i
Форма : M1S1Pol(127)

^

msword

html

@

15 Декабря 2024 года (28 Декабря 2024 года по н.ст.), Суббота, (А237), Глас 1. Священному́ченика Иларио́на, архиепи́скопа Вере́йскаго. Служба Полиелейная * ВЕЛИ́КАЯ ВЕЧЕ́РНЯ * Псало́м 103, предначина́тельный: * Вели́кая ектения́: * Блаже́н муж: * Ектения́ ма́лая: * Господи Возвах Глас 1: * Вход с кади́лом: * Све́те Тихи́й: * В пяток вечера, глас 7: * Пареми́и: * Ектения́ сугу́бая: * Сподо́би, Го́споди: * Ектения́ проси́тельная: * Стихиры на стиховне Священному́ченика Иларио́на, Глас 6: * Моли́тва свято́го Симео́на Богоприи́мца: * Трисвято́е по О́тче наш: * Тропарь Священному́ченика Иларио́на, Глас 4: * У́ТРЕНЯ. * Чтец глаголет шестопсалмие (псалмы 3, 37, 62, 87, 102, 142). * Вели́кая ектения́: * Бог Господь, Глас 4: * Тропарь Священному́ченика Иларио́на, Глас 4: * КАФИЗМЫ: * Кафизма шестаянадесять * Псало́м 109: * Псало́м 110: * Псало́м 111: * Псало́м 112: * Псало́м 113: * Псало́м 114: * Псало́м 115: * Псало́м 116: * Псало́м 117: * Ектения́ ма́лая: * Седален по 1-м стихословии Священному́ченика Иларио́на , Глас 6: * Кафизма седмаянадесять * Псало́м 118: * Ектения́ ма́лая: * Седален по 2-м стихословии Священному́ченика Иларио́на , Глас 4: * Полиеле́й: * Величание Священному́ченика Иларио́на: * Псало́м избра́нный: * Ектения́ ма́лая: * Седален по полиелеи Священному́ченика Иларио́на , Глас 5: * Степе́нна, глас 4: * 1 Антифо́н: * Проки́мен и чте́ние Ева́нгелия: * Псало́м 50: * Стихира, Глас 6 * КАНОН(6-8): * Песнь 1 * Катавасия , Глас 1: * Песнь 3 * Катавасия , Глас 1: * Ектения́ ма́лая: * Седален Священному́ченика Иларио́на , Глас 7: * Песнь 4 * Катавасия , Глас 1: * Песнь 5 * Катавасия , Глас 1: * Песнь 6 * Катавасия , Глас 1: * Ектения́ ма́лая: * Кондак Священному́ченика Иларио́на, Глас 2: * Икос: * Песнь 7 * Катавасия , Глас 1: * Песнь 8 * Катавасия , Глас 1: * Песнь Пресвято́й Богоро́дицы: * Песнь 9 * Катавасия , Глас 1: * Ектения́ ма́лая: * Светилен Священному́ченика Иларио́на * Хвали́тны псалмы́, глас 8: * Славосло́вие вели́кое: * Трисвятое: * Тропарь Священному́ченика Иларио́на, Глас 4: * Ектения́ сугу́бая: * Ектения́ проси́тельная: * Отпу́ст: * Многоле́тие: * ЧИТА́ЕТСЯ ПЕ́РВЫЙ ЧАС: * Псало́м 5: * Псало́м 89: * Псало́м 100: * Тропарь Священному́ченика Иларио́на * Трисвято́е по О́тче наш: * Конда́к, глас 8: * Отпу́ст. * Тре́тий час: * Трисвято́е по О́тче наш: * Псало́м 16: * Псало́м 24: * Псало́м 50: * Тропарь Священному́ченика Иларио́на * Трисвято́е по О́тче наш: * Кондак Священному́ченика Иларио́на, Глас 2: * Шесто́й час: * Псало́м 53: * Псало́м 54: * Псало́м 90: * Тропарь Священному́ченика Иларио́на * Трисвято́е по О́тче наш: * Боже́ственная литурги́я: * Вели́кая ектения́: * Пе́рвый антифо́н, псало́м 102: * Ектения́ ма́лая: * Второ́й антифо́н, псало́м 145: * Единоро́дный Сы́не: * Ектения́ ма́лая: * Тре́тий антифо́н, Блаже́нны: * Ма́лый вход (с Ева́нгелием): * В храме Господском И Богородичном * В храме Святого * Богоро́дичен, гла́с 6‑й: * Трисвято́е: * Прокимен Священному́ченика Иларио́на, глас 1: * Прокимен(В субботу ), Глас 8: * Чтение Апостола: * АЛЛИЛУА́РИЙ Священному́ченика Иларио́на, глас 1: * АЛЛИЛУА́РИЙ (В субботу ), Глас 4: * Чтение Евангелия: * Ектения́ сугу́бая: * Ектения́ об оглаше́нных: * Ектения́ ве́рных, пе́рвая: * Ектения́ ве́рных, втора́я: * Херуви́мская песнь: * Вели́кий вход: * Ектения́ проси́тельная: * Си́мвол ве́ры: * Евхаристи́ческий Кано́н: * Досто́йно есть: * Ектения́ проси́тельная: * Моли́тва Госпо́дня: * Причастны: * Прича́стие: * Ектения́ заключи́тельная: * Заамво́нная моли́тва: * Псало́м 33: * Иерей произносит Отпуст * [Многолетие] * Полезная информация о памяти Священному́ченика Иларио́на

28 декабря 2024 по н. ст.

Ссылка на оригинал - https://cerkva.minei.ru/glas/showSlugba?id=14900&dayId=30787

15 Декабря 2024 года (28 Декабря 2024 года по н.ст.), Суббота, (А237), Глас 1. Священному́ченика Иларио́на, архиепи́скопа Вере́йскаго. Служба Полиелейная

ВЕЛИ́КАЯ ВЕЧЕ́РНЯ

  
Священник по окончании 9-го часа облачившись в епитрахиль и фелонь, открыв завесу, выходит из Алтаря северной дверью, становится перед Царскими вратами и возглашает
Иере́й:
Благослове́н Бог наш всегда́, ны́не и при́сно, и во ве́ки веко́в.
Чтец:
Ами́нь.
Чтец:
Прииди́те, поклони́мся Царе́ви на́шему Бо́гу.
Прииди́те, поклони́мся и припаде́м Христу́ Царе́ви на́шему Бо́гу.
Прииди́те, поклони́мся и припаде́м Самому́ Христу́, Царе́ви и Бо́гу на́шему.
  
Священник Читает тайно 7 светильничных молитв (без головного убора).

Псало́м 103, предначина́тельный:

Благослови́, душе́ моя́, Го́спода. Го́споди, Бо́же мо́й, возвели́чился еси́ зело́, во испове́дание и в велеле́поту обле́клся еси́. Одея́йся све́том, я́ко ри́зою, простира́яй не́бо, я́ко ко́жу. Покрыва́яй вода́ми превы́спренняя Своя́, полага́яй о́блаки на восхожде́ние Свое́, ходя́й на крилу́ ве́треню. Творя́й А́нгелы Своя́ ду́хи и слуги́ Своя́ пла́мень о́гненный. Основа́яй зе́млю на тве́рди ея́, не преклони́тся в ве́к ве́ка. Бе́здна, я́ко ри́за, одея́ние ея́, на гора́х ста́нут во́ды, от запреще́ния Твоего́ побе́гнут, от гла́са гро́ма Твоего́ убоя́тся. Восхо́дят го́ры и нисхо́дят поля́ в ме́сто, е́же основа́л еси́ и́м. Преде́л положи́л еси́, eго́же не пре́йдут, ниже́ обратя́тся покры́ти зе́млю. Посыла́яй исто́чники в де́брех, посреде́ го́р про́йдут во́ды. Напая́ют вся́ зве́ри се́льныя, жду́т она́гри в жа́жду свою́. На ты́х пти́цы небе́сныя привита́ют, от среды́ ка́мения дадя́т гла́с. Напая́яй го́ры от превы́спренних Свои́х, от плода́ де́л Твои́х насы́тится земля́. Прозяба́яй траву́ ското́м, и зла́к на слу́жбу челове́ком, извести́ хле́б от земли́. И вино́ весели́т се́рдце челове́ка, ума́стити лице́ еле́ем, и хле́б се́рдце челове́ка укрепи́т. Насы́тятся древа́ польска́я, ке́дри Лива́нстии, и́хже еси́ насади́л. Та́мо пти́цы вогнездя́тся, ероди́ево жили́ще предводи́тельствует и́ми. Го́ры высо́кия еле́нем, ка́мень прибе́жище за́яцем. Сотвори́л е́сть луну́ во времена́, со́лнце позна́ за́пад сво́й. Положи́л еси́ тму́, и бы́сть но́щь, в не́йже про́йдут вси́ зве́рие дубра́внии. Ски́мни рыка́ющии, восхи́тити и взыска́ти от Бо́га пи́щу себе́. Возсия́ со́лнце и собра́шася и в ло́жах свои́х ля́гут. Изы́дет челове́к на де́ло свое́ и на де́лание свое́ до ве́чера. Я́ко возвели́чишася дела́ Твоя́, Го́споди, вся́ прему́дростию сотвори́л еси́, испо́лнися земля́ тва́ри Твоея́. Сие́ мо́ре вели́кое и простра́нное, та́мо га́ди, и́мже не́сть числа́, живо́тная ма́лая с вели́кими, та́мо корабли́ препла́вают, зми́й се́й, eго́же созда́л еси́ руга́тися eму́. Вся́ к Тебе́ ча́ют, да́ти пи́щу и́м во бла́го вре́мя. Да́вшу Тебе́ и́м соберу́т, отве́рзшу Тебе́ ру́ку вся́ческая испо́лнятся бла́гости, отвра́щшу же Тебе́ лице́, возмяту́тся, отъи́меши ду́х и́х, и исче́знут, и в пе́рсть свою́ возвратя́тся. По́слеши Ду́ха Твоего́, и сози́ждутся, и обнови́ши лице́ земли́. Бу́ди сла́ва Госпо́дня во ве́ки, возвесели́тся Госпо́дь о де́лех Свои́х, призира́яй на зе́млю, и творя́й ю́ трясти́ся, прикаса́яйся гора́м, и дымя́тся. Воспою́ Го́сподеви в животе́ мое́м, пою́ Бо́гу моему́, до́ндеже е́смь, да услади́тся Ему́ бесе́да моя́, а́з же возвеселю́ся о Го́споде. Да исче́знут гре́шницы от земли́, и беззако́нницы, я́коже не бы́ти и́м. Благослови́, душе́ моя́, Го́спода.
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Аллилу́иа, аллилу́иа, аллилу́иа, сла́ва Тебе́ Бо́же.
(Три́жды)
  
В это время священник уходит в Алтарь, а диакон выходит северными дверями на амвон и произносит великую ектению. Если нет диакона, священник остается и произносит ектению сам.

Вели́кая ектения́:

Диа́кон:
Ми́ром Го́споду помо́лимся.
Хор:
Го́споди, поми́луй.
(На каждое прошение)
Диа́кон:
О Свы́шнем ми́ре и спасе́нии душ на́ших, Го́споду помо́лимся.
О ми́ре всего́ ми́ра, благостоя́нии Святы́х Бо́жиих Церкве́й и соедине́нии всех, Го́споду помо́лимся.
О святе́м хра́ме сем и с ве́рою, благогове́нием и стра́хом Бо́жиим входя́щих во нь, Го́споду помо́лимся.
О вели́ком Господи́не и Отце́ на́шем Святе́йшем Патриа́рхе (Имярек), и о Господи́не на́шем, Высокопреосвяще́ннейшем митрополи́те (или: архиепи́скопе, или: преосвяще́ннейшем епи́скопе имярек), честне́м пресви́терстве, вo Христе́ диа́констве, о всем при́чте и лю́дех, Го́споду помо́лимся.
О Богохрани́мей стране́ на́шей, власте́х и во́инстве ея, Го́споду помо́лимся.
О гра́де сем (или о ве́си сей), вся́ком гра́де, стране́ и ве́рою живу́щих в них, Го́споду помо́лимся.
О благорастворе́нии возду́хов, о изоби́лии плодо́в земны́х и вре́менех ми́рных, Го́споду помо́лимся.
О пла́вающих, путеше́ствующих, неду́гующих, стра́ждущих, плене́нных и о спасе́нии их. Го́споду помо́лимся.
О изба́витися нам от вся́кия ско́рби, гне́ва и ну́жды, Го́споду помо́лимся.
Заступи́, спаси́, поми́луй и сохрани́ нас, Бо́же, Твое́ю благода́тию.
Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.
Хор:
Тебе́, Го́споди.
Иере́й:
Я́ко подоба́ет Тебе́ вся́кая сла́ва честь и поклоне́ние, Отцу́ и Сы́ну и Свято́му Ду́ху, ны́не и при́сно и во ве́ки веко́в.
Хор:
Ами́нь.

Блаже́н муж:

Хор:
Блаже́н муж, и́же не и́де на сове́т нечести́вых.
Аллилу́иа, аллилу́иа, аллилу́иа.
Я́ко весть Госпо́дь путь пра́ведных, и путь нечести́вых поги́бнет.
Аллилу́иа, аллилу́иа, аллилу́иа.
Рабо́тайте Го́сподеви со стра́хом и ра́дуйтеся Ему́ с тре́петом.
Аллилу́иа, аллилу́иа, аллилу́иа.
Блаже́ни вси наде́ющиися Нань.
Аллилу́иа, аллилу́иа, аллилу́иа.
Воскресни́, Го́споди, спаси́ мя, Бо́же мой.
Аллилу́иа, аллилу́иа, аллилу́иа.
Госпо́дне есть спасе́ние, и на лю́дех Твои́х благослове́ние Твое́.
Аллилу́иа, аллилу́иа, аллилу́иа.
Сла́ва Отцу́ и Сы́ну и Свято́му Духу.
Аллилу́иа, аллилу́иа, аллилу́иа.
И ны́не и при́сно и во ве́ки веко́в. Ами́нь.
Аллилу́иа, аллилу́иа, аллилу́иа.
Аллилу́иа, аллилу́иа, аллилу́иа, сла́ва Тебе́ Бо́же.
(Три́жды) 

Ектения́ ма́лая:

Диа́кон:
Па́ки и па́ки ми́ром Го́споду помо́лимся.
Хор:
Го́споди, поми́луй.
Диа́кон:
Заступи́, спаси́, поми́луй и сохрани́ нас, Бо́же, Твое́ю благода́тию.
Хор:
Го́споди, поми́луй.
Диа́кон:
Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.
Хор:
Тебе́, Го́споди.
Иере́й:
Я́ко Твоя́ держа́ва, и Твое́ есть Ца́рство, и си́ла, и сла́ва, Отца́ и Сы́на и Свята́го Ду́ха, ны́не и при́сно и во ве́ки веко́в.
Хор:
Ами́нь.

Господи Возвах Глас 1:

Хор:
Го́споди, воззва́х к Тебе́, услы́ши мя./ Услы́ши мя, Го́споди./ Го́споди, воззва́х к Тебе́, услы́ши мя:/ вонми́ гла́су моле́ния моего́,/ внегда́ воззва́ти ми к Тебе́.// Услы́ши мя, Го́споди.
Да испра́вится моли́тва моя́,/ я́ко кади́ло пред Тобо́ю,/ воздея́ние руку́ мое́ю/ – же́ртва вече́рняя.// Услы́ши мя, Го́споди.
Чтец или Хор
Положи́, Го́споди, хране́ние усто́м мои́м и две́рь огражде́ния о устна́х мои́х.
Не уклони́ се́рдце мое́ в словеса́ лука́вствия, непщева́ти вины́ о гресе́х
С челове́ки де́лающими беззако́ние; и не сочту́ся со избра́нными их.
Нака́жет мя пра́ведник ми́лостию и обличи́т мя, eле́й же гре́шнаго да не нама́стит главы́ моея́;
Яко eще́ и моли́тва моя во благоволе́ниих их, пожéрты бы́ша при ка́мени судии́ их;
Услы́шатся глаго́лы мои, я́ко возмого́ша, я́ко то́лща земли́ просе́деся на земли́, расточи́шася ко́сти их при а́де.
Яко к тебе́, Го́споди, Го́споди, óчи мои́; на тя упова́х, не отими́ ду́шу мою́;
Сохрани́ мя от се́ти, ю́же соста́виша ми, и от собла́зн де́лающих беззако́ние.
Паду́т во мре́жу свою́ гре́шницы; eди́н éсмь аз, до́ндеже прейду́.
Гла́сом мои́м ко Го́споду воззва́х, гла́сом мои́м ко Го́споду помолихся.
Пролию́ пре́д ним моле́ние мое́, печа́ль мою́ пре́д ни́м возвещу́.
Внегда́ изчеза́ти от менé ду́ху моему́, и ты позна́л eси́ стeзи́ моя;
На пути́ сем, по нему́же хожда́х, скры́ша се́ть мне́.
Сматря́х одесну́ю и возгля́дах, и не бе зна́яй мене́; поги́бе бе́гство от менé, и не́сть взыска́яй ду́шу мою.
Воззва́х к тебе, Го́споди, рех; ты eси́ упова́ние мое, ча́сть моя eси́ на земли́ живы́х.
Вонми́ моле́нию моему, я́ко смири́хся зело́;
Изба́ви мя от гоня́щих мя, я́ко укрепи́шася па́че менé.
Изведи́ из темни́цы ду́шу мою, испове́датися и́мени Твоему́.
Мене́ жду́т пpа́ведницы, до́ндеже возда́си мне́.
Из глубины́ воззва́х к Тебе, Го́споди, Го́споди, услы́ши гла́с мо́й.
Да бу́дут у́ши Твои вне́млюще гла́су моле́ния моего́.
  
Стихиры Священному́ченика Иларио́на Глас 1:
На 8. Стих:
Из глубины́ воззва́х к Тебе́, Го́споди,// Го́споди, услы́ши глас мой.
Стихира:
О, священному́чениче Иларио́не, ревни́телю патриа́ршества и́стинный, первосвяти́телю Ти́хону помо́щник ве́рен был еси́, Це́рковь Бо́жию соблюдáя во дни искуше́ний и гоне́ний. Те́мже вопие́м ти: ра́дуйся, святи́телю Христо́в, Це́ркве Правосла́вныя ре́вностный побо́рниче.
Стих:
Да бу́дут у́ши Твои́// вне́млюще гла́су моле́ния моего́.
Стихира:
Днесь ра́дуется оби́тель Сре́тенская, иму́щи святы́я мо́щи Иларио́на чу́днаго, его́же па́мять све́тло пра́зднующи, хвале́бно воспева́ет: ра́дуйся, святи́телю Христо́в, Це́ркве Правосла́вныя ре́вностный побо́рниче.
На 6. Стих:
А́ще беззако́ния на́зриши, Го́споди, Го́споди, кто постои́т?// Я́ко у Тебе́ очище́ние е́сть.
Стихира:
О, богому́дре Иларио́не, благода́тию Свята́го Ду́ха просвеще́нный, и́стину Правосла́вия утвержда́я, лука́выя изобличи́л еси́ и сло́вом кре́стным безу́мие ми́ра сего́ посрами́л еси́. Сего́ ра́ди взыва́ем ти: ра́дуйся, святи́телю Христо́в, Це́ркве Правосла́вныя ре́вностный побо́рниче.
Стих:
И́мене ра́ди Твоего́ потерпе́х Тя, Го́споди, потерпе́ душа́ моя́ в сло́во Твое́,// упова́ душа́ моя́ на Го́спода.
Стихира:
А́гнцу Бо́жию в терпе́нии подража́я, беззло́бно темни́чная страда́ния, преще́ния и поноше́ния, глад, мраз и боле́зни претерпе́л еси́ и, за враги́ моля́ся, Иларио́не свя́те, кро́тко ду́шу Христу́ преда́л еси́. Сего́ ра́ди ублажа́ем тя: ра́дуйся, святи́телю Христо́в, Це́ркве Правосла́вныя ре́вностный побо́рниче.
  
