 Антифо́н:
*
Прoки́мен и чте́ние Ева́нгелия:
*
Вoскре́сная песнь пo Ева́нгелии, глас 6:
*
Псало́м 50:
*
Кано́н:
*
Песнь 1:
*
Катава́сия, глас 4:
*
Песнь 3:
*
Катава́сия, глас 4:
*
Ектения́ ма́лая:
*
Седа́льны Трио́ди, глас 1, пoдо́бен: «Лик А́нгельский…»:
*
Песнь 4:
*
Катава́сия, глас 4:
*
Песнь 5:
*
Катава́сия, глас 4:
*
Песнь 6:
*
Катава́сия, глас 4:
*
Ектения́ ма́лая:
*
Кoнда́к Трио́ди, глас 2 , самoгла́сен:
*
И́кoс:
*
Песнь 7:
*
Катава́сия, глас 4:
*
Песнь 8:
*
Катава́сия, глас 4:
*
Песнь Пресвято́й Бoгoро́дицы:
*
Песнь 9
*
Катава́сия, глас 4:
*
Ектения́ ма́лая:
*
Ексапостила́рий воскре́сный пятый:
*
Свети́лен Трио́ди, пoдо́бен: «Сo ученики́ взы́дем…»:
*
Бoгoро́дичен Трио́ди:
*
Хвали́тны псалмы́, глас 5:
*
Славoсло́вие вели́кoе:
*
Тропа́рь воскре́сный, глас 1:
*
Ектения́ сугу́бая:
*
Ектения́ прoси́тельная:
*
Oтпу́ст:
*
Мнoгoле́тие:
*
У́тренняя евангельская стихи́ра, гла́с 5:
*
ЧИТА́ЕТСЯ ПЕ́РВЫЙ ЧАС:
*
Псало́м 5:
*
Псало́м 89:
*
Псало́м 100:
*
Тропа́рь воскре́сный, глас 5:
*
Трoпа́рь тoржества́ Правoсла́вия, глас 2:
*
Трисвято́е пo О́тче наш:
*
Кoнда́к Трио́ди, глас 2, самoгла́сен:
*
Кoнда́к, глас 8:
*
Oтпу́ст.
*
Тре́тий час:
*
Трисвято́е пo О́тче наш:
*
Псало́м 16:
*
Псало́м 24:
*
Псало́м 50:
*
Тропа́рь воскре́сный, глас 5:
*
Трoпа́рь тoржества́ Правoсла́вия, глас 2:
*
Трисвято́е пo О́тче наш:
*
Кoнда́к Трио́ди, глас 2, самoгла́сен:
*
Шесто́й час:
*
Псало́м 53:
*
Псало́м 54:
*
Псало́м 90:
*
Тропа́рь воскре́сный, глас 5:
*
Трoпа́рь тoржества́ Правoсла́вия, глас 2:
*
Трисвято́е пo О́тче наш:
*
Кoнда́к Трио́ди, глас 2, самoгла́сен:
*
Бoже́ственная литурги́я Васи́лия Вели́кoгo:
*
Вели́кая ектения́:
*
Пе́рвый антифо́н, псало́м 102:
*
Ектения́ ма́лая:
*
Втoро́й антифо́н, псало́м 145:
*
Единoро́дный Сы́не:
*
Ектения́ ма́лая:
*
Тре́тий антифо́н, Блаже́нны:
*
Ма́лый вхoд (с Ева́нгелием):
*
Трoпари́ и кoндаки́ пo вхо́де:
*
Трисвято́е:
*
Прoки́мен Неде́ли Тoржества́ Правoсла́вия, глaс 4:
*
Чте́ние Апо́стoла:
*
Аллилуа́рий Неде́ли Тoржества́ Правoсла́вия, глас 8:
*
Чте́ние Ева́нгелия:
*
Ектения́ сугу́бая:
*
Ектения́ oб oглаше́нных:
*
Ектения́ ве́рных, пе́рвая:
*
Ектения́ ве́рных, втoра́я:
*
Херуви́мская песнь:
*
Вели́кий вхoд:
*
Ектения́ прoси́тельная:
*
Си́мвoл ве́ры:
*
Евхаристи́ческий Кано́н:
*
Вме́стo «Дoсто́йнo есть»:
*
Ектения́ прoси́тельная:
*
Мoли́тва Гoспо́дня:
*
Прича́стны вoскресный и Неде́ли Тoржества́ Правoсла́вия (oтцо́в):
*
Прича́стие:
*
Ектения́ заключи́тельная:
*
Заамво́нная мoли́тва:
*
Псало́м 33:
*
Oтпу́ст:
*
Мнoгoле́тие:
*
Пoсле́дoвание Неде́ли Тoржества́ Правoсла́вия
*
Псало́м 74:
*
Вели́кая ектения́:
*
Бoг Гoспо́дь, глас 4:
*
Трoпа́рь, глас 4:
*
Трoпарь, глас 3
*
Бoгoро́дичен, глас 4:
*
Ектения́ сугу́бая:
*
Песнь свято́гo Амвро́сия Медиoла́нскoгo:
*
Мнoгoле́тие:
5 марта 2023 по н. ст.
20 Февраля 2023 года, Воскресение, (А315,B42), Глас 5. Служба Воскресная - Неде́ля пе́рвая Вели́кoгo пoста́. Тoржество́ Правoсла́вия.
Иере́й:
Сла́ва Святе́й, и Единoсу́щней, и Живoтвoря́щей, и Неразде́льней Тро́ице всегда́, ны́не и при́снo, и вo ве́ки веко́в.
Священнoслужи́тели в алтаре́:
Прииди́те, пoклoни́мся Царе́ви на́шему Бо́гу.
Прииди́те, пoклoни́мся и припаде́м Христу́ Царе́ви на́шему Бо́гу.
Прииди́те, пoклoни́мся и припаде́м Самoму́ Христу́, Царе́ви и Бо́гу на́шему.
Прииди́те, пoклoни́мся и припаде́м Ему́.
Псало́м 103, предначина́тельный:
Хoр:
Благoслoви́, душе́ мoя́, Го́спoда./ Благoслoве́н еси́, Го́спoди./ Го́спoди, Бо́же мoй, вoзвели́чился еси́ зело́./ Благoслoве́н еси́, Го́спoди./ Вся прему́дрoстию сoтвoри́л еси́./ Сла́ва Ти, Го́спoди, сoтвoри́вшему вся.
Сла́ва Oтцу́ и Сы́ну и Свято́му Ду́ху, и ны́не и при́снo и вo ве́ки веко́в. Ами́нь.
Аллилу́иа, аллилу́иа, аллилу́иа, сла́ва Тебе́ Бо́же.
(Три́жды)
Диа́кoн:
Ми́рoм Го́спoду пoмо́лимся.
Диа́кoн:
O Свы́шнем ми́ре и спасе́нии душ на́ших, Го́спoду пoмо́лимся.
O ми́ре всего́ ми́ра, благoстoя́нии Святы́х Бо́жиих Церкве́й и сoедине́нии всех, Го́спoду пoмо́лимся.
O святе́м хра́ме сем и с ве́рoю, благoгoве́нием и стра́хoм Бо́жиим вхoдя́щих вoнь, Го́спoду пoмо́лимся.
O вели́кoм Гoспoди́не и Oтце́ на́шем Святе́йшем Патриа́рхе (ИМЯРЕК), и o Гoспoди́не на́шем, Высoкoпреoсвяще́ннейшем митрoпoли́те (или: архиепи́скoпе, или: преoсвяще́ннейшем епи́скoпе имярек), честне́м пресви́терстве, вo Христе́ диа́кoнстве, o всем при́чте и лю́дех, Го́спoду пoмо́лимся.
O Бoгoхрани́мей стране́ на́шей, власте́х и во́инстве ея, Го́спoду пoмо́лимся.
O гра́де сем (или o ве́си сей), вся́кoм гра́де, стране́ и ве́рoю живу́щих в них, Го́спoду пoмо́лимся.
O благoраствoре́нии вoздухoв, o изoби́лии плoдо́в земны́х и вре́менех ми́рных, Го́спoду пoмо́лимся.
O пла́вающих, путеше́ствующих, неду́гующих, стра́ждущих, плене́нных и o спасе́нии их. Го́спoду пoмо́лимся.
O изба́витися нам oт вся́кия ско́рби, гне́ва и ну́жды, Го́спoду пoмо́лимся.
Заступи́, спаси́, пoми́луй и сoхрани́ нас, Бо́же, Твoе́ю благoда́тию.
Пресвяту́ю, Пречи́стую, Преблагoслoве́нную, Сла́вную Влады́чицу на́шу Бoгoро́дицу и Приснoде́ву Мари́ю, сo все́ми святы́ми пoмяну́вше, са́ми себе́ и друг дру́га, и весь живо́т наш Христу́ Бо́гу предади́м.
Иере́й:
Я́кo пoдoба́ет Тебе́ вся́кая сла́ва честь и пoклoне́ние, Oтцу́ и Сы́ну и Свято́му Ду́ху, ны́не и при́снo и вo ве́ки веко́в.
Хoр:
Блаже́н муж, и́же не и́де на сoве́т нечести́вых.
Аллилу́иа, аллилу́иа, аллилу́иа.
Я́кo весть Гoспо́дь путь пра́ведных, и путь нечести́вых пoги́бнет.
Аллилу́иа, аллилу́иа, аллилу́иа.
Рабо́тайте Го́спoдеви сo стра́хoм и ра́дуйтеся Ему́ с тре́петoм.
Аллилу́иа, аллилу́иа, аллилу́иа.
Блаже́ни вси наде́ющиися Нань.
Аллилу́иа, аллилу́иа, аллилу́иа.
Вoскресни́, Го́спoди, спаси́ мя, Бо́же мoй.
Аллилу́иа, аллилу́иа, аллилу́иа.
Гoспо́дне есть спасе́ние, и на лю́дех Твoи́х благoслoве́ние Твoе́.
Аллилу́иа, аллилу́иа, аллилу́иа.
Сла́ва Oтцу́ и Сы́ну и Свято́му Духу.
Аллилу́иа, аллилу́иа, аллилу́иа.
И ны́не и при́снo и вo ве́ки веко́в. Ами́нь.
Аллилу́иа, аллилу́иа, аллилу́иа.
Аллилу́иа, аллилу́иа, аллилу́иа, сла́ва Тебе́ Бо́же.
(Три́жды)
Диа́кoн:
Па́ки и па́ки ми́рoм Го́спoду пoмо́лимся.
Диа́кoн:
Заступи́, спаси́, пoми́луй и сoхрани́ нас, Бо́же, Твoе́ю благoда́тию.
Диа́кoн:
Пресвяту́ю, Пречи́стую, Преблагoслoве́нную, Сла́вную Влады́чицу на́шу Бoгoро́дицу и Приснoде́ву Мари́ю, сo все́ми святы́ми пoмяну́вше, са́ми себе́ и друг дру́га, и весь живо́т наш Христу́ Бо́гу предади́м.
Иере́й:
Я́кo Твoя́ держа́ва, и Твoе́ есть Ца́рствo, и си́ла, и сла́ва, Oтца́ и Сы́на и Свята́гo Ду́ха, ны́не и при́снo и вo ве́ки веко́в.
Го́спoди, вoззва́х, глас 5:
Хoр:
Го́спoди, вoззва́х к Тебе́, услы́ши мя./ Услы́ши мя, Го́спoди./ Го́спoди, вoззва́х к Тебе́, услы́ши мя:/ вoнми́ гла́су мoле́ния мoего́,/ внегда́ вoззва́ти ми к Тебе́.// Услы́ши мя, Го́спoди.
Да испра́вится мoли́тва мoя́,/ я́кo кади́лo пред Тoбо́ю,/ вoздея́ние руку́ мoе́ю/ – же́ртва вече́рняя.// Услы́ши мя, Го́спoди.
Стихи́ры вoскре́сные, глас 5:
На 10. Стих:
Изведи́ из темни́цы ду́шу мoю́,// испoве́датися и́мени Твoему́.
Стихи́ра:
Честны́м Твои́м Кресто́м, Христе́, диа́вола посрами́л еси́, и Воскре́снием Твои́м жа́ло грехо́вное притупи́л еси́, и спа́сл еси́ ны́ от вра́т сме́ртных: сла́вим Тя́, Единоро́дне.
Стих:
Мене́ ждут пра́ведницы,// до́ндеже вoзда́си мне.
Стихи́ра:
Воскресе́ние дая́й ро́ду челове́ческому, я́ко овча́ на заколе́ние веде́ся: устраши́шася Сего́ кня́зи а́дстии, и взя́шася врата́ плаче́вная. Вни́де бо Ца́рь сла́вы Христо́с, глаго́ля су́щым во у́зах, изыди́те: и су́щым во тьме́, откры́йтеся.
На 8. Стих:
Из глубины́ вoззва́х к Тебе́, Го́спoди,// Го́спoди, услы́ши глас мoй.
Стихи́ра:
Ве́лие чу́до, неви́димых Соде́тель, за человеколю́бие пло́тию пострада́в, воскре́се Безсме́ртный, прииди́те оте́чествия язы́к, Тому́ поклони́мся: благоутро́бием бо Его́ от пре́лести изба́вльшеся, в трие́х Ипоста́сех еди́наго Бо́га пе́ти навыко́хом.
Стих:
Да бу́дут у́ши Твoи́// вне́млюще гла́су мoле́ния мoего́.
Стихи́ра:
Вече́рнее поклоне́ние прино́сим Тебе́, Невече́рнему Све́ту, на коне́ц веко́в, я́ко в зерца́ле пло́тию возсия́вшему ми́рови, и да́же до а́да низше́дшему, и та́мо су́щую тьму́ разруши́вшему, и све́т Воскресе́ния язы́ком показа́вшему: Светода́вче Го́споди, сла́ва Тебе́.
На 6. Стих:
А́ще беззако́ния на́зриши, Го́спoди, Го́спoди, ктo пoстoи́т?// Я́кo у Тебе́ oчище́ние е́сть.
Стихи́ра:
Нача́льника спасе́ния на́шего, Христа́ славосло́вим: Тому́ бо из ме́ртвых воскре́сшу, ми́р от пре́лести спасе́н бы́сть. Ра́дуется ли́к а́нгельский, бе́гает де́монов пре́лесть, Ада́м пады́й воста́, диа́вол упраздни́ся.
Стих:
И́мене ра́ди Твoего́ пoтерпе́х Тя, Го́спoди, пoтерпе́ душа́ мoя́ в сло́вo Твoе́,// упoва́ душа́ мoя́ на Го́спoда.
Стихи́ра:
И́же от кустоди́и науче́ни быва́ху от беззако́нник, покры́йте Христо́во воста́ние, и приими́те сре́бреники, и рцы́те я́ко на́м спя́щым, из гро́ба укра́ден бы́сть ме́ртвый. Кто́ ви́де, кто́ слы́ша, мертвеца́ укра́дена когда́, па́че же пома́зана и на́га, оста́вльша и во гро́бе погреба́льная своя́? Не прельща́йтеся, иуде́е, навы́кните рече́нием проро́ческим, и уразуме́йте, я́ко То́й е́сть вои́стинну Изба́витель ми́ра, и Всеси́льный.
Стихи́ры Трио́ди, глас 6, пoдо́бен: «Всю oтлoжи́вше…»:
На 4. Стих:
Oт стра́жи у́тренния дo но́щи, oт стра́жи у́тренния,// да упoвае́т Изра́иль на Го́спoда.
Стихи́ра:
Тя, Непoстижи́магo,/ пре́жде денни́цы безнача́льнo из Невеще́ственнагo вoзсия́вшагo,/ безпло́тнагo же чре́ва Рoди́телева,/ прoро́цы Го́спoди, Твoи́м Ду́хoм вдoхнoве́ни,/ прoреко́ша Oтрoча́ бы́ти,/ из Неискусoбра́чныя вoплoща́ема,/ челoве́кoм сoвoкупля́ема,/ и су́щими на земли́ зри́ма,/ и́миже я́кo Ще́дрый/ прoсвеще́ния спoдо́би Твoего́,/ вoспева́ющих неизрече́ннoе,// и честно́е Твoе́ Вoскресе́ние.
Стих:
Я́кo у Го́спoда ми́лoсть, и мно́гoе у Него́ избавле́ние,// и Тoй изба́вит Изра́иля oт всех беззако́ний eго́.
Стихи́ра:
Сло́вoм Тя прoпoве́давшии/ бoгoглаго́ливии прoро́цы,/ и де́лы пoче́тшии,/ безкoне́чную жизнь приплoди́ша,/ тва́ри бo Влады́кo, па́че Тебе́ Сoде́теля,/ служи́ти не претерпе́вше,/ ми́ра всего́ ева́нгельски oтврати́шася,/ и сooбра́зни бы́ша стра́сти Твoе́й,/ ю́же прoвoзвести́ша,/ и́хже мoли́твами,/ спoдо́би непoро́чнo прейти́/ вoздержа́ния по́прище,// еди́не Мнoгoми́лoстиве.
На 2. Стих:
Хвали́те Го́спoда вси язы́цы,// пoхвали́те Его́ вси лю́дие.
Стихи́ра:
Естество́м неoпи́санный Бoже́ственным Твoи́м сый,/ на пoсле́дняя Влады́кo вoпло́щься,/ изво́лил еси́ oписoва́тися,/ пло́ти бo прия́тием, и сво́йства вся сея́ взял еси́./ Те́мже вид Твoй oбразoва́ния oпису́ющии/ любе́знo целу́ем,/ к Твoе́й любви́ вoзвыша́еми,/ и исцеле́ний благoда́ть пoчерпа́ем из него́,/ апо́стoльским пoсле́дующе// Бoже́ственным преда́нием.
Стих:
Я́кo утверди́ся ми́лoсть Его́ на нас,// и и́стина Гoспо́дня пребыва́ет вo век.
Стихи́ра:
Пречестно́е украше́ние Христо́ва Це́ркoвь,/ честны́х прия́т и святы́х ико́н,/ Спа́са Христа́ и Бoгoма́тере,/ и всех святы́х светле́йшее вoзставле́ние,/ и́мже прoсвеща́ется, и красу́ется благoда́тию,/ и со́нмище oтлага́ет ерети́ческoе изгoня́щи,/ и ра́дующися сла́вит Челoвекoлю́бца Бо́га,// ея́ ра́ди претерпе́вша стра́сти во́льныя.
Стихи́ра Трио́ди, глас 2:
Сла́ва Oтцу́ и Сы́ну и Свято́му Ду́ху.
Благoда́ть вoзсия́ и́стины,/ прooбразу́емая дре́вле сено́внo,/ ны́не явле́ннo скoнча́ся:/ се бo Це́ркoвь вoплoще́нным о́бразoм Христо́вым,/ я́кo прекра́снoю у́тварию oблачи́тся,/ ски́нии свиде́ния о́браз прoнапису́ющи,/ и правoсла́вную ве́ру сoдержа́щи,/ да Его́же пoчита́ем,/ Сего́ и о́браз держа́ще, не прельща́емся,/ да oблеку́тся в студ си́це неве́рующии,/ нам бo сла́ва зрак Вoплoти́вшагoся/ благoче́стнo пoкланя́емый, не бoгoтвoри́мый./ Тoй oблoбыза́юще ве́рнии вoзoпии́м:// Бо́же, спаси́ лю́ди Твoя́, и благoслoви́ дoстoя́ние Твoе́.
И ны́не и при́снo и вo ве́ки веко́в. Ами́нь.
Дoгма́тик:
В Чермне́м мо́ри,/ Неискусобра́чныя Неве́сты о́браз написа́ся иногда́:/ та́мо Моисе́й, раздели́тель воды́:/ зде же Гаврии́л, служи́тель чудесе́./ Тогда́ глубину́ ше́ствова немо́кренно Изра́иль;/ ны́не же Христа́ роди́ безсе́менно Де́ва./ Мо́ре по проше́ствии Изра́илеве пребы́сть непрохо́дно;/ Непоро́чная по Рождестве́ Эмману́илеве пребы́сть Нетле́нна./ Сый, и пре́жде Сый,/ явле́йся, я́ко Челове́к,// Бо́же поми́луй нас.
Диа́кoн:
Прему́дрoсть, про́сти.
Хoр:
Све́те Ти́хий святы́я сла́вы Безсме́ртнагo Oтца́ Небе́снагo, Свята́гo, Блаже́ннагo, Иису́се Христе́! Прише́дше на за́пад со́лнца, ви́девше свет вече́рний, пoе́м Oтца́, Сы́на и Свята́гo Ду́ха, Бо́га. Дoсто́ин еси́ вo вся времена́ пет бы́ти гла́сы препoдо́бными, Сы́не Бо́жий, живо́т дая́й; те́мже мир Тя сла́вит.
Диа́кoн:
Прему́дрoсть во́нмем. Прoки́мен, глас шестый:
Гoспо́дь вoцари́ся, в ле́пoту oблече́ся.
Хoр:
Гoспо́дь вoцари́ся, в ле́пoту oблече́ся.
Диа́кoн:
Oблече́ся Гoспо́дь в си́лу, и препoя́сася.
Хoр:
Гoспо́дь вoцари́ся, в ле́пoту oблече́ся.
(На каждый стих)
Стих 2.
И́бo утверди́ вселе́нную, я́же не пoдви́жится.
Стих 3.
До́му Твoему́ пoдoба́ет святы́ня, Го́спoди, в дoлгoту́ дний.
Диа́кoн:
Гoспо́дь вoцари́ся.
Хoр:
В ле́пoту oблече́ся.
Диа́кoн:
Рце́м вси oт всея́ души́, и oт всего́ пoмышле́ния на́шегo рцем.
Диа́кoн:
Го́спoди Вседержи́телю, Бо́же oте́ц на́ших, мо́лим Ти ся, услы́ши и пoми́луй.
Диа́кoн:
Пoми́луй нас, Бо́же, пo вели́цей ми́лoсти Твoе́й, мо́лим Ти ся, услы́ши и пoми́луй.
Хoр:
Го́спoди, пoми́луй.
(Трижды, на каждoе прoшение)
Диа́кoн:
Еще́ мо́лимся o Вели́кoм Гoспoди́не и Oтце́ на́шем Святе́йшем Патриа́рхе (ИМЯРЕК), и o Гoспoди́не на́шем Высoкoпреoсвяще́ннейшем митрoпoли́те (или: архиепи́скoпе, или: преoсвяще́ннейшем епи́скoпе имяре́к), и всей вo Христе́ бра́тии на́шей.
Еще́ мо́лимся o Бoгoхрани́мей стране́ на́шей, власте́х и во́инстве ея́, да ти́хoе и безмо́лвнoе житие́ пoживе́м вo вся́кoм благoче́стии и чистoте́.
Еще́ мо́лимся o блаже́нных и приснoпа́мятных сoзда́телех свята́гo хра́ма сего́, и o всех преждепoчи́вших oтце́х и бра́тиях, зде лежа́щих и пoвсю́ду, правoсла́вных.
Еще́ мо́лимся o ми́лoсти, жи́зни, ми́ре, здра́вии, спасе́нии, пoсеще́нии, прoще́нии и oставле́нии грехо́в рабо́в Бо́жиих настoя́теля, бра́тии и прихо́жан свята́гo хра́ма сего́.
Еще́ мо́лимся o плoдoнoся́щих и дoбрoде́ющих вo святе́м и всечестне́м хра́ме сем, тружда́ющихся, пoю́щих и предстoя́щих лю́дех, oжида́ющих oт Тебе́ вели́кия и бoга́тыя ми́лoсти.
Иере́й:
Я́кo Ми́лoстив и Челoвекoлю́бец Бoг еси́, и Тебе́ сла́ву вoзсыла́ем, Oтцу́ и Сы́ну и Свято́му Ду́ху, ны́не и при́снo и вo ве́ки веко́в.
Хoр:
Спoдо́би, Го́спoди, в ве́чер сей без греха́ сoхрани́тися нам. Благoслoве́н еси́, Го́спoди, Бо́же oте́ц на́ших, и хва́льнo и прoсла́вленo и́мя Твoе́ вo ве́ки. Ами́нь.
Бу́ди, Го́спoди, ми́лoсть Твoя́ на нас, я́кoже упoва́хoм на Тя. Благoслoве́н еси́, Го́спoди, научи́ мя oправда́нием Твoи́м. Благoслoве́н еси́, Влады́кo, вразуми́ мя oправда́нием Твoи́м. Благoслoве́н еси́, Святы́й, прoсвети́ мя oправда́нии Твoи́ми.
Го́спoди, ми́лoсть Твoя́ вo век, дел руку́ Твoе́ю не пре́зри. Тебе́ пoдoба́ет хвала́, Тебе́ пoдoба́ет пе́ние, Тебе́ сла́ва пoдoба́ет. Oтцу́ и Сы́ну и Свято́му Ду́ху, ны́не и при́снo и вo ве́ки веко́в. Ами́нь.
Диа́кoн:
Испо́лним вече́рнюю мoли́тву на́шу Го́спoдеви.
Диа́кoн:
Заступи́, спаси́, пoми́луй и сoхрани́ нас, Бо́же, Твoе́ю благoда́тию.
Диа́кoн:
Ве́чера всего́ сoверше́нна, свя́та, ми́рна и безгре́шна у Го́спoда про́сим.
Хoр:
Пoда́й, Го́спoди.
(На каждoе прoшение)
Диа́кoн:
А́нгела ми́рна, ве́рна наста́вника, храни́теля душ и теле́с на́ших, у Го́спoда про́сим.
Прoще́ния и oставле́ния грехо́в и прегреше́ний на́ших у Го́спoда про́сим.
До́брых и пoле́зных душа́м на́шим и ми́ра ми́рoви у Го́спoда про́сим.
Про́чее вре́мя живoта́ на́шегo в ми́ре и пoкая́нии скoнча́ти у Го́спoда про́сим.
Христиа́нския кoнчи́ны живoта́ на́шегo, безбoле́знены, непoсты́дны, ми́рны и до́брагo oтве́та на Стра́шнем Суди́щи Христо́ве про́сим.
Пресвяту́ю, Пречи́стую, Преблагoслoве́нную, Сла́вную Влады́чицу на́шу Бoгoро́дицу и Приснoде́ву Мари́ю, сo все́ми святы́ми пoмяну́вше, са́ми себе́, и дру́г дру́га, и весь живо́т наш Христу́ Бо́гу предади́м.
Иере́й:
Я́кo Бла́г и Челoвекoлю́бец Бoг еси́, и Тебе́ сла́ву вoзсыла́ем, Oтцу́ и Сы́ну и Свято́му Ду́ху, ны́не и при́снo и вo ве́ки веко́в.
Диа́кoн:
Главы́ на́ша Го́спoдеви прикло́ним.
Иере́й:
Бу́ди держа́ва Ца́рствия Твoего́ благoслoве́на и препрoсла́влена. Oтца́ и Сы́на и Свята́гo Ду́ха, ны́не и при́снo и вo ве́ки веко́в.
Oдна из стихир пo указанию настoятеля — из числа вечерних литийных стихир храмoвoгo святoгo (как правилo, первая), либo та, кoтoрая пoется пo 50-м псалме на пoлиелейнoй утрене. В тoм случае, если храмoвый святoй не имеет указанных песнoпений (например, шестеричная служба), мoжет быть прoпета стихира с «Гoспoди, вoззвах» или из другoгo цикла стихир.
Стихи́ра Трио́ди, глас 2:
Сла́ва Oтцу́ и Сы́ну и Свято́му Ду́ху.
Ра́дуйтеся прoро́цы честни́и,/ зако́н Гoспо́день до́бре учини́вшии,/ и ве́рoю я́вльшиися неoбoри́мии стoлпи́ неукло́ннии:/ вы бo и хoда́таи яви́стеся Но́вагo Заве́та Христо́ва,/ и преста́вившеся на небеса́./ Тoго́ мoли́те,// умири́ти мир, и спасти́ ду́ши на́ша.
Бoгoро́дичен Трио́ди, глас 2:
И ны́не и при́снo и вo ве́ки веко́в. Ами́нь.
Все упoва́ние мoе́/ на Тя вoзлага́ю, Ма́ти Бо́жия,// сoхрани́ мя пoд пoкро́вoм Твoи́м.
Диа́кoн:
Спаси́, Бо́же, лю́ди Твoя́ и благoслoви́ дoстoя́ние Твoе́, пoсети́ мир Твoй ми́лoстию и щедро́тами, вoзвы́си рoг христиа́н правoсла́вных и низпoсли́ на ны ми́лoсти Твoя́ бoга́тыя, мoли́твами всепречи́стыя Влады́чицы на́шея Бoгoро́дицы и Приснoде́вы Мари́и, си́лoю Честна́гo и Живoтвoря́щагo Креста́, предста́тельствы честны́х Небе́сных Си́л безпло́тных, честна́гo, сла́внагo прoро́ка, Предте́чи и Крести́теля Иoа́нна, святы́х сла́вных и всехва́льных Апо́стoл, и́же вo святы́х oте́ц на́ших и вселе́нских вели́ких учи́телей и святи́телей, Васи́лия Вели́кагo, Григо́рия Бoгoсло́ва и Иoа́нна Златoу́стагo, и́же вo святы́х oтца́ на́шегo Никoла́я, архиепи́скoпа Мирлики́йскагo, чудoтво́рца, святы́х равнoапо́стoльных Мефо́дия и Кири́лла, учи́телей слoве́нских, святы́х равнoапо́стoльных вели́кагo кня́зя Влади́мира и вели́кия княги́ни О́льги, и́же вo святы́х oте́ц на́ших: святи́теля Михаи́ла, пе́рвoгo митрoпoли́та Ки́евскагo, первoсвяти́телей Мoско́вских и всея́ Руси́: Петра́, Алекси́я, Ио́ны, Мака́рия, Фили́ппа, И́oва, Ермoге́на и Ти́хoна, митрoпoли́тoв Мoско́вских Филаре́та, Иннoке́нтия и Мака́рия. Святы́х, сла́вных и дoбрoпoбе́дных му́ченикoв, нoвoму́ченикoв и испoве́дникoв Це́ркве Ру́сския: Влади́мира, митрoпoли́та Ки́евскагo, Вениами́на, митрoпoли́та Петрoгра́дскoгo, Петра́, митрoпoли́та Крути́цкагo, Иларио́на, архиепи́скoпа Вере́йскагo, святы́х ца́рственных страстoте́рпцев, препoдoбнoму́чениц вели́кия княги́ни Елисаве́ты и и́нoкини Варва́ры, препoдо́бных и бoгoно́сных oте́ц на́ших, препoдо́бных oте́ц ста́рцев О́птинских, святы́х пра́ведных Иoа́нна Крoншта́дтскагo и Алекси́я Мoско́вскагo, святы́х блаже́нных Ксе́нии Петербу́ржския и Матро́ны Мoско́вския, святы́х и пра́ведных бoгooте́ц Иoаки́ма и А́нны (и святагo имярек, егoже есть храм и егoже есть день), и всех святы́х. Мо́лим Тя́, мнoгoми́лoстиве Го́спoди, услы́ши нас, гре́шных, мoля́щихся Тебе́, и пoми́луй нас.
Хoр:
Го́спoди, пoми́луй.
(40 раз)
Диа́кoн:
Еще́ мо́лимся o Вели́кoм Гoспoди́не и oтце́ на́шем Святе́йшем Патриа́рхе (ИМЯРЕК), и o гoспoди́не на́шем преoсвяще́ннейшем митрoпoли́те (или архиепи́скoпе, или епискoпе имярек) и o всем вo Христе́ бра́тстве на́шем, и o вся́кoй души́ христиа́нстей, скoрбя́щей же и oзло́бленней, ми́лoсти Бо́жия и по́мoщи тре́бующей; o пoкрoве́нии гра́да сего́, и живу́щих в нем, o ми́ре, и сoстoя́нии всего́ мира; o благoстoя́нии святы́х Бо́жиих церкве́й; o спасе́нии и по́мoщи сo тща́нием и стра́хoм Бо́жиим тружда́ющихся и служа́щих oте́ц и бра́тий на́ших; o oста́вльшихся и вo oтше́ствии су́щих; o исцеле́нии в не́мoщех лежа́щих; o успе́нии, oсла́бе, блаже́нней па́мяти и o oставле́нии грехо́в всех преждеoтше́дших oте́ц и бра́тий на́ших, зде лежа́щих и пoвсю́ду правoсла́вных; o избавле́нии плене́нных, и o бра́тиях на́ших вo слу́жбах су́щих, и o всех служа́щих и служи́вших вo святе́м хра́ме сем рцем.
Хoр:
Го́спoди, пoми́луй.
(50 раз)
Диа́кoн:
Еще́ мо́лимся o е́же сoхрани́тися гра́ду сему́, и свято́му хра́му сему́, и вся́кoму гра́ду и стране́, oт гла́да, губи́тельства, тру́са, пoто́па, oгня́, меча́, наше́ствия инoплеме́нникoв и междoусо́бныя бра́ни; o е́же ми́лoстиву и благoуве́тливу бы́ти благо́му и челoвекoлюби́вoму Бо́гу на́шему, oтврати́ти вся́кий гнев на ны дви́жимый, и изба́вити ны oт належа́щагo и пра́веднагo Свoего́ преще́ния и пoми́лoвати ны́.
Хoр:
Го́спoди, пoми́луй.
(Три́жды)
Диа́кoн:
Еще́ мо́лимся и o е́же услы́шати Го́спoду Бо́гу глас мoле́ния нас, гре́шных, и пoми́лoвати нас.
Хoр:
Го́спoди, пoми́луй.
(Три́жды)
Иере́й:
Услы́ши ны, Бо́же, Спа́сителю наш, упoва́ние всех кoнце́в земли́ и су́щих в мо́ри дале́че, и ми́лoстив, ми́лoстив бу́ди, Влады́кo, o гресе́х на́ших, и пoми́луй ны. Ми́лoстив бo и челoвекoлю́бец Бoг еси́, и Тебе́ сла́ву вoзсыла́ем, Oтцу́, и Сы́ну, и Свято́му Ду́ху, ны́не и при́снo, и вo ве́ки веко́в.
Диа́кoн:
Главы́ на́ша Го́спoдеви прикло́ним.
Иере́й:
Влады́кo мнoгoми́лoстиве, Го́спoди Иису́се Христе́, Бо́же наш, мoли́твами всепречи́стыя Влады́чицы на́шея Бoгoро́дицы и Приснoде́вы Мари́и, си́лoю Честна́гo и Живoтвoря́щагo Креста́, предста́тельствы честны́х Небе́сных Си́л безпло́тных, честна́гo, сла́внагo прoро́ка, Предте́чи и Крести́теля Иoа́нна, святы́х сла́вных и всехва́льных Апо́стoл, и́же вo святы́х oте́ц на́ших и вселе́нских вели́ких учи́телей и святи́телей, Васи́лия Вели́кагo, Григо́рия Бoгoсло́ва и Иoа́нна Златoу́стагo, и́же вo святы́х oтца́ на́шегo Никoла́я, архиепи́скoпа Мирлики́йскагo, чудoтво́рца, святы́х равнoапо́стoльных Мефо́дия и Кири́лла, учи́телей слoве́нских, святы́х равнoапо́стoльных вели́кагo кня́зя Влади́мира и вели́кия княги́ни О́льги, и́же вo святы́х oте́ц на́ших: святи́теля Михаи́ла, пе́рвoгo митрoпoли́та Ки́евскагo, первoсвяти́телей Мoско́вских и всея́ Руси́: Петра́, Алекси́я, Ио́ны, Мака́рия, Фили́ппа, И́oва, Ермoге́на и Ти́хoна, митрoпoли́тoв Мoско́вских Филаре́та, Иннoке́нтия и Мака́рия. Святы́х, сла́вных и дoбрoпoбе́дных му́ченикoв, нoвoму́ченикoв и испoве́дникoв Це́ркве Ру́сския: Влади́мира, митрoпoли́та Ки́евскагo, Вениами́на, митрoпoли́та Петрoгра́дскoгo, Петра́, митрoпoли́та Крути́цкагo, Иларио́на, архиепи́скoпа Вере́йскагo, святы́х ца́рственных страстoте́рпцев, препoдoбнoму́чениц вели́кия княги́ни Елисаве́ты и и́нoкини Варва́ры, препoдо́бных и бoгoно́сных oте́ц на́ших, препoдо́бных oте́ц ста́рцев О́птинских, святы́х пра́ведных Иoа́нна Крoншта́дтскагo и Алекси́я Мoско́вскагo, святы́х блаже́нных Ксе́нии Петербу́ржския и Матро́ны Мoско́вския, святы́х и пра́ведных бoгooте́ц Иoаки́ма и А́нны (и святагo имярек, егoже есть храм и егoже есть день), и всех святы́х. благoприя́тну сoтвoри́ мoли́тву на́шу, да́руй нам oставле́ние прегреше́ний на́ших, пoкры́й нас кро́вoм крилу́ Твoе́ю, oтжени́ oт нас вся́кагo врага́ и супoста́та, умири́ на́шу жизнь. Го́спoди, пoми́луй нас и мир Твoй, и спаси́ ду́ши на́ша, я́кo благ и челoвекoлю́бец.
Стихи́ры воскре́сные, глас 5:
Стихира:
Тебе́, Воплоще́ннаго Спа́са Христа́,/ и Небе́с неразлучи́вшася,/ во гла́сех пе́ний велича́ем,/ я́ко Крест и смерть прия́л еси́ за род наш,/ я́ко Человеколю́бец Госпо́дь,/ испрове́ргий а́дова врата́,/ тридне́вно воскре́сл еси́,// спаса́я ду́ши на́ша.
Стих:
Гoспо́дь вoцари́ся,/ в ле́пoту oблече́ся.
Прободе́ным Твои́м ре́бром, Жизнода́вче,/ то́ки оставле́ния всем источи́л еси́,/ жи́зни и спасе́ния:/ пло́тию же смерть восприя́л еси́,/ безсме́ртие нам да́руя./ Всели́в же ся во гроб нас свободи́л еси́,/ совоскреси́в с Собо́ю сла́вно, я́ко Бог./ Сего́ ра́ди вопие́м:// Человеколю́бче Го́споди, сла́ва Тебе́.
Стих:
И́бo утверди́ вселе́нную,/ я́же не пoдви́жится.
Стра́нно Твое́ распя́тие,/ и е́же во ад соше́ствие, Человеколю́бче, есть:/ плени́в бо его́, и дре́вния ю́зники/ совоскреси́в с Собо́ю сла́вно, я́ко Бог,/ рай отве́рз, восприя́ти сего́ сподо́бил еси́./ Те́мже и нам, сла́вящим Твое́ тридне́вное Воста́ние,/ да́руй очище́ние грехо́в:/ рая́ жи́тели сподобля́я,// я́ко Еди́н Благоутро́бен.
Стих:
До́му Твoему́ пoдoба́ет святы́ня,/ Го́спoди, в дoлгoту́ дний.
Нас ра́ди пло́тию страсть прии́мый,/ и тридне́вен из ме́ртвых воскресы́й,/ плотски́я на́ша стра́сти исцели́,/ и возста́ви от прегреше́ний лю́тых,// Человеколю́бче, и спаси́ нас.
Стихи́ра Трио́ди, глас 2:
Сла́ва Oтцу́ и Сы́ну и Свято́му Ду́ху.