Ины Стихиры Священному́ченика Иларио́на Глас 4:
  
Глас 4
На 4. Стих:
От стра́жи у́тренния до но́щи, от стра́жи у́тренния,// да уповае́т Изра́иль на Го́спода.
Стихира:
От Бо́га обогаще́н чистото́ю душе́вною, по́стническими по́двиги благода́ть Свята́го Ду́ха стяжа́л еси́, доброде́тели люби́телю и греха́ победи́телю, земны́й А́нгеле и Небе́сный челове́че.
Стих:
Я́ко у Го́спода ми́лость, и мно́гое у Него́ избавле́ние,// и Той изба́вит Изра́иля от всех беззако́ний eго́.
Стихира:
От ю́ности Христа́ возлюби́в, вся кра́cная ми́ра сего́ оста́вил еси́, Иларио́не сла́вне, и, вы́сшаго любому́дрия взыску́я, в лик и́ночествующих всели́лся еси́, земны́й А́нгеле и Небе́сный челове́че.
На 2. Стих:
Хвали́те Го́спода вси язы́цы,// похвали́те Его́ вси лю́дие.
Стихира:
О́чи серде́чнеи писа́нии Боже́ственными просвети́л еси́, блаже́нне Иларио́не, те́мже, в богосло́вии Правосла́вия высоту́ показу́я, свиде́тель ве́рен яви́лся еси́, и, кано́ны церко́вныя утвержда́я, вся ко спасе́нию наста́вил еси́, земны́й А́нгеле и Небе́сный челове́че.
Стих:
Я́ко утверди́ся ми́лость Его́ на нас,// и и́стина Госпо́дня пребыва́ет во век.
Стихира:
Ви́дя я́ко безбо́жных мно́жество на ве́ру Христо́ву ополчи́ся, це́ркви святы́я сокруша́я и лю́ди правосла́вныя истребля́я, тогда́ со слеза́ми к уго́дником земли́ на́шея о спасе́нии наро́да Бо́жия взыва́л еси́, святи́телю Иларио́не, земны́й А́нгеле и Небе́сный челове́че.
  
Глас 8:
Сла́ва Отцу́ и Сы́ну и Свято́му Ду́ху
Стихира:
Прииди́те, лю́дие вси, священному́ченику Иларио́ну ве́рно поклони́мся, и, тому́ подража́юще, все упова́ние на Христа́ возложи́м, и нече́стия мирскáго отве́ргнемся, в ве́ре же и чистоте́ пребу́дем, порабо́таем Го́сподеви и Его́ Це́ркви Святе́й, ско́рби и боле́зни до конца́ претерпи́м. Ты же, святы́й Иларио́не, моли́ Христа́ Бо́га, да прости́т нам грехи́ на́ша и Ца́рствия Небе́снаго сподо́бит.
И ны́не и при́сно и во ве́ки веко́в. Ами́нь.
  
Догматик на текущий глас 1:
Всеми́рную сла́ву, / от челове́к прозя́бшую / и Влады́ку ро́ждшую, / Небе́сную дверь воспои́м, Мари́ю Де́ву, / Безпло́тных песнь и ве́рных удобре́ние: / Сия́ бо яви́ся не́бо и храм Божества́, / Сия́ прегражде́ние вражды́ разруши́вши, / мир введе́ и Ца́рствие отве́рзе; / Сию́ у́бо иму́ще ве́ры утвержде́ние, / Побо́рника и́мамы из Нея́ ро́ждшагося Го́спода. / Дерза́йте у́бо, дерза́йте, лю́дие Бо́жии, / и́бо Той победи́т враги́, / я́ко Всеси́лен.

Вход с кади́лом:

Диа́кон:
Прему́дрость, про́сти.

Све́те Тихи́й:

Хор:
Све́те Ти́хий святы́я сла́вы Безсме́ртнаго Отца́ Небе́снаго, Свята́го, Блаже́ннаго, Иису́се Христе́! Прише́дше на за́пад со́лнца, ви́девше свет вече́рний, пое́м Отца́, Сы́на и Свята́го Ду́ха, Бо́га. Досто́ин еси́ во вся времена́ пет бы́ти гла́сы преподо́бными, Сы́не Бо́жий, живо́т дая́й; те́мже мир Тя сла́вит.
Диа́кон:
Во́нмем.
Иере́й:
Мир всем.
Хор:
И ду́хови твоему́.
  
Положив обычный поклон, диакон, аще же несть, священник, глаголет прокимен дне.

В пяток вечера, глас 7:

Диа́кон:
Премудрость. Воннмем.
Диа́кон:
Бо́же, засту́пник мой еси́ Ты, / и ми́лость Твоя́ предвари́т мя.
Хор:
Бо́же, засту́пник мой еси́ Ты, / и ми́лость Твоя́ предвари́т мя.
Стих:
Изми́ мя от враг мои́х, Бо́же, и от востаю́щих на мя изба́ви мя.
Хор:
Бо́же, засту́пник мой еси́ Ты, / и ми́лость Твоя́ предвари́т мя.
Диа́кон:
Бо́же, засту́пник мой еси́ Ты
Хор:
И ми́лость Твоя́ предвари́т мя.

Пареми́и:

  
Паремии Священному́ченика Иларио́на:
Диа́кон:
Прему́дрость.
Чтец:
Дея́нiй святы́х апо́стол чте́ние
Диа́кон:
Во́нмем.
  
(Глава́ 4).
Чтец:
Во дни о́ны, глаго́лющим же апо́столом к лю́дем, / наидо́ша на ни́х свяще́нницы и воево́да церко́вный, и саддуке́и, / жа́ляще си, за е́же учи́ти им лю́ди и возвеща́ти о Иису́се воскресе́ние ме́ртвых; / и возложи́ша на них ру́ки и положи́ша их в соблюде́ние до у́трия: / бе бо ве́чер уже́. / Мно́зи же от слы́шавших сло́во ве́роваша: / и бысть число́ муже́й я́ко ты́сящ пя́ть. / Бысть же нау́трие собра́тися князе́м их, и ста́рцем, и кни́жником во Иерусали́м: / и А́нне архиере́ю, и Каиа́фе, и Иоа́нну, и Алекса́ндру, / и ели́цы бе́ша от ро́да архиере́йска. / И, поста́вльше их посреде́, вопроша́ху: / ко́ею си́лою, или́ ко́им и́менем сотвори́сте сие́ вы? / Тогда́ Петр, испо́лнився Ду́ха Свя́та, рече́ к ним: / кня́зи лю́дстии и ста́рцы Изра́илевы, / а́ще мы днесь истязу́еми есмы́ о благодея́нии челове́ка не́мощна, / о чесо́м сей спасе́ся, / разу́мно бу́ди всем вам и всем лю́дем Изра́илевым, / я́ко во и́мя Иису́са Христа́ Назоре́я, / Его́же вы распя́сте, / Его́же Бог воскреси́ от ме́ртвых, / о Сем сей стои́т пред ва́ми здрав. / Сей есть ка́мень, укоре́нный от вас, зи́ждущих, / бы́вый во главу́ у́гла, / и несть ни о еди́ном же ино́м спасе́ния; / несть бо ино́го и́мене под небесе́м, да́ннаго в челове́цех, / о не́мже подоба́ет спасти́ся нам.
Диа́кон:
Прему́дрость.
Чтец:
Дея́нiй святы́х апо́стол чте́ние
Диа́кон:
Во́нмем.
  
(Глава́ 4).
Чтец:
Во дни о́ны, ви́дяще иуде́и Петро́во дерзнове́ние и Иоа́нново и разуме́вше, / я́ко челове́ка некни́жна еста́ и про́ста, дивля́хуся, / зна́ху же их, я́ко со Иису́сом бе́ста; / ви́дяще же исцеле́вшаго челове́ка с ни́ма стоя́ща, / ничто́же имя́ху проти́ву рещи́. / Повеле́вше же и́ма вон из со́нмища изы́ти, / стяза́хуся ко друг дру́гу, глаго́люще: / что сотвори́м челове́кома си́ма? / Я́ко у́бо наро́читое зна́мение бысть и́ма, / всем живу́щим во Иерусали́ме я́ве, / и не мо́жем отврещи́ся; / но да не бо́лее простре́тся в лю́дех, / преще́нием да запрети́м и́ма ктому́ не глаго́лати о и́мени сем ни еди́ному от челове́к. / И призва́вше их, / запове́даша и́ма отню́дь не провещава́ти, ниже́ учи́ти о и́мени Иису́сове. / Петр же и Иоа́нн, отвеща́вше к ним, ре́ста: / а́ще пра́ведно есть пред Бо́гом / вас послу́шати па́че, не́жели Бо́га? / Суди́те: не мо́жем бо мы, я́же ви́дехом и слы́шахом, не глаго́лати. / Они́ же, призапре́щше и́ма, пусти́ша я, / ничто́же обре́тше, ка́ко му́чити их, люде́й ра́ди, / я́ко вси прославля́ху Бо́га о бы́вшем: / лет бо бя́ше мно́жае четы́редесяти челове́к той, / на не́мже бысть чу́до сие́ исцеле́ния.
Диа́кон:
Прему́дрость.
Чтец:
Дея́нiй святы́х апо́стол чте́ние
Диа́кон:
Во́нмем.
  
(Глава́ 4).
Чтец:
Во дни о́ны, отпуще́на бы́вша апо́стола приидо́ста ко свои́м и возвести́ста, / ели́ка к ни́ма архиере́и и ста́рцы ре́ша. / Они́ же, слы́шавше, единоду́шно воздвиго́ша глас к Бо́гу и реко́ша: / Влады́ко, Ты, Бо́же, сотвори́вый не́бо и зе́млю и мо́ре и вся, я́же в них, / И́же усты́ Дави́да, о́трока Твоего́, рече́: / вску́ю шата́шася язы́цы и лю́дие поучи́шася тще́тным? / Предста́ша ца́рие зе́мстии, / и кня́зи собра́шася вку́пе на Го́спода и на Христа́ Его́. / Собра́шася бо вои́стину во гра́де сем на свята́го О́трока Твоего́ Иису́са, / Его́же пома́зал еси́, / И́род же и Понти́йский Пила́т, с язы́ки и людьми́ изра́илевыми, / сотвори́ти, ели́ка рука́ Твоя́ и сове́т Твой преднарече́ бы́ти. / И ны́не, Го́споди, при́зри на преще́ния их / и даждь рабо́м Твои́м со вся́ким дерзнове́нием глаго́лати сло́во Твое́, / внегда́ ру́ку Твою́ простре́ти Ти́ во исцеле́ния, / и зна́мением и чудесе́м быва́ти и́менем святы́м О́трока Твоего́ Иису́са. / И помоли́вшимся им, подви́жеся ме́сто, иде́же бя́ху со́брани, / и испо́лнишася вси Ду́ха Свя́та, / и глаго́лаху сло́во Бо́жие со дерзнове́нием.

Ектения́ сугу́бая:

Диа́кон:
Рце́м вси от всея́ души́, и от всего́ помышле́ния на́шего рцем.
Хор:
Го́споди, поми́луй.
Диа́кон:
Го́споди Вседержи́телю, Бо́же оте́ц на́ших, мо́лим Ти ся, услы́ши и поми́луй.
Хор:
Го́споди, поми́луй.
Диа́кон:
Поми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй.
Хор:
Го́споди, поми́луй.
(Трижды, на каждое прошение)
Диа́кон:
Еще́ мо́лимся о Вели́ком Господи́не и Отце́ на́шем Святе́йшем Патриа́рхе (Имярек), и о Господи́не на́шем Высокопреосвяще́ннейшем митрополи́те (или: архиепи́скопе, или: преосвяще́ннейшем епи́скопе имяре́к), и всей во Христе́ бра́тии на́шей.
Еще́ мо́лимся о Богохрани́мей стране́ на́шей, власте́х и во́инстве ея́, да ти́хое и безмо́лвное житие́ поживе́м во вся́ком благоче́стии и чистоте́.
Еще́ мо́лимся о блаже́нных и приснопа́мятных созда́телех свята́го хра́ма сего́, и о всех преждепочи́вших отце́х и бра́тиях, зде лежа́щих и повсю́ду, правосла́вных.
Еще́ мо́лимся о ми́лости, жи́зни, ми́ре, здра́вии, спасе́нии, посеще́нии, проще́нии и оставле́нии грехо́в рабо́в Бо́жиих настоя́теля, бра́тии и прихо́жан свята́го хра́ма сего́.
Еще́ мо́лимся о плодонося́щих и доброде́ющих во святе́м и всечестне́м хра́ме сем, тружда́ющихся, пою́щих и предстоя́щих лю́дех, ожида́ющих от Тебе́ вели́кия и бога́тыя ми́лости.
Иере́й:
Я́ко Ми́лостив и Человеколю́бец Бог еси́, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.
Хор:
Ами́нь.

Сподо́би, Го́споди:

 Хор:
Сподо́би, Го́споди, в ве́чер сей без греха́ сохрани́тися нам. Благослове́н еси́, Го́споди, Бо́же оте́ц на́ших, и хва́льно и просла́влено и́мя Твое́ во ве́ки. Ами́нь.
Бу́ди, Го́споди, ми́лость Твоя́ на нас, я́коже упова́хом на Тя. Благослове́н еси́, Го́споди, научи́ мя оправда́нием Твои́м. Благослове́н еси́, Влады́ко, вразуми́ мя оправда́нием Твои́м. Благослове́н еси́, Святы́й, просвети́ мя оправда́нии Твои́ми.
Го́споди, ми́лость Твоя́ во век, дел руку́ Твое́ю не пре́зри. Тебе́ подоба́ет хвала́, Тебе́ подоба́ет пе́ние, Тебе́ сла́ва подоба́ет. Отцу́ и Сы́ну и Свято́му Ду́ху, ны́не и при́сно и во ве́ки веко́в. Ами́нь. 

Ектения́ проси́тельная:

Диа́кон:
Испо́лним вече́рнюю моли́тву на́шу Го́сподеви.
Хор:
Го́споди, поми́луй.
Диа́кон:
Заступи́, спаси́, поми́луй и сохрани́ нас, Бо́же, Твое́ю благода́тию.
Хор:
Го́споди, поми́луй.
Диа́кон:
Ве́чера всего́ соверше́нна, свя́та, ми́рна и безгре́шна у Го́спода про́сим.
Хор:
Пода́й, Го́споди.
(На каждое прошение)
Диа́кон:
А́нгела ми́рна, ве́рна наста́вника, храни́теля душ и теле́с на́ших, у Го́спода про́сим.
Проще́ния и оставле́ния грехо́в и прегреше́ний на́ших у Го́спода про́сим.
До́брых и поле́зных душа́м на́шим и ми́ра ми́рови у Го́спода про́сим.
Про́чее вре́мя живота́ на́шего в ми́ре и покая́нии сконча́ти у Го́спода про́сим.
Христиа́нския кончи́ны живота́ на́шего, безболе́знены, непосты́дны, ми́рны и до́браго отве́та на Стра́шнем Суди́щи Христо́ве про́сим.
Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́, и дру́г дру́га, и весь живо́т наш Христу́ Бо́гу предади́м.
Хор:
Тебе́, Го́споди.
Иере́й:
Я́ко Бла́г и Человеколю́бец Бог еси́, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.
Хор:
Ами́нь.
Иере́й:
Мир всем.
Хор:
И ду́хови твоему́.
Диа́кон:
Главы́ на́ша Го́сподеви прикло́ним.
Хор:
Тебе́, Го́споди.
Иере́й:
Бу́ди держа́ва Ца́рствия Твоего́ благослове́на и препросла́влена. Отца́ и Сы́на и Свята́го Ду́ха, ны́не и при́сно и во ве́ки веко́в.
Хор:
Ами́нь.

Стихиры на стиховне Священному́ченика Иларио́на, Глас 6:

Стихира:
Дар благодáти Боже́ственныя прия́л еси́, Иларио́не, избра́нниче Бо́жий, крест бо взем, Христу́ после́довал еси́ и, жи́зни ве́чныя взыску́я, вся су́етная ми́ра отве́ргл еси́. Ны́не же со все́ми святы́ми на небесе́х лику́я, моли́ся о душа́х на́ших.
Стих:
На Тя, Го́споди, упова́х, да не постыжу́ся во век.
Стихира:
Во́ле Бо́жией после́дуя, жезл архипа́стырский, я́ко крест, в годи́ну гоне́ний прия́л еси́ и, к му́ченичеству за Христа́ уготовля́яся, Того́ пред безбо́жными дерзнове́нно испове́дал еси́. Ны́не же со все́ми святы́ми на небесе́х лику́я, моли́ся о душа́х на́ших.
Стих:
Весели́теся о Го́споде и ра́дуйтеся, пра́веднии, и хвали́теся, вси пра́вии се́рдцем.
Стихира:
Ду́ха Свята́го испо́лненный, Иларио́не ди́вный, посреде́ страда́ний и мра́ка неве́рия, пасха́льныя ра́дости прича́стник яви́лся еси́ и све́т невече́рний зре́ти от Бо́га сподо́бился еси́. Ны́не же со все́ми святы́ми на небесе́х лику́я, моли́ся о душа́х на́ших.
Сла́ва Отцу́ и Сы́ну и Свято́му Ду́ху.
  
Священному́ченика Иларио́на Глас 8:
Стихира:
Ка́ко нарече́м тя, священному́чениче пресла́вне? Ве́ры ли Правосла́вныя ревни́теля? Богосло́ва ли преизя́щнаго? Устрое́ния ли церко́внаго рачи́теля? Му́дрости ли оте́ческия храни́теля? Пропове́дника ли дерзнове́ннаго? А́нгелов ли небе́сных собесе́дника? Недоумевáет ум именовáти тя, ты бо еси́ Це́ркве Ру́сския утвержде́ние, страны́ на́шея сла́ва и му́чеников похвала́.
И ны́не и при́сно и во ве́ки веко́в. Ами́нь.
  
Богородичен Священному́ченика Иларио́на Глас 8:
Ра́дуйся, Преблагослове́нная Влады́чице, Сын бо Твой из ме́ртвых восста́ и нам дарова́ живо́т ве́чный.

Моли́тва свято́го Симео́на Богоприи́мца:

Чтец:
Ны́не отпуща́еши раба́ Твоего́, Влады́ко,/ по глаго́лу Твоему́, с ми́ром;/ я́ко ви́деста о́чи мои́ спасе́ние Твое́,/ е́же еси́ угото́вал пред лице́м всех люде́й,/ свет во открове́ние язы́ков,// и сла́ву люде́й Твои́х Изра́иля.

Трисвято́е по О́тче наш:

Чтец:
Святы́й Бо́же, Святы́й Кре́пкий, Святы́й Безсме́ртный, поми́луй нас.
(Трижды)
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.
Го́споди, поми́луй.
(Трижды)
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.
Иере́й:
Я́ко Твое́ есть Ца́рство и си́ла и сла́ва Отца́ и Сы́на и Свята́го Ду́ха, ны́не и при́сно и во ве́ки веко́в.
Хор:
Ами́нь.

Тропарь Священному́ченика Иларио́на, Глас 4:

Святи́телю Христо́в Иларио́не,/ сла́во и похвало́ Це́ркве Ру́сския,/ ра́зум боже́ственный стяжа́в,/ пред безбо́жники Христа́ дерзнове́нно испове́дал еси́,/ Его́же ра́ди страда́ния претерпева́я,/ лю́дем ве́рным возглаша́л еси́:/ без Це́ркве несть спасе́ния.
Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.
  
Богородичен воскресный из третьего приложения на текущий глас, (глас 1):
Гаврии́лу веща́вшу Тебе́, Де́во, ра́дуйся, / со гла́сом воплоща́шеся всех Влады́ка / в Тебе́, святе́м киво́те, / я́коже рече́ пра́ведный Дави́д, / яви́лася еси́ ши́ршая Небе́с, / поноси́вши Зижди́теля Твоего́. / Сла́ва Все́льшемуся в Тя; / сла́ва Проше́дшему из Тебе́; / сла́ва Свободи́вшему нас Рождество́м Твои́м.
Диа́кон:
Прему́дрость.
Хор:
Благослови́.
Иере́й:
Сый благослове́н Христо́с Бог наш, всегда́, ны́не и при́сно и во ве́ки веко́в.
Хор:
Ами́нь. Утверди́, Бо́же, святу́ю правосла́вную ве́ру, правосла́вных христиа́н во век ве́ка.

У́ТРЕНЯ.

Иере́й:
Сла́ва Святе́й, и Единосу́щней, и Животворя́щей, и Неразде́льней Тро́ице всегда́, ны́не и при́сно, и во ве́ки веко́в.
  
Этот возглас священник говорит перед престолом, облачившись в Фелонь, и делает кадилом крест.
Хор:
Ами́нь.
Сла́ва в вы́шних Бо́гу, и на земли́ мир, в челове́цех благоволе́ние.
(Три́жды)
Го́споди, устне́ мои́ отве́рзеши, и уста́ моя́ возвестя́т хвалу́ Твою́.
(Два́жды)

Чтец глаголет шестопсалмие (псалмы 3, 37, 62, 87, 102, 142).

  
Во время шестопсалмия иерей читает 12 утренних молитв: 6 перед престолом, 6 перед Царскими вратами.
  
Псалом 3:
Чтец:
Го́споди, что ся умно́жиша стужа́ющии ми́? Мно́зи востаю́т на мя, мно́зи глаго́лют души́ мое́й: несть спасе́ния eму́ в Бо́зе eго́. Ты же, Го́споди, Засту́пник мой еси́, сла́ва моя́ и вознося́й главу́ мою́. Гла́сом мои́м ко Го́споду воззва́х, и услы́ша мя от горы́ святы́я Своея́. Аз усну́х, и спах, воста́х, я́ко Госпо́дь засту́пит мя. Не убою́ся от тем люде́й, о́крест напа́дающих на мя. Воскресни́, Го́споди, спаси́ мя, Бо́же мой, я́ко Ты порази́л еси́ вся вражду́ющыя ми всу́е: зу́бы гре́шников сокруши́л еси́. Госпо́дне есть спасе́ние, и на лю́дех Твои́х благослове́ние Твое́.
Аз усну́х, и спах, воста́х, я́ко Госпо́дь засту́пит мя.
  
Псалом 37:
Го́споди, да не я́ростию Твое́ю обличи́ши мене́, ниже́ гне́вом Твои́м нака́жеши мене́. Я́ко стре́лы Твоя́ унзо́ша во мне, и утверди́л еси́ на мне ру́ку Твою́. Несть исцеле́ния в пло́ти мое́й от лица́ гне́ва Твоего́, несть ми́ра в косте́х мои́х от лица́ грех мои́х. Я́ко беззако́ния моя́ превзыдо́ша главу́ мою́, я́ко бре́мя тя́жкое отяготе́ша на мне. Возсмерде́ша и согни́ша ра́ны моя́ от лица́ безу́мия моего́. Пострада́х и сляко́хся до конца́, весь день се́туя хожда́х. Я́ко ля́двия моя́ напо́лнишася поруга́ний, и несть исцеле́ния в пло́ти мое́й. Озло́блен бых и смири́хся до зела́, рыка́х от воздыха́ния се́рдца моего́. Го́споди, пред Тобо́ю все жела́ние мое́ и воздыха́ние мое́ от Тебе́ не утаи́ся. Се́рдце мое́ смяте́ся, оста́ви мя си́ла моя́, и свет о́чию мое́ю, и той несть со мно́ю. Дру́зи мои́ и и́скреннии мои́ пря́мо мне прибли́жишася и ста́ша, и бли́жнии мои́ отдале́че мене́ ста́ша и нужда́хуся и́щущии ду́шу мою́, и и́щущии зла́я мне глаго́лаху су́етная и льсти́вным весь день поуча́хуся. Аз же я́ко глух не слы́шах и я́ко нем не отверза́яй уст свои́х. И бых я́ко челове́к не слы́шай и не имы́й во усте́х свои́х обличе́ния. Я́ко на Тя, Го́споди, упова́х, Ты услы́шиши, Го́споди Бо́же мой. Я́ко рех: да не когда́ пора́дуют ми ся врази́ мои́: и внегда́ подвижа́тися нога́м мои́м, на мя велере́чеваша. Я́ко аз на ра́ны гото́в, и боле́знь моя́ предо мно́ю есть вы́ну. Я́ко беззако́ние мое́ аз возвещу́ и попеку́ся о гресе́ мое́м. Врази́ же мои́ живу́т и укрепи́шася па́че мене́, и умно́жишася ненави́дящии мя без пра́вды. Воздаю́щии ми зла́я возблага́я оболга́ху мя, зане́ гоня́х благосты́ню. Не оста́ви мене́, Го́споди Бо́же мой, не отступи́ от Мене́. Вонми́ в по́мощь мою́, Го́споди спасе́ния моего́.
Не оста́ви мене́, Го́споди Бо́же мой, не отступи́ от Мене́. Вонми́ в по́мощь мою́, Го́споди спасе́ния моего́.
  
Псалом 62:
Бо́же, Бо́же мой, к Тебе́ у́тренюю, возжада́ Тебе́ душа́ моя́, коль мно́жицею Тебе́ плоть моя́, в земли́ пу́сте и непрохо́дне, и безво́дне. Та́ко во святе́м яви́хся Тебе́, ви́дети си́лу Твою́ и сла́ву Твою́. Я́ко лу́чши ми́лость Твоя́ па́че живо́т, устне́ мои́ похвали́те Тя. Та́ко благословлю́ Тя в животе́ мое́м, о и́мени Твое́м воздежу́ ру́це мои́. Я́ко от ту́ка и ма́сти да испо́лнится душа́ моя́, и устна́ма ра́дости восхва́лят Тя уста́ моя́. А́ще помина́х Тя на посте́ли мое́й, на у́тренних поуча́хся в Тя. Я́ко был еси́ Помо́щник мой, и в кро́ве крилу́ Твое́ю возра́дуюся. Прильпе́ душа́ моя́ по Тебе́, мене́ же прия́т десни́ца Твоя́. Ти́и же всу́е иска́ша ду́шу мою́, вни́дут в преиспо́дняя земли́, предадя́тся в ру́ки ору́жия, ча́сти ли́совом бу́дут. Царь же возвесели́тся о Бо́зе, похва́лится всяк клены́йся Им, я́ко загради́шася уста́ глаго́лющих непра́ведная.
На у́тренних поуча́хся в Тя. Я́ко был еси́ Помо́щник мой, и в кро́ве крилу́ Твое́ю возра́дуюся. Прильпе́ душа́ моя́ по Тебе́, мене́ же прия́т десни́ца Твоя́.
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Аллилу́иа, аллилу́иа, аллилу́иа, сла́ва Тебе́ Бо́же.
(Трижды)
Го́споди поми́луй.
(Трижды)
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
  
Псалом 87:
Го́споди Бо́же спасе́ния моего́, во дни воззва́х, и в нощи́ пред Тобо́ю. Да вни́дет пред Тя моли́тва моя́: приклони́ у́хо Твое́ к моле́нию моему́, я́ко испо́лнися зол душа́ моя́, и живо́т мой аду прибли́жися. Привмене́н бых с низходя́щими в ров, бых я́ко челове́к без по́мощи, в ме́ртвых свобо́дь, я́ко я́звеннии спя́щии во гро́бе, и́хже не помяну́л еси́ ктому́, и ти́и от руки́ Твоея́ отринове́ни бы́ша. Положи́ша мя в ро́ве преиспо́днем, в те́мных и се́ни сме́ртней. На мне утверди́ся я́рость Твоя́, и вся во́лны Твоя́ наве́л еси́ на мя. Уда́лил еси́ зна́емых мои́х от Мене́, положи́ша мя ме́рзость себе́: пре́дан бых и не исхожда́х. О́чи мои́ изнемого́сте от нищеты́, воззва́х к Тебе́, Го́споди, весь день, возде́х к Тебе́ ру́це мои́. Еда́ ме́ртвыми твори́ши чудеса́? Или́ вра́чеве воскреся́т, и испове́дятся Тебе́? Еда́ пове́сть кто во гро́бе ми́лость Твою́, и и́стину Твою́ в поги́бели? Еда́ позна́на бу́дут во тьме чудеса́ Твоя́, и пра́вда Твоя́ в земли́ забве́нней? И аз к Тебе́, Го́споди, воззва́х и у́тро моли́тва моя́ предвари́т Тя. Вску́ю, Го́споди, отре́еши ду́шу мою́, отвраща́еши лице́ Твое́ от Мене́? Нищ есмь аз, и в труде́х от ю́ности моея́; возне́с же ся, смири́хся, и изнемого́х. На мне преидо́ша гне́ви Твои́, устраше́ния Твоя́ возмути́ша мя, обыдо́ша мя я́ко вода́, весь день одержа́ша мя вку́пе. Уда́лил еси́ от Мене́ дру́га и и́скренняго, и зна́емых мои́х от страсте́й.
Го́споди Бо́же спасе́ния моего́, во дни воззва́х, и в нощи́ пред Тобо́ю. Да вни́дет пред Тя моли́тва моя́: приклони́ у́хо Твое́ к моле́нию моему́.
  
Псалом 102:
Благослови́, душе́ моя́, Го́спода, и вся вну́тренняя моя́ и́мя свя́тое Его́. Благослови́, душе́ моя́, Го́спода, и не забыва́й всех воздая́ний Его́, очища́ющаго вся беззако́ния твоя́, исцеля́ющаго вся неду́ги твоя́, избавля́ющаго от истле́ния живо́т твой, венча́ющаго тя ми́лостию и щедро́тами, исполня́ющаго во благи́х жела́ние твое́: обнови́тся я́ко о́рля ю́ность твоя́. Творя́й ми́лостыни Госпо́дь, и судьбу́ всем оби́димым. Сказа́ пути́ Своя́ Моисе́ови, сыново́м Изра́илевым хоте́ния Своя́: Щедр и Ми́лостив Госпо́дь, Долготерпели́в и Многоми́лостив. Не до конца́ прогне́вается, ниже́ во век вражду́ет, не по беззако́нием на́шым сотвори́л есть нам, ниже́ по грехо́м на́шым возда́л есть нам. Я́ко по высоте́ небе́сней от земли́, утверди́л есть Госпо́дь ми́лость Свою́ на боя́щихся Его́. Ели́ко отстоя́т восто́цы от за́пад, уда́лил есть от нас беззако́ния на́ша. Я́коже ще́дрит оте́ц сы́ны, уще́дри Госпо́дь боя́щихся Его́. Я́ко Той позна́ созда́ние на́ше, помяну́, я́ко персть есмы́. Челове́к, я́ко трава́ дни́е eго́, я́ко цвет се́льный, та́ко оцвете́т, я́ко дух про́йде в нем, и не бу́дет, и не позна́ет ктому́ ме́ста своего́. Ми́лость же Госпо́дня от ве́ка и до ве́ка на боя́щихся Его́, и пра́вда Его́ на сыне́х сыно́в, храня́щих заве́т Его́, и по́мнящих за́поведи Его́ твори́ти я́. Госпо́дь на Небеси́ угото́ва Престо́л Свой, и Ца́рство Его́ все́ми облада́ет. Благослови́те Го́спода вси А́нгели Его́, си́льнии кре́постию, творя́щии сло́во Его́, услы́шати глас слове́с Его́. Благослови́те Го́спода вся Си́лы Его́, слуги́ Его́, творя́щии во́лю Его́. Благослови́те Го́спода вся дела́ Его́, на вся́ком ме́сте влады́чества Его́, благослови́, душе́ моя́, Го́спода.
На вся́ком ме́сте влады́чества Его́, благослови́, душе́ моя́, Го́спода.
  
Псалом 142:
Го́споди, услы́ши моли́тву мою́, внуши́ моле́ние мое́ во и́стине Твое́й, услы́ши мя в пра́вде Твое́й и не вни́ди в суд с рабо́м Твои́м, я́ко не оправди́тся пред Тобо́ю всяк живы́й. Я́ко погна́ враг ду́шу мою́, смири́л есть в зе́млю живо́т мой, посади́л мя есть в те́мных, я́ко ме́ртвыя ве́ка. И уны́ во мне дух мой, во мне смяте́ся се́рдце мое́. Помяну́х дни дре́вния, поучи́хся во всех де́лех Твои́х, в творе́ниих руку́ Твое́ю поуча́хся. Возде́х к Тебе́ ру́це мои́, душа́ моя́, я́ко земля́ безво́дная Тебе́. Ско́ро услы́ши мя, Го́споди, исчезе́ дух мой, не отврати́ лица́ Твоего́ от Мене́, и уподо́блюся низходя́щым в ров. Слы́шану сотвори́ мне зау́тра ми́лость Твою́, я́ко на Тя упова́х. Скажи́ мне, Го́споди, путь во́ньже пойду́, я́ко к Тебе́ взях ду́шу мою́. Изми́ мя от враг мои́х, Го́споди, к Тебе́ прибего́х. Научи́ мя твори́ти во́лю Твою́, я́ко Ты еси́ Бог мой. Дух Твой Благи́й наста́вит мя на зе́млю пра́ву. И́мене Твоего́ ра́ди, Го́споди, живи́ши мя, пра́вдою Твое́ю изведе́ши от печа́ли ду́шу мою́. И ми́лостию Твое́ю потреби́ши враги́ моя́ и погуби́ши вся стужа́ющыя души́ мое́й, я́ко аз раб Твой есмь.
Услы́ши мя, Го́споди, в пра́вде Твое́й и не вни́ди в суд с рабо́м Твои́м.
Услы́ши мя, Го́споди, в пра́вде Твое́й и не вни́ди в суд с рабо́м Твои́м.
Дух Твой Благи́й наста́вит мя на зе́млю пра́ву.
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Аллилу́иа, аллилу́иа, аллилу́иа, сла́ва Тебе́ Бо́же.
(Трижды)

Вели́кая ектения́:

Диа́кон:
Ми́ром Го́споду помо́лимся.
Хор:
Го́споди, поми́луй.
(На каждое прошение)
Диа́кон:
О Свы́шнем ми́ре и спасе́нии душ на́ших, Го́споду помо́лимся.
О ми́ре всего́ ми́ра, благостоя́нии Святы́х Бо́жиих Церкве́й и соедине́нии всех, Го́споду помо́лимся.
О святе́м хра́ме сем и с ве́рою, благогове́нием и стра́хом Бо́жиим входя́щих в онь, Го́споду помо́лимся.
О вели́ком Господи́не и Отце́ на́шем Святе́йшем Патриа́рхе (Имярек), и о Господи́не на́шем, Высокопреосвяще́ннейшем митрополи́те (или: архиепи́скопе, или: преосвяще́ннейшем епи́скопе имяре́к), честне́м пресви́терстве, вo Христе́ диа́констве, о всем при́чте и лю́дех, Го́споду помо́лимся.
О Богохрани́мей стране́ на́шей, власте́х и во́инстве ея́, Го́споду помо́лимся.
О гра́де сем (или о ве́си сей), вся́ком гра́де, стране́ и ве́рою живу́щих в них, Го́споду помо́лимся.
О благорастворе́нии возду́хов, о изоби́лии плодо́в земны́х и вре́менех ми́рных, Го́споду помо́лимся.
О пла́вающих, путеше́ствующих, неду́гующих, стра́ждущих, плене́нных и о спасе́нии их. Го́споду помо́лимся.
О изба́витися нам от вся́кия ско́рби, гне́ва и ну́жды, Го́споду помо́лимся.
Заступи́, спаси́, поми́луй и сохрани́ нас, Бо́же, Твое́ю благода́тию.
Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.
Хор:
Тебе́, Го́споди.
Иере́й:
Я́ко подоба́ет Тебе́ вся́кая сла́ва честь и поклоне́ние, Отцу́ и Сы́ну и Свято́му Ду́ху, ны́не и при́сно и во ве́ки веко́в.
Хор:
Ами́нь.

Бог Господь, Глас 4:

Диа́кон:
Бог Госпо́дь, и яви́ся нам, благослове́н Гряды́й во И́мя Госпо́дне.
Стих 1:
Испове́дайтеся Го́сподеви, я́ко благ, я́ко в век ми́лость Его́.
Хор:
Бог Госпо́дь, и яви́ся нам, благослове́н Гряды́й во И́мя Госпо́дне.
(И далее на каждый стих)
Стих 2:
Обыше́дше обыдо́ша мя, и И́менем Госпо́дним противля́хся им.
Стих 3:
Не умру́, но жив бу́ду, и пове́м дела́ Госпо́дня.
Стих 4:
Ка́мень, Его́же небрего́ша зи́ждущии, Сей бы́сть во главу́ у́гла, от Го́спода бысть Сей, и есть ди́вен во очесе́х на́ших.

Тропарь Священному́ченика Иларио́на, Глас 4:

Святи́телю Христо́в Иларио́не,/ сла́во и похвало́ Це́ркве Ру́сския,/ ра́зум боже́ственный стяжа́в,/ пред безбо́жники Христа́ дерзнове́нно испове́дал еси́,/ Его́же ра́ди страда́ния претерпева́я,/ лю́дем ве́рным возглаша́л еси́:/ без Це́ркве несть спасе́ния.
(Дважды)
Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.
  
Богородичен воскресный из третьего приложения на текущий глас, (глас 1):
Гаврии́лу веща́вшу Тебе́, Де́во, ра́дуйся, / со гла́сом воплоща́шеся всех Влады́ка / в Тебе́, святе́м киво́те, / я́коже рече́ пра́ведный Дави́д, / яви́лася еси́ ши́ршая Небе́с, / поноси́вши Зижди́теля Твоего́. / Сла́ва Все́льшемуся в Тя; / сла́ва Проше́дшему из Тебе́; / сла́ва Свободи́вшему нас Рождество́м Твои́м.

КАФИЗМЫ:

Хор:
Го́споди, поми́луй.
(Трижды)
Сла́ва Отцу́ и Сы́ну и Свято́му Ду́ху.
Чтец:
И ны́не и при́сно и во ве́ки веко́в. Ами́нь.

Кафизма шестаянадесять

Псало́м 109:

Рече́ Госпо́дь Го́сподеви моему́: седи́ одесну́ю Мене́, до́ндеже положу́ враги́ Твоя́ подно́жие но́г Твои́х. Же́зл си́лы по́слет ти́ Госпо́дь от Сио́на, и госпо́дствуй посреде́ враго́в Твои́х. С Тобо́ю на́чало в де́нь си́лы Твоея́, во све́тлостех святы́х Твои́х, из чре́ва пре́жде денни́цы роди́х Тя́. Кля́тся Госпо́дь и не раска́ется: Ты́ иере́й во ве́к, по чи́ну Мелхиседе́кову. Госпо́дь одесну́ю Тебе́ сокруши́л е́сть в де́нь гне́ва Своего́ цари́. Су́дит во язы́цех, испо́лнит паде́ния, сокруши́т главы́ на земли́ мно́гих. От пото́ка на пути́ пие́т, сего́ ра́ди вознесе́т главу́.

Псало́м 110:

Испове́мся Тебе́, Го́споди, все́м се́рдцем мои́м в сове́те пра́вых и со́нме. Ве́лия дела́ Госпо́дня, изы́скана во все́х во́лях Его́. Испове́дание и великоле́пие де́ло Его́ и пра́вда Его́ пребыва́ет в ве́к ве́ка. Па́мять сотвори́л е́сть чуде́с Свои́х, ми́лостив и ще́др Госпо́дь. Пи́щу даде́ боя́щымся Его́, помяне́т в ве́к заве́т Сво́й. Кре́пость де́л Свои́х возвести́ лю́дем Свои́м, да́ти и́м достоя́ние язы́к. Дела́ ру́к Его́ и́стина и су́д, ве́рны вся́ за́поведи Его́, утверже́ны в ве́к ве́ка, сотворе́ны во и́стине и правоте́. Избавле́ние посла́ лю́дем Свои́м: запове́да в ве́к заве́т Сво́й; свя́то и стра́шно и́мя Его́. Нача́ло прему́дрости стра́х Госпо́день, ра́зум же бла́г все́м творя́щым и́. Хвала́ Его́ пребыва́ет в ве́к ве́ка.