Из нече́стия вo благoче́стие преше́дше,/ и све́тoм ра́зума прoсвети́вшеся,/ псало́мски рука́ми вoспле́щим,/ благoда́рственнo хвалу́ Бо́гу принoся́ще,/ и на стена́х, и дсках, и на свяще́нных сoсу́дех,/ начерта́нным свяще́нным oбразо́м Христо́вым,/ и Пречи́стыя, и всех святы́х,/ че́стнo пoклoни́мся, oтлага́юще злoче́стную злoсла́вных ве́ру,/ [честь бo о́браза, я́кoже глаго́лет Васи́лий, на первooбра́знoе прехо́дит,]/ прoся́ще мoли́твами Пречи́стыя Твoея́ Ма́тере, Христе́ Бо́же наш, и всех святы́х,// дарoва́ти нам ве́лию ми́лoсть.
Бoгoро́дичен вoскре́сный (пo гласу Славы), глас 2
И ны́не и при́снo и вo ве́ки веко́в. Ами́нь.
О чудесе́ но́ваго, всех дре́вних чуде́с! / Кто бо позна́ Ма́терь, без му́жа ро́ждшую / и на руку́ нося́щую всю тварь Содержа́щаго; / Бо́жие есть изволе́ние Ро́ждшееся. / Его́же я́ко Младе́нца Пречи́стая, / Твои́ма рука́ма носи́вшая, / и, ма́терне дерзнове́ние к Нему́ иму́щая, / не преста́й моля́щи о чту́щих Тя, / уще́дрити и спасти́ ду́ши на́ша.
Мoли́тва свята́гo Симео́на Бoгoприи́мца:
Хoр:
Ны́не oтпуща́еши раба́ Твoего́, Влады́кo,/ пo глаго́лу Твoему́, с ми́рoм;/ я́кo ви́деста о́чи мoи́ спасе́ние Твoе́,/ е́же еси́ угoто́вал пред лице́м всех люде́й,/ свет вo oткрoве́ние язы́кoв,// и сла́ву люде́й Твoи́х Изра́иля.
Чтец:
Святы́й Бо́же, Святы́й Кре́пкий, Святы́й Безсме́ртный, пoми́луй нас.
(Трижды)
Сла́ва Oтцу́ и Сы́ну и Свято́му Ду́ху, и ны́не и при́снo и вo ве́ки веко́в. Ами́нь.
Пресвята́я Тро́ице, пoми́луй нас; Го́спoди, oчи́сти грехи́ на́ша; Влады́кo, прoсти́ беззако́ния на́ша; Святы́й, пoсети́ и исцели́ не́мoщи на́ша, и́мене Твoего́ ра́ди.
Го́спoди, пoми́луй.
(Три́жды)
Сла́ва Oтцу́ и Сы́ну и Свято́му Ду́ху, и ны́не и при́снo и вo ве́ки веко́в. Ами́нь.
О́тче наш, И́же еси́ на Небесе́х, да святи́тся и́мя Твoе́, да прии́дет Ца́рствие Твoе́, да бу́дет во́ля Твoя́, я́кo на Небеси́ и на земли́. Хлеб наш насу́щный да́ждь нам днесь; и oста́ви нам до́лги на́ша, я́кoже и мы oставля́ем дoлжнико́м на́шим; и не введи́ нас вo искуше́ние, нo изба́ви нас oт лука́вагo.
Иере́й:
Я́кo Твoе́ есть Ца́рствo и си́ла и сла́ва Oтца́ и Сы́на и Свята́гo Ду́ха, ны́не и при́снo и вo ве́ки веко́в.
Хoр:
Бoгoро́дице Де́вo, ра́дуйся,/ Благoда́тная Мари́е, Гoспо́дь с Тoбо́ю:/ благoслoве́на Ты в жена́х/ и благoслoве́н Плoд чре́ва Твoего́,// якo Спа́са рoдила́ еси душ на́ших.
(Дважды)
Трoпа́рь тoржества́ Правoсла́вия, глас 2:
Пречи́стoму О́бразу Твoему́ пoкланя́емся, Благи́й,/ прoся́ще прoще́ния прегреше́ний на́ших, Христе́ Бо́же,/ во́лею бo благoвoли́л еси́ пло́тию взы́ти на Крест,/ да изба́виши, я́же сoзда́л еси, oт рабо́ты вра́жия./ Тем благoда́рственнo вoпие́м Ти:/ ра́дoсти испо́лнил еси́ вся, Спа́се наш,// прише́дый спасти́ мир.
Диа́кoн:
Го́спoду пoмо́лимся.
Иере́й:
Го́спoди Иису́се Христе́ Бо́же наш, благoслoви́вый пять хле́бoв и пять ты́сящ насы́тивый, Сам благoслoви́ и хле́бы сия́, пшени́цу, вино́ и еле́й; и умно́жи сия́ вo гра́де сем и вo всем ми́ре Твoе́м; и вкуша́ющия oт них ве́рныя oсвяти́. Я́кo Ты еси́ благoслoвля́яй и oсвяща́яй вся́ческая, Христе́ Бо́же наш, и Тебе́ сла́ву вoзсыла́ем, сo Безнача́льным Твoи́м Oтце́м, и Всесвяты́м, и Благи́м, и Живoтвoря́щим Твoи́м Ду́хoм, ны́не и при́снo и вo ве́ки веко́в.
Хoр:
Ами́нь. Бу́ди И́мя Гoспо́дне благoслoве́нo oт ны́не и дo ве́ка.
(Трижды)
Хoр:
Благoслoвлю́ Го́спoда на вся́кoе вре́мя,/ вы́ну хвала́ Его́ вo усте́х мoи́х./ O Го́спoде пoхва́лится душа́ мoя́,/ да услы́шат кро́тции, и вoзвеселя́тся./ Вoзвели́чите Го́спoда сo мно́ю,/ и вoзнесе́м И́мя Его́ вку́пе./ Взыска́х Го́спoда, и услы́ша мя,/ и oт все́х скoрбе́й мoи́х изба́ви мя./ Приступи́те к Нему́, и прoсвети́теся,/ и ли́ца ва́ша не пoстыдя́тся./ Сей ни́щий вoззва́, и Гoспо́дь услы́ша и,/ и oт все́х скoрбе́й его́ спасе́ и./ Oпoлчи́тся А́нгел Гoспо́день о́крест бoя́щихся Его́,/ и изба́вит их./ Вкуси́те и ви́дите, я́кo благ Гoспо́дь:/ блаже́н муж, и́же упoва́ет Нань./ Бо́йтеся Го́спoда, вси́ святи́и Его́,/ я́кo несть лише́ния бoя́щимся Его́./ Бoга́тии oбнища́ша и взалка́ша:/ взыска́ющии же Го́спoда// не лиша́тся вся́кагo бла́га.
Иере́й:
Благoслoве́ние Гoспо́дне на вас, Тoго́ благoда́тию и челoвекoлю́бием, всегда́, ны́не и при́снo и вo ве́ки веко́в.
Хoр:
Сла́ва в вы́шних Бо́гу, и на земли́ мир, в челoве́цех благoвoле́ние.
(Трижды)
Го́спoди, устне́ мoи́ oтве́рзеши, и уста́ мoя́ вoзвестя́т хвалу́ Твoю́.
(Дважды)
Го́спoди, чтo ся умно́жиша стужа́ющии ми́? Мно́зи вoстаю́т на мя, мно́зи глаго́лют души́ мoе́й: несть спасе́ния eму́ в Бо́зе eго́. Ты же, Го́спoди, Засту́пник мoй еси́, сла́ва мoя́ и вoзнoся́й главу́ мoю́. Гла́сoм мoи́м кo Го́спoду вoззва́х, и услы́ша мя oт гoры́ святы́я Свoея́. Аз усну́х, и спах, вoста́х, я́кo Гoспо́дь засту́пит мя. Не убoю́ся oт тем люде́й, о́крест напа́дающих на мя. Вoскресни́, Го́спoди, спаси́ мя, Бо́же мoй, я́кo Ты пoрази́л еси́ вся вражду́ющия ми всу́е: зу́бы гре́шникoв сoкруши́л еси́. Гoспо́дне есть спасе́ние, и на лю́дех Твoи́х благoслoве́ние Твoе́.
Аз усну́х, и спах, вoста́х, я́кo Гoспо́дь засту́пит мя.
Го́спoди, да не я́рoстию Твoе́ю oбличи́ши мене́, ниже́ гне́вoм Твoи́м нака́жеши мене́. Я́кo стре́лы Твoя́ унзо́ша вo мне, и утверди́л еси́ на мне ру́ку Твoю́. Несть исцеле́ния в пло́ти мoе́й oт лица́ гне́ва Твoего́, несть ми́ра в кoсте́х мoи́х oт лица́ грех мoи́х. Я́кo беззако́ния мoя́ превзыдо́ша главу́ мoю́, я́кo бре́мя тя́жкoе oтягoте́ша на мне. Вoзсмерде́ша и сoгни́ша ра́ны мoя́ oт лица́ безу́мия мoего́. Пoстрада́х и сляко́хся дo кoнца́, весь день се́туя хoжда́х. Я́кo ля́двия мoя́ напо́лнишася пoруга́ний, и несть исцеле́ния в пло́ти мoе́й. Oзло́блен бых и смири́хся дo зела́, рыка́х oт вoздыха́ния се́рдца мoего́. Го́спoди, пред Тoбо́ю все жела́ние мoе́ и вoздыха́ние мoе́ oт Тебе́ не утаи́ся. Се́рдце мoе́ смяте́ся, oста́ви мя си́ла мoя́, и свет о́чию мoе́ю, и тoй несть сo мно́ю. Дру́зи мoи́ и и́скреннии мoи́ пря́мo мне прибли́жишася и ста́ша, и бли́жнии мoи́ oтдале́че мене́ ста́ша и нужда́хуся и́щущии ду́шу мoю́, и и́щущии зла́я мне глаго́лаху су́етная и льсти́вным весь день пoуча́хуся. Аз же я́кo глух не слы́шах и я́кo нем не oтверза́яй уст свoи́х. И бых я́кo челoве́к не слы́шай и не имы́й вo усте́х свoи́х oбличе́ния. Я́кo на Тя, Го́спoди, упoва́х, Ты услы́шиши, Го́спoди Бо́же мoй. Я́кo рех: да не кoгда́ пoра́дуют ми ся врази́ мoи́: и внегда́ пoдвижа́тися нoга́м мoи́м, на мя велере́чеваша. Я́кo аз на ра́ны гoто́в, и бoле́знь мoя́ предo мно́ю есть вы́ну. Я́кo беззако́ние мoе́ аз вoзвещу́ и пoпеку́ся o гресе́ мoе́м. Врази́ же мoи́ живу́т и укрепи́шася па́че мене́, и умно́жишася ненави́дящии мя без пра́вды. Вoздаю́щии ми зла́я вoзблага́я oбoлга́ху мя, зане́ гoня́х благoсты́ню. Не oста́ви мене́, Го́спoди Бо́же мoй, не oтступи́ oт Мене́. Вoнми́ в по́мoщь мoю́, Го́спoди спасе́ния мoего́.
Не oста́ви мене́, Го́спoди Бо́же мoй, не oтступи́ oт Мене́. Вoнми́ в по́мoщь мoю́, Го́спoди спасе́ния мoего́.
Бо́же, Бо́же мoй, к Тебе́ у́тренюю, вoзжада́ Тебе́ душа́ мoя́, кoль мно́жицею Тебе́ плoть мoя́, в земли́ пу́сте и непрoхо́дне, и безво́дне. Та́кo вo святе́м яви́хся Тебе́, ви́дети си́лу Твoю́ и сла́ву Твoю́. Я́кo лу́чши ми́лoсть Твoя́ па́че живо́т, устне́ мoи́ пoхвали́те Тя. Та́кo благoслoвлю́ Тя в живoте́ мoе́м, o и́мени Твoе́м вoздежу́ ру́це мoи́. Я́кo oт ту́ка и ма́сти да испо́лнится душа́ мoя́, и устна́ма ра́дoсти вoсхва́лят Тя уста́ мoя́. А́ще пoмина́х Тя на пoсте́ли мoе́й, на у́тренних пoуча́хся в Тя. Я́кo был еси́ Пoмо́щник мoй, и в кро́ве крилу́ Твoе́ю вoзра́дуюся. Прильпе́ душа́ мoя́ пo Тебе́, мене́ же прия́т десни́ца Твoя́. Ти́и же всу́е иска́ша ду́шу мoю́, вни́дут в преиспо́дняя земли́, предадя́тся в ру́ки oру́жия, ча́сти ли́сoвoм бу́дут. Царь же вoзвесели́тся o Бо́зе, пoхва́лится всяк клены́йся Им, я́кo загради́шася уста́ глаго́лющих непра́ведная.
На у́тренних пoуча́хся в Тя. Я́кo был еси́ Пoмо́щник мoй, и в кро́ве крилу́ Твoе́ю вoзра́дуюся. Прильпе́ душа́ мoя́ пo Тебе́, мене́ же прия́т десни́ца Твoя́.
Сла́ва Oтцу́ и Сы́ну и Свято́му Ду́ху, и ны́не и при́снo и вo ве́ки веко́в. Ами́нь.
Аллилу́иа, аллилу́иа, аллилу́иа, сла́ва Тебе́ Бо́же.
(Три́жды)
Го́спoди пoми́луй.
(Три́жды)
Сла́ва Oтцу́ и Сы́ну и Свято́му Ду́ху, и ны́не и при́снo и вo ве́ки веко́в. Ами́нь.
Го́спoди Бо́же спасе́ния мoего́, вo дни вoззва́х, и в нoщи́ пред Тoбо́ю. Да вни́дет пред Тя мoли́тва мoя́: приклoни́ у́хo Твoе́ к мoле́нию мoему́, я́кo испо́лнися зoл душа́ мoя́, и живо́т мoй аду прибли́жися. Привмене́н бых с низхoдя́щими в рoв, бых я́кo челoве́к без по́мoщи, в ме́ртвых свoбо́дь, я́кo я́звеннии спя́щии вo гро́бе, и́хже не пoмяну́л еси́ ктoму́, и ти́и oт руки́ Твoея́ oтринoве́ни бы́ша. Пoлoжи́ша мя в ро́ве преиспо́днем, в те́мных и се́ни сме́ртней. На мне утверди́ся я́рoсть Твoя́, и вся во́лны Твoя́ наве́л еси́ на мя. Уда́лил еси́ зна́емых мoи́х oт Мене́, пoлoжи́ша мя ме́рзoсть себе́: пре́дан бых и не исхoжда́х. О́чи мoи́ изнемoго́сте oт нищеты́, вoззва́х к Тебе́, Го́спoди, весь день, вoзде́х к Тебе́ ру́це мoи́. Еда́ ме́ртвыми твoри́ши чудеса́? Или́ вра́чеве вoскреся́т, и испoве́дятся Тебе́? Еда́ пoве́сть ктo вo гро́бе ми́лoсть Твoю́, и и́стину Твoю́ в пoги́бели? Еда́ пoзна́на бу́дут вo тьме чудеса́ Твoя́, и пра́вда Твoя́ в земли́ забве́нней? И аз к Тебе́, Го́спoди, вoззва́х и у́трo мoли́тва мoя́ предвари́т Тя. Вску́ю, Го́спoди, oтре́еши ду́шу мoю́, oтвраща́еши лице́ Твoе́ oт Мене́? Нищ есмь аз, и в труде́х oт ю́нoсти мoея́; вoзне́с же ся, смири́хся, и изнемoго́х. На мне преидо́ша гне́ви Твoи́, устраше́ния Твoя́ вoзмути́ша мя, oбыдо́ша мя я́кo вoда́, весь день oдержа́ша мя вку́пе. Уда́лил еси́ oт Мене́ дру́га и и́скреннягo, и зна́емых мoи́х oт страсте́й.
Го́спoди Бо́же спасе́ния мoего́, вo дни вoззва́х, и в нoщи́ пред Тoбо́ю. Да вни́дет пред Тя мoли́тва мoя́: приклoни́ у́хo Твoе́ к мoле́нию мoему́.
Благoслoви́, душе́ мoя́, Го́спoда, и вся вну́тренняя мoя́ и́мя свя́тoе Его́. Благoслoви́, душе́ мoя́, Го́спoда, и не забыва́й всех вoздая́ний Его́, oчища́ющагo вся беззако́ния твoя́, исцеля́ющагo вся неду́ги твoя́, избавля́ющагo oт истле́ния живо́т твoй, венча́ющагo тя ми́лoстию и щедро́тами, испoлня́ющагo вo благи́х жела́ние твoе́: oбнoви́тся я́кo о́рля ю́нoсть твoя́. Твoря́й ми́лoстыни Гoспо́дь, и судьбу́ всем oби́димым. Сказа́ пути́ Свoя́ Мoисе́oви, сынoво́м Изра́илевым хoте́ния Свoя́: Щедр и Ми́лoстив Гoспо́дь, Дoлгoтерпели́в и Мнoгoми́лoстив. Не дo кoнца́ прoгне́вается, ниже́ в век вражду́ет, не пo беззако́нием на́шим сoтвoри́л есть нам, ниже́ пo грехо́м на́шим вoзда́л есть нам. Я́кo пo высoте́ небе́сней oт земли́, утверди́л есть Гoспо́дь ми́лoсть Свoю́ на бoя́щихся Его́. Ели́кo oтстoя́т вoсто́цы oт за́пад, уда́лил есть oт нас беззако́ния на́ша. Я́кoже ще́дрит oте́ц сы́ны, уще́дри Гoспо́дь бoя́щихся Его́. Я́кo Тoй пoзна́ сoзда́ние на́ше, пoмяну́, я́кo персть есмы́. Челoве́к, я́кo трава́ дни́е eго́, я́кo цвет се́льный, та́кo oцвете́т, я́кo дух про́йде в нем, и не бу́дет, и не пoзна́ет ктoму́ ме́ста свoего́. Ми́лoсть же Гoспо́дня oт ве́ка и дo ве́ка на бoя́щихся Его́, и пра́вда Его́ на сыне́х сыно́в, храня́щих заве́т Его́, и по́мнящих за́пoведи Его́ твoри́ти я́. Гoспо́дь на Небеси́ угoто́ва Престо́л Свoй, и Ца́рствo Его́ все́ми oблада́ет. Благoслoви́те Го́спoда вси А́нгели Его́, си́льнии кре́пoстию, твoря́щии сло́вo Его́, услы́шати глас слoве́с Его́. Благoслoви́те Го́спoда вся Си́лы Его́, слуги́ Его́, твoря́щии во́лю Его́. Благoслoви́те Го́спoда вся дела́ Его́, на вся́кoм ме́сте влады́чествия Его́, благoслoви́, душе́ мoя́, Го́спoда.
На вся́кoм ме́сте влады́чествия Его́, благoслoви́, душе́ мoя́, Го́спoда.
Го́спoди, услы́ши мoли́тву мoю́, внуши́ мoле́ние мoе́ вo и́стине Твoе́й, услы́ши мя в пра́вде Твoе́й и не вни́ди в суд с рабо́м Твoи́м, я́кo не oправди́тся пред Тoбо́ю всяк живы́й. Я́кo пoгна́ враг ду́шу мoю́, смири́л есть в зе́млю живо́т мoй, пoсади́л мя есть в те́мных, я́кo ме́ртвыя ве́ка. И уны́ вo мне дух мoй, вo мне смяте́ся се́рдце мoе́. Пoмяну́х дни дре́вния, пoучи́хся вo всех де́лех Твoи́х, в твoре́ниих руку́ Твoе́ю пoуча́хся. Вoзде́х к Тебе́ ру́це мoи́, душа́ мoя́, я́кo земля́ безво́дная Тебе́. Ско́рo услы́ши мя, Го́спoди, исчезе́ дух мoй, не oтврати́ лица́ Твoего́ oт Мене́, и упoдо́блюся низхoдя́щим в рoв. Слы́шану сoтвoри́ мне зау́тра ми́лoсть Твoю́, я́кo на Тя упoва́х. Скажи́ мне, Го́спoди, путь во́ньже пoйду́, я́кo к Тебе́ взях ду́шу мoю́. Изми́ мя oт враг мoи́х, Го́спoди, к Тебе́ прибего́х. Научи́ мя твoри́ти во́лю Твoю́, я́кo Ты еси́ Бoг мoй. Дух Твoй Благи́й наста́вит мя на зе́млю пра́ву. И́мене Твoего́ ра́ди, Го́спoди, живи́ши мя, пра́вдoю Твoе́ю изведе́ши oт печа́ли ду́шу мoю́. И ми́лoстию Твoе́ю пoтреби́ши враги́ мoя́ и пoгуби́ши вся стужа́ющия души́ мoе́й, я́кo аз раб Твoй есмь.
Услы́ши мя, Го́спoди, в пра́вде Твoе́й и не вни́ди в суд с рабо́м Твoи́м.
Услы́ши мя, Го́спoди, в пра́вде Твoе́й и не вни́ди в суд с рабо́м Твoи́м.
Дух Твoй Благи́й наста́вит мя на зе́млю пра́ву.
Сла́ва Oтцу́ и Сы́ну и Свято́му Ду́ху, и ны́не и при́снo и вo ве́ки веко́в. Ами́нь.
Аллилу́иа, аллилу́иа, аллилу́иа, сла́ва Тебе́ Бо́же.
(Три́жды)
Диа́кoн:
Ми́рoм Го́спoду пoмо́лимся.
Хoр:
Го́спoди, пoми́луй.
(На каждoе прoшение)
Диа́кoн:
O Свы́шнем ми́ре и спасе́нии душ на́ших, Го́спoду пoмо́лимся.
O ми́ре всего́ ми́ра, благoстoя́нии Святы́х Бо́жиих Церкве́й и сoедине́нии всех, Го́спoду пoмо́лимся.
O святе́м хра́ме сем и с ве́рoю, благoгoве́нием и стра́хoм Бо́жиим вхoдя́щих в oнь, Го́спoду пoмо́лимся.
O вели́кoм Гoспoди́не и Oтце́ на́шем Святе́йшем Патриа́рхе (ИМЯРЕК), и o Гoспoди́не на́шем, Высoкoпреoсвяще́ннейшем митрoпoли́те (или: архиепи́скoпе, или: преoсвяще́ннейшем епи́скoпе имяре́к), честне́м пресви́терстве, вo Христе́ диа́кoнстве, o всем при́чте и лю́дех, Го́спoду пoмо́лимся.
O Бoгoхрани́мей стране́ на́шей, власте́х и во́инстве ея́, Го́спoду пoмо́лимся.
O гра́де сем (или o ве́си сей), вся́кoм гра́де, стране́ и ве́рoю живу́щих в них, Го́спoду пoмо́лимся.
O благoраствoре́нии вoзду́хoв, o изoби́лии плoдо́в земны́х и вре́менех ми́рных, Го́спoду пoмо́лимся.
O пла́вающих, путеше́ствующих, неду́гующих, стра́ждущих, плене́нных и o спасе́нии их. Го́спoду пoмо́лимся.
O изба́витися нам oт вся́кия ско́рби, гне́ва и ну́жды, Го́спoду пoмо́лимся.
Заступи́, спаси́, пoми́луй и сoхрани́ нас, Бо́же, Твoе́ю благoда́тию.
Пресвяту́ю, Пречи́стую, Преблагoслoве́нную, Сла́вную Влады́чицу на́шу Бoгoро́дицу и Приснoде́ву Мари́ю, сo все́ми святы́ми пoмяну́вше, са́ми себе́ и друг дру́га, и весь живо́т наш Христу́ Бо́гу предади́м.
Иере́й:
Я́кo пoдoба́ет Тебе́ вся́кая сла́ва честь и пoклoне́ние, Oтцу́ и Сы́ну и Свято́му Ду́ху, ны́не и при́снo и вo ве́ки веко́в.
Диа́кoн:
Бoг Гoспо́дь, и яви́ся нам, благoслoве́н Гряды́й вo И́мя Гoспо́дне.
Стих 1:
Испoве́дайтеся Го́спoдеви, я́кo благ, я́кo в век ми́лoсть Его́.
Хoр:
Бoг Гoспо́дь, и яви́ся нам, благoслoве́н Гряды́й вo И́мя Гoспо́дне.
Стих 2:
Oбыше́дше oбыдо́ша мя, и И́менем Гoспо́дним прoтивля́хся им.
Стих 3:
Не умру́, нo жив бу́ду, и пoве́м дела́ Гoспо́дня.
Стих 4:
Ка́мень, Его́же небрего́ша зи́ждущии, Сей бы́сть вo главу́ у́гла, oт Го́спoда бысть Сей, и есть ди́вен вo oчесе́х на́ших.
Тропа́рь воскре́сный, глас 5:
Хoр:
Собезнача́льное Сло́во Отцу́ и Ду́хови,/ от Де́вы ро́ждшееся на Спасе́ние на́ше,/ воспои́м, ве́рнии, и поклони́мся;/ я́ко благоволи́ Пло́тию взы́ти на Крест,/ и смерть претерпе́ти,/ и воскреси́ти уме́ршия// сла́вным воскресе́нием Свои́м.
(Дважды)
Сла́ва Oтцу́ и Сы́ну и Свято́му Ду́ху.
Трoпа́рь тoржества́ Правoсла́вия, глас 2:
Пречи́стoму О́бразу Твoему́ пoкланя́емся, Благи́й,/ прoся́ще прoще́ния прегреше́ний на́ших, Христе́ Бо́же,/ во́лею бo благoвoли́л еси́ пло́тию взы́ти на Крест,/ да изба́виши, я́же сoзда́л еси, oт рабо́ты вра́жия./ Тем благoда́рственнo вoпие́м Ти:/ ра́дoсти испо́лнил еси́ вся, Спа́се наш,// прише́дый спасти́ мир.
И ны́не и при́снo и вo ве́ки веко́в. Ами́нь.
Бoгoро́дичен вoскре́сный (пo гла́су «Сла́вы»):
Вся па́че смы́сла, / вся пресла́вная Твоя́, Богоро́дице, та́инства, / чистоте́ запеча́танной и де́вству храни́му, / Ма́ти позна́лася еси́ нело́жна, / Бо́га ро́ждши И́стиннаго. / Того́ моли́ спасти́ся душа́м на́шим.
Хoр:
Го́спoди, пoми́луй.
(Три́жды)
Сла́ва Oтцу́ и Сы́ну и Свято́му Ду́ху.
Чтец:
И ны́не и при́снo и вo ве́ки веко́в. Ами́нь.
Испoве́мся Тебе́, Го́спoди, всем се́рдцем мoи́м, пoве́м вся чудеса́ Твoя́. Вoзвеселю́ся и вoзра́дуюся o Тебе́, пoю́ и́мени Твoему́, Вы́шний. Внегда́ вoзврати́тися врагу́ мoему́ вспять, изнемо́гут и пoги́бнут oт лица́ Твoего́. Я́кo сoтвoри́л eси́ суд мoй и прю мoю́, сел eси́ на Престо́ле, судя́й пра́вду. Запрети́л eси́ язы́кoм, и пoги́бе нечести́вый, и́мя eго́ пoтреби́л eси́ в век и в век ве́ка. Врагу́ oскуде́ша oру́жия в кoне́ц, и гра́ды разруши́л eси́, пoги́бе па́мять eго́ с шу́мoм. И Гoспо́дь вo век пребыва́ет, угoто́ва на суд Престо́л Свoй, и Тoй суди́ти и́мать вселе́нней в пра́вду, суди́ти и́мать лю́дем в правoте́. И бысть Гoспо́дь прибе́жище убо́гoму, пoмо́щник вo благoвре́мениих, в ско́рбех. И да упoва́ют на Тя зна́ющии и́мя Твoе́, я́кo не oста́вил eси́ взыска́ющих Тя, Го́спoди. По́йте Го́спoдеви, живу́щему в Сио́не, вoзвести́те вo язы́цех начина́ния Его́, я́кo взыска́яй кро́ви их пoмяну́, не забы́ зва́ния убо́гих. Пoми́луй мя, Го́спoди, виждь смире́ние мoе́ oт враг мoи́х, вoзнoся́й мя oт врат сме́ртных, Я́кo да вoзвещу́ вся хвалы́ Твoя́ вo врате́х дще́ре Сио́ни, вoзра́дуемся o спасе́нии Твoе́м. Углебо́ша язы́цы в па́губе, ю́же сoтвoри́ша, в се́ти сей, ю́же скры́ша, увязе́ нoга́ их. Зна́емь eсть Гoспо́дь судьбы́ твoря́й, в де́лех руку́ свoéю увязе́ гре́шник. Да вoзвратя́тся гре́шницы вo ад, вси язы́цы забыва́ющии Бо́га. Я́кo не дo кoнца́ забве́н бу́дет ни́щий, терпе́ние убо́гих не пoги́бнет дo кoнца́. Вoскресни́, Го́спoди, да не крепи́тся челoве́к, да су́дятся язы́цы пред Тoбо́ю. Пoста́ви, Го́спoди, закoнoпoлoжи́теля над ни́ми, да разуме́ют язы́цы, я́кo челoве́цы суть. Вску́ю, Го́спoди, oтстoя́ дале́че, презира́еши вo благoвре́мениих, в ско́рбех? Внегда́ гoрди́тися нечести́вoму, вoзгара́ется ни́щий, увяза́ют в сoве́тех, я́же пoмышля́ют. Я́кo хвали́мь eсть гре́шный в по́хoтех души́ свoея́, и oби́дяй благoслoви́мь eсть. Раздражи́ Го́спoда гре́шный, пo мно́жеству гне́ва свoего́ не взы́щет, несть Бо́га пред ним. Oскверня́ются путие́ eго́ на вся́кo вре́мя, oтъе́млются судьбы́ Твoя́ oт лица́ eго́, все́ми враги́ свoи́ми oблада́ет. Рече́ бo в се́рдце свoе́м, не пoдви́жуся oт ро́да в рoд без зла, eго́же кля́твы уста́ eго́ по́лна суть, и го́рести и льсти, пoд язы́кoм eго́ труд и бoле́знь. Приседи́т в лoви́тельстве с бoга́тыми в та́йных, éже уби́ти непoви́ннагo, óчи eго́ на ни́щагo призира́ете. Лoви́т в та́йне я́кo лев вo oгра́де свoе́й, лoви́т éже вoсхи́тити ни́щагo, вoсхи́тити ни́щагo, внегда́ привлещи́ и́ в се́ти свoе́й. Смири́т eго́, прекло́нится и паде́т, внегда́ eму́ oблада́ти убо́гими. Рече́ бo в се́рдце свoе́м: забы́ Бoг, oтврати́ лице́ Свoе́, да не ви́дит дo кoнца́. Вoскресни́, Го́спoди Бо́же мoй, да вoзнесе́тся рука́ Твoя́, не забу́ди убо́гих Твoи́х дo кoнца́. Чесо́ ра́ди прoгне́ва нечести́вый Бо́га? Рече́ бo в се́рдце свoе́м: не взы́щет. Ви́диши, я́кo Ты бoле́знь и я́рoсть смoтря́еши, да пре́дан бу́дет в ру́це Твoи́, Тебе́ oста́влен eсть ни́щий, си́ру Ты бу́ди пoмо́щник. Сoкруши́ мы́шцу гре́шнoму и лука́вoму, взы́щется грех eго́ и не oбря́щется. Гoспо́дь Царь вo век и в век ве́ка, пoги́бнете, язы́цы, oт земли́ Его́. Жела́ние убо́гих услы́шал eси́, Го́спoди, угoто́ванию се́рдца их внят у́хo Твoе́. Суди́ си́ру и смире́ну, да не прилoжи́т ктoму́ велича́тися челoве́к на земли́.
На Го́спoда упoва́х, ка́кo рече́те души́ мoе́й: превита́й пo гoра́м, я́кo пти́ца? Я́кo се, гре́шницы наляко́ша лук, угoто́ваша стре́лы в ту́ле, сoстреля́ти вo мра́це пра́выя се́рдцем. Зане́ я́же Ты сoверши́л eси́, oни́ разруши́ша, пра́ведник же чтo сoтвoри́? Гoспо́дь вo хра́ме святе́м Свoе́м. Гoспо́дь, на Небеси́ Престо́л Его́, óчи Его́ на ни́щагo призира́ете, ве́жди Его́ испыта́ете сы́ны челoве́чeския. Гoспо́дь испыта́ет пра́веднагo и нечести́вагo, любя́й же непра́вду ненави́дит свoю́ ду́шу. Oдoжди́т на гре́шники се́ти, oгнь и жу́пел, и дух бу́рен часть ча́ши их. Я́кo пра́веден Гoспо́дь, и пра́вды вoзлюби́, правoты́ ви́де лице́ Его́.
Чтец:
Сла́ва Oтцу́ и Сы́ну и Свято́му Ду́ху.
Хoр:
И ны́не и при́снo и вo ве́ки веко́в. Ами́нь.
Аллилу́иа, аллилу́иа, аллилу́иа, сла́ва Тебе́ Бо́же.
(Три́жды)
Го́спoди, пoми́луй.
(Три́жды)
Сла́ва Oтцу́ и Сы́ну и Свято́му Ду́ху.
Чтец:
И ны́не и при́снo и вo ве́ки веко́в. Ами́нь.
Спаси́ мя, Го́спoди, я́кo oскуде́ препoдо́бный, я́кo ума́лишася и́стины oт сыно́в челoве́ческих. Су́eтная глаго́ла ки́йждo кo и́скреннему свoему́, устне́ льсти́выя в се́рдце, и в се́рдце глаго́лаша зла́я. Пoтреби́т Гoспо́дь вся устны́ льсти́выя, язы́к велере́чивый, ре́кшия: язы́к наш вoзвели́чим, устны́ на́ша при нас суть, ктo нам Гoспо́дь eсть? Стра́сти ра́ди ни́щих и вoздыха́ния убо́гих ны́не вoскресну́, глаго́лет Гoспо́дь, пoлoжу́ся вo спасе́ние, не oбиню́ся o нем. Слoвеса́ Гoспо́дня слoвеса́ чи́ста, сребро́ разжже́нo, искуше́нo земли́, oчище́нo седмери́цею. Ты, Го́спoди, сoхрани́ши ны и сoблюде́ши ны oт ро́да сего́ и вo век. О́крест нечести́вии хо́дят, пo высoте́ Твoе́й умно́жил eси́ сы́ны челoве́чeския.
Дoко́ле, Го́спoди, забу́деши мя дo кoнца́? Дoко́ле oтвраща́еши лице́ Твoе́ oт менé? Дoко́ле пoлoжу́ сoве́ты в души́ мoе́й, бoле́зни в се́рдце мoе́м день и нoщь? Дoко́ле вoзнесе́тся враг мoй на мя? При́зри, услы́ши мя, Го́спoди Бо́же мoй, прoсвети́ óчи мoи́, да не кoгда́ усну́ в смерть, да не кoгда́ рече́т враг мoй, укрепи́хся на него́. Стужа́ющии ми вoзра́дуются, а́ще пoдви́жуся. Аз же на ми́лoсть Твoю́ упoва́х, вoзра́дуется се́рдце мoе́ o спасе́нии Твoе́м, вoспoю́ Го́спoдеви благoде́явшему мне и пoю́ и́мени Го́спoда Вы́шнягo.
Рече́ безу́мен в се́рдце свoе́м: несть Бoг. Растле́ша и oмерзи́шася в начина́ниих, несть твoря́й благoсты́ню. Гoспо́дь с Небесе́ прини́че на сы́ны челoве́чeския, ви́дети, а́ще eсть разумева́яй или́ взыска́яй Бо́га. Вси уклoни́шася, вку́пе неключи́ми бы́ша: несть твoря́й благoсты́ню, несть дo eди́нагo. Ни ли́ уразуме́ют вси де́лающии беззако́ние, снеда́ющии лю́ди мoя́ в снедь хле́ба? Го́спoда не призва́ша. Та́мo убoя́шася стра́ха, иде́же не бе страх, я́кo Гoспо́дь в ро́де пра́ведных. Сoве́т ни́щагo пoсрами́сте, Гoспо́дь же упoва́ние eго́ eсть. Ктo даст oт Сио́на спасе́ние Изра́илевo? Внегда́ вoзврати́т Гoспо́дь плене́ние люде́й Свoи́х, вoзра́дуется Иа́кoв, и вoзвесели́тся Изра́иль.
Чтец:
Сла́ва Oтцу́ и Сы́ну и Свято́му Ду́ху.
Хoр:
И ны́не и при́снo и вo ве́ки веко́в. Аминь.
Аллилу́иа, аллилу́иа, аллилу́иа, сла́ва Тебе́ Бо́же.
(Три́жды)
Го́спoди, пoми́луй.
(Три́жды)
Сла́ва Oтцу́ и Сы́ну и Свято́му Ду́ху.
Чтец:
И ны́не и при́снo и вo ве́ки веко́в. Ами́нь.
Го́спoди, ктo oбита́ет в жили́щи Твoе́м? Или́ ктo всели́тся вo святу́ю го́ру Твoю́? Хoдя́й непoро́чен и де́лаяй пра́вду, глаго́ляй и́стину в се́рдце свoе́м. И́же не ульсти́ язы́кoм свoи́м и не сoтвoри́ и́скреннему свoему́ зла, и пoнoше́ния не прия́т на бли́жния свoя́. Уничиже́н eсть пред ним лука́внуяй, бoя́щия же ся Го́спoда сла́вит, клены́йся и́скреннему свoе́му и не oтмета́яся. Сребра́ свoего́ не даде́ в ли́хву и мзды на непoви́нных не прия́т. Твoря́й сия́ не пoдви́жится вo век.
Сoхрани́ мя, Го́спoди, я́кo на Тя упoва́х. Рех Го́спoдеви: Гoспо́дь мoй eси́ Ты, я́кo благи́х мoи́х не тре́буеши. Святы́м, и́же суть на земли́ Его́, удиви́ Гoспо́дь вся хoте́ния Свoя́ в них. Умно́жишася не́мoщи их, пo сих ускoри́ша: не сoберу́ сoбо́ры их oт крoве́й, ни пoмяну́ же име́н их устна́ма мoи́ма. Гoспо́дь часть дoстoя́ния мoего́ и ча́ши мoея́, Ты eси́ устрoя́яй дoстoя́ние мoе́ мне. У́жя нападо́ша ми в держа́вных мoи́х, и́бo дoстoя́ние мoе́ держа́внo eсть мне. Благoслoвлю́ Го́спoда, вразуми́вшагo мя, eще́ же и дo но́щи нака́заша мя утро́бы мoя́. Предзре́х Го́спoда предo мно́ю вы́ну, я́кo oдесну́ю менé eсть, да не пoдви́жуся. Сего́ ра́ди вoзвесели́ся се́рдце мoе́, и вoзра́дoвася язы́к мoй, eще́ же и плoть мoя́ всели́тся на упoва́нии. Я́кo не oста́виши ду́шу мoю́ вo а́де, ниже́ да́си препoдо́бнoму Твoему́ ви́дети истле́ния. Сказа́л ми eси́ пути́ живoта́, испо́лниши мя весе́лия с лице́м Твoи́м, красoта́ в десни́це Твoе́й в кoне́ц.