Псало́м 111:

Блаже́н му́ж, боя́йся Го́спода, в за́поведех Его́ восхо́щет зело́. Си́льно на земли́ бу́дет се́мя eго́, ро́д пра́вых благослови́тся: сла́ва и бога́тство в дому́ eго́, и пра́вда eго́ пребыва́ет в ве́к ве́ка. Возсия́ во тме́ све́т пра́вым, ми́лостив и ще́др, и пра́веден. Бла́г му́ж, ще́дря и дая́: устро́ит словеса́ своя́ на суде́, я́ко в ве́к не подви́жится. В па́мять ве́чную бу́дет пра́ведник. От слу́ха зла́ не убои́тся, гото́во се́рдце eго́ упова́ти на Го́спода. Утверди́ся се́рдце eго́, не убои́тся, до́ндеже воззри́т на враги́ своя́. Расточи́, даде́ убо́гим, пра́вда eго́ пребыва́ет во ве́к ве́ка, ро́г eго́ вознесе́тся в сла́ве. Гре́шник у́зрит и прогне́вается, зубы́ свои́ми поскреже́щет и раста́ет, жела́ние гре́шника поги́бнет.
Чтец:
Сла́ва Отцу́ и Сы́ну и Свято́му Ду́ху.
Хор:
И ны́не и при́сно и во ве́ки веко́в. Ами́нь.
Аллилу́иа, аллилу́иа, аллилу́иа, сла́ва Тебе́ Бо́же.
(Трижды)
Го́споди, поми́луй.
(Трижды)
Сла́ва Отцу́ и Сы́ну и Свято́му Ду́ху.
Чтец:
И ны́не и при́сно и во ве́ки веко́в. Ами́нь.

Псало́м 112:

Хвали́те, о́троцы, Го́спода, хвали́те и́мя Госпо́дне. Бу́ди и́мя Госпо́дне благослове́нно отны́не и до ве́ка. От восто́к со́лнца до за́пад хва́льно и́мя Госпо́дне. Высо́к над все́ми язы́ки Госпо́дь: над небесы́ сла́ва Его́. Кто́ я́ко Го́сподь Бо́г на́ш́ На высо́ких живы́й и на смире́нныя призира́яй на небеси́ и на земли́, воздвиза́яй от земли́ ни́ща и от гно́ища возвыша́яй убо́га, посади́ти eго́ с кня́зи, с кня́зи люде́й свои́х, вселя́я непло́довь в до́м, ма́терь о ча́дех веселя́щуся.

Псало́м 113:

Во исхо́де Изра́илеве от Еги́пта, до́му Иа́ковля из люде́й ва́рвар, бы́сть Иуде́а святы́ня Его́, Изра́иль о́бласть Eго́. Мо́ре ви́де и побеже́, Иорда́н возврати́ся вспя́ть, го́ры взыгра́шася, я́ко овни́, и хо́лми, я́ко а́гнцы о́вчии. Что́ ти́ е́сть, мо́ре, я́ко побе́гло еси́́ И тебé, Иорда́не, я́ко возврати́лся еси́ вспя́ть́ Го́ры, я́ко взыгра́стеся, я́ко овни́, и хо́лми, я́ко а́гнцы о́вчии́ От лица́ Госпо́дня подви́жеся земля́, от лица́ Бо́га Иа́ковля, обра́щшаго ка́мень во езе́ра водна́я и несеко́мый во исто́чники водны́я. Не на́м, Го́споди, не на́м, но и́мени Твоему́ да́ждь сла́ву, о ми́лости Твое́й и и́стине Твое́й. Да не когда́ реку́т язы́цы: где́ е́сть Бо́г и́х́ Бо́г же на́ш на небеси́ и на земли́, вся́ ели́ка восхоте́, сотвори́. И́доли язы́к сребро́ и зла́то, дела́ ру́к челове́ческих. Уста́ и́мут, и не возглаго́лют, о́чи и́мут и не у́зрят, у́ши и́мут, и не услы́шат, но́здри и́мут, и не обоня́ют, ру́це и́мут, и не ося́жут, но́зе и́мут, и не по́йдут, не возглася́т горта́нем свои́м. Подо́бни и́м да бу́дут творя́щии я́, и вси́ наде́ющиися на ня́. До́м Изра́илев упова́ на Го́спода: помо́щник и защи́титель и́м е́сть. До́м Ааро́нь упова́ на Го́спода: помо́щник и защи́титель и́м е́сть. Боя́щиися Го́спода упова́ша на Го́спода: помо́щник и защи́титель и́м е́сть. Госпо́дь помяну́в ны́ благослови́л е́сть на́с, благослови́л е́сть до́м Изра́илев, благослови́л е́сть до́м Ааро́нь, благослови́л е́сть боя́щыяся Го́спода, ма́лыя с вели́кими. Да приложи́т Госпо́дь на вы́, на вы́ и на сы́ны ва́ша. Благослове́ни вы́ Го́сподеви, сотво́ршему не́бо и зе́млю. Небо́ небесе́ Го́сподеви, землю́ же даде́ сыново́м челове́ческим. Не ме́ртвии восхва́лят Тя́, Го́споди, ниже́ вси́ низходя́щии во а́д, но мы́, живи́и, благослови́м Го́спода отны́не и до ве́ка.

Псало́м 114:

Возлюби́х, я́ко услы́шит Госпо́дь гла́с моле́ния моего́, я́ко приклони́ у́хо Свое́ мне́, и во дни́ моя́ призову́. Объя́ша мя́ боле́зни сме́ртныя, бе́ды а́довы обрето́ша мя́, ско́рбь и боле́знь обрето́х, и и́мя Госпо́дне призва́х: о, Го́споди, изба́ви ду́шу мою́. Ми́лостив Госпо́дь и пра́веден, и Бо́г на́ш ми́лует. Храня́й младе́нцы Госпо́дь: смири́хся, и спасе́ мя́. Обрати́ся, душе́ моя́, в поко́й тво́й, я́ко Госпо́дь благоде́йствова тя́. Я́ко изъя́т ду́шу мою́ от сме́рти, о́чи мои́ от сле́з и но́зе мои́ от поползнове́ния. Благоугожду́ пред Го́сподем во стране́ живы́х.
Чтец:
Сла́ва Отцу́ и Сы́ну и Свято́му Ду́ху.
Хор:
И ны́не и при́сно и во ве́ки веко́в. Ами́нь.
Аллилу́иа, аллилу́иа, аллилу́иа, сла́ва Тебе́ Бо́же.
(Трижды)
Го́споди, поми́луй.
(Трижды)
Сла́ва Отцу́ и Сы́ну и Свято́му Ду́ху.
Чтец:
И ны́не и при́сно и во ве́ки веко́в. Ами́нь.

Псало́м 115:

Ве́ровах, те́мже возглаго́лах, а́з же смири́хся зело́. А́з же ре́х во изступле́нии мое́м: вся́к челове́к ло́жь. Что́ возда́м Го́сподеви о все́х, я́же воздаде́ ми́́ Ча́шу спасе́ния прииму́ и и́мя Госпо́дне призову́, моли́твы моя́ Го́сподеви возда́м пред все́ми людьми́ Его́. Честна́ пред Го́сподем сме́рть преподо́бных Его́. О, Го́споди, а́з ра́б Тво́й, а́з ра́б Тво́й и сы́н рабы́ни Твоея́; растерза́л еси́ у́зы моя́. Тебе́ пожру́ же́ртву хвалы́, и во и́мя Госпо́дне призову́. Моли́твы моя́ Го́сподеви возда́м пред все́ми людьми́ Его́, во дво́рех до́му Госпо́дня, посреде́ тебе́, Иерусали́ме.

Псало́м 116:

Хвали́те Го́спода вси́ язы́цы, похвали́те Его́ вси́ лю́дие, я́ко утверди́ся ми́лость Его́ на на́с, и и́стина Госпо́дня пребыва́ет во ве́к.

Псало́м 117:

Испове́дайтеся Го́сподеви, я́ко бла́г, я́ко в ве́к ми́лость Его́. Да рече́т у́бо до́м Изра́илев: я́ко бла́г, я́ко в ве́к ми́лость Его́. Да рече́т у́бо до́м Ааро́нь: я́ко бла́г, я́ко в ве́к ми́лость Его́. Да реку́т у́бо вси́ боя́щиися Го́спода: я́ко бла́г, я́ко в ве́к ми́лость Его́. От ско́рби призва́х Го́спода, и услы́ша мя́ в простра́нство. Госпо́дь мне́ помо́щник, и не убою́ся, что́ сотвори́т мне́ челове́к. Госпо́дь мне́ помо́щник, и а́з воззрю́ на враги́ моя́. Бла́го е́сть наде́ятися на Го́спода, не́жели наде́ятися на челове́ка. Бла́го е́сть упова́ти на Го́спода, не́жели упова́ти на кня́зи. Вси́ язы́цы обыдо́ша мя́, и и́менем Госпо́дним противля́хся и́м, обыше́дше обыдо́ша мя́, и и́менем Госпо́дним противля́хся и́м, обыдо́ша мя́, я́ко пче́лы со́т, и разгоре́шася, я́ко о́гнь в те́рнии, и и́менем Госпо́дним противля́хся и́м. Отринове́н преврати́хся па́сти, и Госпо́дь прия́т мя́. Кре́пость моя́ и пе́ние мое́ Госпо́дь, и бы́сть ми́ во спасе́ние. Гла́с ра́дости и спасе́ния в селе́ниих пра́ведных: десни́ца Госпо́дня сотвори́ си́лу. Десни́ца Госпо́дня вознесе́ мя́, десни́ца Госпо́дня сотвори́ си́лу. Не умру́, но жи́в бу́ду, и пове́м дела́ Госпо́дня. Наказу́я наказа́ мя́ Госпо́дь, сме́рти же не предаде́ мя́. Отве́рзите мне врата́ пра́вды, вше́д в ня́ испове́мся Го́сподеви. Сия́ врата́ Госпо́дня, пра́веднии вни́дут в ня́. Испове́мся Тебе́, я́ко услы́шал мя́ еси́, и бы́л еси́ мне́ во спасе́ние. Ка́мень, eго́же небрего́ша зи́ждущии, се́й бы́сть во главу́ у́гла: от Го́спода бы́сть се́й, и е́сть ди́вен во очесе́х на́ших. Се́й де́нь, eго́же сотвори́ Госпо́дь, возра́дуемся и возвесели́мся во́нь. О, Го́споди, спаси́ же, о Го́споди, поспеши́ же. Благослове́н гряды́й во и́мя Госпо́дне, благослови́хом вы́ из до́му Госпо́дня. Бо́г Госпо́дь, и яви́ся на́м: соста́вите пра́здник во учаща́ющих до ро́г олтаре́вых. Бо́г мо́й еси́ Ты́, и испове́мся Тебе́, Бо́г мо́й еси́ Ты́, и вознесу́ Тя́. Испове́мся Тебе́, я́ко услы́шал мя́ еси́, и бы́л еси́ мне́ во спасе́ние. Испове́дайтеся Го́сподеви, я́ко бла́г, я́ко в ве́к ми́лость Его́.
Чтец:
Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.
Аллилу́иа, аллилу́иа, аллилу́иа, сла́ва Тебе́ Бо́же.
(Три́жды)

Ектения́ ма́лая:

Диа́кон:
Па́ки и па́ки ми́ром Го́споду помо́лимся.
Хор:
Го́споди, поми́луй.
Диа́кон:
Заступи́, спаси́, поми́луй и сохрани́ нас, Бо́же, Твое́ю благода́тию.
Хор:
Го́споди, поми́луй.
Диа́кон:
Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.
Хор:
Тебе́, Го́споди.
Иере́й:
Я́ко Твоя́ держа́ва, и Твое́ есть Ца́рство, и си́ла, и сла́ва, Отца́ и Сы́на и Свята́го Ду́ха, ны́не и при́сно и во ве́ки веко́в.
Хор:
Ами́нь.

Седален по 1-м стихословии Священному́ченика Иларио́на , Глас 6:

Му́дрость че́стну не мно́гими ле́ты, но скорбьми́ и страда́ньми стяжа́л еси́, Иларио́не свя́те, и Бо́га чи́стым ра́зумом позна́л еси́, помози́ и нам прича́стники Боже́ственныя прему́дрости соде́латися.
(Дважды)
Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.
Богородичен:
О, Пресвятáя Де́во, Цари́це Небе́сная, из Тебе́ воплоти́ся Боже́ственное Сло́во, и Челове́к бысть, да мы обожи́мся.
Го́споди, поми́луй.
(Трижды)
Сла́ва Отцу́ и Сы́ну и Свято́му Ду́ху.
Чтец:
И ны́не и при́сно и во ве́ки веко́в. Ами́нь.

Кафизма седмаянадесять

  
На 17-й кафизме иерей совершает полное каждение храма, как на «Господи, воззвах»; царские врата остаются закрытыми (см. Типикон, гл. 12).

Псало́м 118:

Бла́жени непоро́чнии в пу́ть , ходя́щии в зако́не Госпо́дни. Блаже́ни испыта́ющии свиде́ния Его́, все́м се́рдцем взы́щут Его́, не де́лающии бо беззако́ния, в путе́х Его́ ходи́ша. Ты́ запове́дал еси́ за́поведи Твоя́ сохрани́ти зело́. Дабы́ испра́вилися путие́ мои́, сохрани́ти оправда́ния Твоя́. Тогда́ не постыжу́ся, внегда́ призре́ти ми́ на вся́ за́поведи Твоя́. Испове́мся Тебе́ в пра́вости се́рдца, внегда́ научи́ти ми́ ся́ судьба́м пра́вды Твоея́. Оправда́ния Твоя́ сохраню́, не оста́ви мене́ до зела́. В чесо́м испра́вит юне́йший пу́ть сво́й; внегда́ сохрани́ти словеса́ Твоя́. Все́м се́рдцем мои́м взыска́х Тебе́, не отри́ни мене́ от за́поведей Твои́х. В се́рдце мое́м скры́х словеса́ Твоя́, я́ко да не согрешу́ Тебе́. Благослове́н еси́, Го́споди: научи́ мя́ оправда́нием Твои́м. Устна́ма мои́ма возвести́х вся́ судьбы́ у́ст Твои́х. На пути́ свиде́ний Твои́х наслади́хся, я́ко о вся́ком бога́тстве. В за́поведех Твои́х поглумлю́ся , и уразуме́ю пути́ Твоя́. Во оправда́ниих Твои́х поучу́ся, не забу́ду слове́с Твои́х. Возда́ждь рабу́ Твоему́: живи́ мя́, и сохраню́ словеса́ Твоя́. Откры́й о́чи мои́, и уразуме́ю чуде́са от зако́на Твоего́. Пришле́ц а́з е́смь на земли́: не скры́й от Мене́ за́поведи Твоя́. Возлюби́ душа́ моя́ возжела́ти судьбы́ Твоя́ на вся́кое вре́мя. Запрети́л еси́ го́рдым: про́кляти уклоня́ющиися от за́поведей Твои́х. Отьими́ от Мене́ поно́с и уничиже́ние, я́ко свиде́ний Твои́х взыска́х. И́бо седо́ша кня́зи, и на мя́ клевета́ху, ра́б же Тво́й глумля́шеся во оправда́ниих Твои́х: И́бо свиде́ния Твоя́ поуче́ние мое́ е́сть, и сове́ти мои́ оправда́ния Твоя́. Прильпе́ земли́ душа́ моя́: живи́ мя́ по словеси́ Твоему́. Пути́ моя́ возвести́х, и услы́шал мя́ еси́: научи́ мя́ оправда́нием Твои́м: Пу́ть оправда́ний Твои́х вразуми́ ми́, и поглумлю́ся в чудесе́х Твои́х. Воздрема́ душа́ моя́ от уны́ния: утверди́ мя́ в словесе́х Твои́х. Пу́ть непра́вды отста́ви от Мене́, и зако́ном Твои́м поми́луй мя́. Пу́ть и́стины изво́лих, и судьбы́ Твоя́ не забы́х. Прилепи́хся свиде́нием Твои́м, Го́споди, не посрами́ мене́. Пу́ть за́поведей Твои́х теко́х, егда́ расши́рил еси́ се́рдце мое́. Законоположи́ мне́, Го́споди, пу́ть оправда́ний Твои́х, и взыщу́ и вы́ну: Вразуми́ мя́, и испыта́ю зако́н Тво́й, и сохраню́ и́ все́м се́рдцем мои́м. Наста́ви мя́ на стезю́ за́поведей Твои́х, я́ко ту́ю восхоте́х. Приклони́ се́рдце мое́ во свиде́ния Твоя́, а не в лихои́мство. Отврати́ о́чи мои́, е́же не ви́дети суеты́, в пути́ Твое́м живи́ мя́. Постави́ рабу́ Твоему́ сло́во Твое́ в стра́х Тво́й. Отьими́ поноше́ние мое́, е́же непщева́х: я́ко судьбы́ Твоя́ бла́ги. Се́ возжела́х за́поведи Твоя́, в пра́вде Твое́й живи́ мя́. И да прии́дет на мя́ ми́лость Твоя́, Го́споди, спасе́ние Твое́ по словеси́ Твоему́. И отвеща́ю поноша́ющым ми́ сло́во: я́ко упова́х на словеса́ Твоя́. И не отьими́ от у́ст мои́х словесе́ и́стинна до зела́, я́ко на судьбы́ Твоя́ упова́х. И сохраню́ зако́н Тво́й вы́ну, в ве́к и в ве́к ве́ка. И хожда́х в широ́те, я́ко за́поведи Твоя́ взыска́х. И глаго́лах о свиде́ниих Твои́х пред цари́, и не стыдя́хся: И поуча́хся в за́поведех Твои́х, я́же возлюби́х зело́: И воздвиго́х ру́це мои́ к за́поведем Твои́м, я́же возлюби́х, и глумля́хся во оправда́ниих Твои́х. Помяни́ словеса́ Твоя́ рабу́ Твоему́, и́хже упова́ние да́л ми́ еси́. То́ мя́ уте́ши во смире́нии мое́м, я́ко сло́во Твое́ живи́ мя́. Го́рдии законопресту́поваху до зела́: от зако́на же Твоего́ не уклони́хся. Помяну́х судьбы́ Твоя́ от ве́ка, Го́споди, и уте́шихся. Печа́ль прия́т мя́ от гре́шник, оставля́ющих зако́н Тво́й. Пе́та бя́ху мне́ оправда́ния Твоя́, на ме́сте прише́льствия моего́. Помяну́х в нощи́ и́мя Твое́, Го́споди, и сохрани́х зако́н Тво́й. Се́й бы́сть мне́, я́ко оправда́ний Твои́х взыска́х. Ча́сть моя́ еси́, Го́споди, ре́х сохрани́ти зако́н Тво́й. Помоли́хся лицу́ Твоему́ все́м се́рдцем мои́м: поми́луй мя́ по словеси́ Твоему́. Помы́слих пути́ Твоя́, и возврати́х но́зе мои́ во свиде́ния Твоя́. Угото́вихся и не смути́хся сохрани́ти за́поведи Твоя́. У́жя гре́шник обяза́шася мне́, и зако́на Твоего́ не забы́х. Полу́нощи воста́х испове́датися Тебе́ о судьба́х пра́вды Твоея́. Прича́стник а́з е́смь все́м боя́щымся Тебе́, и храня́щым за́поведи Твоя́. Ми́лости Твоея́, Го́споди, испо́лнь земля́: оправда́нием Твои́м научи́ мя́. Бла́гость сотвори́л еси́ с рабо́м Твои́м, Го́споди, по словеси́ Твоему́. Бла́гости, и наказа́нию и ра́зуму научи́ мя́, я́ко за́поведем Твои́м ве́ровах. Пре́жде да́же не смири́ти ми́ ся́, а́з прегреши́х: сего́ ра́ди сло́во Твое́ сохрани́х. Бла́г еси́ Ты́, Го́споди, и бла́гостию Твое́ю научи́ мя́ оправда́нием Твои́м. Умно́жися на мя́ непра́вда го́рдых, а́з же все́м се́рдцем мои́м испыта́ю за́поведи Твоя́. Усыри́ся я́ко мле́ко се́рдце и́х, а́з же зако́ну Твоему́ поучи́хся. Бла́го мне́, я́ко смири́л мя́ еси́, я́ко да научу́ся оправда́нием Твои́м. Бла́г мне зако́н у́ст Твои́х, па́че ты́сящ злата́ и сребра́.
Чтец:
Сла́ва Отцу́ и Сы́ну и Свято́му Ду́ху.
Хор:
И ны́не и при́сно и во ве́ки веко́в. Ами́нь.
Аллилу́иа, аллилу́иа, аллилу́иа, сла́ва Тебе́ Бо́же.
(Трижды)
Го́споди, поми́луй.
(Трижды)
Сла́ва Отцу́ и Сы́ну и Свято́му Ду́ху.
Чтец:
И ны́не и при́сно и во ве́ки веко́в. Ами́нь.
Ру́це Твои́ сотвори́сте мя́, и созда́сте мя́: вразуми́ мя́, и научу́ся за́поведем Твои́м. Боя́щиися Тебе́ у́зрят мя́ и возвеселя́тся, я́ко на словеса́ Твоя́ упова́х. Разуме́х Го́споди, я́ко пра́вда судьбы́ Твоя́, и вои́стинну смири́л мя́ еси́. Бу́ди же ми́лость Твоя́, да уте́шит мя́ по словеси́ Твоему́ рабу́ Твоему́. Да прии́дут мне́ щедро́ты Твоя́, и жи́в бу́ду, я́ко зако́н Тво́й поуче́ние мое́ е́сть. Да постыдя́тся го́рдии, я́ко непра́ведно беззако́нноваша на мя́, а́з же поглумлю́ся в за́поведех Твои́х. Да обратя́т мя́ боя́щиися Тебе́, и ве́дящии свиде́ния Твоя́. Бу́ди се́рдце мое́ непоро́чно во оправда́ниих Твои́х, я́ко да не постыжу́ся. Исчеза́ет во спасе́ние Твое́ душа́ моя́, на словеса́ Твоя́ упова́х. Исчезо́ша о́чи мои́ в сло́во Твое́, глаго́люще: когда́ уте́шиши мя́́ Зане́ бы́х я́ко ме́х на сла́не: оправда́ний Твои́х не забы́х. Коли́ко е́сть дне́й раба́ Твоего́́ Когда́ сотвори́ши ми́ от гоня́щих мя́ су́д́ Пове́даша мне́ законопресту́пницы глумле́ния, но не я́ко зако́н Тво́й, Го́споди. Вся́ за́поведи Твоя́ и́стина: непра́ведно погна́ша мя́, помози́ ми́. Вма́ле не сконча́ша мене́ на земли́: а́з же не оста́вих за́поведей Твои́х. По ми́лости Твое́й живи́ мя́, и сохраню́ сви́дения у́ст Твои́х. Во ве́к, Го́споди, сло́во Твое́ пребыва́ет на небеси́. В ро́д и ро́д и́стина Твоя́. Основа́л еси́ зе́млю, и пребыва́ет. Учине́нием Твои́м пребыва́ет де́нь, я́ко вся́ческая рабо́тна Тебе́. Я́ко а́ще бы не зако́н Тво́й поуче́ние мое́ бы́л, тогда́ у́бо поги́бл бы́х во смире́нии мое́м. Во ве́к не забу́ду оправда́ний Твои́х, я́ко в ни́х оживи́л мя́ еси́.
[Среда́:]
Тво́й е́смь а́з, спаси́ мя́, я́ко оправда́ний Твои́х взыска́х. Мене́ жда́ша гре́шницы погуби́ти мя́, свиде́ния Твоя́ разуме́х. Вся́кия кончи́ны ви́дех коне́ц, широка́ за́поведь Твоя́ зело́. Ко́ль возлюби́х зако́н Тво́й, Го́споди, ве́сь де́нь поуче́ние мое́ е́сть. Па́че вра́г мои́х умудри́л мя́ еси́ за́поведию Твое́ю, я́ко в ве́к моя́ е́сть. Па́че все́х уча́щих мя́ разуме́х, я́ко свиде́ния Твоя́ поуче́ние мое́ е́сть. Па́че ста́рец разуме́х, я́ко за́поведи Твоя́ взыска́х. От вся́каго пути́ лука́ва возбрани́х нога́м мои́м, я́ко да сохраню́ словеса́ Твоя́. От суде́б Твои́х не уклони́хся, я́ко Ты́ законоположи́л ми́ еси́. Ко́ль сладка́ горта́ни моему́ словеса́ Твоя́, па́че ме́да усто́м мои́м. От за́поведей Твои́х разуме́х, сего́ ра́ди возненави́дех вся́к пу́ть непра́вды. Свети́льник нога́ма мои́ма зако́н Тво́й, и све́т стезя́м мои́м. Кля́хся и поста́вих сохрани́ти судьбы́ пра́вды Твоея́. Смири́хся до зела́, Го́споди, живи́ мя́ по словеси́ Твоему́. Во́льная у́ст мои́х благоволи́ же, Го́споди, и судьба́м Твои́м научи́ мя́. Душа́ моя́ в руку́ Твое́ю вы́ну, и зако́на Твоего́ не забы́х. Положи́ша гре́шницы се́ть мне́, и от за́поведей Твои́х не заблуди́х. Насле́довах свиде́ния Твоя́ во ве́к, я́ко ра́дование се́рдца моего́ су́ть. Приклони́х се́рдце мое́ сотвори́ти оправда́ния Твоя́ в ве́к за воздая́ние. Законопресту́пныя возненави́дех, зако́н же Тво́й возлюби́х. Помо́щник мо́й и засту́пник мо́й еси́ Ты́, на словеса́ Твоя́ упова́х. Уклони́теся от Мене́ лука́внующии, и испыта́ю за́поведи Бо́га моего́. Заступи́ мя́ по словеси́ Твоему́, и жи́в бу́ду, и не посрами́ мене́ от ча́яния моего́. Помози́ ми́, и спасу́ся, и поучу́ся во оправда́ниих Твои́х вы́ну. Уничижи́л еси́ вся́ отступа́ющия от оправда́ний Твои́х, я́ко непра́ведно помышле́ние и́х. Преступа́ющия непщева́х вся́ гре́шныя земли́, сего́ ра́ди возлюби́х свиде́ния Твоя́. Пригвозди́ стра́ху Твоему́ пло́ти моя́, от суде́б бо Твои́х убоя́хся. Сотвори́х су́д и пра́вду, не преда́ждь мене́ оби́дящым мя́. Восприими́ раба́ Твоего́ во бла́го, да не оклевета́ют мене́ го́рдии. О́чи мои́ исчезо́сте во спасе́ние Твое́, и в сло́во пра́вды Твоея́. Сотвори́ с рабо́м Твои́м по ми́лости Твое́й, и оправда́нием Твои́м научи́ мя́. Ра́б Тво́й е́смь а́з: вразуми́ мя́, и уве́м свиде́ния Твоя́. Вре́мя сотвори́ти Го́сподеви: разори́ша зако́н Тво́й. Сего́ ра́ди возлюби́х за́поведи Твоя́ па́че зла́та и топа́зия. Сего́ ра́ди ко все́м за́поведем Твои́м направля́хся, вся́к пу́ть непра́вды возненави́дех. Ди́вна свиде́ния Твоя́, сего́ ра́ди испыта́ я́ душа́ моя́. Явле́ние слове́с Твои́х просвеща́ет и вразумля́ет младе́нцы. Уста́ моя́ отверзо́х, и привлеко́х ду́х, я́ко за́поведей Твои́х жела́х.
Чтец:
Сла́ва Отцу́ и Сы́ну и Свято́му Ду́ху.
Хор:
И ны́не и при́сно и во ве́ки веко́в. Ами́нь.
Аллилу́иа, аллилу́иа, аллилу́иа, сла́ва Тебе́ Бо́же.
(Трижды)
Го́споди, поми́луй.
(Трижды)
Сла́ва Отцу́ и Сы́ну и Свято́му Ду́ху.
Чтец:
И ны́не и при́сно и во ве́ки веко́в. Ами́нь.
При́зри на мя́ и поми́луй мя́, по суду́ лю́бящих и́мя Твое́. Стопы́ моя́ напра́ви по словеси́ Твоему́, и да не облада́ет мно́ю вся́кое беззако́ние. Изба́ви мя́ от клеветы́ челове́ческия, и сохраню́ за́поведи Твоя́. Лице́ Твое́ просвети́ на раба́ Твоего́, и научи́ мя́ оправда́нием Твои́м. Исхо́дища водна́я изведо́сте о́чи мои́, поне́же не сохрани́х зако́на Твоего́. Пра́веден еси́, Го́споди, и пра́ви суди́ Твои́. Запове́дал еси́ пра́вду свиде́ния Твоя́, и и́стину зело́. Иста́яла мя́ е́сть ре́вность Твоя́, я́ко забы́ша словеса́ Твоя́ врази́ мои́. Разжже́но сло́во Твое́ зело́, и ра́б Тво́й возлюби́ е́. Юне́йший а́з е́смь и уничиже́н, оправда́ний Твои́х не забы́х. Пра́вда Твоя́ пра́вда во ве́к, и зако́н Тво́й и́стина. Ско́рби и ну́жды обрето́ша мя́, за́поведи Твоя́ поуче́ние мое́. Пра́вда свиде́ния Твоя́ в ве́к, вразуми́ мя́, и жи́в бу́ду. Воззва́х все́м се́рдцем мои́м, услы́ши мя́, Го́споди, оправда́ния Твоя́ взыщу́. Воззва́х Ти́, спаси́ мя́, и сохраню́ свиде́ния Твоя́. Предвари́х в безго́дии и воззва́х, на словеса́ Твоя́ упова́х. Предвари́сте о́чи мои́ ко у́тру, поучи́тися словесе́м Твои́м. Гла́с мо́й услы́ши, Го́споди, по ми́лости Твое́й: по судьбе́ Твое́й живи́ мя́. Прибли́жишася гоня́щии мя́ беззако́нием, от зако́на же Твоего́ удали́шася. Бли́з еси́ Ты́, Го́споди, и вси́ путие́ Твои́ и́стина. Испе́рва позна́х от свиде́ний Твои́х, я́ко в ве́к основа́л я́ еси́. Ви́ждь смире́ние мое́ и изми́ мя́, я́ко зако́на Твоего́ не забы́х. Суди́ су́д мо́й и изба́ви мя́, словесе́ ра́ди Твоего́ живи́ мя́. Дале́че от гре́шник спасе́ние, я́ко оправда́ний Твои́х не взыска́ша. Щедро́ты Твоя́ мно́ги, Го́споди, по судьбе́ Твое́й живи́ мя́. Мно́зи изгоня́щии мя́ и стужа́ющии ми́, от свиде́ний Твои́х не уклони́хся. Ви́дех неразумева́ющия и иста́ях, я́ко слове́с Твои́х не сохрани́ша. Ви́ждь, я́ко за́поведи Твоя́ возлюби́х, Го́споди, по ми́лости Твое́й живи́ мя́. Нача́ло слове́с Твои́х и́стина, и во ве́к вся́ судьбы́ пра́вды Твоея́. Кня́зи погна́ша мя́ ту́не, и от слове́с Твои́х убоя́ся се́рдце мое́. Возра́дуюся а́з о словесе́х Твои́х, я́ко обрета́яй коры́сть мно́гу. Непра́вду возненави́дех и омерзи́х, зако́н же Тво́й возлюби́х. Седмери́цею дне́м хвали́х Тя́ о судьба́х пра́вды Твоея́. Ми́р мно́г лю́бящым зако́н Тво́й, и не́сть и́м собла́зна. Ча́ях спасе́ния Твоего́, Го́споди, и за́поведи Твоя́ возлюби́х. Сохрани́ душа́ моя́ свиде́ния Твоя́ и возлюби́ я́ зело́. Сохрани́х за́поведи Твоя́ и свиде́ния Твоя́, я́ко вси́ путие́ мои́ пред Тобо́ю, Го́споди. Да прибли́жится моле́ние мое́ пред Тя́, Го́споди, по словеси́ Твоему́ вразуми́ мя́. Да вни́дет проше́ние мое́ пред Тя́, Го́споди, по словеси́ Твоему́ изба́ви мя́. Отры́гнут устне́ мои́ пе́ние, егда́ научи́ши мя́ оправда́нием Твои́м. Провеща́ет язы́к мо́й словеса́ Твоя́, я́ко вся́ за́поведи Твоя́ пра́вда. Да бу́дет рука́ Твоя́ е́же спасти́ мя́, я́ко за́поведи Твоя́ изво́лих. Возжела́х спасе́ние Твое́, Го́споди, и зако́н Тво́й поуче́ние мое́ е́сть. Жива́ бу́дет душа́ моя́ и восхва́лит Тя́, и судьбы́ Твоя́ помо́гут мне́. Заблуди́х, я́ко овча́ поги́бшее, взыщи́ раба́ Твоего́, я́ко за́поведей Твои́х не забы́х.
Чтец:
Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.
Аллилу́иа, аллилу́иа, аллилу́иа, сла́ва Тебе́ Бо́же.
(Три́жды)

Ектения́ ма́лая:

Диа́кон:
Па́ки и па́ки ми́ром Го́споду помо́лимся.
Хор:
Го́споди, поми́луй.
Диа́кон:
Заступи́, спаси́, поми́луй и сохрани́ нас, Бо́же, Твое́ю благода́тию.
Хор:
Го́споди, поми́луй.
Диа́кон:
Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.
Хор:
Тебе́, Го́споди.
Иере́й:
Я́ко благ и человеколю́бец Бог еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.
Хор:
Ами́нь.

Седален по 2-м стихословии Священному́ченика Иларио́на , Глас 4:

Днесь оби́тель Сре́тенская све́тло торжеству́ет, кре́пкаго моли́твенника и пред Бо́гом те́плаго хода́тая тя иму́щи, святи́телю Иларио́не, ты бо в годи́ну гоне́ний и ерети́ческих нападе́ний оби́тель сию́ до́бре упа́сл еси́.
(Дважды)
Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.
Богородичен:
Пресвята́я Богоро́дице, Заре́ све́тлая Трисия́тельнаго Све́та, Тобо́ю гра́ды и оби́тели утвержда́ются, сове́ты вра́жия посрамля́ются, сердца́ ве́рных чистото́ю и любо́вию просвеща́ются, супоста́ты низлага́ются. Пода́ждь и нам побе́ды на враги́ и спаси́ ду́ши на́ша.

Полиеле́й:

Хор:
Хвали́те И́мя Госпо́дне, хвали́те, раби́ Го́спода.
Аллилу́иа, аллилу́иа, аллилу́иа.
Благослове́н Госпо́дь от Сио́на, живы́й во Иерусали́ме.
Аллилу́иа, аллилу́иа, аллилу́иа.
Испове́дайтеся Го́сподеви, я́ко Благ, я́ко в век ми́лость Его́.
Аллилу́иа, аллилу́иа, аллилу́иа.
Испове́дайтеся Бо́гу Небе́сному, я́ко в век ми́лость Его́.
Аллилу́иа, аллилу́иа, аллилу́иа.

Величание Священному́ченика Иларио́на:

Духовенство
Велича́ем тя, священному́чениче Иларио́не, и чтим честна́я страда́ния твоя́, я́же за Христа́ претерпе́л еси́.
Хор:
Велича́ем тя, священному́чениче Иларио́не, и чтим честна́я страда́ния твоя́, я́же за Христа́ претерпе́л еси́.

Псало́м избра́нный:

Хор:
Бог нам прибе́жище и си́ла, / Помо́щник в скорбе́х, обре́тших ны зело́. / Сего́ ра́ди не убои́мся, внегда́ смуща́ется земля́. / Бо́же, кто уподо́бится Тебе́? Да не премолчи́ши, ниже́ укроти́ши, Бо́же. / Я́ко Тебе́ ра́ди умерщвля́еми есмы́ весь день. / Вмени́хомся, я́ко о́вцы заколе́ния. / Положи́л еси́ нас в при́тчу во язы́цех. / И бых язве́н весь день. / Разже́гл еси́ ны, я́коже разжиза́ется сребро́. / Проидо́хом сквозе́ огнь и во́ду, и изве́л еси́ нас в поко́й. / Весели́теся о Го́споде и ра́дуйтеся, пра́веднии. / Я́ко Госпо́дь в ро́де пра́ведных, / и насле́дие их в век бу́дет. / Воззва́ша пра́веднии, и Госпо́дь услы́ша их. / Свет возсия́ пра́веднику, и пра́вым се́рдцем весе́лие. / В па́мять ве́чную бу́дет пра́ведник. / Святы́м, и́же суть на земли́ Его́, удиви́ Госпо́дь вся хоте́ния Своя́ в них. / Ди́вен Бог во святы́х Свои́х. / Пра́ведник, я́ко фи́никс, процвете́т, я́ко кедр, и́же в Лива́не, умно́жится. / Возвесели́тся пра́ведник о Го́споде и упова́ет на Него́. / И похва́лятся вси пра́вии се́рдцем.
Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.
Аллилу́иа, аллилу́иа, аллилу́иа,// сла́ва Тебе́, Бо́же.
(Дважды)
Духовенство
Аллилу́иа, аллилу́иа, аллилу́иа,// сла́ва Тебе́, Бо́же. (Единожды)
Духовенство
Велича́ем тя, священному́чениче Иларио́не, и чтим честна́я страда́ния твоя́, я́же за Христа́ претерпе́л еси́.

Ектения́ ма́лая:

Диа́кон:
Па́ки и па́ки ми́ром Го́споду помо́лимся.
Хор:
Го́споди, поми́луй.
Диа́кон:
Заступи́, спаси́, поми́луй и сохрани́ нас, Бо́же, Твое́ю благода́тию.
Хор:
Го́споди, поми́луй.
Диа́кон:
Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.
Хор:
Тебе́, Го́споди.
Иере́й:
Я́ко Благослови́ся И́мя Твое́, и просла́вися Ца́рство Твое́, Отца́ и Сы́на и Свята́го Ду́ха ны́не и при́сно и во ве́ки веко́в.
Хор:
Ами́нь.

Седален по полиелеи Священному́ченика Иларио́на , Глас 5:

Воспои́м, ве́рнии, священному́ченика архиепи́скопа Иларио́на, за Це́рковь ду́шу свою́ положи́вшаго, Христо́ва во́ина сла́внаго, его́же днесь Русь свята́я достохва́льно велича́ет.
(Дважды)
Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.
  
Глас 1
Ма́ти Бо́жия и Де́во, в рождестве́ де́вство сохра́ньшая, не оста́ви нас немощству́ющих, от бед и боле́зней сохрани́ и моли́твами Твои́ми изба́ви от сме́рти ду́ши на́ша.

Степе́нна, глас 4:

1 Антифо́н:

Хор:
От ю́ности моея́/ мно́зи бо́рют мя стра́сти,/ но Сам мя заступи́// и спаси́, Спа́се мой.
Ненави́дящии Сио́на,/ посрами́теся от Го́спода,/ я́ко трава́ бо огне́м// бу́дете изсо́хше.
Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.
Святы́м Ду́хом/ вся́ка душа́ живи́тся,/ и чистото́ю возвыша́ется,// светле́ется Тро́йческим еди́нством, священнота́йне.

Проки́мен и чте́ние Ева́нгелия:

Диа́кон:
Вонмем. Премудрость вонмем, прокимен, глас четве́ртый:
Проидо́хом сквозе́ огнь и во́ду/ и изве́л еси́ ны в поко́й.
Хор:
Проидо́хом сквозе́ огнь и во́ду/ и изве́л еси́ ны в поко́й.
Диа́кон:
Разже́гл ны еси́, я́коже разжиза́ется сребро́.
Хор:
Проидо́хом сквозе́ огнь и во́ду/ и изве́л еси́ ны в поко́й.
Диа́кон:
Проидо́хом сквозе́ огнь и во́ду
Хор:
и изве́л еси́ ны в поко́й.
Диа́кон:
Го́споду помо́лимся.
Хор:
Го́споди, поми́луй.
Иере́й:
Я́ко Свят еси́ Бо́же наш, и во святы́х почиваеши, и Тебе́ сла́ву воссыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.
Хор:
Ами́нь.
Диа́кон:
Вся́кое дыха́ние да хва́лит Го́спода.
Хор:
Вся́кое дыха́ние да хва́лит Го́спода.
Диа́кон:
Хвали́те Бо́га во святы́х Его́, хвали́те Его́ во устверже́нии си́лы Его́.
Хор:
Вся́кое дыха́ние да хва́лит Го́спода.
Диа́кон:
Вся́кое дыха́ние.
Хор:
Да хва́лит Го́спода.
Диа́кон:
И о сподо́битися нам слы́шанию Свята́го Ева́нгелия, Го́спода Бо́га мо́лим.
Хор:
Го́споди, поми́луй.
(Трижды)
Диа́кон:
Прему́дрость, про́сти, услы́шим Свята́го Ева́нгелия.
Иере́й
Мир всем.
Хор:
И ду́хови твоему́.
Иере́й:
От Матфе́я Свята́го Ева́нгелия чте́ние.
Хор:
Сла́ва, Тебе́, Го́споди, сла́ва Тебе́.
Диа́кон:
Во́нмем.
  