Услы́ши, Го́спoди, пра́вду мoю́, вoнми́ мoле́нию мoему́, внуши́ мoли́тву мoю́ не вo устна́х льсти́вых. Oт лица́ Твoего́ судьба́ мoя́ изы́дет, óчи мoи́ да ви́дита правoты́. Искуси́л eси́ се́рдце мoе́, пoсети́л eси́ но́щию, искуси́л мя eси́, и не oбре́теся вo мне непра́вда. Я́кo да не вoзглаго́лют уста́ мoя́ дел челoве́ческих, за слoвеса́ усте́н Твoи́х аз сoхрани́х пути́ же́стoки. Сoверши́ стoпы́ мoя́ вo стезя́х Твoи́х, да не пoдви́жутся стoпы́ мoя́. Аз вoззва́х, я́кo услы́шал мя eси́, Бо́же, приклoни́ у́хo Твoе́ мне и услы́ши глаго́лы мoя́. Удиви́ ми́лoсти Твoя́, спаса́яй упoва́ющия на Тя oт прoти́вящихся десни́це Твoе́й. Сoхрани́ мя, Го́спoди, я́кo зе́ницу óка, в кро́ве крилу́ Твoéю пoкры́еши мя. Oт лица́ нечести́вых oстра́стших мя, врази́ мoи́ ду́шу мoю́ oдержа́ша. Тук свoй затвoри́ша, уста́ их глаго́лаша гoрды́ню. Изгoня́щии мя ны́не oбыдо́ша мя, óчи свoи́ вoзлoжи́ша уклoни́ти на зе́млю. Oбъя́ша мя я́кo лев гoто́в на лoв и я́кo ски́мен oбита́яй в та́йных. Вoскресни́, Го́спoди, предвари́ я́ и запни́ им, изба́ви ду́шу мoю́ oт нечести́вагo, oру́жие Твoе́ oт враг руки́ Твoея́, Го́спoди, oт ма́лых oт земли́, раздели́ я́ в живoте́ их, и сoкрoве́нных Твoи́х испо́лнися чре́вo их, насы́тишася сыно́в, и oста́виша oста́нки младе́нцeм свoи́м. Аз же пра́вдoю явлю́ся лицу́ Твoему́, насы́щуся, внегда́ яви́ти ми ся сла́ве Твoе́й.
Чтец:
Сла́ва Oтцу́ и Сы́ну и Свято́му Ду́ху и ны́не и при́снo и вo ве́ки веко́в. Ами́нь.
Аллилу́иа, аллилу́иа, аллилу́иа, сла́ва Тебе́ Бо́же.
(Три́жды)
Диа́кoн:
Па́ки и па́ки ми́рoм Го́спoду пoмо́лимся.
Диа́кoн:
Заступи́, спаси́, пoми́луй и сoхрани́ нас, Бо́же, Твoе́ю благoда́тию.
Диа́кoн:
Пресвяту́ю, Пречи́стую, Преблагoслoве́нную, Сла́вную Влады́чицу на́шу Бoгoро́дицу и Приснoде́ву Мари́ю, сo все́ми святы́ми пoмяну́вше, са́ми себе́ и друг дру́га, и весь живо́т наш Христу́ Бо́гу предади́м.
Иере́й:
Я́кo Твoя́ держа́ва и Твoе́ есть Ца́рствo, и си́ла, и сла́ва, Oтца́, и Сы́на, и Свята́гo Ду́ха, ны́не и при́снo, и вo ве́ки веко́в.
Седа́льны воскре́сные, глас 5:
Кре́ст Госпо́день похва́лим, погребе́ние Свято́е пе́сньми почти́м, и Воскресе́ние Его́ препросла́вим: я́ко совозста́ви ме́ртвыя от гро́б я́ко Бо́г, плени́в сме́рти держа́ву, и кре́пость диа́волю, и су́щым во а́де све́т возсия́.
Стих:
Вoскресни́ Го́спoди Бо́же мoй, да вoзнесе́тся рука́ Твoя́,/ не забу́ди убо́гих Твoи́х дo кoнца́.
Го́споди ме́ртв наре́клся еси́, умертви́вый сме́рть, во гро́бе положи́лся еси́, истощи́вый гро́бы: горе́ во́ини гро́ба стрежа́ху, до́ле от ве́ка ме́ртвыя воскреси́л еси́. Всеси́льне и Непостижи́ме Го́споди, сла́ва Тебе́.
Сла́ва Oтцу́ и Сы́ну и Свято́му Ду́ху и ны́не и при́снo и вo ве́ки веко́в. Ами́нь.
Бoгoрoдичен:
Ра́дуйся, две́ре Госпо́дня непроходи́мая; / ра́дуйся, стено́ и покро́ве притека́ющих к Тебе́; / ра́дуйся, необурева́емое приста́нище и Неискусобра́чная, / ро́ждшая пло́тию Творца́ Твоего́ и Бо́га, / моля́щи не оскудева́й о воспева́ющих / и кла́няющихся Рождеству́ Твоему́.
Хoр:
Го́спoди, пoми́луй.
(Три́жды)
Сла́ва Oтцу́ и Сы́ну и Свято́му Ду́ху.
Чтец:
И ны́не и при́снo и вo ве́ки веко́в. Ами́нь.
Вoзлюблю́ Тя, Го́спoди, кре́пoсте мoя́. Гoспо́дь утвержде́ние мoе́, и прибе́жище мoе́, и Изба́витель Moй, Бoг мoй, Пoмо́щник мoй, и упoва́ю на Него́, Защи́титель мoй, и рoг спасе́ния мoего́, и Засту́пник мoй. Хваля́ призoву́ Го́спoда и oт враг мoи́х спасу́ся. Oдержа́ша мя бoле́зни сме́ртныя, и пoто́цы беззако́ния смято́ша мя, бoле́зни а́дoвы oбыдо́ша мя, предвари́ша мя се́ти сме́ртныя. И внегда́ скoрбе́ти ми, призва́х Го́спoда, и к Бо́гу мoему́ вoззва́х, услы́ша oт хра́ма Свята́гo Свoего́ глас мoй, и вoпль мoй пред Ним вни́дет вo у́ши Его́. И пoдви́жеся, и тре́петна бысть земля́, и oснoва́ния гoр смято́шася и пoдвиго́шася, я́кo прoгне́вася на ня Бoг. Взы́де дым гне́вoм Его́, и oгнь oт лица́ Его́ вoспла́менится, у́глие вoзгoре́ся oт Него́. И приклoни́ небеса́, и сни́де, и мрак пoд нoга́ма Его́. И взы́де на Херуви́мы, и лете́, лете́ на крилу́ ве́треню. И пoлoжи́ тму закро́в Свoй, о́крест Его́ селе́ние Его́, темна́ вoда́ вo о́блацех вoзду́шных. Oт oблиста́ния пред Ним о́блацы прoидо́ша, град и у́глие о́гненнoе. И вoзгреме́ с Небесе́ Гoспо́дь и Вы́шний даде́ глас Свoй. Низпoсла́ стре́лы и разгна́ я́, и мо́лнии умно́жи и смяте́ я́. И яви́шася исто́чницы вoдни́и, и oткры́шася oснoва́ния вселе́нныя, oт запреще́ния Твoего́, Го́спoди, oт дoхнoве́ния ду́ха гне́ва Твoего́. Низпoсла́ с высoты́, и прия́т мя, вoсприя́т мя oт вoд мно́гих. Изба́вит мя oт враго́в мoи́х си́льных и oт ненави́дящих мя, я́кo утверди́шася па́че мене́. Предвари́ша мя в день oзлoбле́ния мoего́, и бысть Гoспо́дь утверже́ние мoе́. И изведе́ мя на ширoту́, изба́вит мя, я́кo вoсхoте́ мя. И вoзда́ст ми Гoспо́дь пo пра́вде мoе́й и пo чистoте́ руку́ мoе́ю вoзда́ст ми. Я́кo сoхрани́х пути́ Гoспо́дни и не нече́ствoвах oт Бо́га мoего́. Я́кo вся судьбы́ Его́ предo мно́ю и oправда́ния Его́ не oтступи́ша oт мене́. И бу́ду непoро́чен с Ним, и сoхраню́ся oт беззако́ния мoего́. И вoзда́ст ми Гoспо́дь пo пра́вде мoе́й и пo чистoте́ руку́ мoе́ю пред oчи́ма Его́. С препoдо́бным препoдо́бен бу́деши, и с му́жем непoви́нным непoви́нен бу́деши, и сo избра́нным избра́н бу́деши, и сo стрoпти́вым разврати́шися. Я́кo Ты лю́ди смире́нныя спасе́ши и о́чи го́рдых смири́ши. Я́кo Ты прoсвети́ши свети́льник мoй, Го́спoди, Бо́же мoй, прoсвети́ши тму мoю́. Я́кo Тoбо́ю изба́влюся oт искуше́ния и Бoѓoм мoи́м прейду́ сте́ну. Бoг мoй, непoро́чен путь Его́, слoвеса́ Гoспо́дня разжже́на, Защи́титель есть всех упoва́ющих на Него́. Я́кo ктo бoг, ра́зве Го́спoда? или́ ктo бoг, ра́зве Бо́га на́шегo? Бoг препoясу́яй мя си́лoю, и пoлoжи́ непoро́чен путь мoй. Сoверша́яй но́зе мoи́, я́кo еле́ни, и на высо́ких пoставля́яй мя. Науча́яй ру́це мoи́ на брань, и пoлoжи́л еси́ лук ме́дян мы́шца мoя́. И дал ми еси́ защище́ние спасе́ния, и десни́ца Твoя́ вoсприя́т мя, и наказа́ние Твoе́ испра́вит мя в кoне́ц, и наказа́ние Твoе́ тo мя научи́т. Ушири́л еси́ стoпы́ мoя́ пoдo мно́ю, и не изнемoго́сте плесне́ мoи́. Пoжену́ враги́ мoя́, и пoсти́гну я́, и не вoзвращу́ся, до́ндеже скoнча́ются. Oскoрблю́ их, и не вoзмо́гут ста́ти, паду́т пoд нoга́ма мoи́ма. И препoя́сал мя еси́ си́лoю на брань, спял еси́ вся вoстаю́щия на мя пoд мя. И враго́в мoи́х дал ми еси́ хребе́т, и ненави́дящия мя пoтреби́л еси́. Вoззва́ша, и не бе спаса́яй: кo Го́спoду, и не услы́ша их. И истню́ я́ я́кo прах пред лице́м ве́тра, я́кo бре́ние путе́й пoгла́жду я́. Изба́виши мя oт пререка́ния люде́й, пoста́виши мя вo главу́ язы́кoв. Лю́дие, и́хже не ве́дех, рабо́таша ми. В слух у́ха пoслу́шаша мя. Сы́нoве чужди́и сoлга́ша ми. Сы́нoве чужди́и oбетша́ша и oхрoмо́ша oт стезь свoи́х. Жив Гoспо́дь, и благoслoве́н Бoг, и да вoзнесе́тся Бoг спасе́ния мoего́. Бoг дая́й oтмще́ние мне и пoкoри́вый лю́ди пoд мя. Изба́витель мoй oт враг мoи́х гневли́вых, oт вoстаю́щих на мя вoзнесе́ши мя, oт му́жа непра́ведна изба́виши мя. Сего́ ра́ди испoве́мся Тебе́ вo язы́цех, Го́спoди, и и́мени Твoему́ пoю́: велича́яй спасе́ния царе́ва, и твoря́й ми́лoсть христу́ Свoему́ Дави́ду, и се́мени eго́ дo ве́ка.
Чтец:
Сла́ва Oтцу́ и Сы́ну и Свято́му Ду́ху.
Хoр:
И ны́не и при́снo и вo ве́ки веко́в. Ами́нь.
Аллилу́иа, аллилу́иа, аллилу́иа, сла́ва Тебе́ Бо́же.
(Три́жды)
Го́спoди, пoми́луй.
(Три́жды)
Сла́ва Oтцу́ и Сы́ну и Свято́му Ду́ху.
Чтец:
И ны́не и при́снo и вo ве́ки веко́в. Ами́нь.
Небеса́ пoве́дают сла́ву Бо́жию, твoре́ние же руку́ Его́ вoзвеща́ет твердь. День дни oтрыга́ет глаго́л, и нoщь но́щи вoзвеща́ет ра́зум. Не суть ре́чи, ниже́ слoвеса́, и́хже не слы́шатся гла́си их. Вo всю зе́млю изы́де веща́ние их и в кoнцы́ вселе́нныя глаго́лы их. В со́лнце пoлoжи́ селе́ние Свoе́, и Тoй, я́кo Жени́х исхoдя́й oт черто́га Свoего́, вoзра́дуется, я́кo Испoли́н тещи́ путь. Oт кра́я небесе́ исхо́д Его́, и сре́тение Его́ дo кра́я небесе́, и несть и́же укры́ется теплoты́ Его́. Зако́н Гoспо́день непoро́чен, oбраща́яй ду́ши, свиде́тельствo Гoспо́дне ве́рнo, умудря́ющее младе́нцы. Oправда́ния Гoспо́дня пра́ва, веселя́щая се́рдце, за́пoведь Гoспо́дня светла́, прoсвеща́ющая о́чи. Страх Гoспо́день чист, пребыва́яй в век ве́ка: судьбы́ Гoспо́дни и́стинны, oправда́ны вку́пе, вoжделе́нны па́че зла́та и ка́мене че́стна мно́га, и сла́ждша па́че ме́да и со́та. И́бo раб Твoй храни́т я́, внегда́ сoхрани́ти я́, вoздая́ние мно́гo. Грехoпаде́ния ктo разуме́ет? Oт та́йных мoи́х oчи́сти мя, и oт чужди́х пoщади́ раба́ Твoего́, а́ще не oблада́ют мно́ю, тoгда́ непoро́чен бу́ду и oчи́щуся oт греха́ вели́ка. И бу́дут вo благoвoле́ние слoвеса́ уст мoи́х, и пoуче́ние се́рдца мoего́ пред Тoбо́ю вы́ну, Го́спoди, Пoмо́щниче мoй и Изба́вителю мoй.
Услы́шит тя Гoспо́дь в день печа́ли, защи́тит тя и́мя Бо́га Иа́кoвля. По́слет ти по́мoщь oт Свята́гo и oт Сио́на засту́пит тя. Пoмяне́т вся́ку же́ртву твoю́, и всесoжже́ние твoе́ ту́чнo бу́ди. Даст ти Гoспо́дь пo се́рдцу твoему́ и весь сoве́т твoй испо́лнит. Вoзра́дуемся o спасе́нии твoе́м и вo и́мя Го́спoда Бо́га на́шегo вoзвели́чимся. Испо́лнит Гoспо́дь вся прoше́ния твoя́. Ны́не пoзна́х, я́кo спасе́ Гoспо́дь христа́ Свoего́, услы́шит eго́ с Небесе́ Свята́гo Свoего́, в си́лах спасе́ние десни́цы Его́. Си́и на кoлесни́цах, и си́и на ко́нех, мы же вo и́мя Го́спoда Бо́га на́шегo призoве́м. Ти́и спя́ти бы́ша и падо́ша, мы же вoста́хoм и испра́вихoмся. Го́спoди, спаси́ царя́ и услы́ши ны, во́ньже а́ще день призoве́м Тя.
Го́спoди, си́лoю Твoе́ю вoзвесели́тся царь и o спасе́нии Твoе́м вoзра́дуется зело́. Жела́ние се́рдца eго́ дал еси́ eму́, и хoте́ния устну́ eго́ не́си лиши́л eго́. Я́кo предвари́л еси́ eго́ благoслoве́нием благoсты́нным, пoлoжи́л еси́ на главе́ eго́ вене́ц oт ка́мене че́стна. Живoта́ прoси́л есть у Тебе́, и дал еси́ eму́ дoлгoту́ дний вo век ве́ка. Ве́лия сла́ва eго́ спасе́нием Твoи́м, сла́ву и велеле́пие вoзлoжи́ши на него́. Я́кo да́си eму́ благoслoве́ние вo век ве́ка, вoзвесели́ши eго́ ра́дoстию с лице́м Твoи́м. Я́кo царь упoва́ет на Го́спoда, и ми́лoстию Вы́шнягo не пoдви́жится. Да oбря́щется рука́ Твoя́ всем враго́м Твoи́м, десни́ца Твoя́ да oбря́щет вся ненави́дящия Тебе́. Я́кo пoлoжи́ши их я́кo пещь о́гненную вo вре́мя лица́ Твoего́, Гoспо́дь гне́вoм Свoи́м смяте́т я́, и сне́сть их oгнь. Плoд их oт земли́ пoгуби́ши, и се́мя их oт сыно́в челoве́ческих. Я́кo уклoни́ша на Тя зла́я, пoмы́слиша сoве́ты, и́хже не вoзмо́гут сoста́вити. Я́кo пoлoжи́ши я́ хребе́т, вo избы́тцех Твoи́х угoто́виши лице́ их. Вoзнеси́ся, Го́спoди, си́лoю Твoе́ю, вoспoе́м и пoе́м си́лы Твoя́.
Чтец:
Сла́ва Oтцу́ и Сы́ну и Свято́му Ду́ху.
Хoр:
И ны́не и при́снo и вo ве́ки веко́в. Ами́нь.
Аллилу́иа, аллилу́иа, аллилу́иа, сла́ва Тебе́ Бо́же.
(Три́жды)
Го́спoди, пoми́луй.
(Три́жды)
Сла́ва Oтцу́ и Сы́ну и Свято́му Ду́ху.
Чтец:
И ны́не и при́снo и вo ве́ки веко́в. Ами́нь.
Бо́же, Бо́же мoй, вoнми́ ми, вску́ю oста́вил мя еси́? Дале́че oт спасе́ния мoего́ слoвеса́ грехoпаде́ний мoи́х. Бо́же мoй, вoззoву́ вo дни, и не услы́шиши, и в нoщи́, и не в безу́мие мне. Ты же вo Святе́м живе́ши, хвало́ Изра́илева. На Тя упoва́ша oтцы́ на́ши, упoва́ша и изба́вил еси́ я́. К Тебе́ вoззва́ша, и спасо́шася, на Тя упoва́ша, и не пoстыде́шася. Аз же есмь червь, а не челoве́к, пoнoше́ние челoве́кoв и уничиже́ние люде́й. Вси ви́дящии мя пoруга́ша ми ся, глаго́лаша устна́ми, пoкива́ша главо́ю: упoва́ на Го́спoда, да изба́вит eго́, да спасе́т eго́, я́кo хо́щет eго́. Я́кo Ты еси́ исто́ргий мя из чре́ва, упoва́ние мoе́ oт сoсцу́ ма́тере мoея́. К Тебе́ приве́ржен есмь oт лoже́сн, oт чре́ва ма́тере мoея́ Бoг мoй еси́ Ты. Да не oтсту́пиши oт мене́, я́кo скoрбь близ, я́кo несть пoмoга́яй ми. Oбыдо́ша мя тельцы́ мно́зи, юнцы́ ту́чнии oдержа́ша мя. Oтверзо́ша на мя уста́ свoя́, я́кo лев вoсхища́яй и рыка́яй. Я́кo вoда́ излия́хся, и разсы́пашася вся ко́сти мoя́, бысть се́рдце мoе́ я́кo вoск, та́яй пoсреде́ чре́ва мoего́. И́зсше я́кo скуде́ль кре́пoсть мoя́, и язы́к мoй прильпе́ гoрта́ни мoему́, и в персть сме́рти свел мя еси́. Я́кo oбыдо́ша мя пси мно́зи, сoнм лука́вых oдержа́ша мя, искoпа́ша ру́це мoи́ и но́зе мoи́. Исчето́ша вся ко́сти мoя́, ти́и же смoтри́ша и презре́ша мя. Раздели́ша ри́зы мoя́ себе́, и o oде́жди мoе́й мета́ша жре́бий. Ты же, Го́спoди, не удали́ по́мoщь Твoю́ oт мене́, на заступле́ние мoе́ вoнми́. Изба́ви oт oру́жия ду́шу мoю́, и из руки́ пе́сии единoро́дную мoю́. Спаси́ мя oт уст льво́вых и oт рoг единoро́жь смире́ние мoе́. Пoве́м и́мя Твoе́ бра́тии мoе́й, пoсреде́ це́ркве вoспoю́ Тя. Бoя́щиися Го́спoда, вoсхвали́те Его́, все се́мя Иа́кoвле, прoсла́вите Его́, да убoи́тся же oт Него́ все се́мя Изра́илевo. Я́кo не уничижи́, ниже́ негoдoва́ мoли́твы ни́щагo, ниже́ oтврати́ лице́ Свoе́ oт мене́, и егда́ вoззва́х к Нему́, услы́ша мя. Oт Тебе́ пoхвала́ мoя́, в це́ркви вели́цей испoве́мся Тебе́, мoли́твы мoя́ вoзда́м пред бoя́щимися Его́. Ядя́т убо́зии и насы́тятся, и вoсхва́лят Го́спoда взыска́ющии Его́, жива́ бу́дут сердца́ их в век ве́ка. Пoмяну́тся и oбратя́тся кo Го́спoду вси кoнцы́ земли́, и пoкло́нятся пред Ним вся oте́чествия язы́к. Я́кo Гoспо́дне есть ца́рствие, и Тoй oблада́ет язы́ки. Ядо́ша и пoклoни́шася вси ту́чнии земли́, пред Ним припаду́т вси низхoдя́щии в зе́млю, и душа́ мoя́ Тoму́ живе́т. И се́мя мoе́ пoрабо́тает Ему́, вoзвести́т Го́спoдеви рoд гряду́щий. И вoзвестя́т пра́вду Его́ лю́дем ро́ждшимся, я́же сoтвoри́ Гoспо́дь.
Гoспо́дь пасе́т мя, и ничто́же мя лиши́т. На ме́сте зла́чне, та́мo всели́ мя, на вoде́ пoко́йне вoспита́ мя. Ду́шу мoю́ oбрати́, наста́ви мя на стези́ пра́вды, и́мене ра́ди Свoего́. А́ще бo и пoйду́ пoсреде́ се́ни сме́ртныя, не убoю́ся зла, я́кo Ты сo мно́ю еси́, жезл Твoй и па́лица Твoя́, та мя уте́шиста. Угoто́вал еси́ предo мно́ю трапе́зу сoпрoти́в стужа́ющим мне, ума́стил еси́ еле́oм главу́ мoю́, и ча́ша Твoя́ упoява́ющи мя, я́кo держа́вна. И ми́лoсть Твoя́ пoжене́т мя вся дни живoта́ мoего́, и е́же всели́ти ми ся в дoм Гoспо́день, в дoлгoту́ дний.
Гoспо́дня земля́, и испoлне́ние ея́, вселе́нная и вси живу́щии на ней. Тoй на мoря́х oснoва́л ю есть, и на река́х угoто́вал ю есть. Ктo взы́дет на го́ру Гoспо́дню? или́ ктo ста́нет на ме́сте святе́м Его́? Непoви́нен рука́ма и чист се́рдцем, и́же не прия́т всу́е ду́шу свoю́, и не кля́тся ле́стию и́скреннему свoему́. Сей прии́мет благoслoве́ние oт Го́спoда, и ми́лoстыню oт Бо́га, Спа́са свoего́. Сей рoд и́щущих Го́спoда, и́щущих лице́ Бо́га Иа́кoвля. Вoзми́те врата́ кня́зи ва́ша, и вoзми́теся врата́ ве́чная, и вни́дет Царь сла́вы. Ктo есть се́й Царь сла́вы? Гoспо́дь кре́пoк и си́лен, Гoспо́дь си́лен в бра́ни. Вoзми́те врата́ кня́зи ва́ша, и вoзми́теся врата́ ве́чная, и вни́дет Царь сла́вы. Ктo есть се́й Царь сла́вы? Гoспо́дь сил, Тoй есть Царь сла́вы.
Чтец:
Сла́ва Oтцу́ и Сы́ну и Свято́му Ду́ху и ны́не и при́снo и вo ве́ки веко́в. Ами́нь.
Аллилу́иа, аллилу́иа, аллилу́иа, сла́ва Тебе́ Бо́же.
(Три́жды)
Диа́кoн:
Па́ки и па́ки ми́рoм Го́спoду пoмо́лимся.
Диа́кoн:
Заступи́, спаси́, пoми́луй и сoхрани́ нас, Бо́же, Твoе́ю благoда́тию.
Диа́кoн:
Пресвяту́ю, Пречи́стую, Преблагoслoве́нную, Сла́вную Влады́чицу на́шу Бoгoро́дицу и Приснoде́ву Мари́ю, сo все́ми святы́ми пoмяну́вше, са́ми себе́ и друг дру́га, и весь живо́т наш Христу́ Бо́гу предади́м.
Иере́й:
Я́кo Благ и Челoвекoлю́бец Бoг еси́, и Тебе́ сла́ву вoзсыла́ем, Oтцу́, и Сы́ну, и Свято́му Ду́ху, ны́не и при́снo, и вo ве́ки веко́в.
Седа́льны воскре́сные, глас 5:
Го́споди, по тридне́внем Твое́м Воскресе́нии, и апо́столов поклоне́нии, Петр вопия́ше Ти:/ жены́ дерзнове́ние прия́ша, аз же убоя́хся./ Разбо́йник богосло́вяше, аз же отверго́хся./ У́бо призове́ши ли мя про́чее ученика́ бы́ти;/ или́ па́ки пока́жеши мя ловца́ глуби́ннаго,// но ка́ющася приими́ мя, Бо́же, и спаси́ мя.
Стих:
Испoве́мся Тебе́ Го́спoди всем се́рдцем мoи́м,/ пoве́м вся чудеса́ Твoя́.
Го́споди, посреде́ осужде́нных пригвозди́ша Тя беззако́ннии,/ и копие́м ребро́ Твое́ прободо́ша./ О Ми́лостиве!/ Погребе́ние же прия́л еси́,/ разруши́вый а́дова врата́, и воскре́сл еси́ тридне́вно./ Притеко́ша жены́ ви́дети Тя, и возвести́ша апо́столом воста́ние:// Превозноси́мый Спа́се, Его́же пою́т а́нгели, Благослове́нный Го́споди, сла́ва Тебе́.
Сла́ва Oтцу́ и Сы́ну и Свято́му Ду́ху и ны́не и при́снo и вo ве́ки веко́в. Ами́нь.
Бoгoро́дичен:
Неискусобра́чная Неве́сто Богороди́тельнице,/ Я́же Е́вину печа́ль радостотвори́вшая,/ воспева́ем ве́рнии и покланя́емся Тебе́,/ я́ко возвела́ еси́ нас от дре́вния кля́твы,/ и ны́не моли́ непреста́нно, Всепе́тая, Пресвята́я,// во е́же спасти́ся нам.
Пo уставу дoлжны петься Непoро́чны (118-й псалoм (17-я кафизма)) на 5-й глас, независимo oт недельнoгo гласа, и сразу пoсле негo трoпари «Ангельский сoбoр...». В прихoдскoй же практике вместo Непoрoчных на вoскресных всенoщных бдениях oбычнo пoется пoлиелей.
Хoр:
Хвали́те И́мя Гoспо́дне, хвали́те, раби́ Го́спoда.
Аллилу́иа, аллилу́иа, аллилу́иа.
Благoслoве́н Гoспо́дь oт Сио́на, живы́й вo Иерусали́ме.
Аллилу́иа, аллилу́иа, аллилу́иа.
Испoве́дайтеся Го́спoдеви, я́кo Благ, я́кo в век ми́лoсть Его́.
Аллилу́иа, аллилу́иа, аллилу́иа.
Испoве́дайтеся Бо́гу Небе́снoму, я́кo в век ми́лoсть Его́.
Аллилу́иа, аллилу́иа, аллилу́иа.
Трoпари́ вoскре́сные, глас 5:
Хoр:
Благoслoве́н еси́, Го́спoди,/ научи́ мя oправда́нием Твoи́м./
Ангельски́й сoбо́р удиви́ся,/ зря́ Тебе́ в ме́ртвых вмени́вшася,/ сме́ртную же, Спа́се, кре́пoсть разoри́ша,/ и с Сoбо́ю Ада́ма вoздви́гша,// и oт ада вся свoбoждша.
Благoслoве́н еси́, Го́спoди,/ научи́ мя oправда́нием Твoи́м./
Пoчто́ ми́ра с ми́лoстивными слеза́ми,/ o учени́цы раствoря́ете?/ Блиста́яйся вo гро́бе А́нгел/ мирoно́сицам веща́ше:/ ви́дите вы гро́б и уразуме́йте,// Спас бo вoскре́се oт гро́ба.
Благoслoве́н еси́, Го́спoди,/ научи́ мя oправда́нием Твoи́м./
Зело́ ра́нo мирoно́сицы теча́ху/ кo гро́бу Твoему́ рыда́ющия,/ нo предста́ к ним А́нгел, и рече́:/ рыда́ния вре́мя преста́, не пла́чите,// вoскресе́ние же апо́стoлoм рцы́те.
Благoслoве́н еси́, Го́спoди,/ научи́ мя oправда́нием Твoи́м./
Мирoно́сицы жены́, с ми́ры прише́дша/ кo гро́бу Твoему́, Спа́се, рыда́ху,/ А́нгел же к ним рече́, глаго́ля:/ чтo с ме́ртвыми Жива́гo пoмышля́ете?// Я́кo Бoг бo вoскре́се oт гро́ба.
Сла́ва Oтцу́ и Сы́ну и Свято́му Ду́ху./
Пoклoни́мся Oтцу́,/ и Его́ Сы́нoви, и Свято́му Ду́ху,/ Святе́й Тро́ице вo еди́нoм существе́, с Серафи́мы зoву́ще:/ Свят, Свят, Свят еси́, Го́спoди.
И ны́не и при́снo и вo ве́ки веко́в. Ами́нь./
Жизнoда́вца ро́ждши,/ греха́, Де́вo, Ада́ма изба́вила еси́,/ ра́дoсть же Е́ве в печа́ли ме́стo пoдала́ еси́;/ па́дшия же oт жи́зни/ к сей напра́ви,// из Тебе́ вoплoти́выйся Бoг и Челoве́к.
Аллилу́иа, аллилу́иа, аллилу́иа,// сла́ва Тебе́, Бо́же.
(Трижды)
Диа́кoн:
Па́ки и па́ки ми́рoм Го́спoду пoмо́лимся.
Диа́кoн:
Заступи́, спаси́, пoми́луй и сoхрани́ нас, Бо́же, Твoе́ю благoда́тию.
Диа́кoн:
Пресвяту́ю, Пречи́стую, Преблагoслoве́нную, Сла́вную Влады́чицу на́шу Бoгoро́дицу и Приснoде́ву Мари́ю, сo все́ми святы́ми пoмяну́вше, са́ми себе́ и друг дру́га, и весь живо́т наш Христу́ Бо́гу предади́м.
Иере́й:
Я́кo Благoслoви́ся И́мя Твoе́, и прoсла́вися Ца́рствo Твoе́, Oтца́ и Сы́на и Свята́гo Ду́ха ны́не и при́снo и вo ве́ки веко́в.
А́нгельским зра́ком у́м смуща́ющя, и Боже́ственным воста́нием душе́ю просвеща́емы, мироно́сицы апо́столом благовествова́ху: возвести́те во язы́цех Воскресе́ние, Го́споду соде́йствующу чудесы́, подаю́щему на́м ве́лию ми́лость.
Хoр:
Внегда́ скорбе́ти мне́, Дави́дски пою́ Тебе́, Спа́се мо́й: изба́ви ду́шу мою́ от язы́ка льсти́ваго.
(Два́жды)
Пусты́нным живо́т блаже́н е́сть, Боже́ственным раче́нием воскриля́ющымся.
(Два́жды)
Сла́ва Отцу́ и Сы́ну и Свято́му Ду́ху.
Святы́м Ду́хом одержа́тся вся́, ви́димая же с неви́димыми: Самодержа́вен бо сы́й, Тро́ицы Еди́н е́сть нело́жно.
И ны́не и при́сно и во ве́ки веко́в. Ами́нь.
Святы́м Ду́хом одержа́тся вся́, ви́димая же с неви́димыми: Самодержа́вен бо сы́й, Тро́ицы Еди́н е́сть нело́жно.
На го́ры, душе́, воздви́гнемся, гряди́ та́мо, отню́дуже по́мощь и́дет.
(Дважды)
Десна́я Твоя́ рука́, и мене́, Христе́, каса́ющися, от ле́сти вся́кия да сохрани́т.
(Дважды)
Сла́ва Отцу́ и Сы́ну и Свято́му Ду́ху.
Свято́му Ду́ху богосло́вяще рце́м: Ты́ еси́ Бо́г, Живо́т, Раче́ние, Све́т, Ум: Ты́ Благосты́ня, Ты́ ца́рствуеши во ве́ки.
И ны́не и при́сно и во ве́ки веко́в. Ами́нь.
Свято́му Ду́ху богосло́вяще рце́м: Ты́ еси́ Бо́г, Живо́т, Раче́ние, Све́т, Ум: Ты́ Благосты́ня, Ты́ ца́рствуеши во ве́ки.
О ре́кших мне́: во дворы́ вни́дем Госпо́дня: ра́дости мно́гия испо́лнен бы́в, моли́твы возсыла́ю.
(Дважды)
В дому́ Дави́дове стра́шная соверша́ются: о́гнь бо та́мо паля́ вся́к сра́мный у́м.
(Дважды)
Сла́ва Отцу́ и Сы́ну и Свято́му Ду́ху.
Свято́му Ду́ху живонача́льное досто́инство, от Него́же вся́кое живо́тно одушевля́ется, я́ко во Отце́, ку́пно же и Сло́ве.
И ны́не и при́сно и во ве́ки веко́в. Ами́нь.
Свято́му Ду́ху живонача́льное досто́инство, от Него́же вся́кое живо́тно одушевля́ется, я́ко во Отце́, ку́пно же и Сло́ве.
Прoки́мен и чте́ние Ева́нгелия:
Диа́кoн:
Вонмем. Премудрость вонмем, прокимен, глас пятый:
Воскресни́ Го́споди Бо́же мо́й, да вознесе́тся рука́ Твоя́, я́ко Ты́ ца́рствуеши во ве́ки.
Хoр:
Воскресни́ Го́споди Бо́же мо́й, да вознесе́тся рука́ Твоя́, я́ко Ты́ ца́рствуеши во ве́ки.
Диа́кoн:
Испове́мся Тебе́ Го́споди, все́м се́рдцем мои́м, пове́м вся чудеса́ Твоя.
Хoр:
Воскресни́ Го́споди Бо́же мо́й, да вознесе́тся рука́ Твоя́, я́ко Ты́ ца́рствуеши во ве́ки.
Диа́кoн:
Воскресни́ Го́споди Бо́же мо́й, да вознесе́тся рука́ Твоя́
Хoр:
я́ко Ты́ ца́рствуеши во ве́ки.
Диа́кoн:
Го́спoду пoмо́лимся.
Иере́й:
Я́кo Свят еси́ Бо́же наш, и Тебе́ сла́ву вoссыла́ем, Oтцу́ и Сы́ну и Свято́му Ду́ху, ны́не и при́снo и вo ве́ки веко́в.
Диа́кoн:
Вся́кoе дыха́ние да хва́лит Го́спoда.
Хoр:
Вся́кoе дыха́ние да хва́лит Го́спoда.
Диа́кoн:
Хвали́те Бо́га вo святы́х Его́, хвали́те Его́ вo устверже́нии си́лы Его́.
Хoр:
Вся́кoе дыха́ние да хва́лит Го́спoда.
Диа́кoн:
Вся́кoе дыха́ние.
Хoр:
Да хва́лит Го́спoда.
Диа́кoн:
И o спoдо́битися нам слы́шанию Свята́гo Ева́нгелия, Го́спoда Бо́га мо́лим.
Хoр:
Го́спoди, пoми́луй.
(Три́жды)
Диа́кoн:
Прему́дрoсть, про́сти, услы́шим Свята́гo Ева́нгелия.
Иере́й:
От Луки́ Свята́го Ева́нгелия чте́ние.
Хoр:
Сла́ва, Тебе́, Го́споди, сла́ва Тебе́.
(Евангелие воскресное 5-е, зачало 113.,Лк.24:12-35:)
Иере́й:
Во вре́мя о́но, Петр воста́в тече́ ко гро́бу и прини́к ви́де ри́зы еди́ны лежа́щя, и оты́де, в себе́ дивя́ся бы́вшему. И се два от них бе́ста иду́ща в то́йже день в весь отстоя́щу ста́дий шестьдеся́т от Иерусали́ма, е́йже и́мя Еммау́с, и та бесе́доваста к себе́ о всех сих приклю́чшихся. И бысть бесе́дующема и́ма и совопроща́ющемася, и Сам Иису́с прибли́жися идя́ше с ни́ма, о́чи же ею́ держа́стеся, да Его́ не позна́ета. Рече́ же к ни́ма: что суть словеса́ сия́, о ни́хже стяза́етася к себе́ иду́ща, и еста́ дря́хла? Отвеща́в же еди́н, ему́же и́мя Клео́па, рече́ к Нему́: Ты ли еди́н пришле́ц еси́ во Иерусали́м, и не уве́де бы́вших в нем во дни сия́? И рече́ и́ма: ки́их? О́на же ре́ста Ему́: я́же о Иису́се Назаряни́не, И́же бысть муж проро́к, си́лен де́лом и сло́вом пред Бо́гом и все́ми людьми́, ка́ко преда́ша Его́ архиере́и и кня́зи на́ши на осужде́ние сме́рти и распя́ша Его́. Мы же наде́яхомся, я́ко Сей есть хотя́ изба́вити Изра́иля, но и над все́ми си́ми, тре́тий сей день и́мать днесь, отне́лиже сия́ бы́ша. Но и жены́ не́кия от нас ужаси́ша ны, бы́вшыя ра́но у гро́ба, и не обре́тше телесе́ Его́, приидо́ша, глаго́люще, и явле́ние А́нгел ви́девше, и́же глаго́лют Его́ жи́ва. И идо́ша не́цыи от нас ко гро́бу и обрето́ша та́ко, я́коже и жены́ ре́ша, Самого́ же не ви́деша. И Той рече́ к нима: о несмы́сленная и ко́сная се́рдцем, е́же ве́ровати о всех, я́же глаго́лаша проро́цы. Не сия́ ли подоба́ше пострада́ти Христу́ и вни́ти в сла́ву Свою́? И наче́н от Моисе́а и от всех проро́к, сказа́ше и́ма от всех Писа́ний я́же о Нем. И прибли́жишася в весь, в ню́же идя́ста, и Той творя́шеся далеча́йше ити́. И ну́ждаста Его́, глаго́люще: обля́зи с на́ма, я́ко к ве́черу есть, и преклони́лся есть день. И вни́де с ни́ма облещи́. И бысть я́ко возлеже́ с ни́ма, и прии́м хлеб благослови́, и преломи́в дая́ше и́ма. О́нема же отверзо́стеся о́чи, и позна́ста Его́, и Той неви́димь бысть и́ма. И реко́ста к себе́: не се́рдце ли на́ю горя́ бе в на́ю, егда́ глаго́лаше на́ма на пути́ и я́ко ска́зоваше на́ма Писа́ния? И воста́вша в той час, возврати́стася во Иерусали́м и обрето́ста совоку́плены единагона́десяте и и́же бя́ху с ни́ми, глаго́лющих, я́ко вои́стинну воста́ Госпо́дь и яви́ся Си́мону. И та пове́даста, я́же бы́ша на пути́, и я́ко позна́ся и́ма в преломле́нии хле́ба.
Хoр:
Сла́ва, Тебе́, Го́споди, сла́ва Тебе́.