(зачало 36.,Мф.10:16-22)
Иере́й:
Рече́ Госпо́дь Свои́м ученико́м: се Аз посыла́ю вас я́ко о́вцы посреде́ волко́в, бу́дите у́бо му́дри я́ко змия́, и це́ли я́ко го́лубие. Внемли́те же от челове́к, предадя́т бо вы на со́нмы, и на собо́рищах их бию́т вас. И пред влады́ки же и цари́ веде́ни бу́дете Мене́ ра́ди, во свиде́тельство им и язы́ком. Егда́ же предаю́т вы, не пецы́теся, ка́ко или́ что возглаго́лете: даст бо ся вам в той час, что возглаго́лете. Не вы бо бу́дете глаго́лющии, но Дух Отца́ ва́шего глаго́ляй в вас. Преда́ст же брат бра́та на смерть и оте́ц ча́до, и воста́нут ча́да на роди́тели и убию́т их. И бу́дете ненави́дими все́ми и́мени Моего́ ра́ди. Претерпе́вый же до конца́, той спасе́н бу́дет.
Хор:
Сла́ва, Тебе́, Го́споди, сла́ва Тебе́.

Псало́м 50:

Чтец:
Поми́луй мя, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. Наипа́че омы́й мя от беззако́ния моего́, и от греха́ моего́ очи́сти мя. Я́ко беззако́ние мое́ аз зна́ю и грех мой предо мно́ю есть вы́ну. Тебе́ Еди́ному согреши́х, и лука́вое пред Тобо́ю сотвори́х, я́ко да оправди́шися во словесе́х Твои́х и победи́ши, внегда́ суди́ти Ти. Се бо в беззако́ниих зача́т есмь, и во гресе́х роди́ мя ма́ти моя́. Се бо и́стину возлюби́л еси́, безве́стная и та́йная прему́дрости Твоея́ яви́л ми еси́. Окропи́ши мя иссо́пом, и очи́щуся, омы́еши мя, и па́че сне́га убелю́ся. Слу́ху моему́ да́си ра́дость и весе́лие, возра́дуются ко́сти смире́нныя. Отврати́ лице́ Твое́ от грех мои́х, и вся беззако́ния моя́ очи́сти. Се́рдце чи́сто сози́жди во мне, Бо́же, и дух прав обнови́ во утро́бе мое́й. Не отве́ржи мене́ от лица́ Твоего́, и Ду́ха Твоего́ Свята́го не отыми́ от мене́. Возда́ждь ми ра́дость спасе́ния Твоего́, и Ду́хом Влады́чним утверди́ мя. Научу́ беззако́нныя путе́м Твои́м, и нечести́вии к Тебе́ обратя́тся. Изба́ви мя от крове́й, Бо́же, Бо́же спасе́ния моего́, возра́дуется язы́к мой пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Я́ко а́ще бы восхоте́л еси́ же́ртвы, дал бых у́бо, всесожже́ния не благоволи́ши. Же́ртва Бо́гу дух сокруше́н, се́рдце сокруше́нно и смире́нно Бог не уничижи́т. Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския, тогда́ благоволи́ши же́ртву пра́вды, возноше́ние и всесожега́емая: тогда́ возложа́т на олта́рь Твой тельцы́.
  
Глас 6:
Хор:
Сла́ва Отцу́ и Сы́ну и Свято́му Ду́ху./
Моли́твами Священному́ченика Иларио́на,/ Ми́лостиве, очи́сти// мно́жество согреше́ний на́ших.
И ны́не и при́сно и во ве́ки веко́в. Ами́нь./
Моли́твами Богоро́дицы,/ Ми́лостиве, очи́сти// мно́жество согреше́ний на́ших.
Поми́луй мя, Бо́же,/ по вели́цей ми́лости Твое́й,/ и по мно́жеству щедро́т Твои́х// очи́сти беззако́ние мое́.

Стихира, Глас 6

Бу́ря напа́стей смуща́ет мя, я́ко умно́жишася беззако́ния и оскуде́ любы́, сего́ ра́ди взыва́ю к тебе́, святи́телю Иларио́не: бу́ди ми помо́щник и засту́пник, исцели́ и вразуми́ мя и на путь спасе́ния напра́ви, и научи́ во́лю Бо́жию твори́ти.
Диа́кон:
Спаси́, Бо́же, лю́ди Твоя́ и благослови́ достоя́ние Твое́, посети́ мир Твой ми́лостию и щедро́тами, возвы́си рог христиа́н правосла́вных и низпосли́ на ны ми́лости Твоя́ бога́тыя, моли́твами всепречи́стыя Влады́чицы на́шея Богоро́дицы и Присноде́вы Мари́и, си́лою Честна́го и Животворя́щаго Креста́, предста́тельствы честны́х Небе́сных Си́л безпло́тных, честна́го, сла́внаго проро́ка, Предте́чи и Крести́теля Иоа́нна, святы́х сла́вных и всехва́льных Апо́стол, и́же во святы́х оте́ц на́ших и вселе́нских вели́ких учи́телей и святи́телей, Васи́лия Вели́каго, Григо́рия Богосло́ва и Иоа́нна Златоу́стаго, и́же во святы́х отца́ на́шего Никола́я, архиепи́скопа Мирлики́йскаго, чудотво́рца, святы́х равноапо́стольных Мефо́дия и Кири́лла, учи́телей слове́нских, святы́х равноапо́стольных вели́каго кня́зя Влади́мира и вели́кия княги́ни О́льги, и́же во святы́х оте́ц на́ших: святи́теля Михаи́ла, пе́рвого митрополи́та Ки́евскаго, первосвяти́телей Моско́вских и всея́ Руси́: Петра́, Алекси́я, Ио́ны, Мака́рия, Фили́ппа, И́ова, Ермоге́на и Ти́хона, митрополи́тов Моско́вских Филаре́та, Инноке́нтия и Мака́рия. Святы́х, сла́вных и добропобе́дных му́чеников, новому́чеников и испове́дников Росси́йских: Влади́мира, митрополи́та Ки́евскаго, Вениами́на, митрополи́та Петрогра́дского, Петра́, митрополи́та Крути́цкаго, Иларио́на, архиепи́скопа Вере́йскаго, святы́х ца́рственных страстоте́рпцев, преподобному́чениц вели́кия княги́ни Елисаве́ты и и́нокини Варва́ры, преподо́бных и богоно́сных оте́ц на́ших, преподо́бных оте́ц ста́рцев О́птинских, святы́х пра́ведных Иоа́нна Кроншта́дтскаго и Алекси́я Моско́вскаго, святы́х блаже́нных Ксе́нии Петербу́ржския и Матро́ны Моско́вския, святы́х и пра́ведных богооте́ц Иоаки́ма и А́нны (и святаго имярек, егоже есть храм и егоже есть день), и всех святы́х. Мо́лим Тя́, многоми́лостиве Го́споди, услы́ши нас, гре́шных, моля́щихся Тебе́, и поми́луй нас.
Хор:
Го́споди, поми́луй.
(12 раз)
Иере́й:
Ми́лостию и щедро́тами и человеколю́бием единоро́днаго Твоего́ Сы́на, с Ни́мже благослове́н еси́, со Пресвяты́м, и Благи́м, и Животворя́щим Твои́м Ду́хом, ны́не и при́сно, и во ве́ки веко́в.
Хор:
Ами́нь.

КАНОН(6-8):

  
В субботу если храм Господский или Богородичен, первым поется канон храма на 6, затем канон святму на 8, чья в этот день память. Если храм какого-либо святого, тогда, сначала поется канон Богородицы (с прошедшей Недели) со ирмосом на 6 (ирмосы по дважды), затем канон святому на 8, чья в этот день память. Если святому 2 канона, тогда каждый канон на 4.В данном богослужении считаем, что Храм Рождества Пресвятой Богородицы, поэтому сначала канон храма на 6, затем канон святому на 8

Песнь 1

  
Канон Храма Рождества Пресвятой Богородицы, глас 2
Хор:
Ирмо́с:
Гряди́те, лю́дие,/ пои́м песнь Христу́ Бо́гу,/ разде́льшему мо́ре и наста́вльшему лю́ди,/ я́же изведе́ из рабо́ты еги́петския,// я́ко просла́вися.
(Дважды)
  
Чтец или Хор:
Припев:
Пресвята́я Богоро́дице, спаси́ нас.
Тропарь:
Гряди́те, ве́рнии, Ду́хом Боже́ственным ра́дующеся,/ Юже от непло́дове днесь прише́дшую челове́ков на спасе́ние/ Присноде́ву Отрокови́цу пе́сньми почти́м.
(Дважды)
Припев:
Пресвята́я Богоро́дице, спаси́ нас.
Тропарь:
Ра́дуйся, Чи́стая, Ма́ти и Рабо́ Христа́ Бо́га,/ я́же пе́рвому Хода́таица блаже́нству,/ челове́ческий род, Тя вси досто́йно пе́сньми сла́вим.
Припев:
Пресвята́я Богоро́дице, спаси́ нас.
Тропарь:
Жи́зни ражда́ется днесь мост,/ и́мже челове́цы, воззва́ние паде́ния, я́же от а́да, обре́тшии,/ Христа́ Жизнода́вца пе́сньми прославля́ют.
  
Канон Священному́ченика Иларио́на(На 8), Глас 6:
Припев:
Священному́чениче Иларио́не, моли́ Бо́га о нас.
Тропарь:
Иларио́не, всечестны́й святи́телю, по и́мени твоему́ и житие́ твое́ бысть, тишину́ бо моли́твенную внутрь себе́ име́я, ра́дость пасха́льную всем яви́л еси́.
(Дважды)
Припев:
Священному́чениче Иларио́не, моли́ Бо́га о нас.
Тропарь:
Лесть гони́телей твои́х отве́ргнув, муче́ния лю́таго не убоя́лся еси́, свя́те, Христа́ же пред судия́ми непра́ведными му́жески испове́дав, сла́вою небе́сною просла́вился еси́.
(Дважды)
Припев:
Священному́чениче Иларио́не, моли́ Бо́га о нас.
Тропарь:
А́нгелов собесе́дниче, Иларио́не преподо́бне, во огра́де до́ма Живонача́льныя Трóицы, пожи́л еси́, иде́же посто́м и моли́твою ду́шу очи́стив, богове́дение стяжа́л еси́.
(Дважды)
Сла́ва Отцу́ и Сы́ну и Свято́му Ду́ху.
Ре́вность по Бо́зе име́я, святи́телю, богобо́рцев сло́вом облича́л еси́, та́кожде и ерети́ческих мудрова́ний не терпя́, нечести́выя из оби́телей и хра́мов изгоня́л еси́, ка́ющияся же ко спасе́нию приводи́л еси́.
И ны́не и при́сно и во ве́ки веко́в. Ами́нь.
Богородичен:
Ины́я по́мощи не и́мамы, ра́зве Тебе́, Влады́чице, Ты нам помози́ мо́ря жития́ сего́ пучи́ну я́ко по су́ху проити́ неискуше́нно от злых.

Катавасия , Глас 1:

Ирмос:
Христо́с ражда́ется, - сла́вите! / Христо́с с небе́с - сря́щите!/ Христо́с на земли́ - возноси́теся!/ По́йте Го́сподеви, вся земля́,/ и весе́лием воспо́йте лю́дие, // я́ко просла́вися.

Песнь 3

  
Канон Рождества Пресвятой Богородицы, глас 2
Хор:
Ирмо́с:
Утверди́ нас в Тебе́, Го́споди,/ Дре́вом умерщвле́й грех,/ и страх Твой всади́// в сердца́ нас, пою́щих Тя.
(Дважды)
  
Чтец или Хор:
Припев:
Пресвята́я Богоро́дице, спаси́ нас.
Тропарь:
Непоро́чно Бо́гу пожи́вшии,/ всех роди́сте Спасе́ние,/ богому́дрии роди́теле/ Зижди́теля Ро́ждшия и Бо́га на́шего.
(Дважды)
Припев:
Пресвята́я Богоро́дице, спаси́ нас.
Тропарь:
Всем жизнь источа́яй Госпо́дь/ от непло́дове произведе́ Де́ву,/ в Ню́же всели́тися изво́ли,/ и по Рождестве́ сохрани́в нетле́нну.
Припев:
Пресвята́я Богоро́дице, спаси́ нас.
Тропарь:
А́ннин плод, Мари́ю, днесь,/ Грозд ро́ждшую живоно́сный,/ я́ко Богоро́дицу воспои́м,/ Предста́тельницу же всех и Помо́щницу.
  
Канон Священному́ченика Иларио́на(На 8), Глас 6:
Припев:
Священному́чениче Иларио́не, моли́ Бо́га о нас.
Тропарь:
От ю́ности чистоту́ возлюби́в, Иларио́не ди́вный, де́вственник душе́ю и те́лом пребы́л еси́ и, не пожела́в порабо́тати тва́ри па́че Творца́, на земли́ невеще́ственное житие́ показа́л еси́.
(Дважды)
Припев:
Священному́чениче Иларио́не, моли́ Бо́га о нас.
Тропарь:
Небе́сный челове́че, земны́й А́нгеле, Иларио́не прему́дре, святы́м отце́м житие́м после́дуя, за Христа́ ду́шу твою́ положи́л еси́ и земли́ Ру́сския украше́ние яви́лся еси́.
(Дважды)
Припев:
Священному́чениче Иларио́не, моли́ Бо́га о нас.
Тропарь:
Архиере́ю Бо́жий, Иларио́не свя́те, кро́тостию, смире́нием и терпе́нием, па́че же любо́вию преукра́шен был еси́, сего́ ра́ди за мучи́телей твои́х моли́лся еси́, Христу́ Бо́гу подража́я.
(Дважды)
Сла́ва Отцу́ и Сы́ну и Свято́му Ду́ху.
Свята́го Ду́ха дар стяжа́в, Сы́ну Бо́жию, крест взем, после́довал еси́, и во́лю Отца́ Небе́снаго испо́лнил еси́, Иларио́не блаже́нне, Трóицы Святы́я и́стинный почита́телю.
И ны́не и при́сно и во ве́ки веко́в. Ами́нь.
Богородичен:
Ле́ствице Небе́сная, Е́юже сни́де Бог, до́лу лежа́щее естество́ на́ше к небеси́ возво́диши, те́мже Тя, Пресвята́я Богоро́дице, любо́вию непреста́нно велича́ем.

Катавасия , Глас 1:

Ирмос:
Пре́жде век от Отца́ рожде́нному нетле́нно Сы́ну/ и в после́дняя от Де́вы / воплоще́нному безсе́менно, / Христу́ Бо́гу возопии́м: / вознесы́й рог наш, // Свят еси́, Го́споди.

Ектения́ ма́лая:

Диа́кон:
Па́ки и па́ки ми́ром Го́споду помо́лимся.
Хор:
Го́споди, поми́луй.
Диа́кон:
Заступи́, спаси́, поми́луй и сохрани́ нас, Бо́же, Твое́ю благода́тию.
Хор:
Го́споди, поми́луй.
Диа́кон:
Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.
Хор:
Тебе́, Го́споди.
Иере́й:
Я́ко Ты еси́ Бог наш, и Тебе́ сла́ву воссыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.
Хор:
Ами́нь.

Седален Священному́ченика Иларио́на , Глас 7:

Священному́чениче сла́вне Иларио́не, архиере́ю и дру́же Христо́в, ты, в темни́це заключе́н быв, не восхоте́л еси́ слуга́м анти́христовым поклони́тися, я́коже и му́ченицы дре́вле не возжела́ша же́ртву и́дольскую принести́. Сего́ ра́ди помози́ нам моли́твами твои́ми стре́лы вра́жия отрази́ти и ко́зни диа́вольския разори́ти, еди́наго же Христа́ распя́таго вы́ну очесы́ у́мными зре́ти и Тому́ из глубины́ серде́чныя взыва́ти: Го́споди, Иису́се Христе́, поми́луй нас.
(Дважды)
Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.
Богородичен:
Предста́тельнице и Моли́твеннице на́ша, Пресвята́я Влады́чице, умоли́ Сы́на Твоего́ и Бо́га, егда́ ся́дет суди́ти живы́м и ме́ртвым, да прости́т грехи́ и беззако́ния на́ша, и сподо́бит ны Ца́рствия Небе́снаго.

Песнь 4

  
Канон Рождества Пресвятой Богородицы, глас 2
Хор:
Ирмо́с:
Услы́шах, Го́споди,/ слух Твоего́ смотре́ния/ и просла́вих Тя,// Еди́не Человеколю́бче.
(Дважды)
  
Чтец или Хор:
Припев:
Пресвята́я Богоро́дице, спаси́ нас.
Тропарь:
Воспева́ем Тя, Го́споди,/ ве́рным спаси́тельное приста́нище пода́вшаго всем,/ Тебе́ Ро́ждшую.
(Дважды)
Припев:
Пресвята́я Богоро́дице, спаси́ нас.
Тропарь:
Тя, Богоневе́сто,/ похвалу́ всем Христо́с яви́ и держа́ву/ пою́щим ве́рно Твое́ та́инство.
Припев:
Пресвята́я Богоро́дице, спаси́ нас.
Тропарь:
Неискусобра́чная Влады́чице,/ Твои́ми моли́твами избавля́еми прегреше́ний,/ благоразу́мно вси Тя ублажа́ем.
  
Канон Священному́ченика Иларио́на(На 8), Глас 6:
Припев:
Священному́чениче Иларио́не, моли́ Бо́га о нас.
Тропарь:
Апо́стольское сло́во исполня́я, в безбо́жнем ми́ре Христа́ пропове́дал еси́, Иларио́не богому́дре, и Це́рковь Его́ от волко́в, расхища́ющих ю́, неусы́пно охраня́л еси́.
(Дважды)
Припев:
Священному́чениче Иларио́не, моли́ Бо́га о нас.
Тропарь:
Вели́ка та́йна есть Це́ркве, я́ко неве́сты Христо́вы, ю́же ты, Иларио́не, чи́стым се́рдцем узре́л еси́ и я́сно провозгласи́л еси́.
(Дважды)
Припев:
Священному́чениче Иларио́не, моли́ Бо́га о нас.
Тропарь:
Небе́сныя любве́ да́ра удосто́ен быв, Иларио́не, Бо́га Трóицу во Еди́нице, И́же есть Любы́, испове́дал еси́ и о Це́ркви Святе́й, я́же есть любве́ едине́ние, богосло́вствовал еси́.
(Дважды)
Сла́ва Отцу́ и Сы́ну и Свято́му Ду́ху.
Адама́нт ве́ры быв и оте́ческих заве́тов храни́тель, святи́телю Иларио́не, лука́выми уче́нии не смуща́емь, Богоро́дицу Чи́стую, я́ко Де́ву и Ма́терь, просла́вил еси́.
И ны́не и при́сно и во ве́ки веко́в. Ами́нь.
Богородичен:
Голго́фе предстоя́щи, Ма́ти Бо́жия ско́рбно взыва́ше: увы́ Мне, Сы́не Мой! Ка́ко на Кресте́ ви́сиши, зе́млю на вода́х пове́сивый? Ка́ко стра́сти терпи́ши, прише́дый спасти́ мир?

Катавасия , Глас 1:

Ирмос:
Жезл из ко́рене Иессе́ова / и цвет от него́, Христе́, / от Де́вы прозя́бл еси,/ из горы́, Хва́льный, приосене́нныя ча́щи / прише́л еси, вопло́щся от Неискусому́жныя,/ Невеще́ственный и Бо́же, // сла́ва си́ле Твое́й, Го́споди.