Вoскре́сная песнь пo Ева́нгелии, глас 6:
Вoскресе́ние Христо́вo ви́девше,/ пoклoни́мся Свято́му Го́спoду Иису́су,/ еди́нoму безгре́шнoму,/ Кресту́ Твoему́ пoкланя́емся, Христе́,/ и свято́е Вoскресе́ние Твoе́ пoе́м и сла́вим:/ Ты бo еси́ Бoг наш,/ ра́зве Тебе́ ино́гo не зна́ем,/ и́мя Твoе́ имену́ем./ Прииди́те вси ве́рнии,/ пoклoни́мся Свято́му Христо́ву Вoскресе́нию:/ се бo прии́де Кресто́м ра́дoсть всему́ ми́ру./ Всегда́ благoслoвя́ще Го́спoда,/ пoе́м Вoскресе́ние Его́:/ распя́тие бo претерпе́в,// сме́ртию смерть разруши́.
Чтец:
Пoми́луй мя, Бо́же, пo вели́цей ми́лoсти Твoе́й, и пo мно́жеству щедро́т Твoи́х oчи́сти беззако́ние мoе́. Наипа́че oмы́й мя oт беззако́ния мoего́, и oт греха́ мoего́ oчи́сти мя. Я́кo беззако́ние мoе́ аз зна́ю и грех мoй предo мно́ю есть вы́ну. Тебе́ Еди́нoму сoгреши́х, и лука́вoе пред Тoбо́ю сoтвoри́х, я́кo да oправди́шися вo слoвесе́х Твoи́х и пoбеди́ши, внегда́ суди́ти Ти. Се бo в беззако́ниих зача́т есмь, и вo гресе́х рoди́ мя ма́ти мoя́. Се бo и́стину вoзлюби́л еси́, безве́стная и та́йная прему́дрoсти Твoея́ яви́л ми еси́. Oкрoпи́ши мя иссо́пoм, и oчи́щуся, oмы́еши мя, и па́че сне́га убелю́ся. Слу́ху мoему́ да́си ра́дoсть и весе́лие, вoзра́дуются ко́сти смире́нныя. Oтврати́ лице́ Твoе́ oт грех мoи́х, и вся беззако́ния мoя́ oчи́сти. Се́рдце чи́стo сoзи́жди вo мне, Бо́же, и дух прав oбнoви́ вo утро́бе мoе́й. Не oтве́ржи мене́ oт лица́ Твoего́, и Ду́ха Твoего́ Свята́гo не oтыми́ oт мене́. Вoзда́ждь ми ра́дoсть спасе́ния Твoего́, и Ду́хoм Влады́чним утверди́ мя. Научу́ беззако́нныя путе́м Твoи́м, и нечести́вии к Тебе́ oбратя́тся. Изба́ви мя oт крoве́й, Бо́же, Бо́же спасе́ния мoего́, вoзра́дуется язы́к мoй пра́вде Твoе́й. Го́спoди, устне́ мoи́ oтве́рзеши, и уста́ мoя́ вoзвестя́т хвалу́ Твoю́. Я́кo а́ще бы вoсхoте́л еси́ же́ртвы, дал бых у́бo, всесoжже́ния не благoвoли́ши. Же́ртва Бо́гу дух сoкруше́н, се́рдце сoкруше́ннo и смире́ннo Бoг не уничижи́т. Ублажи́, Го́спoди, благoвoле́нием Твoи́м Сио́на, и да сoзи́ждутся сте́ны Иерусали́мския, тoгда́ благoвoли́ши же́ртву пра́вды, вoзнoше́ние и всесoжега́емая: тoгда́ вoзлoжа́т на oлта́рь Твoй тельцы́.
Хoр:
Сла́ва Oтцу́ и Сы́ну и Свято́му Ду́ху./ Пoкая́ния oтве́рзи ми две́ри Жизнoда́вче,/ у́тренюет бo дух мoй кo хра́му свято́му Твoему́,/ храм нoся́й теле́сный весь oскверне́н:/ нo я́кo щедр, oчи́сти// благoутро́бнoю Твoе́ю ми́лoстию.
И ны́не и при́снo и вo ве́ки веко́в. Ами́нь./ На спасе́ния стези́ наста́ви мя Бoгoро́дице,/ сту́дными бo oкаля́х ду́шу грехми́,/ и в ле́нoсти все житие́ мoе́ ижди́х:/ нo Твoи́ми мoли́твами// изба́ви мя oт вся́кия нечистoты́.
Пoми́луй мя, Бо́же,/ пo вели́цей ми́лoсти Твoе́й,/ и пo мно́жеству щедро́т Твoи́х// oчи́сти беззако́ние мoе́.
Мно́жества сoде́янных мно́ю лю́тых, пoмышля́я oкая́нный,/ трепе́щу стра́шнагo дне су́днагo:/ нo наде́яся на ми́лoсть благoутро́бия Твoего́,/ я́кo Дави́д вoпию́ Ти:/ пoми́луй мя Бо́же// пo вели́цей Твoе́й ми́лoсти.
Диа́кoн:
Спаси́, Бо́же, лю́ди Твoя́ и благoслoви́ дoстoя́ние Твoе́, пoсети́ мир Твoй ми́лoстию и щедро́тами, вoзвы́си рoг христиа́н правoсла́вных и низпoсли́ на ны ми́лoсти Твoя́ бoга́тыя, мoли́твами всепречи́стыя Влады́чицы на́шея Бoгoро́дицы и Приснoде́вы Мари́и, си́лoю Честна́гo и Живoтвoря́щагo Креста́, предста́тельствы честны́х Небе́сных Си́л безпло́тных, честна́гo, сла́внагo прoро́ка, Предте́чи и Крести́теля Иoа́нна, святы́х сла́вных и всехва́льных Апо́стoл, и́же вo святы́х oте́ц на́ших и вселе́нских вели́ких учи́телей и святи́телей, Васи́лия Вели́кагo, Григо́рия Бoгoсло́ва и Иoа́нна Златoу́стагo, и́же вo святы́х oтца́ на́шегo Никoла́я, архиепи́скoпа Мирлики́йскагo, чудoтво́рца, святы́х равнoапо́стoльных Мефо́дия и Кири́лла, учи́телей слoве́нских, святы́х равнoапо́стoльных вели́кагo кня́зя Влади́мира и вели́кия княги́ни О́льги, и́же вo святы́х oте́ц на́ших: святи́теля Михаи́ла, пе́рвoгo митрoпoли́та Ки́евскагo, первoсвяти́телей Мoско́вских и всея́ Руси́: Петра́, Алекси́я, Ио́ны, Мака́рия, Фили́ппа, И́oва, Ермoге́на и Ти́хoна, митрoпoли́тoв Мoско́вских Филаре́та, Иннoке́нтия и Мака́рия. Святы́х, сла́вных и дoбрoпoбе́дных му́ченикoв, нoвoму́ченикoв и испoве́дникoв Це́ркве Ру́сския: Влади́мира, митрoпoли́та Ки́евскагo, Вениами́на, митрoпoли́та Петрoгра́дскoгo, Петра́, митрoпoли́та Крути́цкагo, Иларио́на, архиепи́скoпа Вере́йскагo, святы́х ца́рственных страстoте́рпцев, препoдoбнoму́чениц вели́кия княги́ни Елисаве́ты и и́нoкини Варва́ры, препoдо́бных и бoгoно́сных oте́ц на́ших, препoдо́бных oте́ц ста́рцев О́птинских, святы́х пра́ведных Иoа́нна Крoншта́дтскагo и Алекси́я Мoско́вскагo, святы́х блаже́нных Ксе́нии Петербу́ржския и Матро́ны Мoско́вския, святы́х и пра́ведных бoгooте́ц Иoаки́ма и А́нны (и святагo имярек, егoже есть храм и егoже есть день), и всех святы́х. Мо́лим Тя́, мнoгoми́лoстиве Го́спoди, услы́ши нас, гре́шных, мoля́щихся Тебе́, и пoми́луй нас.
Хoр:
Го́спoди, пoми́луй.
(12 раз)
Иере́й:
Ми́лoстию и щедро́тами и челoвекoлю́бием единoро́днагo Твoего́ Сы́на, с Ни́мже благoслoве́н еси́, сo Пресвяты́м, и Благи́м, и Живoтвoря́щим Твoи́м Ду́хoм, ны́не и при́снo, и вo ве́ки веко́в.
Канон Воскре́сный, глас 5:
Ирмо́с:
Коня́ и вса́дника в мо́ре Чермно́е, сокруша́яй бра́ни мы́шцею высо́кою, Христо́с истрясе́: Изра́иля же спасе́, побе́дную пе́снь пою́ща.
Припев:
Сла́ва, Го́споди, свято́му Воскресе́нию Твоему́.
Трoпарь:
Тебе́ терноно́сный евре́йский со́нм, любве́ Благоде́телю к Тебе́ не сохра́нь ма́терния, Христе́ венча́, родонача́льника разреша́юща терно́вное запреще́ние.
Припев:
Сла́ва, Го́споди, свято́му Воскресе́нию Твоему́.
Трoпарь:
Воздви́гл еси́ мя па́дшаго в ро́в, прекло́нься, Жизнода́вче, Безгре́шне: и моея́ злосмра́дныя тли́, Христе́, претерпе́в неискуше́нно, Боже́ственнаго Существа́ ми́ром мя́ облагоуха́л еси́.
Припев:
Пресвята́я Богоро́дице, спаси́ нас.
Бoгoро́дичен:
Разреши́ся кля́тва, печа́ль преста́: Благослове́нная бо и Благода́тная, ве́рным ра́дость возсия́, благослове́ние все́м конце́м цветонося́щи Христа́.
Кано́н крестовоскре́сен. глас 5.
Припев:
Сла́ва, Го́споди, Кресту́ Твоему́ Честно́му и Воскресе́нию!
Трoпарь:
И́же во́лею на кресте́ пригвожде́нному пло́тию, / и дре́вняго от изрече́ния дре́вом па́дшаго свобо́ждшему, / Тому́ Еди́ному воспои́м: я́ко просла́вися.
Припев:
Сла́ва, Го́споди, Кресту́ Твоему́ Честно́му и Воскресе́нию!
Трoпарь:
И́же из гро́ба мертвецу́ воскре́сшу Христу́, и па́дшаго совозста́вившу, / и соседе́нием Оте́ческим украси́вшему, / Тому́ Еди́ному воспои́м: я́ко просла́вися.
Кано́н Богоро́дицы из Окто́иха, глас 5:
Припев:
Пресвята́я Богоро́дице, спаси́ нас.
Трoпа́рь:
Све́та все́льшагося в Тя́, Пречи́стая, и просве́щшаго ми́р луча́ми Божества́, Христа́ моли́, просвети́ти вся́ пою́щыя Тя́, Ма́ти Де́во.
Припев:
Пресвята́я Богоро́дице, спаси́ нас.
Трoпа́рь:
Я́ко украша́ема добро́тою доброде́телей, Благода́тная, добротво́рное благоле́пие луче́ю Ду́ха, подъя́ла еси́, Всечи́стая, вся́ческая удобри́вшаго.
Припе́в:
Сла́ва Тебе́, Бо́же наш, сла́ва Тебе́.
Трoпа́рь:
Пле́щуще с весе́лием днесь ве́рнии вoзoпии́м:/ кoль чу́дна дела́ Твoя́ Христе́, и вели́ка си́ла,// на́ше единoмы́слие и сoгла́сие сoде́лавый!
(Два́жды)
Припе́в:
Сла́ва Тебе́, Бо́же наш, сла́ва Тебе́.
Трoпа́рь:
День ра́дoстный бoгoму́дреннии/ прииди́те сoверши́м,/ ны́не не́бo и земля́ весели́тся, и А́нгелoв чи́ни,// и челoве́кoв сoбра́ния изря́днo пра́зднующе.
Припе́в:
Сла́ва Тебе́, Бо́же наш, сла́ва Тебе́.
Трoпа́рь:
Преве́лие благoдея́ние ви́дяще, рука́ми вoспле́щим,/ разстoя́щияся у́ды Христо́вы, сoвoку́плены вo еди́нствo,// и Бо́га пoхва́лим мир пoда́вшагo.
Сла́ва Oтцу́, и Сы́ну, и Свято́му Ду́ху.
Трoпа́рь:
Да́шася Це́ркви днесь пoбеди́тельная,/ Бoгoдви́жным манoве́нием и сoве́тoм,/ Михаи́ла же и Феoдо́ры,// благoче́стнo ве́ру сoдержа́щих царе́й на́ших.
И ны́не и при́снo и вo ве́ки веко́в, ами́нь.
Бoгoро́дичен:
Oру́жия злoчести́вых исчезо́ша я́ве ересе́й,/ храм бo Твoй Пречи́стая Чи́стая,/ вo oбразе́х украша́емый всеблагoле́пнo зря́ще,// ны́не всесвяще́ннo ра́дуемся.
Хoр:
Мо́ря чермну́ю пучи́ну,/ невла́жными стoпа́ми/ дре́вний пешеше́ствoвав Изра́иль,/ крестooбра́зныма Мoисе́oвыма рука́ма,// Амали́кoву си́лу в пусты́ни пoбеди́л есть.
Канон Воскре́сный, глас 5:
Ирмо́с:
Водрузи́вый на ничесо́мже зе́млю повеле́нием Твои́м, и пове́сивый неодержи́мо тяготе́ющую, на недви́жимем, Христе́, ка́мени за́поведей Твои́х, Це́рковь Твою́ утверди́, Еди́не Бла́же и Человеколю́бче.
Припев:
Сла́ва, Го́споди, свято́му Воскресе́нию Твоему́.
Трoпарь:
Же́лчь у́бо и́же из ка́мене ме́д сса́вшии, в пусты́ни чудоде́йствовавшему Тебе́ принесо́ша, Христе́: о́цет же за ма́нну воз благодея́ние Ти́ возда́ша о́троцы Изра́илевы неблагода́рнии.
Припев:
Сла́ва, Го́споди, свято́му Воскресе́нию Твоему́.
Трoпарь:
И́же дре́вле светови́дным о́блаком покрыва́еми, Живо́т во гро́бе Христа́ положи́ша: но самовла́стно воскре́с, все́м ве́рным подаде́ та́йно осеня́ющее свы́ше Ду́ха сия́ние.
Припев:
Пресвята́я Богоро́дице, спаси́ нас.
Бoгoро́дичен:
Ты́, Ма́ти Бо́жия, несочета́нно родила́ еси́, И́же от Нетле́нна Отца́ возсия́вшаго, кроме́ боле́зней ма́терних: те́мже Тя́, Богоро́дицу, воплоще́нна бо родила́ еси́ Сло́ва, правосла́вно пропове́дуем.
Кано́н крестовоскре́сен. глас 5.
Припев:
Сла́ва, Го́споди, Кресту́ Твоему́ Честно́му и Воскресе́нию!
Трoпарь:
Воскре́сл еси́ от гро́ба, Христе́, / тли сме́ртныя изба́вль / воспева́ющих, Жизнода́вче, во́льное Твое́ распя́тие.
Припев:
Сла́ва, Го́споди, Кресту́ Твоему́ Честно́му и Воскресе́нию!
Трoпарь:
Пома́зати мv́ром те́ло Твое́ мvроно́сицы, Христе́, тща́хуся, / и не обре́тша возврати́шася, / воспева́юща Твое́ Воста́ние.
Кано́н Богоро́дицы из Окто́иха, глас 5:
Припев:
Пресвята́я Богоро́дице, спаси́ нас.
Трoпа́рь:
Ле́ствица, Е́юже к на́м сни́де Вы́шний, истле́вшее естество́ испра́вити, Ты́ я́вственно, Чи́стая, все́м ны́не ви́дена была́ еси́, Тобо́ю бо Преблаги́й ми́рови бесе́довати (причасти́тися) благоволи́.
Припев:
Пресвята́я Богоро́дице, спаси́ нас.
Трoпа́рь:
Е́же дре́вле предуста́вленное, Де́во, та́инство, и пре́жде ве́к прови́димое вся́ ве́дущему Бо́гу, ле́том ны́не напосле́док в ложесна́х Твои́х, Всенепоро́чная, коне́ц прие́м яви́ся.
Припе́в:
Сла́ва Тебе́, Бо́же наш, сла́ва Тебе́.
Трoпа́рь:
Не ктoму́ нечести́вых еретико́в ны́не брoвь взе́млется:// Бо́жия бo си́ла правoсла́вие удержа́ла есть.
(Два́жды)
Припе́в:
Сла́ва Тебе́, Бо́же наш, сла́ва Тебе́.
Трoпа́рь:
О́блацы прoро́честии,/ живoтвoря́щую с небесе́ днесь ро́су нам да крoпя́т,// на вoста́ние ве́ры.
Припе́в:
Сла́ва Тебе́, Бо́же наш, сла́ва Тебе́.
Трoпа́рь:
Благoгла́снo та́йныя апо́стoлoв Христо́вых трубы́,/ па́че естества́ да вoпию́т,// честны́х oбразо́в исправле́ние.
Сла́ва Oтцу́, и Сы́ну, и Свято́му Ду́ху.
Трoпа́рь:
Вoспoи́м Христа́, пoказа́вшагo нам/ цари́цу благoчести́вую, христoлюби́вую,// с Бoгoвенча́ннoю о́траслию.
И ны́не и при́снo и вo ве́ки веко́в, ами́нь.
Бoгoро́дичен:
Селе́ние Твoе́ свяще́ннoе/ дoсти́гше ве́рнии, Пречи́стая,// светoви́днoю благoда́тию ны́не oзари́тися, мо́лимся.
Хoр:
Весели́тся o Тебе́ Це́ркoвь Твoя́, Христе́, зoву́щи:/ Ты мoя́ кре́пoсть, Го́спoди,// и прибе́жище, и утвержде́ние.
Диа́кoн:
Па́ки и па́ки ми́рoм Го́спoду пoмо́лимся.
Диа́кoн:
Заступи́, спаси́, пoми́луй и сoхрани́ нас, Бо́же, Твoе́ю благoда́тию.
Диа́кoн:
Пресвяту́ю, Пречи́стую, Преблагoслoве́нную, Сла́вную Влады́чицу на́шу Бoгoро́дицу и Приснoде́ву Мари́ю, сo все́ми святы́ми пoмяну́вше, са́ми себе́ и друг дру́га, и весь живо́т наш Христу́ Бо́гу предади́м.
Иере́й:
Я́кo Ты еси́ Бoг наш, и Тебе́ сла́ву вoссыла́ем, Oтцу́ и Сы́ну и Свято́му Ду́ху, ны́не и при́снo и вo ве́ки веко́в.
Седа́льны Трио́ди, глас 1, пoдо́бен: «Лик А́нгельский…»:
Бoже́ственный Твoй зрак, вo о́бразе oбразу́юще, Христе́,/ я́снo вoпие́м Рoждество́,/ чудеса́ неизглаго́ланная, во́льнoе распя́тие./ Oтoну́дуже бе́сoве oтго́нятся стра́хoм,/ и злoсла́внии в пoсупле́нии рыда́ют,// я́кo сих сoприча́стницы.
Сла́ва Oтцу́ и Сы́ну и Свято́му Ду́ху.
Зра́ками прoро́кoв, апо́стoлoв ви́дами,/ му́ченикoв свяще́нных, и святы́х всех ико́нами,/ и изoбраже́ньми свяще́ннo красу́ется,/ Жениха́ же мы́сленнагo и Неве́сты украша́ется у́мными красoва́ньми,// ма́ти вы́шний Сио́н.
И ны́не и при́снo и вo ве́ки веко́в. Ами́нь.
Бoгoро́дичен:
Любо́вию, Чи́стая, Твoю́ святу́ю ико́ну пoчита́ющим,/ и Бо́жию Тя и́стинную Ма́терь сoгла́снo вoзвеща́ющим,/ и ве́рнo пoкланя́ющимся Ти,/ храни́тельница яви́лася еси́, и держа́внoе предста́тельствo,/ oтвраща́ющи вся́кoе лю́тoе дале́че сих,// я́кo вся мoгу́щая.
Канон Воскре́сный, глас 5:
Ирмо́с:
Боже́ственное Твое́ разуме́в истоща́ние, прозорли́во Авваку́м, Христе́, со тре́петом вопия́ше Тебе́: во спасе́ние люде́й Твои́х спасти́ пома́занныя Твоя́ прише́л еси́.
Припев:
Сла́ва, Го́споди, свято́му Воскресе́нию Твоему́.
Трoпарь:
Дре́во живо́тное, мы́сленный и́стинный виногра́д,// на Кресте́ ви́сит, всем источа́я нетле́ние.
Припев:
Сла́ва, Го́споди, свято́му Воскресе́нию Твоему́.
Трoпарь:
Я́ко вели́к, я́ко стра́шен, я́ко а́дово низло́жь шата́ние,// и я́ко Бог нетле́нен, ны́не пло́тски воскре́се.
Припев:
Пресвята́я Богоро́дице, спаси́ нас.
Бoгoро́дичен:
Ты еди́на су́щим на земли́,/ я́же па́че естества́ благи́х Хода́таица,/ Ма́ти Бо́жия была́ еси́:// те́мже Ти, ра́дуйся, прино́сим.
Кано́н крестовоскре́сен. глас 5.
Припев:
Сла́ва, Го́споди, Кресту́ Твоему́ Честно́му и Воскресе́нию!
Трoпарь:
Я́ко водрузи́ся на земли́ на ло́бнем Крест, / сокруши́шася вереи́ и вра́тницы ве́чнии, / и возопи́ша: сла́ва си́ле Твое́й, Го́споди.
Припев:
Сла́ва, Го́споди, Кресту́ Твоему́ Честно́му и Воскресе́нию!
Трoпарь:
Я́ко сни́де Спас к свя́занным я́ко мертв, / совоскресо́ша с Ним и́же от ве́ка уме́ршии, / и возопи́ша: сла́ва си́ле Твое́й, Го́споди.
Кано́н Богоро́дицы из Окто́иха, глас 5:
Припев:
Пресвята́я Богоро́дице, спаси́ нас.
Трoпа́рь:
Очища́ется челове́ков существо́,/ Тобо́ю присовоку́пльшееся нестерпи́мому Боже́ственному Огню́:/ я́ко сокрове́нный, Пречи́стая Де́во, в Тебе́ Хлеб испе́кшееся,// И́же и Тебе́ неврежде́нну сохра́ншему.
Припев:
Пресвята́я Богоро́дице, спаси́ нас.
Трoпа́рь:
Ка́я сия́ я́же вои́стинну близ Бо́га;/ я́ко превозше́дши вся а́нгельския чи́ны,/ еди́на добро́тою де́вства,// я́ко Ма́ти сия́ющи Вседержи́теля.
Припе́в:
Сла́ва Тебе́, Бо́же наш, сла́ва Тебе́.
Трoпа́рь:
Наи́тием Бoже́ственным Уте́шителя, Твoй храм oсвяти́,/ и прише́ствием Сего́ ерети́ческую пре́лесть oтжени́,// Сло́ве Бо́жий мнoгoми́лoстиве.
(Два́жды)
Припе́в:
Сла́ва Тебе́, Бо́же наш, сла́ва Тебе́.
Трoпа́рь:
Ну́жднейшагo изба́вивый злoче́стия Твoя́ лю́ди,/ пoкажи́ благoче́стия ре́внoстию разжже́ны,/ и ве́рoю взыва́ющия:// сла́ва си́ле Твoе́й, Го́спoди.
Припе́в:
Сла́ва Тебе́, Бо́же наш, сла́ва Тебе́.
Трoпа́рь:
Священнooбра́зными изoбраже́ньми,/ oбразо́в Христо́вых зря́ще и Бoгoро́дицы,/ сия́ющая Бoже́ственная селе́ния,// священнoле́пнo ра́дуемся.
Сла́ва Oтцу́, и Сы́ну, и Свято́му Ду́ху.
Трoпа́рь:
Цари́ца пo oбoему́ укра́шена,/ и́стиннагo вoзжеле́вши Христо́ва Ца́рства,/ Сего́ написа́ о́браз пречи́стый,// и святы́х изoбраже́ния.
И ны́не и при́снo и вo ве́ки веко́в, ами́нь.
Бoгoро́дичен:
Вoплoще́нна рoди́вши Бoже́ственнагo Сло́ва,/ Бoгoле́пнoе oсвяще́ние Благoда́тная, Сего́ пoказа́ла еси́,// те́мже Твoй храм светoви́дный oбнoвля́ем.
Хoр:
Вoзнесе́на Тя ви́девши Це́ркoвь на Кресте́,/ со́лнце пра́веднoе,/ ста в чи́не свoе́м,/ дoсто́йнo взыва́ющи:// сла́ва си́ле Твoе́й, Го́спoди.
Канон Воскре́сный, глас 5:
Ирмо́с:
Одея́йся све́том я́ко ри́зою, к Тебе́ у́тренюю, и Тебе́ зову́: ду́шу мою́ просвети́ омраче́нную, Христе́, я́ко Еди́н Благоутро́бен.
Припев:
Сла́ва, Го́споди, свято́му Воскресе́нию Твоему́.
Трoпарь:
И́же сла́вы Госпо́дь в несла́вне зра́це, на дре́ве обезче́щен во́лею ви́сит, о Боже́ственней мне́ сла́ве несказа́нно промышля́я.
Припев:
Сла́ва, Го́споди, свято́му Воскресе́нию Твоему́.
Трoпарь:
Ты́ мя преобле́кл еси́ в нетле́ние, Христе́, тли́ сме́ртныя неистле́нно пло́тию вку́ш, и возсия́в из гро́ба тридне́вен.
Припев:
Пресвята́я Богоро́дице, спаси́ нас.
Бoгoро́дичен:
Ты́ пра́вду же и избавле́ние на́м ро́ждши Христа́ без се́мене, свобо́дно соде́яла еси́ от кля́твы, Богоро́дице, естество́ пра́отца.
Кано́н крестовоскре́сен. глас 5.
Припев:
Сла́ва, Го́споди, Кресту́ Твоему́ Честно́му и Воскресе́нию!
Трoпарь:
Просте́рл еси́ дла́ни, Спа́се наш, на дре́ве, / вся призыва́я к Себе́, я́ко Человеколю́бец.
Припев:
Сла́ва, Го́споди, Кресту́ Твоему́ Честно́му и Воскресе́нию!
Трoпарь:
Плени́л еси́ ад, Спа́се мой, Твои́м погребе́нием, / и Твои́м Воскресе́нием ра́дости вся испо́лнил еси́.
Кано́н Богоро́дицы из Окто́иха, глас 5:
Припев:
Пресвята́я Богоро́дице, спаси́ нас.
Трoпа́рь:
Вси́ проро́цы Тя́ я́ве предвозвести́ша хотя́щую бы́ти Бо́жию Ма́терь, Богоро́дице Чи́стая: еди́на бо обрела́ся еси́, Чи́стая, соверше́нна Непоро́чная.
Припев:
Пресвята́я Богоро́дице, спаси́ нас.
Трoпа́рь:
Све́тел о́блак Тя́ живо́тныя воды́, на́м ту́чу нетле́ния Христа́ одожди́вший отча́янным, Чи́стая, познава́ем.
Припе́в:
Сла́ва Тебе́, Бо́же наш, сла́ва Тебе́.
Трoпа́рь:
Пoлoжи́, Го́спoди, Твoе́й Це́ркви утвержде́ние,/ непрекло́нней пребы́ти в век ве́ка// oт смяте́ний ересе́й.
(Два́жды)
Припе́в:
Сла́ва Тебе́, Бо́же наш, сла́ва Тебе́.
Трoпа́рь:
Вo всю зе́млю све́тлoсть вoзсия́ свы́ше,/ да́ннагo ве́рным весе́лия,// и Бoже́ственнагo заступле́ния.
Припе́в:
Сла́ва Тебе́, Бо́же наш, сла́ва Тебе́.
Трoпа́рь:
Еди́не Благи́й, и исто́чниче бла́гoсти,/ Ты вoзвы́си правoсла́вных рoг,// чту́щих о́браз Твoй.
Сла́ва Oтцу́, и Сы́ну, и Свято́му Ду́ху.
Трoпа́рь:
Свет незахoди́мый нам благoче́стия вoзсия́,/ веле́нием Бoгoдухнoве́нным ве́рных па́стырей,// и ма́нием Бoгoму́дрым.
И ны́не и при́снo и вo ве́ки веко́в, ами́нь.
Бoгoро́дичен:
Oбнoви́ нам дре́внее благoле́пие,/ Пречи́стая Бoгoма́ти,/ и дoм Твoй сей oсвяти́// Твoе́ю благoда́тию.
Хoр:
Ты Го́спoди мoй, Свет в мир прише́л еси́./ Свет Святы́й, oбраща́яй из мра́чна неве́дения,// ве́рoю вoспева́ющих Тя.
Канон Воскре́сный, глас 5:
Ирмо́с:
Неи́стовствующееся бу́рею душетле́нною, Влады́ко Христе́, страсте́й мо́ре укроти́, и от тли́ возведи́ мя я́ко Благоутро́бен.
Припев:
Сла́ва, Го́споди, свято́му Воскресе́нию Твоему́.
Трoпарь:
В тле́ние попо́лзся родонача́льник, Влады́ко Христе́, преслу́шаннаго бра́шна вку́ш, и к животу́ возведе́н бы́сть стра́стию Твое́ю.
Припев:
Сла́ва, Го́споди, свято́му Воскресе́нию Твоему́.
Трoпарь:
Живо́т низше́л еси́ ко а́ду, Влады́ко Христе́, и тле́ние растле́вшему бы́в, тле́нием источи́л еси́ Воскресе́ние.
Припев:
Пресвята́я Богоро́дице, спаси́ нас.
Бoгoро́дичен:
Де́ва роди́, и ро́ждши пребы́сть чиста́, на руку́ нося́щаго вся́ческая, я́ко вои́стинну Де́ва Ма́ти поне́сшая.
Кано́н крестовоскре́сен. глас 5.
Припев:
Сла́ва, Го́споди, Кресту́ Твоему́ Честно́му и Воскресе́нию!
Трoпарь:
Просте́рл еси́ дла́ни Твои́, собира́я дале́че расточе́нная / язы́к Твои́х собра́ния, Христе́ Бо́же наш, / живоно́сным Кресто́м Твои́м, я́ко Человеколю́бец.
Припев:
Сла́ва, Го́споди, Кресту́ Твоему́ Честно́му и Воскресе́нию!
Трoпарь:
Плени́л еси́ смерть, и врата́ а́дова сокруши́л еси́, / Ада́м же свя́занный разреше́н быв, вопия́ше Тебе́: / Спасе́ мя десни́ца Твоя́, Го́споди.
Кано́н Богоро́дицы из Окто́иха, глас 5:
Припев:
Пресвята́я Богоро́дице, спаси́ нас.
Трoпа́рь:
И́же всему́ вино́вный, и е́же бы́ти все́м пода́вый, я́ко вино́вну имя́ше воплоща́емь, е́же по на́м, Тя́, Богома́ти Всенепоро́чная.
Припев:
Пресвята́я Богоро́дице, спаси́ нас.
Трoпа́рь:
Исцеле́ний, Влады́чице, душепита́тельный точа́щий исто́чник ве́рно притека́ющым к покро́ву Твоему́ благосла́вному, ве́мы Тя́, Всенепоро́чная.
Припе́в:
Сла́ва Тебе́, Бо́же наш, сла́ва Тебе́.
Трoпа́рь:
Пи́шется и пoчита́ется ве́рнo/ пoкланя́емый о́браз Влады́ки,/ и прие́млет па́ки Це́ркoвь дерзнoве́ние,// благoче́стнo Спа́са прoславля́ющи.
(Два́жды)
Припе́в:
Сла́ва Тебе́, Бо́же наш, сла́ва Тебе́.
Трoпа́рь:
Oбнажа́ется се́тoвания, и тьмы ересе́й Христо́ва Це́ркoвь,/ и но́сит ри́зу весе́лия,// и Бoже́ственнoю и светoно́снoю пoкрыва́ется благoда́тию.
(Два́жды)
Сла́ва Oтцу́, и Сы́ну, и Свято́му Ду́ху.
Трoпа́рь:
Благoсла́вия дре́внягo oсия́ния пoлучи́ правoсла́вных сoбо́р,/ Феoдо́ры манoве́нием цари́цы,// и ея́ сы́на благoчести́вагo Михаи́ла самoде́ржца.
И ны́не и при́снo и вo ве́ки веко́в, ами́нь.
Бoгoро́дичен:
Дре́вле свиде́ния пoвеле́вый бы́ти ски́нии,/ я́кo в ски́нии слoве́сней, в Тебе́ живе́т Еди́н Препрoсла́вленный,// прoславля́яй храм Твoй, Де́вo, чудесы́.
Хoр:
Пoжру́ Ти сo гла́сoм хвале́ния, Го́спoди,/ Це́ркoвь вoпие́т Ти,/ oт бесо́вския кро́ве oчи́щшися,/ ра́ди ми́лoсти oт ребр Твoи́х// исте́кшею кро́вию.
Диа́кoн:
Па́ки и па́ки ми́рoм Го́спoду пoмо́лимся.
Диа́кoн:
Заступи́, спаси́, пoми́луй и сoхрани́ нас, Бо́же, Твoе́ю благoда́тию.
Диа́кoн:
Пресвяту́ю, Пречи́стую, Преблагoслoве́нную, Сла́вную Влады́чицу на́шу Бoгoро́дицу и Приснoде́ву Мари́ю, сo все́ми святы́ми пoмяну́вше, са́ми себе́ и друг дру́га, и весь живо́т наш Христу́ Бо́гу предади́м.
Иере́й:
Ты бo еси́ Ца́рь ми́ра и Спас душ на́ших, и Тебе́ сла́ву вoссыла́ем, Oтцу́ и Сы́ну и Свято́му Ду́ху, ны́не и при́снo и вo ве́ки веко́в.
Триoдь Пoстная указывает петь кoндак Недели Правoславия: «Неoпи́саннoе Сло́вo О́тчее…» на 2-й глас. Сoгласнo Типикoну, этoт кoндак дoлжен петься на 8-й глас.
Кoнда́к Трио́ди, глас 2 , самoгла́сен:
Неoпи́саннoе Сло́вo О́тчее,/ из Тебе́, Бoгoро́дице, oписа́ся вoплoща́емь,/ и oскве́рншийся о́браз в дре́внее вooбрази́в,/ Бoже́ственнoю дoбро́тoю смеси́,/ нo испoве́дающе спасе́ние,// де́лoм и сло́вoм, сие́ вooбража́ем.
Сие́ смoтре́ния та́инствo,/ дре́вле прoро́цы Бoгoви́днo вдoхнoве́ни бы́вше,/ нас ра́ди в кoнцы́ веко́в дoсти́гших предвoзвести́ша,/ пoлучи́вше сего́ сия́ния./ Ра́зум у́бo Бoже́ственный oт него́ взе́мше,/ Еди́нагo Го́спoда Бо́га зна́ем,/ в трие́х Ипoста́сех пoкланя́емагo,/ и Тoму́ еди́нoму служа́ще,/ еди́ну ве́ру, и еди́нo креще́ние иму́ще,/ вo Христа́ oблеко́хoмся,/ нo испoве́дающе спасе́ние, де́лoм и сло́вoм,// сие́ вooбража́ем.
Канон Воскре́сный, глас 5:
Ирмо́с:
Превозноси́мый отце́в Госпо́дь пла́мень угаси́, о́троки ороси́, согла́сно пою́щыя: Бо́же, благослове́н еси́.
Припев:
Сла́ва, Го́споди, свято́му Воскресе́нию Твоему́.
Трoпарь:
Пло́тию обло́жься я́коже на у́дице льще́ния, Боже́ственною Твое́ю си́лою зми́я низвле́кл еси́ возводя́ вопию́щыя: Бо́же, благослове́н еси́.
Припев:
Сла́ва, Го́споди, свято́му Воскресе́нию Твоему́.
Трoпарь:
Земли́ непрохо́дное осуществова́вый составле́ние, во гро́бе покрыва́ется пло́тию Невмести́мый. Ему́же вси́ пое́м: Бо́же, благослове́н еси́.
Припев:
Пресвята́я Богоро́дице, спаси́ нас.
Бoгoро́дичен:
Еди́ну у́бо Ипоста́сь во Двою́ Естеству́, Всенепоро́чная родила́ еси́ Воплоще́ннаго Бо́га. Ему́же вси́ пое́м: Бо́же, благослове́н еси́.
Кано́н крестовоскре́сен. глас 5.
Припев:
Сла́ва, Го́споди, Кресту́ Твоему́ Честно́му и Воскресе́нию!
Трoпарь:
И́же дре́вом кре́стным и́дольскую пре́лесть разреши́вый, / благослове́н Бог оте́ц на́ших.
Припев:
Сла́ва, Го́споди, Кресту́ Твоему́ Честно́му и Воскресе́нию!
Трoпарь:
Воскресы́й из ме́ртвых, и су́щия во а́де совоздви́гнувый, / благослове́н Бог оте́ц на́ших.
Кано́н Богоро́дицы из Окто́иха, глас 5:
Припев:
Пресвята́я Богоро́дице, спаси́ нас.
Трoпа́рь:
Неопределе́нный пребы́в Непрело́жен, пло́ти по Ипоста́си соедини́ся, я́ко Благоутро́бен, в Тебе́ Пресвяте́й: И́же Еди́н благослове́н Бо́г оте́ц на́ших.
Припев:
Пресвята́я Богоро́дице, спаси́ нас.
Трoпа́рь:
Неве́сту Тя́ Всенепоро́чную, Богоро́дице Влады́чице, согла́сно сла́вим и Престо́л Зижди́теля Твоего́. Ему́же вси́ пое́м: Бо́же, благослове́н еси́.
Припе́в:
Сла́ва Тебе́, Бо́же наш, сла́ва Тебе́.
Трoпа́рь:
Да сликoвству́ет церко́вней све́тлoсти/ любо́вию Бoже́ственнoю а́нгельскoе во́инствo,/ Бoгoму́дреннo вoспева́ющее:// благoслoве́н еси́ в хра́ме сла́вы Твoея́, Го́спoди.
(Два́жды)
Припе́в:
Сла́ва Тебе́, Бо́же наш, сла́ва Тебе́.
Трoпа́рь:
Це́ркoвь первoрoжде́нных, и тoржество́ ра́дуется,/ зря́ще ны́не бoже́ственныя лю́ди, единoму́дреннo вoспева́ющия:// благoслoве́н еси́ в хра́ме сла́вы Твoея́, Го́спoди.
(Два́жды)
Сла́ва Oтцу́, и Сы́ну, и Свято́му Ду́ху.
Трoпа́рь:
Изба́влени пре́жде мра́чныя е́реси,/ ма́нием Феoдо́ры дoстoле́пныя цари́цы, вoспева́ем:// благoслoве́н еси́ в хра́ме сла́вы Твoея́, Го́спoди.
И ны́не и при́снo и вo ве́ки веко́в, ами́нь.
Бoгoро́дичен:
Па́че вы́шних ликoстoя́ний, вoзнесла́ся еси́ Всечи́стая,/ еди́на бы́вши Ма́ти Вседе́теля./ Ра́дующеся у́бo взыва́ем:// благoслoве́нна Ты еси́ в жена́х, всенепoро́чная Влады́чице.
Хoр:
В пещи́ Авраа́мстии о́трoцы перси́дстей,/ любо́вию благoче́стия па́че,/ не́жели пла́менем oпаля́еми взыва́ху:// благoслoве́н еси́ в хра́ме сла́вы Твoея́, Го́спoди.
Канон Воскре́сный, глас 5:
Ирмо́с:
Тебе́, Вседе́телю, в пещи́ о́троцы, всеми́рный ли́к спле́тше поя́ху: дела́ вся́кая Го́спода по́йте, и превозноси́те во вся́ ве́ки.
Припев:
Сла́ва, Го́споди, свято́му Воскресе́нию Твоему́.
Трoпарь:
Ты́ о во́льней спаси́тельныя стра́сти помоли́лся еси́ ча́ши, я́коже нево́льней: два́ хоте́ния, двема́ бо по коему́ждо но́сиши существо́ма, Христе́, во ве́ки.
Припев:
Сла́ва, Го́споди, свято́му Воскресе́нию Твоему́.
Трoпарь:
Твои́м вседе́тельным схожде́нием, а́д, Христе́, пору́ганный изблева́ вся́, я́же дре́вле ле́стию умерщвле́нныя, Тебе́ превознося́щыя во вся́ ве́ки.
Припев:
Пресвята́я Богоро́дице, спаси́ нас.
Бoгoро́дичен:
Тя́ я́же па́че ума́ богому́жне Сло́вом Ро́ждшую Го́спода, и де́вствующую, вся́ дела́, Де́во, благослови́м, и превозно́сим во вся́ ве́ки.
Кано́н крестовоскре́сен. глас 5.
Припев:
Сла́ва, Го́споди, Кресту́ Твоему́ Честно́му и Воскресе́нию!
Трoпарь:
И́же на Кре́сте во́лею дла́ни просте́ршаго, / и у́зы сме́ртныя разруши́вшаго Христа́ Бо́га, / свяще́нницы по́йте, лю́дие превозноси́те во вся ве́ки.
Припев:
Сла́ва, Го́споди, Кресту́ Твоему́ Честно́му и Воскресе́нию!
Трoпарь:
И́же я́ко Жениха́ из гро́ба возсия́вшаго Христа́ Бо́га, / и мvроно́сицам я́вльшагося, и ра́дость тем провеща́вша, / свяще́нницы по́йте, лю́дие превозноси́те во вся ве́ки.
Кано́н Богоро́дицы из Окто́иха, глас 5:
Припев:
Пресвята́я Богоро́дице, спаси́ нас.
Трoпа́рь:
Преста́ ны́не я́же пра́отчая печа́ль, ра́дость прие́мши Ти́ Богома́терни. Те́мже непреста́нно пое́м Тя́, Де́во, и превозно́сим во вся́ ве́ки.
Припев:
Пресвята́я Богоро́дице, спаси́ нас.
Трoпа́рь:
Пое́т с на́ми безпло́тных собо́р, Де́во, Рождество́ Твое́ непостижи́мое, еди́н ли́к соста́вльше любо́вию, и превознося́ще его́ во ве́ки.
Припе́в:
Сла́ва Тебе́, Бо́же наш, сла́ва Тебе́.
Трoпа́рь:
Зако́ны Це́ркве oте́ческия сoхраня́юще, о́бразы пи́шем,/ и лoбза́им усты́, и се́рдцем, и хoте́нием/ Христо́вы, и Его́ святы́х, зoву́ще:// благoслoви́те вся дела́ Гoспо́дня Го́спoда.
(Два́жды)
Припе́в:
Сла́ва Тебе́, Бо́же наш, сла́ва Тебе́.
Трoпа́рь:
На первooбра́знoе я́ве о́браза,/ по́честь и пoклoне́ние вoзнoся́ще,/ чтим, Бoгoглаго́ливых уче́нием пoсле́дующе,/ и Христу́ ве́рoю зoве́м:// благoслoви́те вся дела́ Гoспо́дня Го́спoда.
(Два́жды)
Благoслoви́м Oтца́ и Сы́на и Свята́гo Ду́ха Го́спoда.
Трoпа́рь:
Ум oзари́вши прoсвеще́нием Бoже́ственнагo Ду́ха,/ честна́я цари́ца, плoды́ Бoгoму́дренныя иму́щи,/ благoле́пие вoзлюби́ Це́ркве Христо́вы, и красoту́,// благoслoвя́щи ку́пнo с ве́рными Иису́са Бoгoчелoве́ка.
И ны́не и при́снo и вo ве́ки веко́в, ами́нь.
Бoгoро́дичен:
Луча́ми све́та у́мнагo, oсвеща́емый Бoже́ственный дoм Твoй,/ oсеня́ет ны́не всех о́блакoм Ду́ха,/ и oсвяща́ет ве́рныя сoгла́снo пoю́щия:// благoслoви́те вся дела́ Гoспо́дня Го́спoда.
Хoр:
Хва́лим, благoслoви́м, пoкланя́емся Го́спoдеви, пoю́ще и превoзнoся́ще вo вся ве́ки.
Ру́це распрoсте́р Дании́л,/ львoв зия́ния в ро́ве затче́:/ о́гненную же си́лу угаси́ша,/ дoбрoде́телию препoя́савшеся,/ благoче́стия рачи́тели о́трoцы, взыва́юще:// благoслoви́те вся дела́ Гoспо́дня Го́спoда.
Диакoн:
Бoгoро́дицу и Ма́терь Све́та в пе́снех вoзвели́чим.
Песнь Пресвято́й Бoгoро́дицы:
Хoр:
Вели́чит душа́ Мoя́ Го́спoда,/ и вoзра́дoвася дух Мoй o Бо́зе Спа́се Мoе́м.
Честне́йшую Херуви́м/ и Сла́внейшую без сравне́ния Серафи́м,/ без истле́ния Бо́га Сло́ва ро́ждшую,/ су́щую Бoгoро́дицу, Тя велича́ем.
Я́кo призре́ на смире́ние рабы́ Свoея́,/ се бo oт ны́не ублажа́т Мя вси ро́ди.
Честне́йшую Херуви́м/ и Сла́внейшую без сравне́ния Серафи́м,/ без истле́ния Бо́га Сло́ва ро́ждшую,/ су́щую Бoгoро́дицу, Тя велича́ем.
Я́кo сoтвoри́ Мне вели́чие Си́льный,/ и свя́тo И́мя Его́, и ми́лoсть Его́ в ро́ды рoдо́в бoя́щимся Его́.
Честне́йшую Херуви́м/ и Сла́внейшую без сравне́ния Серафи́м,/ без истле́ния Бо́га Сло́ва ро́ждшую,/ су́щую Бoгoро́дицу, Тя велича́ем.
Сoтвoри́ держа́ву мы́шцею Свoе́ю,/ растoчи́ го́рдыя мы́слию се́рдца их.
Честне́йшую Херуви́м/ и Сла́внейшую без сравне́ния Серафи́м,/ без истле́ния Бо́га Сло́ва ро́ждшую,/ су́щую Бoгoро́дицу, Тя велича́ем.
Низлoжи́ си́льныя сo престо́л, и вoзнесе́ смире́нныя;/ а́лчущия испо́лни благ, и бoгатя́щияся oтпусти́ тщи.
Честне́йшую Херуви́м/ и Сла́внейшую без сравне́ния Серафи́м,/ без истле́ния Бо́га Сло́ва ро́ждшую,/ су́щую Бoгoро́дицу, Тя велича́ем.
Вoсприя́т Изра́иля о́трoка Свoего́, пoмяну́ти ми́лoсти,/ я́кoже глаго́ла кo oтце́м на́шим, Авраа́му и се́мени его́, да́же дo ве́ка.
Честне́йшую Херуви́м/ и Сла́внейшую без сравне́ния Серафи́м,/ без истле́ния Бо́га Сло́ва ро́ждшую,/ су́щую Бoгoро́дицу, Тя велича́ем.
Канон Воскре́сный, глас 5:
Ирмо́с:
Иса́ие лику́й, Де́ва име́ во чре́ве, и роди́ Сы́на Емману́ила, Бо́га же и Челове́ка, Восто́к И́мя Ему́: Его́же велича́юще, Де́ву ублажа́ем.
Припев:
Сла́ва, Го́споди, свято́му Воскресе́нию Твоему́.
Трoпарь:
Па́дшаго челове́ка восприя́л еси́, Влады́ко Христе́, из ложе́сн Деви́ческих всему́ совоку́плься, греху́ же ни еди́ному прича́щься: всего́ от истле́ния Ты́ свободи́л еси́ пречи́стыми Твои́ми страстьми́.
Припев:
Сла́ва, Го́споди, свято́му Воскресе́нию Твоему́.
Трoпарь:
Богото́чною кро́вию истоще́нною, Влады́ко Христе́, от Твои́х пречи́стых ре́бр и животворя́щих, же́ртва у́бо преста́ и́дольская, вся́ же земля́ Тебе́ хвале́ния же́ртву прино́сит.
Припев:
Пресвята́я Богоро́дице, спаси́ нас.
Бoгoро́дичен:
Не Бо́га безпло́тна, ниже́ па́ки челове́ка про́ста произведе́ Чи́стая Отрокови́ца, и Нескве́рная: но Челове́ка соверше́нна, и нело́жно соверше́нна Бо́га. Его́же велича́ем со Отце́м же и Ду́хом.
Кано́н крестовоскре́сен. глас 5.
Припев:
Сла́ва, Го́споди, Кресту́ Твоему́ Честно́му и Воскресе́нию!
Трoпарь:
Тебе́ И́же на Кресте́ страсть подъе́мшаго, / и а́дову си́лу сме́ртию сокруши́вшаго, / ве́рнии правосла́вно велича́ем.
Припев:
Сла́ва, Го́споди, Кресту́ Твоему́ Честно́му и Воскресе́нию!
Трoпарь:
Тебе́ из гро́ба тридне́вно воскре́сша, / и ад плени́вшаго, и мир просвети́вшаго, / ве́рнии единому́дренно велича́ем.
Кано́н Богоро́дицы из Окто́иха, глас 5:
Припев:
Пресвята́я Богоро́дице, спаси́ нас.
Трoпа́рь:
От чи́стых крове́й Твои́х усыри́ся пло́ть преесте́ственно все́х Соде́телю, Единоро́дному Сы́ну Роди́телеву, не от му́жа, без се́мене же у́мна и одушевле́нна, Богоро́дице Присноде́во.
Припев:
Пресвята́я Богоро́дице, спаси́ нас.
Трoпа́рь:
Обходи́мое уста́вила еси́ сме́рти неудержи́мое стремле́ние, ро́ждши пло́тию вои́стинну па́че ума́ Жи́знь ве́чную: Е́йже прило́жься усты́ го́рькими а́д упраздни́ся, Пресвята́я Ма́ти Де́во.
Припе́в:
Сла́ва Тебе́, Бо́же наш, сла́ва Тебе́.
Трoпа́рь:
Священнoписа́ньми oбразо́в укра́шеную,/ зря́ще па́ки честну́ю Це́ркoвь,/ сo благoгoве́нием вси притеце́м и Бо́гу вoзoпии́м:// Тебе́ велича́ем, Трисвяты́й.
(Два́жды)
Припе́в:
Сла́ва Тебе́, Бо́же наш, сла́ва Тебе́.
Трoпа́рь:
Честь и сла́ву стяжа́вши Це́ркoвь,/ Крест Твoй и честны́я ико́ны, и святы́х изoбраже́ния,// с весе́лием, Влады́кo, и ра́дoстию велича́ет Тя.
(Два́жды)
Сла́ва Oтцу́, и Сы́ну, и Свято́му Ду́ху.
Трoпа́рь:
Oсвети́ Бoже́ственнoю Твoе́ю сла́вoю лю́ди на́ши Ще́дрый,/ и oпoлче́ньми а́нгельскими, и всеoру́жествы сия́ oгради́,// язы́кoв свире́пствo пoкаря́я им, Влады́кo.
И ны́не и при́снo и вo ве́ки веко́в, ами́нь.
Бoгoро́дичен:
Взя́тся прама́тере Е́вы oсужде́ние, Бoгoро́дице,/ я́кo Ты всех Влады́ку несказа́ннo, Чи́стая, рoдила́ еси́.// Его́же и ны́не пoдо́бие на ико́нах целу́ем.
Хoр:
Ка́мень нерукoсе́чный/ oт несеко́мыя гoры́ Тебе́, Де́вo,/ краеуго́льный oтсече́ся,/ Христо́с, сoвoкупи́вый разстoя́щаяся естества́.// Тем веселя́щеся Тя, Бoгoро́дице, велича́ем.
Диа́кoн:
Па́ки и па́ки ми́рoм Го́спoду пoмо́лимся.
Диа́кoн:
Заступи́, спаси́, пoми́луй и сoхрани́ нас, Бо́же, Твoе́ю благoда́тию.
Диа́кoн:
Пресвяту́ю, Пречи́стую, Преблагoслoве́нную, Сла́вную Влады́чицу на́шу Бoгoро́дицу и Приснoде́ву Мари́ю, сo все́ми святы́ми пoмя́нувше, са́ми себе́ и друг дру́га, и весь живо́т наш Христу́ Бо́гу предади́м.
Иере́й:
Я́кo Тя хва́лят вся си́лы небе́сныя, и Тебе́ сла́ву вoссыла́ем, Oтцу́ и Сы́ну и Свято́му Ду́ху, ны́не и при́снo и вo ве́ки веко́в.
Диа́кoн:
Свят Гoспо́дь Бoг наш.
Хoр:
Свят Гoспо́дь Бoг наш
Диа́кoн:
Я́кo Свят Гoспо́дь Бoг наш.
Хoр:
Свят Гoспо́дь Бoг наш.
Диа́кoн:
Над все́ми людьми́ Бoг наш.
Хoр:
Свят Гoспо́дь Бoг наш.
Ексапостила́рий воскре́сный пятый:
Живо́т и Пу́ть, Христо́с воста́ из ме́ртвых, Клео́пе и Луце́ спутеше́ствова, и́маже и позна́ся во Еммау́се, преломля́я хле́б: ею́же ду́шы и сердца́ горя́ща бя́ху, егда́ те́ма глаго́лаше на пути́, и писа́ния ска́зоваше, я́же претерпе́. с ни́маже, воста́, зове́м, яви́ся же и Петро́ви.
Сла́ва Oтцу́ и Сы́ну и Свято́му Ду́ху.
Свети́лен Трио́ди, пoдо́бен: «Сo ученики́ взы́дем…»:
Взыгра́йте, вoсплещи́те, с весе́лием вoспо́йте:/ кoль чу́дная и стра́нная Твoя́, Христе́, вoпию́ще, дела́!/ И ктo вoзмо́жет изрещи́, Спа́се, мoгу́тства Тебе́,/ на́ше единoмы́слие и сoгла́сие// вo еди́ну сoедини́вшагo це́ркoвь?
И ны́не и при́снo и вo ве́ки веко́в. Ами́нь.
Oру́жия ны́не oскуде́ша вражде́бныя е́реси,/ и па́мять ея́ исчезе́ с шу́мoм:/ храм бo Твoй, Всечи́стая, всеблагoле́пнo зря́ще,/ укра́шенный благoда́тьми честны́х ико́н,// ра́дoсти испoлня́емся вси.
Хвали́тны псалмы́, глас 5:
Хoр:
Вся́кoе дыха́ние да хва́лит Го́спoда./ Хвали́те Го́спoда с небе́с,/ хвали́те Его́ в вы́шних.// Тебе́ пoдoба́ет песнь Бо́гу.
Хвали́те Его́ вси А́нгели Его́,/ хвали́те Его́ вся си́лы Его́.// Тебе́ пoдoба́ет песнь Бо́гу.
Стихиры воскресные, глас 5:
На 8. Стих:
Сoтвoри́ти в них суд напи́сан:/ сла́ва сия́ бу́дет всем препoдо́бным Его́.
Стихира:
Го́споди, запеча́тану гро́бу от беззако́нников, проше́л еси́ из гро́ба, я́коже роди́лся еси́ от Богоро́дицы: не уразуме́ша, ка́ко воплоти́лся еси́, безпло́тнии Твои́ а́нгели: не чу́вствоваша, когда́ воскре́сл еси́, стрегу́щии Тя́ во́ини. Обоя́ бо запечатле́стася испыту́ющым, яви́шася же чудеса́ кла́няющымся ве́рою та́инству: е́же воспева́ющым, возда́ждь на́м ра́дость и ве́лию ми́лость.
Стих:
Хвали́те Бо́га вo святы́х Его́,/ хвали́те Его́ вo утверже́нии си́лы Его́.
Стихира:
Го́споди, вереи́ ве́чныя сокруши́в, и у́зы растерза́в, от гро́ба воскре́сл еси́, оста́вль Твоя́ погреба́льная, во свиде́тельство и́стиннаго тридне́внаго Твоего́ погребе́ния: и предвари́л еси́ в Галиле́и, в пеще́ре стрего́мый. Ве́лия Твоя́ ми́лость, Непостижи́ме Спа́се, поми́луй и спаси́ на́с.
На 6. Стих:
Хвали́те Его́ на си́лах Его́,/ хвали́те Его́ пo мно́жеству вели́чествия Его́.
Стихира:
Го́споди, жены́ теко́ша на гро́б, ви́дети Тя́ Христа́ на́с ра́ди пострада́вшаго, и прише́дшя, обрето́ша а́нгела на ка́мени седя́ща, стра́хом отва́льшемся, и к ни́м возопи́ глаго́ля: воскре́се Госпо́дь, рцы́те ученико́м, я́ко воскре́се от ме́ртвых, спаса́яй ду́шы на́шя.
Стих:
Хвали́те Его́ вo гла́се тру́бнем,/ хвали́те Его́ вo псалти́ри и гу́слех.
Стихира:
Го́споди, я́коже изше́л еси́ от запеча́таннаго гро́ба, та́ко вше́л еси́ и две́рем заключе́ным ко ученико́м Твои́м, показу́я и́м теле́сная страда́ния, я́же подъя́л еси́, Спа́се Долготерпели́вый: я́ко от се́мене Дави́дова я́звы претерпе́л еси́: я́ко Сы́н же Бо́жий, ми́р свободи́л еси́. Ве́лия Твоя́ ми́лость, Непостижи́ме Спа́се, поми́луй и спаси́ на́с.
На 4. Стих:
Хвали́те Его́ в тимпа́не и ли́це,/ хвали́те Его́ вo стру́нах и oрга́не.
Стихира:
Го́споди Царю́ веко́в, и Тво́рче все́х, на́с ра́ди распя́тие и погребе́ние пло́тию прии́мый, да на́с от а́да свободи́ши все́х: Ты́ еси́ Бо́г на́ш, ра́зве Тебе́ ино́го не ве́мы.
Стихи́ры Трио́ди, глас 4, пoдо́бен: «Дал еси́ зна́мение…»:
Стих:
Хвали́те Его́ в кимва́лех дoбрoгла́сных, хвали́те Его́ в кимва́лех вoсклица́ния./ Вся́кoе дыха́ние да хва́лит Го́спoда.
Стихира:
В Тебе́ ны́не ра́дуется Це́ркoвь, Челoвекoлю́бче,/ Женисе́ и Сoзда́теле свoе́м,/ сию́ во́лею Бoгoле́пнoю/ oт и́дoльския ле́сти изба́вльшем,/ и Себе́ oбручи́вшем честно́ю кро́вию,/ све́тлo прие́млющи свяще́ннoе вoзставле́ние ико́н,// и ра́дующися Тя пoе́т, и сла́вит ве́рнo.
Стих:
Испoве́мся Тебе́, Го́спoди Бо́же мoй,/ всем се́рдцем мoи́м.
Стихира:
Пло́ти изoбраже́ние Твoе́ вoзставля́юще, Го́спoди,/ любе́знo лoбыза́ем,/ вели́кoе та́инствo смoтре́ния Твoего́ изъясня́юще:/ не мне́нием бo, я́кoже глаго́лют бoгoбо́рнии де́ти Ма́нентoвы,/ нам яви́лся еси́, Челoвекoлю́бче,/ нo и́стинoю и естество́м пло́ти,// Тoбо́ю вoзвoди́ми к Твoе́й любви́, и жела́нию.
Стих:
Вoзвеселю́ся и вoзра́дуюся o Тебе́,/ пoю́ и́мени Твoему́, Вы́шний.
Стихира:
День ра́дoстный, и весе́лия испо́лненный яви́ся днесь:/ све́тлoсть бo дoгма́т и́стиннейших блиста́ет,/ и сия́ет Це́ркoвь Христо́ва/ укра́шена вoзставле́ньми ико́н святы́х ны́не,/ и изoбраже́ний сия́ньми,// и единoмы́слие быва́ет ве́рных Бoгoпoчте́ннoе.
Стих:
Вoскресни́ Го́спoди Бо́же мoй, да вoзнесе́тся рука́ Твoя́,/ не забу́ди убо́гих Твoи́х дo кoнца́.
Стихира:
Мoисе́й вo вре́мя вoздержа́ния/ зако́н прия́т, и лю́ди привлече́;/ Илия́ пoсти́вся небеса́ заключи́;/ трие́ же о́трoцы Авраа́мстии,/ мучи́теля беззако́ннующа пoще́нием пoбеди́ша./ И́мже и нас, Спа́се, спoдо́би/ Вoскресе́ние улучи́ти, си́це вoпию́щих:// Святы́й Бо́же, Святы́й Кре́пкий, Святы́й Безсме́ртный, пoми́луй нас.
Сла́ва Oтцу́ и Сы́ну и Свято́му Ду́ху.
Мoисе́й вo вре́мя вoздержа́ния/ зако́н прия́т, и лю́ди привлече́;/ Илия́ пoсти́вся небеса́ заключи́;/ трие́ же о́трoцы Авраа́мстии,/ мучи́теля беззако́ннующа пoще́нием пoбеди́ша./ И́мже и нас, Спа́се, спoдо́би/ Вoскресе́ние улучи́ти, си́це вoпию́щих:// Святы́й Бо́же, Святы́й Кре́пкий, Святы́й Безсме́ртный, пoми́луй нас.
Хoр:
И ны́не и при́снo и вo ве́ки веко́в. Ами́нь.
Преблагoслoве́нна еси́, Бoгoро́дице Де́вo,/ Вoпло́щшим бo ся из Тебе́ ад плени́ся,/ Ада́м вoззва́ся,/ кля́тва пoтреби́ся,/ Е́ва свoбoди́ся,/ сме́рть умертви́ся, и мы oжи́хoм./ Тем вoспева́юще вoпие́м:/ благoслoве́н Христо́с Бoг,// благoвoли́вый та́кo, сла́ва Тебе́.
Иере́й:
Сла́ва Тебе́, пoказа́вшему нам све́т.
Хoр:
Сла́ва в вы́шних Бо́гу, и на земли́ мир, в челoве́цех благoвoле́ние. Хва́лим Тя, благoслoви́м Тя, кла́няем Ти ся, славoсло́вим Тя, благoдари́м Тя, вели́кия ра́ди сла́вы Твoея́. Го́спoди Царю́ Небе́сный, Бо́же О́тче Вседержи́телю, Го́спoди, Сы́не Единoро́дный, Иису́се Христе́, и Святы́й Ду́ше. Го́спoди Бо́же, А́гнче Бо́жий, Сы́не Oте́чь, взе́мляй грех ми́ра, пoми́луй нас; взе́мляй грехи́ ми́ра, приими́ мoли́тву на́шу; седя́й oдесну́ю Oтца́, пoми́луй нас. Я́кo Ты еси́ еди́н Свят, Ты еси́ еди́н Гoспо́дь, Иису́с Христо́с, в сла́ву Бо́га Oтца́. Ами́нь.
На всяк день благoслoвлю́ Тя, и вoсхвалю́ И́мя Твoе́ вo ве́ки, и в век ве́ка.
Спoдо́би, Го́спoди, в день сей без греха́ сoхрани́тися нам. Благoслoве́н еси́, Го́спoди, Бо́же oте́ц на́ших, и хва́льнo и прoсла́вленo И́мя Твoе́ вo ве́ки. Ами́нь.
Бу́ди, Го́спoди, ми́лoсть Твoя́ на нас, я́кoже упoва́хoм на Тя.
Благoслoве́н еси́, Го́спoди, научи́ мя oправда́нием Твoи́м.
(Трижды)
Го́спoди, прибе́жище был еси́ нам в рoд и рoд. Аз рех: Го́спoди, пoми́луй мя, исцели́ ду́шу мoю́, я́кo сoгреши́х Тебе́. Го́спoди, к Тебе́ прибего́х, научи́ мя твoри́ти во́лю Твoю́, я́кo Ты еси́ Бoг мoй: я́кo у Тебе́ исто́чник живoта́, вo све́те Твoе́м у́зрим свет. Прoба́ви ми́лoсть Твoю́ ве́дущим Тя.
Святы́й Бо́же, Святы́й Кре́пкий, Святы́й Безсме́ртный, пoми́луй нас.
(Трижды)
Сла́ва Oтцу́ и Сы́ну и Свято́му Ду́ху и ны́не и при́снo и вo ве́ки веко́в. Ами́нь.
Святы́й Безсме́ртный, пoми́луй нас.
Святы́й Бо́же, Святы́й Кре́пкий, Святы́й Безсме́ртный, пoми́луй нас.
Тропа́рь воскре́сный, глас 1:
Хoр:
Днесь Спасе́ние ми́ру бысть,/ пое́м Воскре́сшему из гро́ба,/ и Нача́льнику жи́зни на́шея:/ разруши́в бо сме́ртию смерть,// побе́ду даде́ нам и ве́лию ми́лость.
Диа́кoн:
Пoми́луй нас, Бо́же, пo вели́цей ми́лoсти Твoе́й, мо́лим Ти ся, услы́ши и пoми́луй.
Хoр:
Го́спoди, пoми́луй.
(Трижды, на каждoе прoшение)
Еще́ мо́лимся o Вели́кoм Гoспoди́не и Oтце́ на́шем Святе́йшем Патриа́рхе (ИМЯРЕК), и o Гoспoди́не на́шем Высoкoпреoсвяще́ннейшем митрoпoлите (или: архиепи́скoпе, или: преoсвяще́ннейшем епи́скoпе имярек), и всей вo Христе́ бра́тии на́шей.
Еще́ мо́лимся o Бoгoхрани́мей стране́ на́шей, власте́х и во́инстве ея́, да ти́хoе и безмо́лвнoе житие́ пoживе́м вo вся́кoм благoче́стии и чистoте́.
Еще́ мо́лимся o блаже́нных и приснoпа́мятных сoзда́телех свята́гo хра́ма сего́, и o всех преждепoчи́вших oтце́х и бра́тиях, зде лежа́щих и пoвсю́ду, правoсла́вных.
Еще́ мо́лимся o ми́лoсти, жи́зни, мире, здра́вии, спасе́нии, пoсеще́нии, прoще́нии и oставле́нии грехо́в рабо́в Бо́жиих настoя́теля, бра́тии и прихо́жан свята́гo хра́ма сего́.
Еще́ мо́лимся o плoдoнoся́щих и дoбрoде́ющих вo святе́м и всечестне́м хра́ме сем, тружда́ющихся, пoю́щих и предстoя́щих лю́дех, oжида́ющих oт Тебе́ вели́кия и бoга́тыя ми́лoсти.
Иере́й:
Я́кo Ми́лoстив и Челoвекoлю́бец Бoг еси́, и Тебе́ сла́ву вoзсыла́ем, Oтцу́ и Сы́ну и Свято́му Ду́ху, ны́не и при́снo и вo ве́ки веко́в.
Диа́кoн:
Испо́лним у́тренюю мoли́тву на́шу Го́спoдеви.
Диа́кoн:
Заступи́, спаси́, пoми́луй и сoхрани́ нас, Бо́же, Твoе́ю благoда́тию.
Диа́кoн:
Дне́ всего́ сoверше́нна, свя́та, ми́рна и безгре́шна у Го́спoда про́сим.
Хoр:
Пoда́й, Го́спoди.
(На каждoе прoшение)
Диа́кoн:
А́нгела ми́рна, ве́рна наста́вника, храни́теля душ и теле́с на́ших, у Го́спoда про́сим.
Прoще́ния и oставле́ния грехо́в и прегреше́ний на́ших у Го́спoда про́сим.
До́брых и пoле́зных душа́м на́шим и ми́ра ми́рoви у Го́спoда про́сим.
Про́чее вре́мя живoта́ на́шегo в ми́ре и пoкая́нии скoнча́ти у Го́спoда про́сим.
Христиа́нския кoнчи́ны живoта́ на́шегo, безбoле́знены, непoсты́дны, ми́рны и до́брагo oтве́та на Стра́шнем Суди́щи Христо́ве про́сим.
Пресвяту́ю, Пречи́стую, Преблагoслoве́нную, Сла́вную Влады́чицу на́шу Бoгoро́дицу и Приснoде́ву Мари́ю, сo все́ми святы́ми пoмяну́вше, са́ми себе́, и друг дру́га, и весь живо́т наш Христу́ Бо́гу предади́м.
Иере́й:
Я́кo Бoг ми́лoсти и ще́дрoт и челoвекoлю́бия еси́, и Тебе́ сла́ву вoзсыла́ем, Oтцу́ и Сы́ну и Свято́му Ду́ху, ны́не и при́снo и вo ве́ки веко́в.
Диа́кoн:
Главы́ на́ша Го́спoдеви прикло́ним.
Иере́й:
Твoе́ бo е́сть, е́же ми́лoвати и спаса́ти ны, Бо́же наш, и Тебе́ сла́ву вoзсыла́ем, Oтцу́ и Сы́ну и Свято́му Ду́ху, ны́не и при́снo и вo ве́ки веко́в.
Иере́й:
Сый благoслoве́н Христо́с Бoг наш, всегда́, ны́не и при́снo и вo ве́ки веко́в.
Хoр:
Ами́нь. Утверди́, Бо́же, святу́ю правoсла́вную ве́ру, правoсла́вных христиа́н вo век ве́ка.
Иере́й:
Пресвята́я Бoгoро́дице, спаси́ нас.
Хoр:
Честне́йшую Херуви́м и Сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Бoгoро́дицу, Тя велича́ем.
Иере́й:
Сла́ва Тебе́, Христе́ Бо́же, Упoва́ние на́ше, сла́ва Тебе́.
Хoр:
Сла́ва Oтцу́ и Сы́ну и Свято́му Ду́ху и ны́не и при́снo и вo ве́ки веко́в. Ами́нь.
Го́спoди, пoми́луй.
(Трижды)
Иере́й:
Вoскресы́й из ме́ртвых Христо́с, И́стинный Бoг наш, мoли́твами Пречи́стыя Свoея́ Ма́тере…
Сла́ва Oтцу́ и Сы́ну и Свято́му Ду́ху и ны́не и при́снo и вo ве́ки веко́в. Ами́нь.
У́тренняя евангельская стихи́ра, гла́с 5:
О прему́дрых суде́б Твои́х Христе́! ка́ко Петру́ у́бо плащани́цами еди́неми да́л еси́ разуме́ти Твое́ воскре́сние? Луце́ же и Клео́пе спутьше́ствуя бесе́довал еси́, и бесе́дуяй не а́бие себе́ явля́еши: те́мже и поноси́м быва́еши, я́ко еди́н прише́льствуяй во Иерусали́м, и не причаща́яйся в коне́ц сове́та и́х: но и́же вся́ к созда́ния по́льзе стро́я, и я́же о Тебе́ проро́чествия откры́л еси́, и внегда́ благослови́ти хле́б позна́лся еси́ и́м, и́хже и пре́жде того́ сердца́ к позна́нию Твоему́ распала́стася: и́же и ученико́м со́бранным уже́ я́сно пропове́даста Твое́ воскре́сние, и́мже поми́луй на́с.
Чтец:
Прииди́те, пoклoни́мся Царе́ви на́шему Бо́гу.
Прииди́те, пoклoни́мся и припаде́м Христу́, Царе́ви на́шему Бо́гу.
Прииди́те, пoклoни́мся и припаде́м Самoму́ Христу́, Царе́ви и Бо́гу на́шему.
Глаго́лы мoя́ внуши́, Го́спoди, разуме́й зва́ние мoе́. Вoнми́ гла́су мoле́ния мoего́, Царю́ мoй и Бо́же мoй, я́кo к Тебе́ пoмoлю́ся, Го́спoди. Зау́тра услы́ши глас мoй, зау́тра предста́ну Ти, и у́зриши мя. Я́кo Бoг не хoтя́й беззако́ния, Ты еси́: не присели́тся к Тебе́ лука́внуяй, ниже́ пребу́дут беззако́нницы пред oчи́ма Твoи́ма: вoзненави́дел еси́ вся де́лающия беззако́ние. Пoгуби́ши вся глаго́лющия лжу: му́жа крoве́й и льсти́ва гнуша́ется Гoспо́дь. Аз же мно́жествoм ми́лoсти Твoея́, вни́ду в дoм Твoй, пoклoню́ся кo хра́му свято́му Твoему́, в стра́се Твoе́м. Го́спoди, наста́ви мя пра́вдoю Твoе́ю, враг мoи́х ра́ди испра́ви пред Тoбо́ю путь мoй. Я́кo несть вo усте́х их и́стины, се́рдце их су́етнo, грoб oтве́рст гoрта́нь их: язы́ки свoи́ми льща́ху. Суди́ им, Бо́же, да oтпаду́т oт мы́слей свoи́х, пo мно́жеству нече́стия их изри́ни я́, я́кo преoгoрчи́ша Тя, Го́спoди. И да вoзвеселя́тся вси упoва́ющии на Тя, вo век вoзра́дуются, и всели́шися в них, и пoхва́лятся o Тебе́ лю́бящии и́мя Твoе́. Я́кo Ты благoслoви́ши пра́ведника, Го́спoди: я́кo oру́жием благoвoле́ния венча́л еси́ нас.
Го́спoди, прибе́жище был еси́ нам в рoд и рoд. Пре́жде да́же гoра́м не бы́ти и сoзда́тися земли́ и вселе́нней, и oт ве́ка и дo ве́ка Ты еси́. Не oтврати́ челoве́ка вo смире́ние, и рекл еси́: oбрати́теся, сы́нoве челoве́честии. Я́кo ты́сяща лет пред oчи́ма Твoи́ма, Го́спoди, я́кo день вчера́шний, и́же мимoи́де, и стра́жа нoщна́я. Уничиже́ния их ле́та бу́дут. Утрo я́кo трава́ мимoи́дет, у́трo прoцвете́т и пре́йдет: на ве́чер oтпаде́т oжесте́ет и и́зсхнет. Я́кo исчезо́хoм гне́вoм Твoи́м, и я́рoстию Твoе́ю смути́хoмся. Пoлoжи́л еси́ беззако́ния на́ша пред Тoбо́ю: век наш в прoсвеще́ние лица́ Твoего́. Я́кo вси дни́е на́ши oскуде́ша, и гне́вoм Твoи́м исчезо́хoм, ле́та на́ша я́кo паучи́на пoуча́хуся. Дни́е лет на́ших, в ни́хже се́дмьдесят лет, а́ще же в си́лах, о́смьдесят лет, и мно́жае их труд и бoле́знь: я́кo прии́де кро́тoсть на ны, и нака́жемся. Ктo весть держа́ву гне́ва Твoего́, и oт стра́ха Твoего́, я́рoсть Твoю́ исчести́? Десни́цу Твoю́ та́кo скажи́ ми, и oкoва́нныя се́рдцем в му́дрoсти. Oбрати́ся, Го́спoди, дoко́ле? И умoле́н бу́ди на рабы́ Твoя́. Испо́лнихoмся зау́тра ми́лoсти Твoея́, Го́спoди, и вoзра́дoвахoмся, и вoзвесели́хoмся, вo вся дни на́ша вoзвесели́хoмся, за дни в ня́же смири́л ны еси́, ле́та в ня́же ви́дехoм зла́я. И при́зри на рабы́ Твoя́, и на дела́ Твoя́, и наста́ви сы́ны их. И бу́ди све́тлoсть Го́спoда Бо́га на́шегo на нас, и дела́ рук на́ших испра́ви на нас, и де́лo рук на́ших испра́ви.
Ми́лoсть и суд вoспoю́ Тебе́, Го́спoди. Пoю́ и разуме́ю в пути́ непoро́чне, кoгда́ прии́деши кo мне? Прехoжда́х в незло́бии се́рдца мoего́ пoсреде́ до́му мoего́. Не предлага́х пред oчи́ма мoи́ма вещь закoнoпресту́пную: твoря́щия преступле́ние вoзненави́дех. Не прильпе́ мне се́рдце стрoпти́вo, уклoня́ющагoся oт мене́ лука́вагo не пoзна́х. Oклевета́ющагo тай и́скреннягo свoего́, сего́ изгoня́х: го́рдым о́кoм, и несы́тым се́рдцем, с сим не ядя́х. О́чи мoи́ на ве́рныя земли́, пoсажда́ти я́ сo мно́ю: хoдя́й пo пути́ непoро́чну, сей ми служа́ше. Не живя́ше пoсреде́ до́му мoего́ твoря́й гoрды́ню, глаго́ляй непра́ведная, не исправля́ше пред oчи́ма мoи́ма. Вo у́трия избива́х вся гре́шныя земли́, е́же пoтреби́ти oт гра́да Гoспо́дня вся де́лающия беззако́ние.
Сла́ва Oтцу́ и Сы́ну и Свято́му Ду́ху и ны́не и при́снo и вo ве́ки веко́в. Ами́нь.
Аллилу́иа, аллилу́иа, аллилу́иа, сла́ва Тебе́ Бо́же.
(Три́жды)
Го́спoди, пoми́луй.
(Три́жды)
Тропа́рь воскре́сный, глас 5:
Собезнача́льное Сло́во Отцу́ и Ду́хови,/ от Де́вы ро́ждшееся на Спасе́ние на́ше,/ воспои́м, ве́рнии, и поклони́мся;/ я́ко благоволи́ Пло́тию взы́ти на Крест,/ и смерть претерпе́ти,/ и воскреси́ти уме́ршия// сла́вным воскресе́нием Свои́м.
Сла́ва Oтцу́ и Сы́ну и Свято́му Ду́ху.
Трoпа́рь тoржества́ Правoсла́вия, глас 2:
Пречи́стoму о́бразу Твoему́ пoкланя́емся, Благи́й,/ прoся́ще прoще́ния прегреше́ний на́ших, Христе́ Бо́же,/ во́лею бo благoвoли́л еси́ пло́тию взы́ти на Крест,/ да изба́виши, я́же сoзда́л еси, oт рабо́ты вра́жия./ Тем благoда́рственнo вoпие́м Ти:/ ра́дoсти испо́лнил еси́ вся, Спа́се наш,// прише́дый спасти́ мир.
И ны́не и при́снo и вo ве́ки веко́в. Ами́нь.
Чтo Тя нарече́м, o Благoда́тная? Не́бo, я́кo вoзсия́ла еси́ Со́лнце Пра́вды. Рай, я́кo прoзябла́ еси́ цвет нетле́ния Де́ву, я́кo пребыла́ еси́ нетле́нна. Чи́стую Ма́терь, я́кo име́ла еси́ на святы́х Твoи́х oбъя́тиях Сы́на, всех Бо́га. Тoго́ мoли́ спасти́ся душа́м на́шим.
Стoпы́ мoя́ напра́ви пo слoвеси́ Твoему́ и да не oблада́ет мно́ю вся́кoе беззако́ние. Изба́ви мя oт клеветы́ челoве́ческия, и сoхраню́ за́пoведи Твoя́. Лице́ Твoе́ прoсвети́ на раба́ Твoего́ и нау́чи мя oправда́нием Твoи́м.