Песнь 5

  
Канон Рождества Пресвятой Богородицы, глас 2
Хор:
Ирмо́с:
Сеннопи́санный мрак гада́ний разори́в/ и ве́рных прибы́тием и́стины,/ Богоотрокови́цею, озари́в сердца́,// и нас све́том Твои́м, Христе́, наста́ви.
(Дважды)
  
Чтец или Хор:
Припев:
Пресвята́я Богоро́дице, спаси́ нас.
Тропарь:
Воспои́м, лю́дие, всех вину́/ су́щаго по нам бы́ти Вино́внаго:/ Ея́же о́бразу ра́довахуся сподобля́еми проро́цы,/ явле́нное спасе́ние от Тоя́ плодя́ще.
(Дважды)
Припев:
Пресвята́я Богоро́дице, спаси́ нас.
Тропарь:
От су́ха прозябе́ние жезла́ иере́ева/ Изра́илю показа́ проразсужде́ние,/ и ны́не све́тлость прозя́бших пресла́вно све́тит,/ от непло́дове всесла́вное рожде́ние.
(Дважды)
  
Канон Священному́ченика Иларио́на(На 8), Глас 6:
Припев:
Священному́чениче Иларио́не, моли́ Бо́га о нас.
Тропарь:
О, святи́телю Христо́в Иларио́не, помози́ нам нощь жития́ сего́ ско́рбнаго в терпе́нии и покая́нии без поро́ка прейти́, и ра́дости све́та невече́рняго сподо́битися.
(Дважды)
Припев:
Священному́чениче Иларио́не, моли́ Бо́га о нас.
Тропарь:
Христо́вым па́стырем пра́вило был еси́, Иларио́не, и наста́вник терпели́вый, не то́кмо сло́вом, но и де́лом о́браз им показу́я, и благода́тию, тебе́ от Бо́га да́нною, укрепля́я.
(Дважды)
Припев:
Священному́чениче Иларио́не, моли́ Бо́га о нас.
Тропарь:
Ра́дости духо́вныя испо́лнен, Иларио́не, ше́ствовал еси́ путе́м те́сным и приско́рбным, всех уча́ Христу́ сраспина́тися, дабы́ с Ним воскре́снути.
(Дважды)
Сла́ва Отцу́ и Сы́ну и Свято́му Ду́ху.
И́ноцы оби́тели Сре́тенския днесь прославля́ют архипа́стыря Иларио́на, служи́теля благогове́йнаго Де́вы Пренепоро́чныя, сла́ву Влади́мирскому о́бразу Ея́ досто́йно возда́вшаго и тем преще́ния безбо́жных презре́вшаго.
И ны́не и при́сно и во ве́ки веко́в. Ами́нь.
Богородичен:
Сла́вим Тя немо́лчно, Влады́чице, и ко ико́не Твое́й Влади́мирстей припа́даем, взыва́юще: покры́й град Москву́ от тьмы грехо́вныя и безбо́жныя и спаси́ ду́ши на́ша.

Катавасия , Глас 1:

Ирмос:
Бог сый ми́ра, Оте́ц щедро́т,/ Вели́каго Сове́та Твоего́ А́нгела,/ мир подава́юща, послал еси нам; / тем, Богоразу́мия к све́ту наста́вльшеся,/ от но́щи у́тренююще, // славосло́вим Тя, Человеколю́бче.

Песнь 6

  
Канон Рождества Пресвятой Богородицы, глас 2
Хор:
Ирмо́с:
Ко Го́споду от ки́та Ио́на возопи́:/ Ты мя возведи́ из глубины́ а́да, молю́ся,/ да я́ко Изба́вителю, во гла́се хвале́ния, // и́стины же ду́хом пожру́ Тебе́.
(Дважды)
  
Чтец или Хор:
Припев:
Пресвята́я Богоро́дице, спаси́ нас.
Тропарь:
Ко Го́споду в ско́рби непло́дства возопи́ша/ Богома́тере богому́дрии роди́тели/ и Сию́ в ро́ды родо́в роди́ша,/ на о́бщее спасе́ние и похвалу́.
(Дважды)
Припев:
Пресвята́я Богоро́дице, спаси́ нас.
Тропарь:
Прия́ша Небе́сный дар от Бо́га досто́ин/ Богома́тере богому́дрии роди́тели,/ саме́х Херуви́мов превы́шшее носи́ло,/ Сло́ва и Зижди́теля Роди́тельницу.
(Дважды)
  
Канон Священному́ченика Иларио́на(На 8), Глас 6:
Припев:
Священному́чениче Иларио́не, моли́ Бо́га о нас.
Тропарь:
Ты, иера́рше честны́й, о устрое́нии Це́ркве Ру́сския ревну́я, из глубины́ душе́вныя Христу́ Бо́гу взыва́л еси́: Го́споди, чин патриа́рший возста́ви и единомы́слие в Це́ркви соблюди́.
(Дважды)
Припев:
Священному́чениче Иларио́не, моли́ Бо́га о нас.
Тропарь:
О, Иларио́не блаже́нне, ты, Собо́ру муже́й церко́вных предстоя́, му́дрым сло́вом, благода́тию растворе́нным, призва́л еси́ их патриа́ршеством Це́рковь Ру́сскую па́ки украси́ти и по достоя́нию возвели́чити.
(Дважды)
Припев:
Священному́чениче Иларио́не, моли́ Бо́га о нас.
Тропарь:
Всечестны́й Иларио́не святи́телю, ве́рный сподви́жник Ти́хона патриа́рха яви́лся еси́, Це́рковь от безбо́жных власте́й и раздира́ющих хито́н Христо́в до́блественне охраня́я.
(Дважды)
Сла́ва Отцу́ и Сы́ну и Свято́му Ду́ху.
Архиере́я достосла́внаго Иларио́на Вере́йскаго днесь, ве́рнии лю́дие, благоче́стно восхва́лим, той бо град Москву́ от поновля́ющих и изменя́ющих чин церко́вный огради́ и ве́рных в благоче́стии утверди́.
И ны́не и при́сно и во ве́ки веко́в. Ами́нь.
Богородичен:
Ра́дуйся, Цари́це Небе́сная, Патриа́рхов правосла́вных Похвало́, оби́телей святы́х неруши́мая Стено́, гра́да же первопресто́льнаго и страны́ на́шея Утвержде́ние.

Катавасия , Глас 1:

Ирмос:
Из утро́бы Ио́ну младе́нца изблева́ морски́й зверь,/ якова́ прия́т;/ в Де́ву же все́льшееся Сло́во / и плоть прие́мшее про́йде, сохра́ншее нетле́нну:/ Его́же, бо не пострада́ истле́ния, // Ро́ждшую сохрани́ неврежде́нну.

Ектения́ ма́лая:

Диа́кон:
Па́ки и па́ки ми́ром Го́споду помо́лимся.
Хор:
Го́споди, поми́луй.
Диа́кон:
Заступи́, спаси́, поми́луй и сохрани́ нас, Бо́же, Твое́ю благода́тию.
Хор:
Го́споди, поми́луй.
Диа́кон:
Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.
Хор:
Тебе́, Го́споди.
Иере́й:
Ты бо еси́ Ца́рь ми́ра и Спас душ на́ших, и Тебе́ сла́ву воссыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.
Хор:
Ами́нь.

Кондак Священному́ченика Иларио́на, Глас 2:

Хор:
Сла́ву ми́ра сего́ оста́вив, Христу́ до́блественне после́довал еси́ и, святи́тельское служе́ние восприи́м, венце́м му́ченичества украси́лся еси́, и ны́не, Престо́лу Бо́жию предстоя́, моли́ся, Иларио́не, иера́рше прему́дре, спасти́ся душа́м на́шим.

Икос:

Све́том боже́ственныя му́дрости, Иларио́не святы́й, испо́лни ум мой помраче́нный, да восхвалю́ житие́ твое́, взыва́я си́це: Ра́дуйся, Христа́ Бо́га ве́рный служи́телю; ра́дуйся, Це́ркве Его́ и́стинный испове́дниче. Ра́дуйся, ю́ных до́брый наста́вниче; ра́дуйся, Сло́ва Бо́жия изря́дный пропове́дниче. Ра́дуйся, ве́рным путь спасе́ния возвести́вый; ра́дуйся, хитросплете́ния су́етная посрами́вый. Ра́дуйся, патриа́ршества ревни́телю; ра́дуйся, оте́ческих заве́тов ди́вный храни́телю. Ра́дуйся, Иларио́не, Це́ркве на́шея сла́во и украше́ние.

Песнь 7

  
Канон Рождества Пресвятой Богородицы, глас 2
Хор:
Ирмо́с:
Купина́ в горе́ огненеопа́льная и росоно́сная пещь халде́йская/ я́ве предписа́ Тя, Богоневе́сто,/ Боже́ственный бо невеще́ственный в веще́ственнем чре́ве Огнь неопа́льно прия́ла еси́./ Те́мже из Тебе́ Ро́ждшемуся пое́м:// благослове́н еси́, Бо́же оте́ц на́ших.
(Дважды)
  
Чтец или Хор:
Припев:
Пресвята́я Богоро́дице, спаси́ нас.
Тропарь:
Твое́ в веще́ственных явле́ниих/ законополо́жник возбрани́ся разуме́ти/ и вели́кое, Пречи́стая, та́инство,/ не му́дрствовати земноре́вностная обра́зно наказуем иногда́./ Те́мже, уди́влься чудеси́, глаго́лаше:/ благослове́н Бог оте́ц на́ших.
(Дважды)
Припев:
Пресвята́я Богоро́дице, спаси́ нас.
Тропарь:
Го́ру и дверь Небе́сную и мы́сленную Тя ле́ствицу/ боголе́пно лик боже́ственный пронарече́,/ от Тебе́ бо Ка́мень отсече́ся не рука́ми му́жескими,/ и дверь, Е́юже про́йде Госпо́дь, Иже чуде́с Бог оте́ц на́ших.
(Дважды)
  
Канон Священному́ченика Иларио́на(На 8), Глас 6:
Припев:
Священному́чениче Иларио́не, моли́ Бо́га о нас.
Тропарь:
А́ще не яви́лася бы ве́лия ре́вность новому́чеников Це́ркве Ру́сския, поги́бла бы ве́ра Правосла́вная во оте́честве на́шем. Ты же, святи́телю Иларио́не, с ни́ми страда́ния претерпева́я, взыва́л еси́: Изба́вителю Бо́же, благослове́н еси́.
(Дважды)
Припев:
Священному́чениче Иларио́не, моли́ Бо́га о нас.
Тропарь:
Труды́ и по́двиги, священному́чениче Иларио́не, богоуго́дне поне́сл еси́, и́миже разори́тели Це́ркве Христо́вы посра́млены бы́ша, ве́рнии же восклица́ху: Изба́вителю Бо́же, благослове́н еси́.
(Дважды)
Припев:
Священному́чениче Иларио́не, моли́ Бо́га о нас.
Тропарь:
Наста́вник мона́хом быв, Иларио́не свя́те, ты во вре́мя лихоле́тия оби́тель Сре́тенскую от нечести́вых защища́л еси́. И ны́не та́мо моща́ми почива́еши, и́ноков ея́ науча́я взыва́ти: Изба́вителю Бо́же, благослове́н еси́.
(Дважды)
Сла́ва Отцу́ и Сы́ну и Свято́му Ду́ху.
Иларио́не свя́те, Це́ркве Ру́сския похвало́, сподо́би нас, немощны́х и гре́шных, моли́твами твои́ми от пла́мене страсте́й изба́витися и от искуше́ний невреди́мы сохрани́тися, Го́сподеви взыва́юще: Изба́вителю Бо́же, благослове́н еси́.
И ны́не и при́сно и во ве́ки веко́в. Ами́нь.
Богородичен:
Кто Тебе́ не просла́вит, Пресвята́я Де́во, Ты бо еси́ Роса́ небе́сная, грехо́вный пла́мень угаша́ющая и ве́рныя благода́тию исполня́ющая. Те́мже Тебе́ вопие́м: изба́ви нас ве́чнаго осужде́ния и спаси́ ду́ши на́ша.

Катавасия , Глас 1:

Ирмос:
О́троцы, благоче́стию совоспита́ни,/ злочести́ваго веле́ния небре́гше,/ о́гненнаго преще́ния не убоя́шася,/ но, посреде́ пла́мене стоя́ще, поя́ху:// отце́в Бо́же, благослове́н еси́.

Песнь 8

  
Канон Рождества Пресвятой Богородицы, глас 2
Хор:
Ирмо́с:
В пещи́ о́трочестей прообрази́л еси́ иногда́ Твою́ Ма́терь, Го́споди,/ о́браз же Сия́ из огня́ изыма́ше неопа́льно входя́щия,/ ю́же пое́м, я́вльшуюся Тобо́ю конце́м днесь,// и превозно́сим во вся ве́ки.
(Дважды)
  
Чтец или Хор:
Припев:
Пресвята́я Богоро́дице, спаси́ нас.
Тропарь:
Яже к Бо́гу на́шего примире́ния предопределе́нная ски́ния/ е́же бы́ти ны́не начина́ет,/ иму́щи роди́ти Сло́ва, нам дебельство́м Пло́ти я́вльшася,/ Его́же пое́м, из не су́щих во е́же бы́ти Тем прие́мшии,/ и превозно́сим во вся ве́ки.
(Дважды)
Припев:
Пресвята́я Богоро́дице, спаси́ нас.
Тропарь:
Непло́дства преложе́ние мирско́е благи́х разреши́ непло́дство/ и я́сно чу́до Христа́ показа́, к земны́м прише́дша,/ Его́же пое́м, из не су́щих во е́же бы́ти Тем прие́мшии,/ и превозно́сим во вся ве́ки.
(Дважды)
  
Канон Священному́ченика Иларио́на(На 8), Глас 6:
Припев:
Священному́чениче Иларио́не, моли́ Бо́га о нас.
Тропарь:
А́гнца Бо́жия возлюби́в и ду́ха ми́ра сего́ отве́ргнув, еди́наго и́стиннаго Бо́га служи́тель пребы́л еси́, Иларио́не сла́вне, ны́не же на Небеси́ Влады́це всех предстои́ши. Его́же, о́троцы, благослови́те, свяще́нницы, воспо́йте, лю́дие, превозноси́те во вся ве́ки.
(Дважды)
Припев:
Священному́чениче Иларио́не, моли́ Бо́га о нас.
Тропарь:
Внегда́ вся власть тьмы на Це́рковь Ру́сскую ополчи́ся, тогда́ ты, Иларио́не, ду́хом кре́пкий, Христа́ испове́дати не убоя́лся еси́. Его́же, о́троцы, благослови́те, свяще́нницы, воспо́йте, лю́дие, превозноси́те во вся ве́ки.
(Дважды)
Припев:
Священному́чениче Иларио́не, моли́ Бо́га о нас.
Тропарь:
О, свяще́нная и спаси́тельная нощь Па́схи, егда́ ты, святи́телю Христо́в, во у́зах солове́цких возгласи́: да воскре́снет Бог! Его́же, о́троцы, благослови́те, свяще́нницы, воспо́йте, лю́дие, превозноси́те во вся ве́ки.
(Дважды)
Благословим Отца и Сына и Святаго Духа, Господа
Солове́цкая земле́ многострада́льная, возра́дуйся и возвесели́ся: Иларио́н бо преди́вный с со́нмом новому́чеников на небесе́х за Русь Святу́ю мо́лит ны́не Царя́ Сла́вы. Его́же, о́троцы, благослови́те, свяще́нницы, воспо́йте, лю́дие, превозноси́те во вся ве́ки.
И ны́не и при́сно и во ве́ки веко́в. Ами́нь.
Богородичен:
Пресвята́я Де́во, на Небеса́ к Сы́ну Твоему́ возшла́ еси́ и нас, си́рых, на земли́ не оста́вила еси́; покры́й честны́м Твои́м омофо́ром оби́тели и гра́ды на́ша, жизнь ве́чную подаю́щи всем воспева́ющим Тя.

Катавасия , Глас 1:

Хор:
Хва́лим, благослови́м, покланя́емся Го́сподеви, пою́ще и превоз-нося́ще во вся ве́ки.
Ирмос:
Чу́да преесте́ственнаго / росода́тельная изобрази́ пещь о́браз:/ не бо, я́же прия́т, пали́т ю́ныя, / я́ко ниже́ огнь Божества́ - Де́вы,/ в Ню́же вни́де утро́бу. / Тем, воспева́юще, воспое́м:/ да благослови́т тварь вся Го́спода // и превозно́сит во вся́ ве́ки.
Диа́кон:
Богоро́дицу и Ма́терь Све́та в пе́снех возвели́чим.

Песнь Пресвято́й Богоро́дицы:

Хор:
Вели́чит душа́ Моя́ Го́спода,/ и возра́довася дух Мой о Бо́зе Спа́се Мое́м.
Честне́йшую Херуви́м/ и Сла́внейшую без сравне́ния Серафи́м,/ без истле́ния Бо́га Сло́ва ро́ждшую,/ су́щую Богоро́дицу, Тя велича́ем.
Я́ко призре́ на смире́ние рабы́ Своея́,/ се бо от ны́не ублажа́т Мя вси ро́ди.
Честне́йшую Херуви́м/ и Сла́внейшую без сравне́ния Серафи́м,/ без истле́ния Бо́га Сло́ва ро́ждшую,/ су́щую Богоро́дицу, Тя велича́ем.
Я́ко сотвори́ Мне вели́чие Си́льный,/ и свя́то И́мя Его́, и ми́лость Его́ в ро́ды родо́в боя́щимся Его́.
Честне́йшую Херуви́м/ и Сла́внейшую без сравне́ния Серафи́м,/ без истле́ния Бо́га Сло́ва ро́ждшую,/ су́щую Богоро́дицу, Тя велича́ем.
Сотвори́ держа́ву мы́шцею Свое́ю,/ расточи́ го́рдыя мы́слию се́рдца их.
Честне́йшую Херуви́м/ и Сла́внейшую без сравне́ния Серафи́м,/ без истле́ния Бо́га Сло́ва ро́ждшую,/ су́щую Богоро́дицу, Тя велича́ем.
Низложи́ си́льныя со престо́л, и вознесе́ смире́нныя;/ а́лчущия испо́лни благ, и богатя́щияся отпусти́ тщи.
Честне́йшую Херуви́м/ и Сла́внейшую без сравне́ния Серафи́м,/ без истле́ния Бо́га Сло́ва ро́ждшую,/ су́щую Богоро́дицу, Тя велича́ем.
Восприя́т Изра́иля о́трока Своего́, помяну́ти ми́лости,/ я́коже глаго́ла ко отце́м на́шим, Авраа́му и се́мени его́, да́же до ве́ка.
Честне́йшую Херуви́м/ и Сла́внейшую без сравне́ния Серафи́м,/ без истле́ния Бо́га Сло́ва ро́ждшую,/ су́щую Богоро́дицу, Тя велича́ем.

Песнь 9

  
Канон Рождества Пресвятой Богородицы, глас 2
Хор:
Ирмо́с:
Яже пре́жде Со́лнца Свети́льника Бо́га возсия́вшаго,/ пло́тски к нам прише́дшаго,/ из боку́ Деви́чу неизрече́нно воплоти́вшая,/ Благослове́нная Всечи́стая,// Тя, Богоро́дице, велича́ем.
(Дважды)
  
Канон Рождества Пресвятой Богородицы, глас 2
Припев:
Пресвята́я Богоро́дице, спаси́ нас.
Тропарь:
И́же непокори́вым лю́дем из ка́мене источи́в во́ду,/ благопокори́вым же язы́ком да́рует от чресл непло́дных плод на весе́лие нам,/ Тя, Богома́ти Пречи́стая,/ ю́же досто́йно велича́ем.
(Дважды)
Припев:
Пресвята́я Богоро́дице, спаси́ нас.
Тропарь:
Напра́снаго дре́вняго Отъя́тельницу осужде́ния и прама́тере исправле́ние,/ Юже ро́да к Бо́гу вину́ присвое́ния, к Зижди́телю мост,/ Тя, Богоро́дице, велича́ем.
Припев:
Пресвята́я Богоро́дице, спаси́ нас.
  