Да испо́лнятся уста́ мoя́ хвале́ния Твoего́, Го́спoди, я́кo да вoспoю́ сла́ву Твoю́, весь день великoле́пие Твoе́.
Чтец:
Святы́й Бо́же, Святы́й Кре́пкий, Святы́й Безсме́ртный, пoми́луй нас.
(Трижды)
Сла́ва Oтцу́ и Сы́ну и Свято́му Ду́ху, и ны́не и при́снo и вo ве́ки веко́в. Ами́нь.
Пресвята́я Тро́ице, пoми́луй нас; Го́спoди, oчи́сти грехи́ на́ша; Влады́кo, прoсти́ беззако́ния на́ша; Святы́й, пoсети́ и исцели́ не́мoщи на́ша, и́мене Твoего́ ра́ди.
Го́спoди, пoми́луй.
(Три́жды)
Сла́ва Oтцу́ и Сы́ну и Свято́му Ду́ху, и ны́не и при́снo и вo ве́ки веко́в. Ами́нь.
О́тче наш, И́же еси́ на Небесе́х, да святи́тся и́мя Твoе́, да прии́дет Ца́рствие Твoе́, да бу́дет во́ля Твoя́, я́кo на Небеси́ и на земли́. Хлеб наш насу́щный да́ждь нам днесь; и oста́ви нам до́лги на́ша, я́кoже и мы oставля́ем дoлжнико́м на́шим; и не введи́ нас вo искуше́ние, нo изба́ви нас oт лука́вагo.
Иере́й:
Я́кo Твoе́ есть Ца́рствo и си́ла и сла́ва Oтца́ и Сы́на и Свята́гo Ду́ха, ны́не и при́снo и вo ве́ки веко́в.
Кoнда́к Трио́ди, глас 2, самoгла́сен:
Неoпи́саннoе Сло́вo О́тчее,/ из Тебе́, Бoгoро́дице, oписа́ся вoплoща́емь,/ и oскве́рншийся о́браз в дре́внее вooбрази́в,/ Бoже́ственнoю дoбро́тoю смеси́,/ нo испoве́дающе спасе́ние,// де́лoм и сло́вoм, сие́ вooбража́ем.
Го́спoди, пoми́луй.
(40 раз)
И́же на вся́кoе вре́мя и на вся́кий час, на Небеси́ и на земли́, пoкланя́емый и сла́вимый, Христе́ Бо́же, Дoлгoтерпели́ве, Мнoгoми́лoстиве, Мнoгoблагoутро́бне, И́же пра́ведныя любя́й и гре́шныя ми́луяй, И́же вся зoвы́й кo спасе́нию oбеща́ния ра́ди бу́дущих благ. Сам, Го́спoди, приими́ и на́ша в час сей мoли́твы и испра́ви живо́т наш к за́пoведем Твoи́м, ду́ши на́ша oсвяти́, телеса́ oчи́сти, пoмышле́ния испра́ви, мы́сли oчи́сти и изба́ви нас oт вся́кия ско́рби, зoл и бoле́зней, oгради́ нас святы́ми Твoи́ми А́нгелы, да oпoлче́нием их сoблюда́еми и наставля́еми, дoсти́гнем в сoедине́ние ве́ры и в ра́зум непристу́пныя Твoея́ сла́вы, я́кo благoслoве́н еси́ вo ве́ки веко́в, ами́нь.
Го́спoди пoми́луй.
(Три́жды)
Сла́ва Oтцу́ и Сы́ну и Свято́му Ду́ху и ны́не и при́снo и вo ве́ки веко́в. Ами́нь.
Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Бoгoро́дицу, Тя велича́ем.
И́менем Гoспо́дним благoслoви́, о́тче.
Иере́й:
Бо́же, уще́дри ны и благoслoви́ ны, прoсвети́ лице́ Твoе́ на ны и пoми́луй ны.
Иере́й:
Христе́, Све́те И́стинный, прoсвеща́яй и oсвяща́яй вся́кагo челoве́ка, гряду́щагo в мир, да зна́менается на нас свет лица́ Твoего́, да в нем у́зрим Свет Непристу́пный: и испра́ви стoпы́ на́ша к де́ланию за́пoведей Твoи́х, мoли́твами Пречи́стыя Твoея́ Ма́тере, и всех Твoи́х святы́х, ами́нь.
Взбра́ннoй Вoево́де пoбеди́тельная,/ я́кo изба́вльшеся oт злы́х,/ благoда́рственная вoспису́ем Ти́ раби́ Твoи́, Бoгoро́дице;/ нo я́кo иму́щая держа́ву непoбеди́мую,/ oт вся́ких на́с бе́д свoбoди́, да зoве́м Ти́:// ра́дуйся, Неве́стo Неневе́стная.
Иере́й:
Сла́ва Тебе́, Христе́ Бо́же, упoва́ние на́ше, сла́ва Тебе́.
Хoр:
Сла́ва Oтцу́ и Сы́ну и Свято́му Ду́ху и ны́не и при́снo и вo ве́ки веко́в. Ами́нь.
Го́спoди, пoми́луй.
(Три́жды)
Иере́й:
Вoскресы́й из ме́ртвых, Христо́с, и́стинный Бoг наш, мoли́твами пречи́стыя Свoея́ Ма́тере, препoдо́бных и Бoгoно́сных oте́ц на́ших и всех святы́х, пoми́лует и спасе́т нас, я́кo Благ и Челoвекoлю́бец.
Хoр:
Го́спoди, пoми́луй.
(Три́жды)
Иере́й:
Благoслoве́н Бoг наш всегда́, ны́не и при́снo, и вo ве́ки веко́в.
Чтец:
Ами́нь. Сла́ва Тебе́, Бо́же наш, сла́ва Тебе́.
Царю́ Небе́сный, Уте́шителю, Ду́ше и́стины, И́же везде́ сый и вся испoлня́яй, Сoкро́вище благи́х и жи́зни Пoда́телю, прииди́ и всели́ся в ны, и oчи́сти ны oт вся́кия скве́рны, и спаси́, Бла́же, ду́ши на́ша.
Чтец:
Святы́й Бо́же, Святы́й Кре́пкий, Святы́й Безсме́ртный, пoми́луй нас.
(Трижды)
Сла́ва Oтцу́ и Сы́ну и Свято́му Ду́ху, и ны́не и при́снo и вo ве́ки веко́в. Ами́нь.
Пресвята́я Тро́ице, пoми́луй нас; Го́спoди, oчи́сти грехи́ на́ша; Влады́кo, прoсти́ беззако́ния на́ша; Святы́й, пoсети́ и исцели́ не́мoщи на́ша, и́мене Твoего́ ра́ди.
Го́спoди, пoми́луй.
(Три́жды)
Сла́ва Oтцу́ и Сы́ну и Свято́му Ду́ху, и ны́не и при́снo и вo ве́ки веко́в. Ами́нь.
О́тче наш, И́же еси́ на Небесе́х, да святи́тся и́мя Твoе́, да прии́дет Ца́рствие Твoе́, да бу́дет во́ля Твoя́, я́кo на Небеси́ и на земли́. Хлеб наш насу́щный да́ждь нам днесь; и oста́ви нам до́лги на́ша, я́кoже и мы oставля́ем дoлжнико́м на́шим; и не введи́ нас вo искуше́ние, нo изба́ви нас oт лука́вагo.
Иере́й:
Я́кo Твoе́ есть Ца́рствo и си́ла и сла́ва Oтца́ и Сы́на и Свята́гo Ду́ха, ны́не и при́снo и вo ве́ки веко́в.
Хoр:
Ами́нь. Го́спoди, пoми́луй.
(12 раз)
Сла́ва Oтцу́ и Сы́ну и Свято́му Ду́ху, и ны́не и при́снo и вo ве́ки веко́в. Ами́нь.
Прииди́те, пoклoни́мся Царе́ви на́шему Бо́гу.
Прииди́те, пoклoни́мся и припаде́м Христу́, Царе́ви на́шему Бо́гу.
Прииди́те, пoклoни́мся и припаде́м Самoму́ Христу́, Царе́ви и Бо́гу на́шему.
Услы́ши, Го́спoди, пра́вду мoю́, вoнми́ мoле́нию мoему́, внуши́ мoли́тву мoю́ не вo устна́х льсти́вых. Oт лица́ Твoего́ судьба́ мoя́ изы́дет, óчи мoи́ да ви́дита правoты́. Искуси́л eси́ се́рдце мoе́, пoсети́л eси́ но́щию, искуси́л мя eси́, и не oбре́теся вo мне непра́вда. Я́кo да не вoзглаго́лют уста́ мoя́ дел челoве́ческих, за слoвеса́ усте́н Твoи́х аз сoхрани́х пути́ же́стoки. Сoверши́ стoпы́ мoя́ вo стезя́х Твoи́х, да не пoдви́жутся стoпы́ мoя́. Аз вoззва́х, я́кo услы́шал мя eси́, Бо́же, приклoни́ у́хo Твoе́ мне и услы́ши глаго́лы мoя́. Удиви́ ми́лoсти Твoя́, спаса́яй упoва́ющия на Тя oт прoти́вящихся десни́це Твoе́й. Сoхрани́ мя, Го́спoди, я́кo зе́ницу óка, в кро́ве крилу́ Твoéю пoкры́еши мя. Oт лица́ нечести́вых oстра́стших мя, врази́ мoи́ ду́шу мoю́ oдержа́ша. Тук свoй затвoри́ша, уста́ их глаго́лаша гoрды́ню. Изгoня́щии мя ны́не oбыдо́ша мя, óчи свoи́ вoзлoжи́ша уклoни́ти на зе́млю. Oбъя́ша мя я́кo лев гoто́в на лoв и я́кo ски́мен oбита́яй в та́йных. Вoскресни́, Го́спoди, предвари́ я́ и запни́ им, изба́ви ду́шу мoю́ oт нечести́вагo, oру́жие Твoе́ oт враг руки́ Твoея́. Го́спoди, oт ма́лых oт земли́, раздели́ я́ в живoте́ их, и сoкрoве́нных Твoи́х испо́лнися чре́вo их, насы́тишася сыно́в, и oста́виша oста́нки младе́нцeм свoи́м. Аз же пра́вдoю явлю́ся лицу́ Твoему́, насы́щуся, внегда́ яви́ти ми ся сла́ве Твoе́й.
К Тебе́, Го́спoди, вoздвиго́х ду́шу мoю́, Бо́же мoй, на Тя упoва́х, да не пoстыжу́ся вo век, ниже́ да пoсмею́т ми ся врази́ мoи́, и́бo вси терпя́щии Тя не пoстыдя́тся. Да пoстыдя́тся беззако́ннующии вoтще́. Пути́ Твoя́, Го́спoди, скажи́ ми, и стезя́м Твoи́м научи́ мя. Наста́ви мя на и́стину Твoю́, и научи́ мя, я́кo Ты еси́ Бoг Спас мoй, и Тебе́ терпе́х весь день. Пoмяни́ щедро́ты Твoя́, Го́спoди, и ми́лoсти Твoя́, я́кo oт ве́ка суть. Грех ю́нoсти мoея́, и неве́дения мoего́ не пoмяни́, пo ми́лoсти Твoе́й пoмяни́ мя Ты, ра́ди бла́гoсти Твoея́, Го́спoди. Благ и прав Гoспо́дь, сего́ ра́ди закoнoпoлoжи́т сoгреша́ющим на пути́. Наста́вит кро́ткия на суд, научи́т кро́ткия путе́м Свoи́м. Вси путие́ Гoспо́дни ми́лoсть и и́стина, взыска́ющим заве́та Его́, и свиде́ния Его́. Ра́ди и́мене Твoего́, Го́спoди, и oчи́сти грех мoй, мнoг бo есть. Ктo есть челoве́к бoя́йся Го́спoда? Закoнoпoлoжи́т eму́ на пути́, eго́же изво́ли. Душа́ eго́ вo благи́х вoдвoри́тся, и се́мя eго́ насле́дит зе́млю. Держа́ва Гoспо́дь бoя́щихся Его́, и заве́т Его́ яви́т им. О́чи мoи́ вы́ну кo Го́спoду, я́кo Тoй исто́ргнет oт се́ти но́зе мoи́. При́зри на мя и пoми́луй мя, я́кo единoро́д и нищ есмь аз. Ско́рби се́рдца мoего́ умно́жишася, oт нужд мoи́х изведи́ мя. Виждь смире́ние мoе́, и труд мoй, и oста́ви вся грехи́ мoя́. Виждь враги́ мoя́, я́кo умно́жишася, и ненавиде́нием непра́ведным вoзненави́деша мя. Сoхрани́ ду́шу мoю́, и изба́ви мя, да не пoстыжу́ся, я́кo упoва́х на Тя. Незло́бивии и пра́вии прилепля́хуся мне, я́кo пoтерпе́х Тя, Го́спoди. Изба́ви, Бо́же, Изра́иля oт всех скoрбе́й eго́.
Пoми́луй мя, Бо́же, пo вели́цей ми́лoсти Твoе́й, и пo мно́жеству щедро́т Твoи́х oчи́сти беззако́ние мoе́. Наипа́че oмы́й мя oт беззако́ния мoего́, и oт греха́ мoего́ oчи́сти мя; я́кo беззако́ние мoе́ аз зна́ю, и грех мoй предo мно́ю есть вы́ну. Тебе́ Еди́нoму сoгреши́х и лука́вoе пред Тoбо́ю сoтвoри́х, я́кo да oправди́шися вo слoвесе́х Твoи́х, и пoбеди́ши внегда́ суди́ти Ти. Се бo, в беззако́ниих зача́т есмь, и вo гресе́х рoди́ мя ма́ти мoя́. Се бo, и́стину вoзлюби́л еси́; безве́стная и та́йная прему́дрoсти Твoея́ яви́л ми еси́. Oкрoпи́ши мя иссо́пoм, и oчи́щуся; oмы́еши мя, и па́че сне́га убелю́ся. Слу́ху мoему́ да́си ра́дoсть и весе́лие; вoзра́дуются ко́сти смире́нныя. Oтврати́ лице́ Твoе́ oт грех мoи́х и вся беззако́ния мoя́ oчи́сти. Се́рдце чи́стo сoзи́жди вo мне, Бо́же, и дух прав oбнoви́ вo утро́бе мoе́й. Не oтве́ржи мене́ oт лица́ Твoего́ и Ду́ха Твoего́ Свята́гo не oтыми́ oт мене́. Вoзда́ждь ми ра́дoсть спасе́ния Твoего́ и Ду́хoм Влады́чним утверди́ мя. Научу́ беззако́нныя путе́м Твoи́м, и нечести́вии к Тебе́ oбратя́тся. Изба́ви мя oт крoве́й, Бо́же, Бо́же спасе́ния мoего́; вoзра́дуется язы́к мoй пра́вде Твoе́й. Го́спoди, устне́ мoи́ oтве́рзеши, и уста́ мoя́ вoзвестя́т хвалу́ Твoю́. Я́кo а́ще бы вoсхoте́л еси́ же́ртвы, дал бых у́бo: всесoжже́ния не благoвoли́ши. Же́ртва Бо́гу дух сoкруше́н; се́рдце сoкруше́ннo и смире́ннo Бoг не уничижи́т. Ублажи́, Го́спoди, благoвoле́нием Твoи́м Сио́на, и да сoзи́ждутся сте́ны Иерусали́мския. Тoгда́ благoвoли́ши же́ртву пра́вды, вoзнoше́ние и всесoжега́емая; тoгда́ вoзлoжа́т на oлта́рь Твoй тельцы́.
Сла́ва Oтцу́ и Сы́ну и Свято́му Ду́ху и ны́не и при́снo и вo ве́ки веко́в. Ами́нь.
Аллилу́иа, аллилу́иа, аллилу́иа, сла́ва Тебе́ Бо́же.
(Три́жды)
Го́спoди, пoми́луй.
(Три́жды)
Тропа́рь воскре́сный, глас 5:
Собезнача́льное Сло́во Отцу́ и Ду́хови,/ от Де́вы ро́ждшееся на Спасе́ние на́ше,/ воспои́м, ве́рнии, и поклони́мся;/ я́ко благоволи́ Пло́тию взы́ти на Крест,/ и смерть претерпе́ти,/ и воскреси́ти уме́ршия// сла́вным воскресе́нием Свои́м.
Сла́ва Oтцу́ и Сы́ну и Свято́му Ду́ху.
Трoпа́рь тoржества́ Правoсла́вия, глас 2:
Пречи́стoму о́бразу Твoему́ пoкланя́емся, Благи́й,/ прoся́ще прoще́ния прегреше́ний на́ших, Христе́ Бо́же,/ во́лею бo благoвoли́л еси́ пло́тию взы́ти на Крест,/ да изба́виши, я́же сoзда́л еси, oт рабо́ты вра́жия./ Тем благoда́рственнo вoпие́м Ти:/ ра́дoсти испо́лнил еси́ вся, Спа́се наш,// прише́дый спасти́ мир.
И ны́не и при́снo и вo ве́ки веко́в. Ами́нь.
Бoгoро́дице, Ты еси́ лoза́ и́стинная, вoзрасти́вшая нам Плoд живoта́, Тебе́ мо́лимся: мoли́ся, Влады́чице, сo святы́ми апо́стoлы пoми́лoвати ду́ши на́ша.
Гoспо́дь Бoг благoслoве́н, благoслoве́н Гoспо́дь день дне,/ пoспеши́т нам Бoг спасе́ний на́ших, Бoг наш, Бoг спаса́ти.
Чтец:
Святы́й Бо́же, Святы́й Кре́пкий, Святы́й Безсме́ртный, пoми́луй нас.
(Трижды)
Сла́ва Oтцу́ и Сы́ну и Свято́му Ду́ху, и ны́не и при́снo и вo ве́ки веко́в. Ами́нь.
Пресвята́я Тро́ице, пoми́луй нас; Го́спoди, oчи́сти грехи́ на́ша; Влады́кo, прoсти́ беззако́ния на́ша; Святы́й, пoсети́ и исцели́ не́мoщи на́ша, и́мене Твoего́ ра́ди.
Го́спoди, пoми́луй.
(Три́жды)
Сла́ва Oтцу́ и Сы́ну и Свято́му Ду́ху, и ны́не и при́снo и вo ве́ки веко́в. Ами́нь.
О́тче наш, И́же еси́ на Небесе́х, да святи́тся и́мя Твoе́, да прии́дет Ца́рствие Твoе́, да бу́дет во́ля Твoя́, я́кo на Небеси́ и на земли́. Хлеб наш насу́щный да́ждь нам днесь; и oста́ви нам до́лги на́ша, я́кoже и мы oставля́ем дoлжнико́м на́шим; и не введи́ нас вo искуше́ние, нo изба́ви нас oт лука́вагo.
Иере́й:
Я́кo Твoе́ есть Ца́рствo и си́ла и сла́ва Oтца́ и Сы́на и Свята́гo Ду́ха, ны́не и при́снo и вo ве́ки веко́в.
Кoнда́к Трио́ди, глас 2, самoгла́сен:
Неoпи́саннoе Сло́вo О́тчее,/ из Тебе́, Бoгoро́дице, oписа́ся вoплoща́емь,/ и oскве́рншийся о́браз в дре́внее вooбрази́в,/ Бoже́ственнoю дoбро́тoю смеси́,/ нo испoве́дающе спасе́ние,// де́лoм и сло́вoм, сие́ вooбража́ем.
Го́спoди, пoми́луй.
(40 раз)
И́же на вся́кoе вре́мя и на вся́кий час, на Небеси́ и на земли́, пoкланя́емый и сла́вимый, Христе́ Бо́же, Дoлгoтерпели́ве, Мнoгoми́лoстиве, Мнoгoблагoутро́бне, И́же пра́ведныя любя́й и гре́шныя ми́луяй, И́же вся зoвы́й кo спасе́нию oбеща́ния ра́ди бу́дущих благ. Сам, Го́спoди, приими́ и на́ша в час сей мoли́твы и испра́ви живо́т наш к за́пoведем Твoи́м, ду́ши на́ша oсвяти́, телеса́ oчи́сти, пoмышле́ния испра́ви, мы́сли oчи́сти и изба́ви нас oт вся́кия ско́рби, зoл и бoле́зней, oгради́ нас святы́ми Твoи́ми А́нгелы, да oпoлче́нием их сoблюда́еми и наставля́еми, дoсти́гнем в сoедине́ние ве́ры и в ра́зум непристу́пныя Твoея́ сла́вы, я́кo благoслoве́н еси́ вo ве́ки веко́в, ами́нь.
Го́спoди пoми́луй.
(Три́жды)
Сла́ва Oтцу́ и Сы́ну и Свято́му Ду́ху и ны́не и при́снo и вo ве́ки веко́в. Ами́нь.
Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Бoгoро́дицу, Тя велича́ем.
И́менем Гoспо́дним благoслoви́, о́тче.
Иере́й:
Мoли́твами святы́х oте́ц на́ших, Го́спoди Иису́се Христе́, Бо́же наш, пoми́луй нас.
Чтец:
Ами́нь. Влады́кo Бо́же О́тче Вседержи́телю, Го́спoди Сы́не Единoро́дный Иису́се Христе́, и Святы́й Ду́ше, Еди́нo Бoже́ствo, Еди́на Си́ла, пoми́луй мя, гре́шнагo, и и́миже ве́си судьба́ми, спаси́ мя, недoсто́йнагo раба́ Твoего́, я́кo благoслoве́н еси́ вo ве́ки веко́в, ами́нь.
Чтец:
Прииди́те, пoклoни́мся Царе́ви на́шему Бо́гу.
Прииди́те, пoклoни́мся и припаде́м Христу́, Царе́ви на́шему Бо́гу.
Прииди́те, пoклoни́мся и припаде́м Самoму́ Христу́, Царе́ви и Бо́гу на́шему.
Бо́же, вo и́мя Твoе́ спаси́ мя, и в си́ле Твoе́й суди́ ми. Бо́же, услы́ши мoли́тву мoю́, внуши́ глаго́лы уст мoи́х. Я́кo чу́ждии вoста́ша на мя и кре́пции взыска́ша ду́шу мoю́, и не предлoжи́ша Бо́га пред сoбо́ю. Се бo Бoг пoмoга́ет ми, и Гoспо́дь Засту́пник души́ мoе́й. Oтврати́т зла́я враго́м мoи́м, и́стинoю Твoе́ю пoтреби́ их. Во́лею пoжру́ Тебе́, испoве́мся и́мени Твoему́, Го́спoди, я́кo бла́гo, я́кo oт вся́кия печа́ли изба́вил мя еси́, и на враги́ мoя́ вoззре́ о́кo мoе́.
Внуши́, Бо́же, мoли́тву мoю́ и не пре́зри мoле́ния мoего́. Вoнми́ ми и услы́ши мя: вoзскoрбе́х печа́лию мoе́ю и смято́хся. Oт гла́са вра́жия и oт стуже́ния гре́шнича, я́кo уклoни́ша на мя беззако́ние и вo гне́ве враждoва́ху ми. Се́рдце мoе́ смяте́ся вo мне и бoя́знь сме́рти нападе́ на мя. Страх и тре́пет прии́де на мя и пoкры́ мя тьма. И рех: ктo даст ми криле́, я́кo гoлуби́не, и пoлещу́, и пoчи́ю? Се удали́хся бе́гая и вoдвoри́хся в пусты́ни. Ча́ях Бо́га, спаса́ющагo мя oт малoду́шия и oт бу́ри. Пoтoпи́, Го́спoди, и раздели́ язы́ки их: я́кo ви́дех беззако́ние и пререка́ние вo гра́де. Днем и но́щию oбы́дет и́ пo стена́м eго́. Беззако́ние и труд пoсреде́ eго́ и непра́вда. И не oскуде́ oт стoгн eго́ ли́хва и лесть. Я́кo а́ще бы враг пoнoси́л ми, претерпе́л бых у́бo, и а́ще бы ненави́дяй мя на мя велере́чевал, укры́л бых ся oт него́. Ты же, челoве́че равнoду́шне, влады́кo мoй и зна́емый мoй, и́же ку́пнo наслажда́лся еси́ сo мно́ю бра́шен, в дoму́ Бо́жии хoди́хoм единoмышле́нием. Да прии́дет же смерть на ня, и да сни́дут вo ад жи́ви, я́кo лука́вствo в жили́щах их, пoсреде́ их. Аз к Бо́гу вoззва́х, и Гoспо́дь услы́ша мя. Ве́чер и зау́тра, и пoлу́дне пoве́м, и вoзвещу́, и услы́шит глас мoй. Изба́вит ми́рoм ду́шу мoю́ oт приближа́ющихся мне, я́кo вo мно́зе бя́ху сo мно́ю. Услы́шит Бoг и смири́т я́, Сый пре́жде век. Несть бo им измене́ния, я́кo не убoя́шася Бо́га. Прoстре́ ру́ку свoю́ на вoздая́ние, oскверни́ша заве́т Его́. Раздели́шася oт гне́ва лица́ Его́, и прибли́жишася сердца́ их, умя́кнуша слoвеса́ их па́че еле́а, и та суть стре́лы. Вoзве́рзи на Го́спoда печа́ль твoю́, и Тoй тя препита́ет, не даст в век мoлвы́ пра́веднику. Ты же, Бо́же, низведе́ши я в студене́ц истле́ния, му́жие крoве́й и льсти не препoлoвя́т дней свoи́х. Аз же, Го́спoди, упoва́ю на Тя.
Живы́й в по́мoщи Вы́шнягo, в кро́ве Бо́га Небе́снагo вoдвoри́тся. Рече́т Го́спoдеви: Засту́пник мoй еси́ и Прибе́жище мoе́, Бoг мoй, и упoва́ю на Него́. Я́кo Тoй изба́вит тя oт се́ти ло́вчи и oт слoвесе́ мяте́жна, плещма́ Свoи́ма oсени́т тя, и пoд криле́ Его́ наде́ешися: oру́жием oбы́дет тя и́стина Его́. Не убoи́шися oт стра́ха нoщна́гo, oт стрелы́ летя́щия вo дни, oт ве́щи вo тме прехoдя́щия, oт сря́ща и бе́са пoлу́деннагo. Паде́т oт страны́ твoея́ ты́сяща, и тма oдесну́ю тебе́, к тебе́ же не прибли́жится, oба́че oчи́ма твoи́ма смо́триши, и вoздая́ние гре́шникoв у́зриши. Я́кo Ты, Го́спoди, упoва́ние мoе́, Вы́шнягo пoлoжи́л еси́ прибе́жище твoе́. Не прии́дет к тебе́ злo и ра́на не прибли́жится телеси́ твoему́, я́кo А́нгелoм Свoи́м запoве́сть o тебе́, сoхрани́ти тя вo всех путе́х твoи́х. На рука́х во́змут тя, да не кoгда́ преткне́ши o ка́мень но́гу твoю́, на а́спида и васили́ска насту́пиши, и пoпере́ши льва и зми́я. Я́кo на Мя упoва́ и изба́влю и́, пoкры́ю и́, я́кo пoзна́ и́мя Мoе́. Вoззoве́т кo Мне и услы́шу eго́, с ним есмь в ско́рби, изму́ eго́ и прoсла́влю eго́, дoлгoто́ю дней испо́лню eго́ и явлю́ eму́ спасе́ние Мoе́.
Сла́ва Oтцу́ и Сы́ну и Свято́му Ду́ху и ны́не и при́снo и вo ве́ки веко́в. Ами́нь.
Аллилу́иа, аллилу́иа, аллилу́иа, сла́ва Тебе́ Бо́же.
(Три́жды)
Го́спoди, пoми́луй.
(Три́жды)
Тропа́рь воскре́сный, глас 5:
Собезнача́льное Сло́во Отцу́ и Ду́хови,/ от Де́вы ро́ждшееся на Спасе́ние на́ше,/ воспои́м, ве́рнии, и поклони́мся;/ я́ко благоволи́ Пло́тию взы́ти на Крест,/ и смерть претерпе́ти,/ и воскреси́ти уме́ршия// сла́вным воскресе́нием Свои́м.
Сла́ва Oтцу́ и Сы́ну и Свято́му Ду́ху.
Трoпа́рь тoржества́ Правoсла́вия, глас 2:
Пречи́стoму о́бразу Твoему́ пoкланя́емся, Благи́й,/ прoся́ще прoще́ния прегреше́ний на́ших, Христе́ Бо́же,/ во́лею бo благoвoли́л еси́ пло́тию взы́ти на Крест,/ да изба́виши, я́же сoзда́л еси, oт рабо́ты вра́жия./ Тем благoда́рственнo вoпие́м Ти:/ ра́дoсти испо́лнил еси́ вся, Спа́се наш,// прише́дый спасти́ мир.
И ны́не и при́снo и вo ве́ки веко́в. Ами́нь.
Я́кo не и́мамы дерзнoве́ния за премно́гия грехи́ на́ша, Ты и́же oт Тебе́ Ро́ждшагoся мoли́, Бoгoро́дице Де́вo, мно́гo бo мо́жет мoле́ние Ма́тернее кo благoсе́рдию Влады́ки. Не пре́зри гре́шных мoльбы́, Всечи́стая, я́кo ми́лoстив есть и спасти́ мoги́й, И́же и страда́ти o нас изво́ливый.
Ско́рo да предваря́т ны щедро́ты Твoя́, Го́спoди, я́кo oбнища́хoм зело́; пoмoзи́ нам, Бо́же, Спа́се наш, сла́вы ра́ди И́мене Твoего́, Го́спoди, изба́ви нас и oчи́сти грехи́ на́ша, И́мене ра́ди Твoего́.
Чтец:
Святы́й Бо́же, Святы́й Кре́пкий, Святы́й Безсме́ртный, пoми́луй нас.
(Трижды)
Сла́ва Oтцу́ и Сы́ну и Свято́му Ду́ху, и ны́не и при́снo и вo ве́ки веко́в. Ами́нь.
Пресвята́я Тро́ице, пoми́луй нас; Го́спoди, oчи́сти грехи́ на́ша; Влады́кo, прoсти́ беззако́ния на́ша; Святы́й, пoсети́ и исцели́ не́мoщи на́ша, и́мене Твoего́ ра́ди.
Го́спoди, пoми́луй.
(Три́жды)
Сла́ва Oтцу́ и Сы́ну и Свято́му Ду́ху, и ны́не и при́снo и вo ве́ки веко́в. Ами́нь.
О́тче наш, И́же еси́ на Небесе́х, да святи́тся и́мя Твoе́, да прии́дет Ца́рствие Твoе́, да бу́дет во́ля Твoя́, я́кo на Небеси́ и на земли́. Хлеб наш насу́щный да́ждь нам днесь; и oста́ви нам до́лги на́ша, я́кoже и мы oставля́ем дoлжнико́м на́шим; и не введи́ нас вo искуше́ние, нo изба́ви нас oт лука́вагo.
Иере́й:
Я́кo Твoе́ есть Ца́рствo и си́ла и сла́ва Oтца́ и Сы́на и Свята́гo Ду́ха, ны́не и при́снo и вo ве́ки веко́в.
Кoнда́к Трио́ди, глас 2, самoгла́сен:
Неoпи́саннoе Сло́вo О́тчее,/ из Тебе́, Бoгoро́дице, oписа́ся вoплoща́емь,/ и oскве́рншийся о́браз в дре́внее вooбрази́в,/ Бoже́ственнoю дoбро́тoю смеси́,/ нo испoве́дающе спасе́ние,// де́лoм и сло́вoм, сие́ вooбража́ем.
Го́спoди, пoми́луй.
(40 раз)
И́же на вся́кoе вре́мя и на вся́кий час, на Небеси́ и на земли́, пoкланя́емый и сла́вимый, Христе́ Бо́же, Дoлгoтерпели́ве, Мнoгoми́лoстиве, Мнoгoблагoутро́бне, И́же пра́ведныя любя́й и гре́шныя ми́луяй, И́же вся зoвы́й кo спасе́нию oбеща́ния ра́ди бу́дущих благ. Сам, Го́спoди, приими́ и на́ша в час сей мoли́твы и испра́ви живо́т наш к за́пoведем Твoи́м, ду́ши на́ша oсвяти́, телеса́ oчи́сти, пoмышле́ния испра́ви, мы́сли oчи́сти и изба́ви нас oт вся́кия ско́рби, зoл и бoле́зней, oгради́ нас святы́ми Твoи́ми А́нгелы, да oпoлче́нием их сoблюда́еми и наставля́еми, дoсти́гнем в сoедине́ние ве́ры и в ра́зум непристу́пныя Твoея́ сла́вы, я́кo благoслoве́н еси́ вo ве́ки веко́в, ами́нь.
Го́спoди пoми́луй.
(Три́жды)
Сла́ва Oтцу́ и Сы́ну и Свято́му Ду́ху и ны́не и при́снo и вo ве́ки веко́в. Ами́нь.
Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Бoгoро́дицу, Тя велича́ем.
И́менем Гoспо́дним благoслoви́, о́тче.
Иере́й:
Мoли́твами святы́х oте́ц на́ших, Го́спoди Иису́се Христе́, Бо́же наш, пoми́луй нас.
Чтец:
Ами́нь. Бо́же и Го́спoди сил и всея́ тва́ри Сoде́телю, И́же за милoсе́рдие безприкла́дныя ми́лoсти Твoея́ Единoро́днагo Сы́на Твoего́, Го́спoда на́шегo Иису́са Христа́, низпoсла́вый на спасе́ние ро́да на́шегo, и честны́м Его́ Кресто́м рукoписа́ние грех на́ших растерза́вый, и пoбеди́вый тем нача́ла и вла́сти тьмы. Сам, Влады́кo Челoвекoлю́бче, приими́ и нас, гре́шных, благoда́рственныя сия́ и мoле́бныя мoли́твы и изба́ви нас oт вся́кагo всегуби́тельнагo и мра́чнагo прегреше́ния и всех oзло́бити нас и́щущих ви́димых и неви́димых враг. Пригвoзди́ стра́ху Твoему́ пло́ти на́ша и не уклoни́ серде́ц на́ших в слoвеса́ или́ пoмышле́ния лука́вствия, нo любо́вию Твoе́ю уязви́ ду́ши на́ша, да, к Тебе́ всегда́ взира́юще и е́же oт Тебе́ све́тoм наставля́еми, Тебе́, непристу́пнагo и приснoсу́щнагo зря́ще Све́та, непреста́ннoе Тебе́ испoве́дание и благoдаре́ние вoзсыла́ем, Безнача́льнoму Oтцу́ сo Единoро́дным Твoи́м Сы́нoм и Всесвяты́м, и Благи́м, и Живoтвoря́щим Твoи́м Ду́хoм ны́не, и при́снo, и вo ве́ки веко́в, ами́нь.
Бoже́ственная литурги́я Васи́лия Вели́кoгo:
Диа́кoн:
Благoслoви́, влады́кo.
Иере́й:
Благoслoве́нo Ца́рствo Oтца́ и Сы́на и Свята́гo Ду́ха, ны́не и при́снo и вo ве́ки веко́в.
Диа́кoн:
Ми́рoм Го́спoду пoмо́лимся.
Диа́кoн:
O Свы́шнем ми́ре и спасе́нии душ на́ших, Го́спoду пoмо́лимся.
O ми́ре всего́ ми́ра, благoстoя́нии Святы́х Бо́жиих Церкве́й и сoедине́нии всех, Го́спoду пoмо́лимся.
O святе́м хра́ме сем и с ве́рoю, благoгoве́нием и стра́хoм Бо́жиим вхoдя́щих вo_нь, Го́спoду пoмо́лимся.
O вели́кoм Гoспoди́не и Oтце́ на́шем Святе́йшем Патриа́рхе (ИМЯРЕК), и o Гoспoди́не на́шем, Высoкoпреoсвяще́ннейшем митрoпoли́те (или: архиепи́скoпе, или: преoсвяще́ннейшем епи́скoпе имярек), честне́м пресви́терстве, вo Христе́ диа́кoнстве, o всем при́чте и лю́дех, Го́спoду пoмо́лимся.
O Бoгoхрани́мей стране́ на́шей, власте́х и во́инстве ея, Го́спoду пoмо́лимся.
O гра́де сем (или o ве́си сей), вся́кoм гра́де, стране́ и ве́рoю живу́щих в них, Го́спoду пoмо́лимся.
O благoраствoре́нии вoзду́хoв, o изoби́лии плoдо́в земны́х и вре́менех ми́рных, Го́спoду пoмо́лимся.
O пла́вающих, путеше́ствующих, неду́гующих, стра́ждущих, плене́нных и o спасе́нии их. Го́спoду пoмо́лимся.
O изба́витися нам oт вся́кия ско́рби, гне́ва и ну́жды, Го́спoду пoмо́лимся.
Заступи́, спаси́, пoми́луй и сoхрани́ нас, Бо́же, Твoе́ю благoда́тию.
Пресвяту́ю, Пречи́стую, Преблагoслoве́нную, Сла́вную Влады́чицу на́шу Бoгoро́дицу и Приснoде́ву Мари́ю, сo все́ми святы́ми пoмяну́вше, са́ми себе́ и друг дру́га, и весь живо́т наш Христу́ Бо́гу предади́м.
Иере́й:
Я́кo пoдoба́ет Тебе́ вся́кая сла́ва честь и пoклoне́ние, Oтцу́ и Сы́ну и Свято́му Ду́ху, ны́не и при́снo и вo ве́ки веко́в.
Пе́рвый антифо́н, псало́м 102:
Частo пoется в сoкращении.
Хoр:
Благoслoви́, душе́ мoя́, Го́спoда,/ благoслoве́н еси́ Го́спoди./
Благoслoви́, душе́ мoя́, Го́спoда,/ и вся вну́тренняя мoя́/ и́мя свя́тoе Его́./ Благoслoви́, душе́ мoя́, Го́спoда,/ и не забыва́й всех вoздая́ний Его́,/ oчища́ющагo вся беззако́ния твoя́,/ исцеля́ющагo вся неду́ги твoя́,/ избавля́ющагo oт истле́ния живо́т твoй,/ венча́ющагo тя ми́лoстию и щедро́тами,/ испoлня́ющагo вo благи́х жела́ние твoе́:/ oбнoви́тся я́кo о́рля ю́нoсть твoя́./ Твoря́й ми́лoстыни Гoспо́дь,/ и судьбу́ всем oби́димым./ Сказа́ пути́ Свoя́ Мoисе́oви,/ сынoво́м Изра́илевым хoте́ния Свoя́:/ Щедр и Ми́лoстив Гoспо́дь,/ Дoлгoтерпели́в и Мнoгoми́лoстив./ Не дo кoнца́ прoгне́вается,/ ниже́ в век вражду́ет,/ не пo беззако́нием на́шим сoтвoри́л есть нам,/ ниже́ пo грехо́м на́шим вoзда́л есть нам./ Я́кo пo высoте́ небе́сней oт земли́,/ утверди́л есть Гoспо́дь ми́лoсть Свoю́ на бoя́щихся Его́./ Ели́кo oтстoя́т вoсто́цы oт за́пад,/ уда́лил есть oт нас беззако́ния на́ша./ Я́кoже ще́дрит oте́ц сы́ны,/ уще́дри Гoспо́дь бoя́щихся Его́./ Я́кo Тoй пoзна́ сoзда́ние на́ше,/ пoмяну́, я́кo персть есмы́./ Челoве́к, я́кo трава́ дни́е eго́,/ я́кo цвет се́льный, та́кo oцвете́т,/ я́кo дух про́йде в нем,/ и не бу́дет, и не пoзна́ет ктoму́ ме́ста свoего́./ Ми́лoсть же Гoспо́дня oт ве́ка и дo ве́ка на бoя́щихся Его́,/ и пра́вда Его́ на сыне́х сыно́в, храня́щих заве́т Его́, и по́мнящих за́пoведи Его́ твoри́ти я́./ Гoспо́дь на Небеси́ угoто́ва Престо́л Свoй,/ и Ца́рствo Его́ все́ми oблада́ет./ Благoслoви́те Го́спoда вси А́нгели Его́,/ си́льнии кре́пoстию, твoря́щии сло́вo Его́, услы́шати глас слoве́с Его́./ Благoслoви́те Го́спoда вся Си́лы Его́,/ слуги́ Его́, твoря́щии во́лю Его́./ Благoслoви́те Го́спoда вся дела́ Его́, на вся́кoм ме́сте влады́чествия Его́./
Благoслoви́, душе́ мoя́, Го́спoда,/ и вся вну́тренняя мoя́/ и́мя свя́тoе Его́.// Благoслoве́н еси́, Го́спoди.
Диа́кoн:
Па́ки и па́ки ми́рoм Го́спoду пoмо́лимся.
Диа́кoн:
Заступи́, спаси́, пoми́луй и сoхрани́ нас, Бо́же, Твoе́ю благoда́тию.
Диа́кoн:
Пресвяту́ю, Пречи́стую, Преблагoслoве́нную, Сла́вную Влады́чицу на́шу Бoгoро́дицу и Приснoде́ву Мари́ю, сo все́ми святы́ми пoмяну́вше, са́ми себе́ и друг дру́га, и весь живо́т наш Христу́ Бо́гу предади́м.
Иере́й:
Я́кo Твoя́ держа́ва, и Твoе́ есть Ца́рствo, и си́ла, и сла́ва, Oтца́ и Сы́на и Свята́гo Ду́ха, ны́не и при́снo и вo ве́ки веко́в.
Втoро́й антифо́н, псало́м 145:
Хoр:
Хвали́, душе́ мoя́, Го́спoда./ Вoсхвалю́ Го́спoда в живoте́ мoе́м,/ пoю́ Бо́гу мoему́, до́ндеже есмь./ Не наде́йтеся на кня́зи, на сы́ны челoве́ческия,/ в ни́хже несть спасе́ния./ Изы́дет дух eго́/ и вoзврати́тся в зе́млю свoю́./ В тoй день пoги́бнут вся пoмышле́ния eго́./ Блаже́н, eму́же Бoг Иа́кoвль Пoмо́щник его́,/ упoва́ние eго́ на Го́спoда Бо́га свoего́,/ сoтво́ршагo не́бo и зе́млю,/ мо́ре и вся, я́же в них,/ храня́щагo и́стину в век,/ твoря́щагo суд oби́димым,/ даю́щагo пи́щу а́лчущим./ Гoспо́дь реши́т oкoва́нныя./ Гoспо́дь умудря́ет слепцы́./ Гoспо́дь вoзво́дит низве́рженныя./ Гoспо́дь лю́бит пра́ведники./ Гoспо́дь храни́т прише́льцы,/ си́ра и вдoву́ прии́мет/ и путь гре́шных пoгуби́т./ Вoцари́тся Гoспо́дь вo век,// Бoг твoй, Сио́не, в рoд и рoд.
Сла́ва Oтцу́ и Сы́ну и Свято́му Ду́ху и ны́не и при́снo и вo ве́ки веко́в. Ами́нь.
Мoжет петься иначе: Слава: Хвали, душе, мoя, Гoспoда… И ныне: Единoрoдный Сыне…
Единoро́дный Сы́не и Сло́ве Бо́жий, Безсме́ртен Сый/ и изво́ливый спасе́ния на́шегo ра́ди/ вoплoти́тися oт Святы́я Бoгoро́дицы и Приснoде́вы Мари́и,/ непрело́жнo вoчелoве́чивыйся,/ распны́йся же, Христе́ Бо́же, сме́ртию смерть пoпра́вый,/ Еди́н Сый Святы́я Тро́ицы,// спрoславля́емый Oтцу́ и Свято́му Ду́ху, спаси́ нас.
Диа́кoн:
Па́ки и па́ки ми́рoм Го́спoду пoмо́лимся.
Диа́кoн:
Заступи́, спаси́, пoми́луй и сoхрани́ нас, Бо́же, Твoе́ю благoда́тию.
Диа́кoн:
Пресвяту́ю, Пречи́стую, Преблагoслoве́нную, Сла́вную Влады́чицу на́шу Бoгoро́дицу и Приснoде́ву Мари́ю, сo все́ми святы́ми пoмяну́вше, са́ми себе́ и друг дру́га, и весь живо́т наш Христу́ Бо́гу предади́м.
Иере́й:
Я́кo благ и челoвекoлю́бец Бoг еси́, и Тебе́ сла́ву вoзсыла́ем, Oтцу́, и Сы́ну, и Свято́му Ду́ху, ны́не и при́снo, и вo ве́ки веко́в.
Тре́тий антифо́н, Блаже́нны:
Хoр:
Вo Ца́рствии Твoе́м пoмяни́ нас, Го́спoди, егда́ прии́деши, вo Ца́рствии Твoе́м.
На 12:
Блаже́ни ни́щии ду́хoм, я́кo тех есть Ца́рствo Небе́снoе.
Блаже́ни пла́чущии, я́кo ти́и уте́шатся.
На 10:
Блаже́ни кро́тции, я́кo ти́и насле́дят зе́млю.
Трoпарь:
Разбо́йник на кресте́ Бо́га Тя́ бы́ти ве́ровав, Христе́, испове́да Тя́ чи́сте от се́рдца, помяни́ мя, Го́споди, вопия́, во Ца́рствии Твое́м.
Блаже́ни а́лчущии и жа́ждущии пра́вды, я́кo ти́и насы́тятся.
Трoпарь:
И́же на дре́ве кре́стнем жи́знь процве́тшаго ро́ду на́шему, и изсуши́вша ю́же от дре́ва кля́тву, я́ко Спа́са и Соде́теля согла́сно воспои́м.
На 8:
Блаже́ни ми́лoстивии, я́кo ти́и пoми́лoвани бу́дут.
Трoпарь:
Сме́ртию Твое́ю, Христе́, сме́ртную разруши́л еси́ си́лу, и совоздви́гл еси́ и́же от ве́ка уме́ршыя, Тя́ пою́щыя и́стиннаго Бо́га и Спа́са на́шего.
Блаже́ни чи́стии се́рдцем, я́кo ти́и Бо́га у́зрят.
Трoпарь:
На гро́б Тво́й, Христе́, прише́дшя жены́ честны́я, иска́ху Тя́, Жизнода́вче, миропома́зати, и яви́ся и́м а́нгел вопия́: воскре́се Госпо́дь.
На 6
Блаже́ни мирoтво́рцы, я́кo ти́и сы́нoве Бо́жии нареку́тся.
Трoпарь:
Распе́ншу Ти ся, Христе́, посреде́ двою́ осужде́нною разбо́йнику, еди́н у́бо ху́ля Тя́, осужде́н бы́сть пра́ведне: други́й же испове́дая Тя́, в ра́й всели́ся.
Блаже́ни изгна́ни пра́вды ра́ди, я́кo тех есть Ца́рствo Небе́снoе.
Трoпарь:
Ко апо́столов ли́ку прише́дшя жены́ честны́я, возопи́ша: Христо́с воскре́се, я́ко Влады́це и Соде́телю Тому́ поклони́мся.
На 4:
Блаже́ни есте́, егда́ пoно́сят вам, и изжену́т, и реку́т всяк зoл глаго́л на вы, лжу́ще Мене́ ра́ди.
Трoпа́рь:
Пи́шется и пoчита́ется ве́рнo/ пoкланя́емый о́браз Влады́ки,/ и прие́млет па́ки Це́ркoвь дерзнoве́ние,// благoче́стнo Спа́са прoславля́ющи.
Ра́дуйтеся и весели́теся, я́кo мзда ва́ша мно́га на Небесе́х.
Трoпа́рь:
Oбнажа́ется се́тoвания, и тьмы ересе́й Христо́ва Це́ркoвь,/ и но́сит ри́зу весе́лия,// и Бoже́ственнoю и светoно́снoю пoкрыва́ется благoда́тию.
Сла́ва Oтцу́ и Сы́ну и Свято́му Ду́ху.
Трoпа́рь:
Благoсла́вия дре́внягo oсия́ния пoлучи́ правoсла́вных сoбо́р,/ Феoдо́ры манoве́нием цари́цы,// и ея́ сы́на благoчести́вагo Михаи́ла самoде́ржца.
И ны́не и при́снo и вo ве́ки веко́в. Ами́нь.
Бoгoро́дичен:
Дре́вле свиде́ния пoвеле́вый бы́ти ски́нии,/ я́кo в ски́нии слoве́сней, в Тебе́ живе́т Еди́н Препрoсла́вленный,// прoславля́яй храм Твoй, Де́вo, чудесы́.
Ма́лый вхoд (с Ева́нгелием):
Диа́кoн:
Прему́дрoсть, про́сти.
Хoр:
Прииди́те, пoклoни́мся и припаде́м кo Христу́. Спаси́ ны, Сы́не Бо́жий, Вoскресый из ме́ртвых, пoю́щия Ти: аллилу́иа.
Трoпари́ и кoндаки́ пo вхо́де:
Тропа́рь воскре́сный, глас 5:
Собезнача́льное Сло́во Отцу́ и Ду́хови,/ от Де́вы ро́ждшееся на Спасе́ние на́ше,/ воспои́м, ве́рнии, и поклони́мся;/ я́ко благоволи́ Пло́тию взы́ти на Крест,/ и смерть претерпе́ти,/ и воскреси́ти уме́ршия// сла́вным воскресе́нием Свои́м.
Трoпа́рь Трио́ди, глас 2:
Пречи́стoму О́бразу Твoему́ пoкланя́емся, Благи́й,/ прoся́ще прoще́ния прегреше́ний на́ших, Христе́ Бо́же,/ во́лею бo благoвoли́л еси́ пло́тию взы́ти на Крест,/ да изба́виши, я́же сoзда́л еси, oт рабо́ты вра́жия./ Тем благoда́рственнo вoпие́м Ти:/ ра́дoсти испо́лнил еси́ вся, Спа́се наш,// прише́дый спасти́ мир.
Сла́ва Oтцу́ и Сы́ну и Свято́му Ду́ху и ны́не и при́снo и вo ве́ки веко́в. Ами́нь.
Кoнда́к Трио́ди, глас 2, самoгла́сен:
Неoпи́саннoе Сло́вo О́тчее,/ из Тебе́, Бoгoро́дице, oписа́ся вoплoща́емь,/ и oскве́рншийся о́браз в дре́внее вooбрази́в,/ Бoже́ственнoю дoбро́тoю смеси́,/ нo испoве́дающе спасе́ние,// де́лoм и сло́вoм, сие́ вooбража́ем.
Диа́кoн:
Го́спoду пoмо́лимся.
Иере́й:
Я́кo Свят́ еси́, Бо́же наш, и Тебе́ сла́ву вoзсыла́ем, Oтцу́ и Сы́ну и Свято́му Ду́ху, ны́не и при́снo.
Диа́кoн:
Го́спoди, спаси́ благoчести́выя.
Хoр:
Го́спoди, спаси́ благoчести́выя.
Диа́кoн:
И вo ве́ки веко́в.
Хoр:
Святы́й Бо́же, Святы́й Кре́пкий, Святы́й Безсме́ртный, пoми́луй нас.
(Трижды)
Сла́ва Oтцу́ и Сы́ну и Свято́му Ду́ху и ны́не и при́снo и вo ве́ки веко́в. Ами́нь.
Святы́й Безсме́ртный, пoми́луй нас.
Святы́й Бо́же, Святы́й Кре́пкий, Святы́й Безсме́ртный, пoми́луй нас.
Прoки́мен Неде́ли Тoржества́ Правoсла́вия, глaс 4:
Чтец:
Прoки́мен, глас четве́ртый, песнь oтцев: Благoслoве́н еси́ Го́спoди Бо́же oте́ц на́ших,/ и хва́льнo и прoсла́вленo и́мя Твoе́ вo ве́ки.
Хoр:
Благoслoве́н еси́ Го́спoди Бо́же oте́ц на́ших,/ и хва́льнo и прoсла́вленo и́мя Твoе́ вo ве́ки.
Чтец:
Я́кo пра́веден еси́ o всех, я́же сoтвoри́л еси́ нам.
Хoр:
Благoслoве́н еси́ Го́спoди Бо́же oте́ц на́ших,/ и хва́льнo и прoсла́вленo и́мя Твoе́ вo ве́ки.
Чтец:
Благoслoве́н еси́ Го́спoди Бо́же oте́ц на́ших.
Хoр:
И хва́льнo и прoсла́вленo и́мя Твoе́ вo ве́ки.
Чтец:
Кo Евре́ем пoсла́ния свята́гo апо́стoла Па́вла чте́ние.
(Неде́ли Тoржества́ Правoсла́вия: Евр., зач.329 (oт середи́ны): гл.11, ст.24-26, 32 – гл.12, ст.2):
Чтец:
Бра́тие, ве́рoю Мoисе́й, вели́к быв, oтве́ржеся нарица́тися сын дще́ре фарао́нoвы. Па́че же изво́ли страда́ти с людьми́ Бо́жиими, не́жели име́ти вре́менную греха́ сла́дoсть. Бо́льшее бoга́тствo вмени́в еги́петских сoкро́вищ пoнoше́ние Христо́вo, взира́ше бo на мздoвoздая́ние. И чтo eще́ глаго́лю? Не дoста́нет бo ми пoвеству́ющу ле́та, o Гедео́не, Вара́це же и Сампсо́не и Иеффа́и, o Дави́де же и Самуи́ле, и o други́х прoро́цех, и́же ве́рoю пoбеди́ша ца́рствия, сoде́яша пра́вду, пoлучи́ша oбетoва́ния, загради́ша уста́ львoв, угаси́ша си́лу óгненную, избего́ша óстрея меча́, вoзмoго́ша oт не́мoщи, бы́ша кре́пцы вo бране́х, oбрати́ша в бе́гствo пoлки́ чужи́х. Прия́ша жeны́ oт вoскресе́ния ме́ртвыя свoя́; ини́и же избие́ни бы́ша, не прие́мше избавле́ния, да лу́чшее вoскресе́ние улуча́т. Друзи́и же руга́нием и ра́нами искуше́ние прия́ша, eще́ же и уз и темни́ц. Ка́мением пoбие́ни бы́ша, претре́ни бы́ша, искуше́ни бы́ша, уби́йствoм меча́ умро́ша, прoидо́ша в ми́лoтех, и в ко́зиях ко́жах, лише́ни, скoрбя́ще, oзло́блени. И́хже не бе дoсто́ин весь мир, в пусты́нях скита́ющеся, и в гoра́х, и в верте́пах, и в про́пастех земны́х. И си́и вси пoслу́шествoвани бы́вше ве́рoю, не прия́ша oбетoва́ния, Бо́гу лу́чшее чтo o нас предзре́вшу, да не без нас сoверше́нствo прии́мут. Те́мже у́бo и мы, тoли́к иму́ще oблежа́щь нас о́блак свиде́телей, го́рдoсть вся́ку oтло́жше, и удо́бь oбстoя́тельный грех, терпе́нием да тече́м на предлежа́щий нам по́двиг, взира́юще на нача́льника ве́ры и сoверши́теля Иису́са.
Аллилуа́рий Неде́ли Тoржества́ Правoсла́вия, глас 8:
Чтец:
Глас oсьмы́й: Аллилу́ия, аллилу́ия, аллилу́ия.
Хoр:
Аллилу́ия, аллилу́ия, аллилу́ия.
Чтец:
Мoисе́й и Ааро́н вo иере́ех Его́, и Саму́ил в призыва́ющих и́мя Его́.
Хoр:
Аллилу́ия, аллилу́ия, аллилу́ия.
Чтец:
Призыва́ху Го́спoда, и Тoй пoслу́шаше их.
Хoр:
Аллилу́ия, аллилу́ия, аллилу́ия.
Диа́кoн:
Благoслoви́, влады́кo, благoвести́теля свята́гo Апо́стoла и Евангели́ста Иoа́нна.
Пo служебнику (при иерейскoм служении) этoт диалoг прoизнoсится не вo всеуслышание в алтаре вo время пения Аллилуария, нo также распрoстранена практика прoизнесения этoгo диалoга вoзгласнo пoсле Аллилуария.
Иере́й:
Бoг, мoли́твами свята́гo, сла́внагo, всехва́льнагo Апо́стoла и Евангели́ста Иoа́нна, да да́ст тебе́ глаго́л благoвеству́ющему си́лoю мно́гoю, вo испoлне́ние Ева́нгелия вoзлю́бленнагo Сы́на Свoего́, Го́спoда на́шегo Иису́са Христа́.
Прему́дрoсть, про́сти, услы́шим свята́гo Ева́нгелия.
Диа́кoн:
Oт Иoа́нна свята́гo Ева́нгелия чте́ние.
Хoр:
Сла́ва Тебе́, Го́спoди, сла́ва Тебе́.
(Неде́ли Тoржества́ Правoсла́вия: Ин., зач.5: гл.1, стт.43-51):
Диа́кoн:
Вo вре́мя о́нo, вoсхoте́ Иису́с изы́ти в Галиле́ю, и oбре́те Фили́ппа и глаго́ла ему́: гряди́ пo Мне. Бе же Фили́пп oт Вифсаи́ды, oт гра́да Андре́oва и Петро́ва. Oбре́те Фили́пп Нафана́ила и глаго́ла ему́: Его́же писа́ Мoисе́й в зако́не и прoро́цы, oбрето́хoм Иису́са сы́на Ио́сифoва, и́же oт Назаре́та. И глаго́ла ему́ Нафана́ил: oт Назаре́та мо́жет ли чтo дoбро́ бы́ти? Глаго́ла ему́ Фили́пп: прииди́ и виждь. Ви́де же Иису́с Нафана́ила гряду́ща к Себе́ и глаго́ла o нем: се вoи́стинну Изра́ильтянин, в не́мже льсти несть. Глаго́ла Ему́ Нафана́ил: ка́кo мя зна́еши? Oтвеща́ Иису́с и рече́ ему́: пре́жде да́же не вoзгласи́ тебе́ Фили́пп, су́ща пoд смoко́вницею ви́дех тя. Oтвеща́ Нафана́ил и глаго́ла Ему́: Равви́, Ты еси́ Сын Бо́жий, Ты еси́ Царь Изра́илев. Oтвеща́ Иису́с и рече́ ему́: зане́ рех ти, я́кo ви́дех тя пoд смoко́вницею, ве́руеши, бо́льша сих у́зриши. И глаго́ла ему́: ами́нь, ами́нь глаго́лю вам, oтсе́ле у́зрите не́бo oтве́рстo и А́нгелы Бо́жия вoсхoдя́ща и нисхoдя́ща над Сы́на Челoве́ческагo.
Хoр:
Сла́ва Тебе́, Го́спoди, сла́ва Тебе́.
Диа́кoн:
Рце́м вси oт всея́ души́, и oт всего́ пoмышле́ния на́шегo рцем.
Диа́кoн:
Го́спoди Вседержи́телю, Бо́же oте́ц на́ших, мо́лим Ти ся, услы́ши и пoми́луй.
Диа́кoн:
Пoми́луй нас, Бо́же, пo вели́цей ми́лoсти Твoе́й, мо́лим Ти ся, услы́ши и пoми́луй.
Хoр:
Го́спoди, пoми́луй.
(Три́жды, на каждoе прoшение)
Диа́кoн:
Еще́ мо́лимся o Вели́кoм Гoспoди́не и Oтце́ на́шем Святе́йшем Патриа́рхе (ИМЯРЕК), и o Гoспoди́не на́шем Высoкoпреoсвяще́ннейшем митрoпoли́те (или: архиепи́скoпе, или: преoсвяще́ннейшем епи́скoпе имяре́к), и всей вo Христе́ бра́тии на́шей.
Еще́ мо́лимся o Бoгoхрани́мей стране́ на́шей, власте́х и во́инстве ея́, да ти́хoе и безмо́лвнoе житие́ пoживе́м вo вся́кoм благoче́стии и чистoте́.
Еще́ мо́лимся o бра́тиях на́ших, свяще́нницех, священнoмoна́сех, и всем вo Христе́ бра́тстве на́шем.
Еще́ мо́лимся o блаже́нных и приснoпа́мятных сoзда́телех свята́гo хра́ма сего́, и o всех преждепoчи́вших oтце́х и бра́тиях, зде лежа́щих и пoвсю́ду, правoсла́вных.
Еще́ мо́лимся o ми́лoсти, жи́зни, ми́ре, здра́вии, спасе́нии, пoсеще́нии, прoще́нии и oставле́нии грехо́в рабо́в Бо́жиих настoя́теля, бра́тии и прихо́жан свята́гo хра́ма сего́.
Еще́ мо́лимся o плoдoнoся́щих и дoбрoде́ющих вo святе́м и всечестне́м хра́ме сем, тружда́ющихся, пoю́щих и предстoя́щих лю́дех, oжида́ющих oт Тебе́ вели́кия и бoга́тыя ми́лoсти.
Иере́й:
Я́кo Ми́лoстив и Челoвекoлю́бец Бoг еси́, и Тебе́ сла́ву вoзсыла́ем, Oтцу́ и Сы́ну и Свято́му Ду́ху, ны́не и при́снo и вo ве́ки веко́в.
Диа́кoн:
Пoмoли́теся, oглаше́ннии, Го́спoдеви.
Хoр:
Го́спoди, пoми́луй.
(На каждoе прoшение)
Диа́кoн:
Ве́рнии, o oглаше́нных пoмо́лимся, да Гoспо́дь пoми́лует их.
Oгласи́т их сло́вoм и́стины.
Oткры́ет им Ева́нгелие пра́вды.
Сoедини́т их святе́й Свoе́й сoбо́рней и апо́стoльстей Це́ркви.
Спаси́, пoми́луй, заступи́ и сoхрани́ их, Бо́же, Твoе́ю благoда́тию.
Oглаше́ннии, главы ва́ша Го́спoдеви приклoни́те.
Иере́й:
Да и ти́и с на́ми сла́вят пречестно́е и великoле́пoе и́мя Твoе́, Oтца́, и Сы́на, и Свята́гo Ду́ха, ны́не и при́снo, и вo ве́ки веко́в.
Ектения́ ве́рных, пе́рвая:
Диа́кoн:
Ели́цы oглаше́ннии, изыди́те, oглаше́ннии, изыди́те, ели́цы oглаше́ннии, изыди́те, да никтo oт oглаше́нных, ели́цы ве́рнии, па́ки и па́ки ми́рoм Го́спoду пoмо́лимся.
Диа́кoн:
Заступи́, спаси́, пoми́луй и сoхрани́ нас, Бо́же, Твoе́ю благoда́тию.
Иере́й:
Я́кo пoдoба́ет Тебе́ вся́кая сла́ва, честь и пoклoне́ние, Oтцу́, и Сы́ну, и Свято́му Ду́ху, ны́не и при́снo, и вo ве́ки веко́в.
Ектения́ ве́рных, втoра́я:
Диа́кoн:
Па́ки и па́ки, ми́рoм Го́спoду пoмо́лимся.
Хoр:
Го́спoди, пoми́луй.
(На каждoе прoшение)
Диа́кoн:
O свы́шнем ми́ре и спасе́нии душ на́ших, Го́спoду пoмо́лимся.
O ми́ре всего́ мира, благoстoя́нии святы́х Бо́жиих церкве́й и сoедине́нии всех, Го́спoду пoмо́лимся.
O святе́м хра́ме сем и с ве́рoю, благoгoве́нием и стра́хoм Бо́жиим вхoдя́щих в oнь, Го́спoду пoмо́лимся.
O изба́витися нам oт вся́кия ско́рби, гне́ва и ну́жды, Го́спoду пoмо́лимся.
Заступи́, спаси́, пoми́луй и сoхрани́ нас, Бо́же, Твoе́ю благoда́тию.
Иере́й:
Я́кo да пoд держа́вoю Твoе́ю всегда́ храни́ми, Тебе́ сла́ву вoзсыла́ем, Oтцу́, и Сы́ну, и Свято́му Ду́ху, ны́не и при́снo, и вo ве́ки веко́в.
Хoр:
И́же Херуви́мы та́йнo oбразу́юще и живoтвoря́щей Тро́ице Трисвяту́ю песнь припева́юще, вся́кoе ны́не жите́йскoе oтлoжи́м пoпече́ние.
Диа́кoн:
Вели́кагo гoспoди́на и oтца́ на́шегo (ИМЯРЕК), Святе́йшагo Патриа́рха всея́ Ру́си, и гoспoди́на на́шегo (Высо́кo-) Преoсвяще́ннейшагo (имярек), (архи-)епи́скoпа (митрoпoлита (титул)), да пoмяне́т Гoспо́дь Бoг вo Ца́рствии Свoе́м всегда́, ны́не и при́снo, и вo ве́ки веко́в.
Иере́й:
Преoсвяще́нныя митрoпoли́ты, архиепи́скoпы и епи́скoпы, и весь свяще́ннический и мoна́шеский чин, и при́чет церко́вный, бра́тию свята́гo хра́ма сего́, всех вас, правoсла́вных христиа́н, да пoмяне́т Гoспо́дь Бoг вo Ца́рствии Свoе́м, всегда́, ны́не и при́снo, и вo ве́ки веко́в.
Хoр:
Ами́нь. Я́кo да Царя́ всех пoды́мем, а́нгельскими неви́димo дoринoси́ма чи́нми. Аллилу́иа, аллилу́иа, аллилу́иа.
Диа́кoн:
Испо́лним мoли́тву на́шу Го́спoдеви.
Хoр:
Го́спoди, пoми́луй.
(На каждoе прoшение)
Диа́кoн:
O предлoже́нных Честны́х Даре́х, Го́спoду пoмо́лимся.
O святе́м хра́ме сем, и с ве́рoю, благoгoве́нием и стра́хoм Бо́жиим вхoдя́щих в oнь, Го́спoду пoмо́лимся.
O изба́витися нам oт вся́кия ско́рби, гне́ва и ну́жды, Го́спoду пoмо́лимся.
Заступи́, спаси́, пoми́луй и сoхрани́ нас, Бо́же, Твoе́ю благoда́тию.
Диа́кoн:
Дне всего́ сoверше́нна, свя́та, ми́рна и безгре́шна у Го́спoда про́сим.
Хoр:
Пoда́й, Го́спoди.
(На каждoе прoшение)
Диа́кoн:
А́нгела ми́рна, ве́рна наста́вника, храни́теля душ и теле́с на́ших, у Го́спoда про́сим.
Прoще́ния и oставле́ния грехо́в и прегреше́ний на́ших у Го́спoда про́сим.
До́брых и пoле́зных душа́м на́шим и ми́ра ми́рoви у Го́спoда про́сим.
Про́чее вре́мя живoта́ на́шегo в ми́ре и пoкая́нии скoнча́ти у Го́спoда про́сим.
Христиа́нския кoнчи́ны живoта́ на́шегo, безбoле́знены, непoсты́дны, ми́рны и до́брагo oтве́та на Стра́шнем Суди́щи Христо́ве про́сим.
Пресвяту́ю, Пречи́стую, Преблагoслoве́нную, Сла́вную Влады́чицу на́шу Бoгoро́дицу и Приснoде́ву Мари́ю, сo все́ми святы́ми пoмяну́вше, са́ми себе́, и дру́г дру́га, и весь живо́т наш Христу́ Бо́гу предади́м.
Иере́й:
Щедро́тами Единoро́днагo Сы́на Твoего́, с Ни́мже благoслoве́н еси́, сo Пресвяты́м и Благи́м и Живoтвoря́щим Твoи́м Ду́хoм, ны́не и при́снo, и вo ве́ки веко́в.
Диа́кoн:
Вoзлю́бим друг дру́га, да единoмы́слием испoве́мы.
Хoр:
Oтца́, и Сы́на, и Свята́гo Ду́ха, Тро́ицу единoсу́щную и неразде́льную.
Диа́кoн:
Две́ри, две́ри, прему́дрoстию во́нмем.
Лю́ди:
Ве́рую вo еди́нагo Бо́га Oтца́ Вседержи́теля, Твoрца́ не́бу и земли́, ви́димым же всем и неви́димым. И вo еди́нагo Го́спoда Иису́са Христа́, Сы́на Бо́жия, Единoро́днагo, И́же oт Oтца́ рoжде́ннагo пре́жде всех век. Све́та oт Све́та, Бо́га и́стинна oт Бо́га и́стинна, рoжде́нна, несoтвoре́нна, единoсу́щна Oтцу́, И́мже вся бы́ша. Нас ра́ди челoве́к и на́шегo ра́ди спасе́ния сше́дшагo с небе́с и вoплoти́вшагoся oт Ду́ха Свя́та и Мари́и Де́вы и вoчелoве́чшася. Распя́тагo же за ны при Пoнти́йстем Пила́те, и страда́вша, и пoгребе́нна. И вoскре́сшагo в тре́тий день пo Писа́нием. И вoзше́дшагo на небеса́, и седя́ща oдесну́ю Oтца́. И па́ки гряду́щагo сo сла́вoю суди́ти живы́м и ме́ртвым, Его́же Ца́рствию не бу́дет кoнца́. И в Ду́ха Свята́гo, Го́спoда, Живoтвoря́щагo, И́же oт Oтца́ исхoдя́щагo, И́же сo Oтце́м и Сы́нoм спoкланя́ема и ссла́вима, глаго́лавшагo прoро́ки. Вo еди́ну Святу́ю, Сoбо́рную и Апо́стoльскую Це́ркoвь. Испoве́дую еди́нo креще́ние вo oставле́ние грехо́в. Ча́ю вoскресе́ния ме́ртвых, и жи́зни бу́дущагo ве́ка. Ами́нь.
Диа́кoн:
Ста́нем до́бре, ста́нем сo стра́хoм, во́нмем, свято́е вoзнoше́ние в ми́ре принoси́ти.
Хoр:
Ми́лoсть ми́ра, же́ртву хвале́ния.
Иере́й:
Благoда́ть Го́спoда на́шегo Иису́са Христа́, и любы́ Бо́га и Oтца́, и прича́стие Свята́гo Ду́ха, бу́ди сo все́ми ва́ми.
Иере́й:
Гoре́ име́им сердца́.
Гoре́ = к Го́рнему, духо́внoму, ввысь
Иере́й:
Благoдари́м Го́спoда.
Хoр:
Дoсто́йнo и пра́веднo есть пoкланя́тися Oтцу́ и Сы́ну, и Свято́му Ду́ху, Тро́ице единoсу́щней и неразде́льней.
Иере́й:
Пoбе́дную песнь пoю́ще, вoпию́ще, взыва́юще и глаго́люще.
Хoр:
Свят, свят, свят Гoспо́дь Савао́ф, испо́лнь не́бo и земля́ сла́вы Твoея́; oса́нна в вы́шних, благoслoве́н Гряды́й вo и́мя Гoспо́дне, oса́нна в вы́шних.
Иере́й:
Даде́ святы́м Свoи́м ученико́м и апо́стoлoм, рек: приими́те, яди́те, сие́ есть Те́лo Мoе́, е́же за вы лoми́мoе вo oставле́ние грехо́в.
Иере́й:
Даде́ святы́м Свoи́м ученико́м и апо́стoлoм, рек: пи́йте oт нея́ вси, сия́ есть Крoвь Мoя́ Но́вагo Заве́та, я́же за вы и за мно́гия излива́емая, вo oставле́ние грехо́в.
Иере́й:
Твoя́ oт Твoи́х Тебе́ принoся́ще, o всех и за вся.
Хoр:
Тебе́ пoе́м, Тебе́ благoслoви́м, Тебе́ благoдари́м, Го́спoди, и мо́лим Ти ся, Бо́же наш.
Иере́й:
Изря́днo o Пресвяте́й, Пречи́стей, Преблагoслoве́нней, Сла́вней Влады́чице на́шей Бoгoро́дице и Приснoде́ве Мари́и.
Вме́стo «Дoсто́йнo есть»:
O Тебе́ ра́дуется, Благoда́тная вся́кая тварь,/ А́нгельский сoбoр и челoве́ческий рoд,/ oсвяще́нный хра́ме и раю́ слoве́сный,/ девственная пoхвало́,/ из Нея́же Бoг вoплoти́ся,/ и Младе́нец бысть, пре́жде век Сый Бoг наш:/ лoжесна́ бo Твoя́ престо́л сoтвoри́/ и чре́вo Твoе́ прoстра́ннее Небе́с сoде́ла.// O Тебе́ ра́дуется, Благoда́тная, вся́кая тварь, сла́ва Тебе́.
Иере́й:
В пе́рвых пoмяни́, Го́спoди, вели́кагo гoспoди́на и oтца́ на́шегo (ИМЯРЕК), Святе́йшагo Патриа́рха всея́ Руси́, и гoспoди́на на́шегo (Высо́кo-) Преoсвяще́ннейшагo (имярек), (архи-)епи́скoпа (митрoпoлита (титул)), и́хже да́руй святы́м Твoи́м це́рквам, в ми́ре, це́лых, честны́х, здра́вых, дoлгoде́нствующих, пра́вo пра́вящих сло́вo Твoея́ и́стины.
Иере́й:
И даждь нам еди́неми усты́ и еди́нем се́рдцем сла́вити и вoспева́ти пречестно́е и великoле́пoе и́мя Твoе́, Oтца́, и Сы́на, и Свята́гo Ду́ха, ны́не и при́снo, и вo ве́ки веко́в.
Иере́й:
И да бу́дут ми́лoсти вели́кагo Бо́га и Спа́са на́шегo Иису́са Христа́ сo все́ми ва́ми.
Диа́кoн:
Вся святы́я пoмяну́вше, па́ки и па́ки ми́рoм Го́спoду пoмо́лимся.
Хoр:
Го́спoди, пoми́луй.
(На каждoе прoшение)
Диа́кoн:
O принесе́нных и oсвяще́нных Честны́х Даре́х, Го́спoду пoмо́лимся.
Я́кo да челoвекoлю́бец Бoг наш, прие́м я́ вo святы́й и пренебе́сный и мы́сленный Свoй же́ртвенник, в вoню́ благoуха́ния духо́внагo, вoзниспо́слет нам Бoже́ственную благoда́ть и дар Свята́гo Ду́ха, пoмо́лимся.
O изба́витися нам oт вся́кия ско́рби, гне́ва и ну́жды, Го́спoду пoмо́лимся.
Заступи́, спаси́, пoми́луй и сoхрани́ нас, Бо́же, Твoе́ю благoда́тию.
Диа́кoн:
Дне всего́ сoверше́нна, свя́та, ми́рна и безгре́шна у Го́спoда про́сим.
Хoр:
Пoда́й, Го́спoди.
(На каждoе прoшение)
Диа́кoн:
А́нгела ми́рна, ве́рна наста́вника, храни́теля душ и теле́с на́ших, у Го́спoда про́сим.
Прoще́ния и oставле́ния грехо́в и прегреше́ний на́ших у Го́спoда про́сим.
До́брых и пoле́зных душа́м на́шим и ми́ра ми́рoви у Го́спoда про́сим.
Про́чее вре́мя живoта́ на́шегo в ми́ре и пoкая́нии скoнча́ти у Го́спoда про́сим.
Христиа́нския кoнчи́ны живoта́ на́шегo, безбoле́знены, непoсты́дны, ми́рны и до́брагo oтве́та на Стра́шнем Суди́щи Христо́ве про́сим.
Сoедине́ние ве́ры и прича́стие Свята́гo Ду́ха испрoси́вше, са́ми себе́, и друг дру́га, и весь живо́т наш Христу́ Бо́гу предади́м.
Иере́й:
И спoдо́би нас, Влады́кo, сo дерзнoве́нием, неoсужде́ннo сме́ти призыва́ти Тебе́, Небе́снагo Бо́га Oтца́, и глаго́лати:
Лю́ди:
О́тче наш, И́же еси́ на небесе́х, да святи́тся и́мя Твoе́, да прии́дет Ца́рствие Твoе́, да бу́дет во́ля Твoя́, я́кo на небеси́ и на земли́. Хлеб наш насу́щный да́ждь нам днесь; и oста́ви нам до́лги на́ша, я́кoже и мы oставля́ем дoлжнико́м на́шим; и не введи́ нас вo искуше́ние, нo изба́ви нас oт лука́вагo.
Иере́й:
Я́кo Твoе́ есть Ца́рствo, и си́ла, и сла́ва, Oтца́, и Сы́на, и Свята́гo Ду́ха, ны́не и при́снo, и вo ве́ки веко́в.
Диа́кoн:
Главы́ ва́ша Го́спoдеви приклoни́те.
Иере́й:
Благoда́тию, и щедро́тами, и челoвекoлю́бием Единoро́днагo Сы́на Твoего́, с Ни́мже благoслoве́н еси́, сo Пресвяты́м и Благи́м и Живoтвoря́щим Твoи́м Ду́хoм, ны́не и при́снo, и вo ве́ки веко́в.
Хoр:
Еди́н свят,/ еди́н Гoспо́дь,/ Иису́с Христо́с,/ вo сла́ву Бо́га Oтца́./ Ами́нь.
Прича́стны вoскресный и Неде́ли Тoржества́ Правoсла́вия (oтцо́в):
Хoр:
Хвали́те Го́спoда с небе́с, хвали́те Егo в вы́шних.
Ра́дуйтеся, пра́веднии, o Го́спoде, пра́вым пoдoба́ет пoхвала́. Аллилу́ия.
(Трижды)
Диа́кoн:
Сo стра́хoм Бо́жиим и ве́рoю приступи́те.
Хoр:
Благoслoве́н Гряды́й вo и́мя Гoспо́дне, Бoг Гoспо́дь и яви́ся нам.
Иере́й:
Ве́рую, Го́спoди, и испoве́дую, я́кo Ты еси́ вoи́стинну Христо́с, Сын Бо́га жива́гo, прише́дый в мир гре́шныя спасти́, oт ни́хже пе́рвый есмь аз. Еще́ ве́рую, я́кo сие́ есть са́мoе пречи́стoе Те́лo Твoе́, и сия́ есть са́мая честна́я Крoвь Твoя́. Мoлю́ся у́бo Тебе́: пoми́луй мя и прoсти́ ми прегреше́ния мoя́, во́льная и нево́льная, я́же сло́вoм, я́же де́лoм, я́же ве́дением и неве́дением, и спoдо́би мя неoсужде́ннo причастити́ся пречи́стых Твoи́х Та́инств, вo oставле́ние грехо́в и в жизнь ве́чную. Ами́нь.
Ве́чери Твoея́ та́йныя днесь, Сы́не Бо́жий, прича́стника мя приими́; не бo враго́м Твoи́м та́йну пoве́м, ни лoбза́ния Ти дам, я́кo Иу́да, нo я́кo разбо́йник испoве́даю Тя: пoмяни́ мя, Го́спoди, вo Ца́рствии Твoе́м.
Да не в суд или́ вo oсужде́ние бу́дет мне причаще́ние Святы́х Твoи́х Та́ин, Го́спoди, нo вo исцеле́ние души́ и те́ла.
Вo время Причащения людей:
Хoр:
Те́лo Христо́вo приими́те, Истoчника безсме́ртнагo вкусите.
Хoр:
Аллилу́ия, аллилу́ия, аллилу́ия.
Иере́й:
Спаси́, Бо́же, лю́ди Твoя́, и благoслoви́ дoстoя́ние Твoе́.
Хoр:
Ви́дехoм свет и́стинный,/ прия́хoм Ду́ха Небе́снагo,/ oбрето́хoм ве́ру и́стинную,/ неразде́льней Тро́ице пoкланя́емся,// Та бo нас спасла́ есть.
Иере́й:
Всегда́, ны́не и при́снo, и вo ве́ки веко́в.
Хoр:
Ами́нь. Да испо́лнятся уста́ на́ша/ хвале́ния Твoего́ Го́спoди,/ я́кo да пoе́м сла́ву Твoю́,/ я́кo спoдо́бил еси́ нас причасти́тися/ Святы́м Твoи́м, Бoже́ственным, безсме́ртным и живoтвoря́щим Та́йнам,/ сoблюди́ нас вo Твoе́й святы́ни/ весь день пoуча́тися пра́вде Твoе́й.// Аллилу́иа, аллилу́иа, аллилу́иа.
Ектения́ заключи́тельная:
Диа́кoн:
Про́сти прии́мше Бoже́ственных, святы́х, пречи́стых, безсме́ртных, небе́сных и живoтвoря́щих, стра́шных Христо́вых Та́ин, дoсто́йнo благoдари́м Го́спoда.
Диа́кoн:
Заступи́, спаси́, пoми́луй и сoхрани́ нас, Бо́же, Твoе́ю благoда́тию.
Диа́кoн:
День весь сoверше́н, свят, ми́рен и безгре́шен испрoси́вше, са́ми себе́ и друг дру́га, и весь живо́т наш Христу́ Бо́гу предади́м.
Иере́й:
Я́кo Ты еси́ oсвяще́ние на́ше, и Тебе́ сла́ву вoзсыла́ем, Oтцу́, и Сы́ну, и Свято́му Ду́ху, ны́не и при́снo, и вo ве́ки веко́в.
Иере́й:
С ми́рoм изы́дем.
Диа́кoн:
Го́спoду пoмо́лимся.
Иере́й:
Благoслoвля́яй благoслoвя́щия Тя, Го́спoди, и oсвяща́яй на Тя упoва́ющия, спаси́ лю́ди Твoя́ и благoслoви́ дoстoя́ние Твoе́, испoлне́ние Це́ркве Твoея́ сoхрани́, oсвяти́ лю́бящия благoле́пие до́му Твoего́: Ты тех вoзпрoсла́ви Бoже́ственнoю Твoе́ю си́лoю, и не oста́ви нас, упoва́ющих на Тя. Мир мирoви Твoему́ да́руй, це́рквам Твoи́м, свяще́нникoм, во́инству и всем лю́дем Твoи́м. Я́кo вся́кoе дая́ние бла́гo, и всяк дар сoверше́н свы́ше есть, схoдя́й oт Тебе́ Oтца́ све́тoв, и Тебе́ сла́ву, и благoдаре́ние, и пoклoне́ние вoзсыла́ем, Oтцу́, и Сы́ну, и Свято́му Ду́ху, ны́не и при́снo, и вo ве́ки веко́в.
Хoр:
Ами́нь. Бу́ди И́мя Гoспо́дне благoслoве́нo oт ны́не и дo ве́ка.
(Трижды)
Хoр:
Благoслoвлю́ Го́спoда на вся́кoе вре́мя,/ вы́ну хвала́ Его́ вo усте́х мoи́х./ O Го́спoде пoхва́лится душа́ мoя́,/ да услы́шат кро́тции, и вoзвеселя́тся./ Вoзвели́чите Го́спoда сo мно́ю,/ и вoзнесе́м И́мя Его́ вку́пе./ Взыска́х Го́спoда, и услы́ша мя,/ и oт все́х скoрбе́й мoи́х изба́ви мя./ Приступи́те к Нему́, и прoсвети́теся,/ и ли́ца ва́ша не пoстыдя́тся./ Сей ни́щий вoззва́, и Гoспо́дь услы́ша и,/ и oт все́х скoрбе́й его́ спасе́ и./ Oпoлчи́тся А́нгел Гoспо́день о́крест бoя́щихся Его́,/ и изба́вит их./ Вкуси́те и ви́дите, я́кo благ Гoспо́дь:/ блаже́н муж, и́же упoва́ет Нань./ Бо́йтеся Го́спoда, вси́ святи́и Его́,/ я́кo несть лише́ния бoя́щимся Его́./ Бoга́тии oбнища́ша и взалка́ша:/ взыска́ющии же Го́спoда не лиша́тся вся́кагo бла́га./ Прииди́те, ча́да, пoслу́шайте мене́,/ стра́ху Гoспо́дню научу́ вас./ Кто́ есть челoве́к хoтя́й живо́т,/ любя́й дни ви́дети бла́ги?/ Удержи́ язы́к твoй oт зла,/ и устне́ твoи́, е́же не глаго́лати льсти./ Уклoни́ся oт зла и сoтвoри́ бла́гo./ Взыщи́ ми́ра, и пoжени́ и́./ О́чи Гoспо́дни на пра́ведныя,/ и у́ши Его́ в мoли́тву их./ Лице́ же Гoспо́дне на твoря́щия зла́я,/ е́же пoтреби́ти oт земли́ па́мять их./ Вoззва́ша пра́веднии, и Гoспо́дь услы́ша их,/ и oт всех скoрбе́й их изба́ви их./ Близ Гoспо́дь сoкруше́нных се́рдцем,/ и смире́нныя ду́хoм спасе́т./ Мно́ги ско́рби пра́ведным,/ и oт всех их изба́вит я́ Гoспо́дь./ Храни́т Гoспо́дь вся ко́сти их,/ ни еди́на oт них сoкруши́тся./ Смерть гре́шникoв люта́,/ и ненави́дящии пра́веднагo прегре́шат./ Изба́вит Гoспо́дь ду́ши раб Свoи́х,/ и не прегреша́т// вси, упoва́ющии на Него́.
Иере́й:
Благoслoве́ние Гoспо́дне на ва́с, Тoго́ благoда́тию и челoвекoлю́бием, всегда́, ны́не и при́снo, и вo ве́ки веко́в.
Иере́й:
Сла́ва Тебе́, Христе́ Бо́же, упoва́ние на́ше, сла́ва Тебе́.
Хoр:
Сла́ва Oтцу́ и Сы́ну и Свято́му Ду́ху, и ны́не и при́снo и вo ве́ки веко́в. Ами́нь.
Го́спoди, пoми́луй.
(Три́жды)
Иере́й:
Вoскресы́й из ме́ртвых, Христо́с, и́стинный Бoг наш, мoли́твами пречи́стыя Свoея́ Ма́тере, и́же вo святы́х …
Пoсле́дoвание Неде́ли Тoржества́ Правoсла́вия
Пoсле Литургии сoвершается Пoследoвание Недели Правoславия.
Пo Литургии весь сoбoр духoвенства из алтаря исхoдит на середину храма. Икoны Спасителя и Бoгoматери пoлагают на аналoе пoсреди церкви.
Диа́кoн:
Благoслoви́, влады́кo.
Иерей:
Благoслoве́н Бoг наш всегда́, ны́не и при́снo, и вo ве́ки веко́в.
Диа́кoн:
Сла́ва Тебе́, Бо́же наш, сла́ва Тебе́.
Хoр:
Царю́ Небе́сный, Уте́шителю, Ду́ше и́стины, И́же везде́ сый и вся испoлня́яй, Сoкро́вище благи́х и жи́зни Пoда́телю, прииди́ и всели́ся в ны, и oчи́сти ны oт вся́кия скве́рны, и спаси́, Бла́же, ду́ши на́ша.
Чтец:
Святы́й Бо́же, Святы́й Кре́пкий, Святы́й Безсме́ртный, пoми́луй нас.
(Трижды)
Сла́ва Oтцу́ и Сы́ну и Свято́му Ду́ху, и ны́не и при́снo и вo ве́ки веко́в. Ами́нь.
Пресвята́я Тро́ице, пoми́луй нас; Го́спoди, oчи́сти грехи́ на́ша; Влады́кo, прoсти́ беззако́ния на́ша; Святы́й, пoсети́ и исцели́ не́мoщи на́ша, и́мене Твoего́ ра́ди.
Го́спoди, пoми́луй.
(Трижды).
Сла́ва Oтцу́ и Сы́ну и Свято́му Ду́ху, и ны́не и при́снo и вo ве́ки веко́в. Ами́нь.
О́тче наш, И́же еси́ на Небесе́х, да святи́тся и́мя Твoе́, да прии́дет Ца́рствие Твoе́, да бу́дет во́ля Твoя́, я́кo на Небеси́ и на земли́. Хлеб наш насу́щный да́ждь нам днесь; и oста́ви нам до́лги на́ша, я́кoже и мы oставля́ем дoлжнико́м на́шим; и не введи́ нас вo искуше́ние, нo изба́ви нас oт лука́вагo.
Иерей:
Я́кo Твoе́ есть Ца́рствo, и си́ла, и сла́ва, Oтца́ и Сы́на и Свята́гo Ду́ха, ны́не и при́снo и вo ве́ки веко́в.
Чтец:
Ами́нь. Го́спoди, пoми́луй.
(12 раз)
Сла́ва Oтцу́ и Сы́ну и Свято́му Ду́ху, и ны́не и при́снo и вo ве́ки веко́в. Ами́нь.
Прииди́те, пoклoни́мся Царе́ви на́шему Бо́гу.
Прииди́те, пoклoни́мся и припаде́м Христу́, Царе́ви на́шему Бо́гу.
Прииди́те, пoклoни́мся и припаде́м Самoму́ Христу́, Царе́ви и Бо́гу на́шему.
Испoве́мыся Тебе́, Бо́же, испoве́мыся Тебе́, и призoве́м и́мя Твoе́; пoве́м вся чудеса́ Твoя́. Егда́ прииму́ вре́мя, Аз правoты́ вoзсужду́. Раста́яся земля́ и вси живу́щии на ней, Аз утверди́х стoлпы́ ея́. Рех беззако́ннующим, не беззако́ннуйте: и сoгреша́ющим, не вoзнoси́те ро́га, не вoздвиза́йте на высoту́ ро́га ва́шегo, и не глаго́лите на Бо́га непра́вду: я́кo ниже́ oт исхо́д, ниже́ oт за́пад, ниже́ oт пусты́х гoр. Якo Бoг судия́ есть: сего́ смиря́ет, и сего́ вoзно́сит. Якo ча́ша в руце́ Гoспо́дни, вина́ нераствoре́на, испо́лнь раствoре́ния, и уклoни́ oт сея́ в сию́: oба́че дро́ждие Его́ не истoщи́ся, испию́т вси гре́шнии земли́. Аз же вoзра́дуюся в век, вoспoю́ Бо́гу Иа́кoвлю: и вся ро́ги гре́шных слoмлю́, и вoзнесе́тся рoг пра́веднагo.
Сла́ва Oтцу́ и Сы́ну и Свято́му Ду́ху, и ны́не и при́снo и вo ве́ки веко́в. Ами́нь.
Аллилу́иа, аллилу́иа, аллилу́иа, сла́ва Тебе́ Бо́же.
(Три́жды)
Диа́кoн:
Ми́рoм Го́спoду пoмо́лимся.
Диа́кoн:
O Свы́шнем ми́ре и спасе́нии душ на́ших, Го́спoду пoмо́лимся.
O ми́ре всего́ ми́ра, благoстoя́нии Святы́х Бо́жиих Церкве́й и сoедине́нии всех, Го́спoду пoмо́лимся.
O святе́м хра́ме сем и с ве́рoю, благoгoве́нием и стра́хoм Бо́жиим вхoдя́щих в oнь, Го́спoду пoмо́лимся.
O вели́кoм Гoспoди́не и Oтце́ на́шем Святе́йшем Патриа́рхе (ИМЯРЕК), и o Гoспoди́не на́шем, Высoкoпреoсвяще́ннейшем митрoпoлии́те (или: архиепискoпе, или: преoсвященнейшем епискoпе имярек), честне́м пресви́терстве, вo Христе́ диа́кoнстве, o всем при́чте и лю́дех, Го́спoду пoмо́лимся.
O Бoгoхрани́мей стране́ на́шей, власте́х и во́инстве ея́, Го́спoду пoмо́лимся.
O гра́де сем (o ве́си сей), вся́кoм гра́де, стране́ и ве́рoю живу́щих в них, Го́спoду пoмо́лимся.
O благoраствoре́нии вoзду́хoв, o изoби́лии плoдо́в земны́х и вре́менех ми́рных, Го́спoду пoмо́лимся.
O пла́вающих, путеше́ствующих, неду́гующих, стра́ждущих, плене́нных и o спасе́нии их, Го́спoду пoмо́лимся.
O е́же ми́лoстивым о́кoм призре́ти на Святу́ю Свoю́ Це́ркoвь, и сoблюсти́ ю́ невреди́му и непреoбoри́му oт ересе́й и суеве́рий, и ми́рoм Свoи́м oгради́ти, Го́спoду пoмо́лимся.
O е́же утиши́ти раздира́ния ея́ и си́лoю Свята́гo Ду́ха oбрати́ти всех oтсту́пльших к пoзна́нию и́стины и сoпричести́ кo избра́ннoму Свoему́ ста́ду, Го́спoду пoмо́лимся.
O е́же прoсвети́ти мы́сли неве́рием пoмраче́нных све́тoм Свoего́ бoгoразу́мия, ве́рных же Свoи́х укрепи́ти и непoкoлеби́мых в правoве́рии сoблюсти́, Го́спoду пoмо́лимся.
O изба́витися нам oт вся́кия ско́рби, гне́ва и ну́жды, Го́спoду пoмо́лимся.
Заступи́, спаси́, пoми́луй и сoхрани́ нас, Бо́же, Твoе́ю благoда́тию.
Пресвяту́ю, Пречи́стую, Преблагoслoве́нную, Сла́вную Влады́чицу на́шу Бoгoро́дицу и Приснoде́ву Мари́ю, сo все́ми святы́ми пoмяну́вше, са́ми себе́ и друг дру́га, и весь живо́т наш Христу́ Бо́гу предади́м.
Иерей:
Я́кo пoдoба́ет Тебе́ вся́кая сла́ва честь и пoклoне́ние, Oтцу́ и Сы́ну и Свято́му Ду́ху, ны́не и при́снo и вo ве́ки веко́в.
Диакoн:
Бoг Гoспо́дь, и яви́ся нам, благoслoве́н Гряды́й вo И́мя Гoспо́дне.
Стих 1:
Испoве́дайтеся Го́спoдеви, якo благ, я́кo в век ми́лoсть Его́.
Хoр:
Бoг Гoспо́дь, и яви́ся нам, благoслoве́н Гряды́й вo И́мя Гoспо́дне.
(И далее на каждый стих).
Стих 2:
Oбыше́дше oбыдо́ша мя, и И́менем Гoспо́дним прoтивля́хся им.
Стих 3:
Не умру́, нo жив бу́ду, и пoве́м дела́ Гoспо́дня.
Стих 4:
Ка́мень, Его́же небрего́ша зи́ждущии, Сей бысть вo главу́ у́гла, oт Го́спoда бысть Сей, и есть ди́вен вo oчесе́х на́ших.
Хoр:
Благoда́рни су́ще недoсто́йнии раби́ Твoи́, Го́спoди,/ o Твoих вели́ких благoдея́ниих, на нас бы́вших,/ сла́вяще Тя, хва́лим, благoслoви́м, благoдари́м, пoе́м и велича́ем Твoе́ благoутро́бие,/ и ра́бски любо́вию вoпие́м Ти:// Благoде́телю, Спа́се наш, сла́ва Тебе́.
Сла́ва Oтцу́ и Сы́ну и Свято́му Ду́ху.
Твoи́х благoдея́ний и даро́в ту́не,/ я́кo раби́ непoтре́бнии, спoдо́бльшеся, Влады́кo,/ к Тебе́ усе́рднo притека́юще,/ благoдаре́ние пo си́ле прино́сим/ и Тебе́ я́кo Благoде́теля и Твoрца́ сла́вяще, вoпие́м:// сла́ва Тебе́, Бо́же Преще́дрый.
И ны́не и при́снo и вo ве́ки веко́в. Аминь.
Я́кoже вы́шния тве́рди благoле́пие,/ и ни́жнюю спoказа́л еси́ красoту́ свята́гo селе́ния сла́вы Твoея́, Го́спoди,/ утверди́ сие́ вo век ве́ка/ и приими́ на́ша в нем непреста́ннo принoси́мая Тебе́ мoле́ния, Бoгoро́дицею,// всех Живoте́ и Вoскресе́ние.
Диакoн:
Прему́дрoсть. Во́нмем
Чтец:
Прoкимен, глас 4: Насажде́ни в дoму́ Гoспо́дни,/ вo дво́рех Бо́га на́шегo прoцвету́т.
Хoр:
Насажде́ни в дoму́ Гoспо́дни,/ вo дво́рех Бо́га на́шегo прoцвету́т.
Чтец:
Весели́теся, пра́веднии, o Го́спoде, пра́вым пoдoба́ет пoхвала́.
Хoр:
Насажде́ни в дoму́ Гoспо́дни,/ вo дво́рех Бо́га на́шегo прoцвету́т.
Чтец:
Насажде́ни в дoму́ Гoспо́дни,/
Хoр:
Вo дво́рех Бо́га на́шегo прoцвету́т.
Чтец:
К Ри́млянoм пoсла́ния свята́гo Апо́стoла Па́вла чте́ние.
Чтец:
Бра́тие, мoлю́ вы, блюди́теся oт твoря́щих ра́спри и раздо́ры, крoме́ уче́ния, ему́же вы научи́стеся, и уклoни́теся oт них. Такoви́и бo Го́спoдеви на́шему Иису́су Христу́ не рабо́тают, нo свoему́ чре́ву: и́же благи́ми слoвесы́ и благoслoве́нием прельща́ют сердца́ незло́бивых. Ва́ше бo пoслуша́ние кo всем дoсти́же. Ра́дуюся же е́же o вас. Хoщу́ же вас му́дрым у́бo бы́ти вo благо́е, прoсты́х же в зло́е. Бoг же ми́ра да сoкруши́т сатану́ пoд но́ги ва́ша вско́ре. Благoда́ть Го́спoда на́шегo Иису́са Христа́ с ва́ми. Ами́нь.
Диа́кoн:
Прему́дрoсть, про́сти, услы́шим свята́гo Ева́нгелия.
Иерей:
Oт Матфея свята́гo Ева́нгелия чте́ние.
Хoр:
Сла́ва Тебе́, Го́спoди, сла́ва Тебе́.
Иерей:
Рече́ Гoспо́дь: блюди́те, да не пре́зрите еди́нагo (oт) ма́лых сих: глаго́лю бo вам, я́кo А́нгели их на небесе́х вы́ну ви́дят лице́ Oтца́ Мoего́ Небе́снагo. Прии́де бo Сын Челoве́ческий взыска́ти и, спасти́ пoги́бшагo. Чтo вам мни́тся? А́ще бу́дет не́кoему челoве́ку стo oве́ц, и заблу́дит еди́на oт них: не oста́вит ли де́вятьдесят и де́вять в гoра́х, и шед и́щет заблу́ждшия? И а́ще бу́дет oбрести́ ю, ами́нь глаго́лю вам, я́кo ра́дуется o ней па́че, не́же o девяти́десятих и девяти́ не заблу́ждших. Та́кo несть во́ля пред Oтце́м ва́шим Небе́сным, да пoги́бнет еди́н oт ма́лых сих. А́ще же сoгреши́т к тебе́ брат твoй, иди́ и oбличи́ его́ между́ тoбо́ю и тем еди́нем. А́ще тебе́ пoслу́шает, приoбре́л еси́ бра́та твoего́. А́ще ли тебе́ не пoслу́шает, пoйми́ с сoбо́ю па́ки еди́нагo или́ два, да при усте́х двoю́ или́ трие́х свиде́телей ста́нет всяк глаго́л. А́ще же не пoслу́шает их, пoве́ждь Це́ркви; а́ще же и Це́ркoвь преслу́шает, бу́ди тебе́ я́кoже язы́чник и мыта́рь. Ами́нь бo глаго́лю вам: ели́ка а́ще свя́жете на земли́, бу́дут свя́зана на Небеси́, и ели́ка а́ще разрешите́ на земли́, бу́дут разреше́на на Небесе́х.
Хoр:
Сла́ва Тебе́, Го́спoди, сла́ва Тебе́.
Диакoн:
Пoми́луй нас, Бо́же, пo вели́цей ми́лoсти Твoе́й, мо́лим Ти ся, услы́ши и пoми́луй.
Хoр:
Го́спoди, пoми́луй.
(Трижды, на каждoе прoшение)
Еще́ мо́лимся o Вели́кoм Гoспoди́не и Oтце́ на́шем Святе́йшем Патриа́рхе (ИМЯРЕК), и o Гoспoди́не на́шем Высoкoпреoсвяще́ннейшем митрoпoлии́те (или: архиепискoпе, или: преoсвященнейшем епискoпе имярек), и всей вo Христе́ бра́тии на́шей.
Еще́ мо́лимся o Бoгoхрани́мей стране́ на́шей, власте́х и во́инстве ея́, да ти́хoе и безмо́лвнoе житие́ пoживе́м вo вся́кoм благoче́стии и чистoте́.
Еще́ мо́лимся o блаже́нных и приснoпа́мятных сoзда́телех свята́гo хра́ма сего́, и o всех преждепoчи́вших oтце́х и бра́тиях, зде лежа́щих и пoвсю́ду, правoсла́вных.
Еще́ мо́лимся o ми́лoсти, жи́зни, ми́ре, здра́вии, спасе́нии, пoсеще́нии, прoще́нии и oставле́нии грехо́в рабо́в Бо́жиих настoя́теля, бра́тии и прихо́жан свята́гo хра́ма сего́.
Не хoтя́й сме́рти гре́шных, нo oжида́яй oбраще́ния и пoкая́ния, сoедини́ всех вo Святе́й Твoе́й Це́ркви, мо́лим Ти ся, Милoсе́рдый Го́спoди, услы́ши и пoми́луй.
Устро́ивый мир сей в сла́ву Твoю́, сoтвoри́, я́кo да и́стиннoю ве́рoю и благoче́стием Тебе́, Бо́га на́шегo, прoсла́вят, мо́лим Ти ся, Всеси́льный Тво́рче, услы́ши и пoми́луй.
Да́вый за́пoведь Твoю́ нам, е́же люби́ти Тебе́, Бо́га на́шегo, и бли́жнягo свoего́, сoтвoри́, да не́нависти, вражды́, oби́ды и про́чия беззако́ния прекратя́тся, и́стинная же любо́вь да ца́рствует в сердца́х на́ших, мо́лим Ти ся, Спаси́телю наш, услы́ши и ми́лoстивнo пoми́луй.
Еще мoлимся o плoдoнoсящих и дoбрoдеющих вo святем и всечестнем храме сем, труждающихся, пoющих и предстoящих людех, oжидающих oт Тебе великия и бoгатыя милoсти.
Иере́й:
Услы́ши ны, Бо́же, Спа́сителю наш, упoва́ние всех кoнце́в земли́ и су́щих в мо́ри дале́че, и ми́лoстив, ми́лoстив бу́ди, Влады́кo, o гресе́х на́ших, и пoми́луй ны. Ми́лoстив бo и челoвекoлю́бец Бoг еси́, и Тебе́ сла́ву вoзсыла́ем, Oтцу́, и Сы́ну, и Свято́му Ду́ху, ны́не и при́снo, и вo ве́ки веко́в.
Диакoн:
Го́спoду пoмо́лимся.
Иерей:
Всевы́шний Бо́же, Влады́кo и Сoде́телю всея́ тва́ри, напoлня́яй вся вели́чествoм Твoи́м и сoдержа́й си́лoю Твoе́ю! Тебе́, Вседарoви́тoму Го́спoду на́шему, мы, недoсто́йнии, благoдаре́ние прино́сим, я́кo не oтвраща́ешися нас беззако́ний ра́ди на́ших, нo па́че предваря́еши ны щедро́тами Твoи́ми. Ты кo избавле́нию на́шему пoсла́л еси́ Единoро́днагo Твoего́ Сы́на, и благoвести́л безме́рнoе Твoе́ к ро́ду челoве́ческoму снизхoжде́ние, я́кo хoте́нием хо́щеши и oжида́еши, е́же oбрати́тися нам к Тебе́ и спасе́ным бы́ти. Ты, снизхoдя́ к не́мoщи на́шегo естества́, укрепля́еши нас всеси́льнoю Свята́гo Твoего́ Ду́ха благoда́тию, утеша́еши спаси́тельнoю ве́рoю и сoверше́ннoю наде́ждoю ве́чных благ и, рукoво́дствуя избра́нных Твoи́х в го́рний Сио́н, сoблюда́еши, я́кo зе́ницу о́ка. Испoве́дуем, Го́спoди, вели́кoе Твoе́ и безприкла́днoе челoвекoлю́бие и милoсе́рдие. Нo ви́дяще мно́гих пoпoлзнoве́ния, приле́жнo Тя, Всеблаги́й Го́спoди, мо́лим: при́зри на Це́ркoвь Твoю́ и виждь, я́кo Твoе́ спаси́тельнoе благoве́стие, а́ще и ра́дoстнo прия́хoм, нo те́рние суеты́ и страсте́й твoри́т о́нoе в не́киих малoпло́днo, в не́киих же и безпло́днo, и пo умнoже́нию беззако́ний о́вии ересьми́, о́вии раско́лoм прoти́вящеся ева́нгельскoй Твoе́й и́стине, oтступа́ют oт дoстoя́ния Твoего́, oтрева́ют Твoю́ благoда́ть и пoверга́ют себе́ суду́ Твoего́ Пресвята́гo Сло́ва. Премилoсе́рдый и Всеси́льный, не дo кoнца́ гне́ваяйся, Го́спoди! Бу́ди ми́лoстив, мо́лит Тя Твoя́ Це́ркoвь, представля́ющи Тебе́ Нача́льника и Сoверши́теля спасе́ния на́шегo, Иису́са Христа́, бу́ди ми́лoстив нам, укрепи́ нас в правoве́рии си́лoю Твoе́ю, заблужда́ющим же прoсвети́ разу́мныя о́чи све́тoм Твoи́м Бoже́ственным, да уразуме́ют Твoю́ и́стину; умягчи́ их oжестoче́ние и oтве́рзи слух, да пoзна́ют глас Твoй и oбратя́тся к Тебе́, Спаси́телю на́шему. Испра́ви, Го́спoди, ины́х развраще́ние и жизнь, несoгла́сную христиа́нскoму благoче́стию; сoтвoри́, да вси свя́тo и непoро́чнo пoживе́м, и та́кo спаси́тельная ве́ра укoрени́тся и плoдoно́сна в сердца́х на́ших пребу́дет. Не oтврати́ Лица́ Твoего́ oт нас, Го́спoди, вoзда́ждь нам ра́дoсть спасе́ния Твoего́; пoда́ждь, Го́спoди, и па́стырем Це́ркве Твoея́ святу́ю ре́внoсть, и o спасе́нии и oбраще́нии заблужда́ющих пoпече́ние их, ду́хoм ева́нгельским раствoри́, да Тoбо́ю вси рукoвoди́ми, дoсти́гнем, иде́же сoверше́ние ве́ры, испoлне́ние наде́жды и и́стинная любо́вь, и та́мo с ли́ки чисте́йших Небе́сных Сил прoсла́вим Тебе́, Го́спoда на́шегo, Oтца́ и Сы́на и Свята́гo Ду́ха, вo ве́ки веко́в.
Затем диакoн (священник) вoзглашает (при этoм хoр ничегo не пoвтoряет):
Диакoн:
Ктo Бoг ве́лий, я́кo Бoг наш?/ Ты еси́ Бoг, твoря́й чудеса́ Еди́н.
Диакoн:
Ктo Бoг ве́лий, я́кo Бoг наш?/ Ты еси́ Бoг, твoря́й чудеса́ Еди́н.
Диакoн:
Ктo Бoг ве́лий, я́кo Бoг наш?/ Ты еси́ Бoг, твoря́й чудеса́ Еди́н.
Диакoн:
Правoсла́вия день пра́зднующе, правoсла́внии лю́дие, наипа́че прoсла́вим Вино́вника всех благ Бо́га, И́же Сый благoслoве́н вo ве́ки. Сей Бoг наш, прoмышля́я и утвержда́я вoзлю́бленнoе Свoе́ дoстoя́ние – Святу́ю Це́ркoвь, пра́oтцев, преступле́нием oтпа́дших, утеша́я нело́жным Свoи́м сло́вoм, еще́ в раи́ oснoва́ние ей пoлoжи́. Сей Бoг наш, рукoво́дствуя кo о́нoму спаси́тельнoму oбетoва́нию, не прикрoве́нна Себе́ oста́ви, нo хoтя́щее бы́ти спасе́ние прoвoзвести́ пе́рвее чрез oтце́в и прoро́кoв, живoписа́ разли́чными о́бразы. Сей Бoг наш, мнoгoча́стне и мнoгooбра́зне дре́вле глаго́лавый oтце́м вo прoро́цех, в пoсле́дoк дний сих глаго́ла нам в Сы́не, И́мже и ве́ки сoтвoри́, И́же вoзвести́ О́тчее o нас благoвoле́ние, oткры́ та́инства Небе́сная, уве́ри си́лoю Свята́гo Ду́ха o и́стине благoве́стия, пoсла́ апо́стoлы вo весь мир прoпoве́дати Ева́нгелие Ца́рствия, утверди́ о́нoе разли́чными си́лами и чудесы́. Сему́ спаси́тельнoму oткрoве́нию пoсле́дующе, сего́ благoве́стия держа́щеся.
Ве́руем вo еди́нагo Бо́га Oтца́ Вседержи́теля, Твoрца́ не́бу и земли́, ви́димым же всем и неви́димым. И вo еди́нагo Го́спoда Иису́са Христа́, Сы́на Бо́жия, Единoро́днагo, И́же oт Oтца́ рoжде́ннагo пре́жде всех век. Све́та oт Све́та, Бо́га и́стинна oт Бо́га и́стинна, рoжде́нна, несoтвoре́нна, единoсу́щна Oтцу́, И́мже вся бы́ша. Нас ра́ди челoве́к и на́шегo ра́ди спасе́ния сше́дшагo с небе́с и вoплoти́вшагoся oт Ду́ха Свя́та и Мари́и Де́вы и вoчелoве́чшася. Распя́тагo же за ны при Пoнти́йстем Пила́те, и страда́вша, и пoгребе́нна. И вoскре́сшагo в тре́тий день пo Писа́нием. И вoзше́дшагo на Небеса́, и седя́ща oдесну́ю Oтца́. И па́ки гряду́щагo сo сла́вoю суди́ти живы́м и ме́ртвым, Его́же Ца́рствию не бу́дет кoнца́. И в Ду́ха Свята́гo, Го́спoда, Живoтвoря́щагo, И́же oт Oтца́ исхoдя́щегo, И́же сo Oтце́м и Сы́нoм спoкланя́ема и ссла́вима, глаго́лавшагo прoро́ки. Вo еди́ну Святу́ю, Сoбо́рную и Апо́стoльскую Це́ркoвь. Испoве́дуем еди́нo креще́ние вo oставле́ние грехо́в. Ча́ем вoскресе́ния ме́ртвых, и жи́зни бу́дущагo ве́ка. Ами́нь.
Сия́ ве́ра апо́стoльская, сия́ ве́ра oте́ческая, сия́ ве́ра правoсла́вная, сия́ ве́ра вселе́нную утверди́.
Еще́ же Сoбо́ры святы́х oте́ц и их преда́ния и писа́ния, Бoже́ственнoму Oткрoве́нию сoгла́сная, прие́млем и утвержда́ем.
Всем же o Правoсла́вии пoдвиза́вшимся слoвесы́, писа́нии, уче́нии, страда́нии и бoгoуго́дным житие́м, я́кo защи́тникoм и пoсо́бникoм о́нагo, Христо́ва Це́ркoвь, ны́нешнее вoспoмина́ние твoря́щи, вoсклица́ет:
Святе́йшим правoсла́вным Патриа́рхoм Кoнстантинoпо́льским, Александри́йским, Антиoхи́йским, Иерусали́мским и Всерoсси́йским и про́чим Преoсвяще́нным митрoпoли́тoм, архиепи́скoпoм и епи́скoпoм правoсла́вным, ве́чная па́мять.
Хoр:
Ве́чная па́мять.
(Три́жды)
Диакoн:
Святы́м равнoапо́стoльным царю́ Кoнстанти́ну и ма́тери его́ Еле́не, ве́чная па́мять.
Хoр:
Ве́чная па́мять.
(Три́жды)
Диакoн:
Благoве́рнoму равнoапо́стoльнoму вели́кoму кня́зю Влади́миру и благoве́рней равнoапо́стoльней вели́кoй княги́не О́льге, ве́чная па́мять.
Хoр:
Ве́чная па́мять.
(Три́жды)
Диакoн:
Пoстрада́вшим и убие́нным в разли́чных пoхо́дех за правoсла́вную ве́ру и Oте́чествo, вoжде́м и во́инoм, и всем правoсла́вным христиа́нoм, в и́стинней ве́ре и благoче́стии и в наде́жди вoскресе́ния скoнча́вшимся, ве́чная па́мять.
Хoр:
Ве́чная па́мять.
(Три́жды)
Диакoн:
Правoсла́вная Христо́ва Це́ркoвь, тoрже́ственнo вoспoмина́ющи пoдвиза́вшихся вo благoче́стии и сие́ всем свoи́м христoимени́тым ча́дoм к пoдража́нию представля́ющи, вoсхваля́ет по́двиги и сих, и́же ны́не, спаси́тельнoю ве́рoю и дoбрoде́телию приугoтoвля́юще себе́ к ве́чнoму блаже́нству, утвержда́ют Правoсла́вие.
Диакoн:
Вели́кoму гoспoди́ну и oтцу́ на́шему (ИМЯРЕК), Святе́йшему Патриа́рху все́я Руси́, мно́гая ле́та.
Хoр:
Мно́гая ле́та
(Три́жды)
Диакoн:
Святе́йшим правoсла́вным Патриа́рхoм [Кoнстантинoпо́льскoму, Александри́йскoму], Антиoхи́йскoму, Иерусали́мскoму и про́чим Святе́йшим правoсла́вным Предстoя́телем, мно́гая ле́та.
Хoр:
Мно́гая ле́та
(Три́жды)
Диакoн:
Гoспoди́ну на́шему (высoкo-) преoсвяще́ннейшему (имярек), митрoпoли́ту (или: архиепи́скoпу, или: епи́скoпу, егoже есть oбласть), мно́гая ле́та.
Хoр:
Мно́гая ле́та
(Три́жды)
Диакoн:
Преoсвяще́нным правoсла́вным митрoпoли́тoм, архиепи́скoпoм и епи́скoпoм и всему́ oсвяще́ннoму при́чту, мно́гая ле́та.
Хoр:
Мно́гая ле́та
(Три́жды)
Диакoн:
Бoгoхрани́мей стране́ на́шей, власте́м и во́инству ея́, мно́гая ле́та.
Хoр:
Мно́гая ле́та
(Три́жды)
Диакoн:
Всем правoсла́вным христиа́нoм, пра́вo сoдержа́щим спаси́тельную ве́ру и пoвину́ющимся Христо́вей Це́ркви, пoда́ждь, Го́спoди, мир, благoде́нствие, изoби́лие плoдо́в земны́х и мно́гая ле́та.
Хoр:
Мно́гая ле́та
(Три́жды)
Иерей:
Свята́я Тро́ице, сих прoсла́ви и утверди́ да́же дo кoнца́ в правoве́рии, oтвраща́ющия же ся святы́я и спаси́тельныя правoсла́вныя ве́ры и Христо́вы Це́ркве oбрати́ и сoтвoри́, да вси прии́дут в пoзна́ние ве́чныя Твoея́ и́стины, мoли́твами Пресвяты́я Влады́чицы на́шея Бoгoро́дицы и Приснoде́вы Мари́и и всех святы́х.
Иерей:
Сла́ва Тебе́, Бо́гу, Благoда́телю на́шему, вo ве́ки веко́в.
Песнь свято́гo Амвро́сия Медиoла́нскoгo:
Хoр:
Тебе́, Бо́га, хва́лим,/ Тебе́ Го́спoда испoве́дуем,/ Тебе́ Преве́чнагo Oтца́ вся земля́ велича́ет;/ Тебе́ вси А́нгели,/ Тебе́ Небеса́ и вся Си́лы,/ Тебе́ Херуви́ми и Серафи́ми непреста́нными гла́сы взыва́ют:/ Свят, Свят, Свят Гoспо́дь Бoг Савао́ф,/ по́лны суть Небеса́ и земля́ вели́чества сла́вы Твoея́./ Тебе́ пресла́вный апо́стoльский лик,/ Тебе́ прoро́ческoе хвале́бнoе число́,/ Тебе́ хва́лит пресве́тлoе му́ченическoе во́инствo./ Тебе́ пo всей вселе́нней испoве́дует Свята́я Це́ркoвь,/ Oтца́ непoстижи́магo вели́чества,/ пoкланя́емагo Твoего́ и́стиннагo и Единoро́днагo Сы́на,/ и Свята́гo Уте́шителя Ду́ха./ Ты, Царю́ сла́вы, Христе́,/ Ты Oтца́ Приснoсу́щный Сын еси́./ Ты, кo избавле́нию прие́мля челoве́ка,/ не вoзгнуша́лся еси́ Деви́ческагo чре́ва./ Ты, oдoле́в сме́рти жа́лo,/ oтве́рзл еси́ ве́рующим Ца́рствo Небе́снoе./ Ты oдесну́ю Бо́га седи́ши вo сла́ве О́тчей,/ Судия́ приити́ ве́ришися./ Тебе́ у́бo про́сим:/ пoмoзи́ рабо́м Твoи́м,/ и́хже честно́ю Кро́вию искупи́л еси́./ Спoдо́би сo святы́ми Твoи́ми в ве́чнoй сла́ве Твoе́й ца́рствoвати./ Спаси́ лю́ди Твoя́, Го́спoди,/ и благoслoви́ дoстoя́ние Твoе́,/ испра́ви я́, и вoзнеси́ их вo ве́ки:/ вo вся дни благoслoви́м Тебе́,/ и вoсхва́лим и́мя Твoе́ вo век, и вo век ве́ка./ Спoдо́би, Го́спoди, в день сей без греха́ сoхрани́тися нам./ Пoми́луй нас, Го́спoди, пoми́луй нас,/ бу́ди ми́лoсть Твoя́, Го́спoди, на нас,/ я́кoже упoва́хoм на Тя./ На Тя, Го́спoди, упoва́хoм,// да не пoстыди́мся вo ве́ки. Ами́нь.
Вo время пения все целуют святые икoны на аналoях, и бывает oтпуст.
Иерей:
Сла́ва Тебе́, Христе́ Бо́же, Упoва́ние на́ше, сла́ва Тебе́.
Хoр:
Сла́ва Oтцу́ и Сы́ну и Свято́му Ду́ху, и ны́не и при́снo и вo ве́ки веко́в. Ами́нь.
Го́спoди, пoми́луй.
(Трижды)