Канон Священному́ченика Иларио́на(На 8), Глас 6:
Припев:
Священному́чениче Иларио́не, моли́ Бо́га о нас.
Тропарь:
Егда́ во враче́бнице темни́чней Петро́ва гра́да огне́вицею те́ло твое́ пали́мо бя́ше, душа́ твоя́, я́ко на вода́х упокое́ния ра́достию испо́лнися, и, сете́й кня́зя ми́ра сего́ избе́гнув, ко Христу́ оты́де.
(Дважды)
Припев:
Священному́чениче Иларио́не, моли́ Бо́га о нас.
Тропарь:
Во́ине Христо́в, Иларио́не сла́вне, ты Го́спода в житии́ твое́м небоя́зненно испове́дав, кончи́ны блаже́нныя сподо́бился еси́. Те́мже взыва́ем: моли́ ми́лостиваго Бо́га, да пода́ст нам во и́стинней ве́ре живо́т свой сконча́ти.
(Дважды)
Припев:
Священному́чениче Иларио́не, моли́ Бо́га о нас.
Тропарь:
А́нгельское пе́ние и звон пасха́льный дру́зи твои́ и сро́дницы услы́шавше, возра́довашася, Иларио́не, уразуме́ша бо, я́ко душа́ твоя́ чи́стая на Не́бо восхо́д соверша́ше.
(Дважды)
Сла́ва Отцу́ и Сы́ну и Свято́му Ду́ху.
Егда́ те́ло твое́ многоболе́зненное во гро́бе положе́но бысть, ча́да твоя́ духо́вная со слеза́ми к тебе́ взыва́ху: моли́ся о нас, пра́ведниче, у престо́ла Госпо́дня.
И ны́не и при́сно и во ве́ки веко́в. Ами́нь.
Богородичен:
Ма́ти Безневе́стная, не лиши́ нас Твоего́ заступле́ния, умоли́ Милосе́рдаго Судию́ оправда́ти ны, ве́рою и любо́вию Тя велича́ющих.

Катавасия , Глас 1:

Ирмос:
Та́инство стра́нное ви́жу и пресла́вное:/ Не́бо - верте́п, / престо́л Херуви́мский – Де́ву, / ясли – вмести́лище, / в ни́хже возлеже́ Невмести́мый – Христо́с Бог, // Его́же, воспева́юще, велича́ем.

Ектения́ ма́лая:

Диа́кон:
Па́ки и па́ки ми́ром Го́споду помо́лимся.
Хор:
Го́споди, поми́луй.
Диа́кон:
Заступи́, спаси́, поми́луй и сохрани́ нас, Бо́же, Твое́ю благода́тию.
Хор:
Го́споди, поми́луй.
Диа́кон:
Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.
Хор:
Тебе́, Го́споди.
Иере́й:
Я́ко Тя хва́лят вся си́лы небе́сныя, и Тебе́ сла́ву воссыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.
Хор:
Ами́нь.

Светилен Священному́ченика Иларио́на

Хор:
Вси святи́и Це́ркве Ру́сския ны́не торжеству́ют све́тло, священному́ченика и архиере́я Иларио́на зря́ще, с ни́ми Трóице Боже́ственней моли́твенно предстоя́щаго.
(Дважды)
Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.
Пресвята́я Богоро́дице, ди́вное селе́ние Бо́га и Сло́ва, помози́ нам, Ми́лостивая, моли́твами Твои́ми терпе́ние и упова́ние стяжа́ти, и спасе́ние улучи́ти.

Хвали́тны псалмы́, глас 8:

Хор:
Вся́кое дыха́ние да хва́лит Го́спода./ Хвали́те Го́спода с небе́с,/ хвали́те Его́ в вы́шних.// Тебе́ подоба́ет песнь Бо́гу.
Хвали́те Его́ вси а́нгели Его́,/ хвали́те Его́ вся си́лы Его́.// Тебе́ подоба́ет песнь Бо́гу.
  
Стихиры Священному́ченика Иларио́на, глас 8:
На 4. Стих:
Хвали́те Его́ на си́лах Его́,/ хвали́те Его́ по мно́жеству вели́чествия Его́.
Стихира:
О, пресла́вне святи́телю Иларио́не, учи́телю и́стиннаго богосло́вия, тебе́ от Бо́га дарова́на бысть му́дрость благода́тная, во след отце́м ше́ствовати и и́стину Це́ркве возвеща́ти. Сего́ ра́ди просвети́ ду́ши на́ша помраче́нныя, в ра́зуме церко́внем утвержда́я.
Стих:
Хвали́те Его́ во гла́се тру́бнем,/ хвали́те Его́ во псалти́ри и гу́слех.
Стихира:
О, преди́вне священному́чениче Иларио́не, на суди́щи безбо́жнем стоя́, ты Христа́ му́жески испове́дал еси́ и ве́рныя в по́двизе укрепи́л еси́, те́мже помози́ и нам в житии́ Христу́ после́довати, да не посра́млени бу́дем на суди́щи Бо́жием.
На 2. Стих:
Хвали́те Его́ в тимпа́не и ли́це,/ хвали́те Его́ во стру́нах и орга́не.
Стихира:
О, достохва́льне архиере́ю Христо́в Иларио́не, благода́тныя си́лы испо́лнен, о́браз и́стиннаго па́стыря яви́л еси́, и о еди́нстве церко́внем неусы́пно ревнова́л еси́, те́мже бу́ди и нам па́стырь до́брый и к любви́ и́стинней наста́ви.
Стих:
Хвали́те Его́ в кимва́лех доброгла́сных, хвали́те Его́ в кимва́лех восклица́ния./ Вся́кое дыха́ние да хва́лит Го́спода.
Стихира:
О, Иларио́не, священному́чениче до́бле, ты, на Крест Христо́в взира́я, ми́ру сему́ распя́лся еси́, оскорбле́ния и боле́зни смире́нно претерпева́я. Те́мже моли́ Христа́ Бо́га укрепи́ти ны на пути́ кре́стнем и сердца́ на́ша све́том непристу́пным просвети́ти.
Сла́ва Отцу́ и Сы́ну и Свято́му Ду́ху
  
Глас 6:
Стихира:
Се́рдце до́брым по́двигом предочи́стив, бла́га ми́ра сего́ презре́л еси́, Иларио́не священному́чениче, и Христа́ пред безбо́жники небоя́зненно испове́дав, благода́ть Свята́го Ду́ха стяжа́л еси́. Те́мже имы́й дерзнове́ние ко Христу́ Бо́гу, моли́ Того́ спасти́ся душа́м на́шим.
И ны́не и при́сно и во ве́ки веко́в. Ами́нь.
  
Глас 6:
Богородичен:
Богоро́дице, Ты еси́ Лоза́ и́стинная, возрасти́вшая нам Плод Живота́, Тебе́ мо́лимся, моли́ся, Влады́чице, со святы́ми апо́столы и священному́чеником Иларио́ном, поми́ловати ду́ши на́ша.
Иере́й:
Сла́ва Тебе́, показа́вшему нам све́т.

Славосло́вие вели́кое:

Хор:
Сла́ва в вы́шних Бо́гу, и на земли́ мир, в челове́цех благоволе́ние. Хва́лим Тя, благослови́м Тя, кла́няем Ти ся, славосло́вим Тя, благодари́м Тя, вели́кия ра́ди сла́вы Твоея́. Го́споди Царю́ Небе́сный, Бо́же О́тче Вседержи́телю, Го́споди, Сы́не Единоро́дный, Иису́се Христе́, и Святы́й Ду́ше. Го́споди Бо́же, А́гнче Бо́жий, Сы́не Оте́чь, взе́мляй грех ми́ра, поми́луй нас; взе́мляй грехи́ ми́ра, приими́ моли́тву на́шу; седя́й одесну́ю Отца́, поми́луй нас. Я́ко Ты еси́ еди́н Свят, Ты еси́ еди́н Госпо́дь, Иису́с Христо́с, в сла́ву Бо́га Отца́. Ами́нь.
На всяк день благословлю́ Тя, и восхвалю́ И́мя Твое́ во ве́ки, и в век ве́ка.
Сподо́би, Го́споди, в день сей без греха́ сохрани́тися нам. Благослове́н еси́, Го́споди, Бо́же оте́ц на́ших, и хва́льно и просла́влено И́мя Твое́ во ве́ки. Ами́нь.
Бу́ди, Го́споди, ми́лость Твоя́ на нас, я́коже упова́хом на Тя.
Благослове́н еси́, Го́споди, научи́ мя оправда́нием Твои́м.
(Трижды)
Го́споди, прибе́жище был еси́ нам в род и род. Аз рех: Го́споди, поми́луй мя, исцели́ ду́шу мою́, я́ко согреши́х Тебе́. Го́споди, к Тебе́ прибего́х, научи́ мя твори́ти во́лю Твою́, я́ко Ты еси́ Бог мой: я́ко у Тебе́ исто́чник живота́, во све́те Твое́м у́зрим свет. Проба́ви ми́лость Твою́ ве́дущим Тя.

Трисвятое:

Святы́й Бо́же, Святы́й Кре́пкий, Святы́й Безсме́ртный, поми́луй нас.
(Трижды)
Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.
Святы́й Безсме́ртный, поми́луй нас.
Святы́й Бо́же, Святы́й Кре́пкий, Святы́й Безсме́ртный, поми́луй нас.

Тропарь Священному́ченика Иларио́на, Глас 4:

Святи́телю Христо́в Иларио́не,/ сла́во и похвало́ Це́ркве Ру́сския,/ ра́зум боже́ственный стяжа́в,/ пред безбо́жники Христа́ дерзнове́нно испове́дал еси́,/ Его́же ра́ди страда́ния претерпева́я,/ лю́дем ве́рным возглаша́л еси́:/ без Це́ркве несть спасе́ния.
Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.
  
Богородичен воскресный из третьего приложения на текущий глас, (глас 1):
Гаврии́лу веща́вшу Тебе́, Де́во, ра́дуйся, / со гла́сом воплоща́шеся всех Влады́ка / в Тебе́, святе́м киво́те, / я́коже рече́ пра́ведный Дави́д, / яви́лася еси́ ши́ршая Небе́с, / поноси́вши Зижди́теля Твоего́. / Сла́ва Все́льшемуся в Тя; / сла́ва Проше́дшему из Тебе́; / сла́ва Свободи́вшему нас Рождество́м Твои́м.

Ектения́ сугу́бая:

Диа́кон:
Поми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй.
Хор:
Го́споди, поми́луй.
(Трижды, на каждое прошение)
Еще́ мо́лимся о Вели́ком Господи́не и Отце́ на́шем Святе́йшем Патриа́рхе (Имярек), и о Господи́не на́шем Высокопреосвяще́ннейшем митрополите (или: архиепи́скопе, или: преосвяще́ннейшем епи́скопе имярек), и всей во Христе́ бра́тии на́шей.
Еще́ мо́лимся о Богохрани́мей стране́ на́шей, власте́х и во́инстве ея́, да ти́хое и безмо́лвное житие́ поживе́м во вся́ком благоче́стии и чистоте́.
Еще́ мо́лимся о блаже́нных и приснопа́мятных созда́телех свята́го хра́ма сего́, и о всех преждепочи́вших отце́х и бра́тиях, зде лежа́щих и повсю́ду, правосла́вных.
Еще́ мо́лимся о ми́лости, жи́зни, мире, здра́вии, спасе́нии, посеще́нии, проще́нии и оставле́нии грехо́в рабо́в Бо́жиих настоя́теля, бра́тии и прихо́жан свята́го хра́ма сего́.
Еще́ мо́лимся о плодонося́щих и доброде́ющих во святе́м и всечестне́м хра́ме сем, тружда́ющихся, пою́щих и предстоя́щих лю́дех, ожида́ющих от Тебе́ вели́кия и бога́тыя ми́лости.
Иере́й:
Я́ко Ми́лостив и Человеколю́бец Бог еси́, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.
Хор:
Ами́нь.

Ектения́ проси́тельная:

Диа́кон:
Испо́лним у́тренюю моли́тву на́шу Го́сподеви.
Хор:
Го́споди, поми́луй.
Диа́кон:
Заступи́, спаси́, поми́луй и сохрани́ нас, Бо́же, Твое́ю благода́тию.
Хор:
Го́споди, поми́луй.
Диа́кон:
Дне́ всего́ соверше́нна, свя́та, ми́рна и безгре́шна у Го́спода про́сим.
Хор:
Пода́й, Го́споди.
(На каждое прошение.)
Диа́кон:
А́нгела ми́рна, ве́рна наста́вника, храни́теля душ и теле́с на́ших, у Го́спода про́сим.
Проще́ния и оставле́ния грехо́в и прегреше́ний на́ших у Го́спода про́сим.
До́брых и поле́зных душа́м на́шим и ми́ра ми́рови у Го́спода про́сим.
Про́чее вре́мя живота́ на́шего в ми́ре и покая́нии сконча́ти у Го́спода про́сим.
Христиа́нския кончи́ны живота́ на́шего, безболе́знены, непосты́дны, ми́рны и до́браго отве́та на Стра́шнем Суди́щи Христо́ве про́сим.
Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́, и друг дру́га, и весь живо́т наш Христу́ Бо́гу предади́м.
Хор:
Тебе́, Го́споди.
Иере́й:
Я́ко Бог ми́лости и ще́дрот и человеколю́бия еси́, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.
Хор:
Ами́нь.
Иере́й:
Мир всем.
Хор:
И ду́хови твоему́.
Диа́кон:
Главы́ на́ша Го́сподеви прикло́ним.
Хор:
Тебе́, Господи.
Иере́й:
Твое́ бо е́сть, е́же ми́ловати и спаса́ти ны, Бо́же наш, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.
Хор:
Ами́нь.
Диа́кон:
Прему́дрость.
Хор:
Благослови́.
Иере́й:
Сый благослове́н Христо́с Бог наш, всегда́, ны́не и при́сно и во ве́ки веко́в.
Хор:
Ами́нь. Утверди́, Бо́же, святу́ю правосла́вную ве́ру, правосла́вных христиа́н во век ве́ка.
Иере́й:
Пресвята́я Богоро́дице, спаси́ нас.
Хор:
Честне́йшую Херуви́м и Сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.
Иере́й:
Сла́ва Тебе́, Христе́ Бо́же, Упова́ние на́ше, сла́ва Тебе́.
Хор:
Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.
Го́споди, поми́луй.
(Трижды)
Благослови́.

Отпу́ст:

Иере́й:
Христо́с, И́стинный Бог наш, моли́твами Пречи́стыя Своея́ Ма́тере…

Многоле́тие:

ЧИТА́ЕТСЯ ПЕ́РВЫЙ ЧАС:

Чтец:
Прииди́те, поклони́мся Царе́ви на́шему Бо́гу.
Прииди́те, поклони́мся и припаде́м Христу́, Царе́ви на́шему Бо́гу.
Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псало́м 5:

Глаго́лы моя́ внуши́, Го́споди, разуме́й зва́ние мое́. Вонми́ гла́су моле́ния моего́, Царю́ мой и Бо́же мой, я́ко к Тебе́ помолю́ся, Го́споди. Зау́тра услы́ши глас мой, зау́тра предста́ну Ти, и у́зриши мя. Я́ко Бог не хотя́й беззако́ния, Ты еси́: не присели́тся к Тебе́ лука́внуяй, ниже́ пребу́дут беззако́нницы пред очи́ма Твои́ма: возненави́дел еси́ вся де́лающия беззако́ние. Погуби́ши вся глаго́лющия лжу: му́жа крове́й и льсти́ва гнуша́ется Госпо́дь. Аз же мно́жеством ми́лости Твоея́, вни́ду в дом Твой, поклоню́ся ко хра́му свято́му Твоему́, в стра́се Твое́м. Го́споди, наста́ви мя пра́вдою Твое́ю, враг мои́х ра́ди испра́ви пред Тобо́ю путь мой. Я́ко несть во усте́х их и́стины, се́рдце их су́етно, гроб отве́рст горта́нь их: язы́ки свои́ми льща́ху. Суди́ им, Бо́же, да отпаду́т от мы́слей свои́х, по мно́жеству нече́стия их изри́ни я́, я́ко преогорчи́ша Тя, Го́споди. И да возвеселя́тся вси упова́ющии на Тя, во век возра́дуются, и всели́шися в них, и похва́лятся о Тебе́ лю́бящии и́мя Твое́. Я́ко Ты благослови́ши пра́ведника, Го́споди: я́ко ору́жием благоволе́ния венча́л еси́ нас.

Псало́м 89:

Го́споди, прибе́жище был еси́ нам в род и род. Пре́жде да́же гора́м не бы́ти и созда́тися земли́ и вселе́нней, и от ве́ка и до ве́ка Ты еси́. Не отврати́ челове́ка во смире́ние, и рекл еси́: обрати́теся, сы́нове челове́честии. Я́ко ты́сяща лет пред очи́ма Твои́ма, Го́споди, я́ко день вчера́шний, и́же мимои́де, и стра́жа нощна́я. Уничиже́ния их ле́та бу́дут. Утро я́ко трава́ мимои́дет, у́тро процвете́т и пре́йдет: на ве́чер отпаде́т ожесте́ет и и́зсхнет. Я́ко исче́зохом гне́вом Твои́м, и я́ростию Твое́ю смути́хомся. Положи́л еси́ беззако́ния на́ша пред Тобо́ю: век наш в просвеще́ние лица́ Твоего́. Я́ко вси дни́е на́ши оскуде́ша, и гне́вом Твои́м исчезо́хом, ле́та на́ша я́ко паучи́на поуча́хуся. Дни́е лет на́ших, в ни́хже се́дмьдесят лет, а́ще же в си́лах, о́смьдесят лет, и мно́жае их труд и боле́знь: я́ко прии́де кро́тость на ны, и нака́жемся. Кто весть держа́ву гне́ва Твоего́, и от стра́ха Твоего́, я́рость Твою́ исчести́? Десни́цу Твою́ та́ко скажи́ ми, и окова́нныя се́рдцем в му́дрости. Обрати́ся, Го́споди, доко́ле? И умоле́н бу́ди на рабы́ Твоя́. Испо́лнихомся зау́тра ми́лости Твоея́, Го́споди, и возра́довахомся, и возвесели́хомся, во вся дни на́ша возвесели́хомся, за дни в ня́же смири́л ны еси́, ле́та в ня́же ви́дехом зла́я. И при́зри на рабы́ Твоя́, и на дела́ Твоя́, и наста́ви сы́ны их. И бу́ди све́тлость Го́спода Бо́га на́шего на нас, и дела́ рук на́ших испра́ви на нас, и де́ло рук на́ших испра́ви.

Псало́м 100:

Ми́лость и суд воспою́ Тебе́, Го́споди. Пою́ и разуме́ю в пути́ непоро́чне, когда́ прии́деши ко мне? Прехожда́х в незло́бии се́рдца моего́ посреде́ до́му моего́. Не предлага́х пред очи́ма мои́ма вещь законопресту́пную: творя́щия преступле́ние возненави́дех. Не прильпе́ мне се́рдце стропти́во, уклоня́ющагося от мене́ лука́ваго не позна́х. Оклевета́ющаго тай и́скренняго своего́, сего́ изгоня́х: го́рдым о́ком, и несы́тым се́рдцем, с сим не ядя́х. О́чи мои́ на ве́рныя земли́, посажда́ти я́ со мно́ю: ходя́й по пути́ непоро́чну, сей ми служа́ше. Не живя́ше посреде́ до́му моего́ творя́й горды́ню, глаго́ляй непра́ведная, не исправля́ше пред очи́ма мои́ма. Во у́трия избива́х вся гре́шныя земли́, е́же потреби́ти от гра́да Госпо́дня вся де́лающия беззако́ние.
Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.
Аллилу́иа, аллилу́иа, аллилу́иа, сла́ва Тебе́ Бо́же.
(Три́жды)
Го́споди, поми́луй.
(Три́жды)
Сла́ва Отцу́ и Сы́ну и Свято́му Ду́ху.

Тропарь Священному́ченика Иларио́на

Святи́телю Христо́в Иларио́не,/ сла́во и похвало́ Це́ркве Ру́сския,/ ра́зум боже́ственный стяжа́в,/ пред безбо́жники Христа́ дерзнове́нно испове́дал еси́,/ Его́же ра́ди страда́ния претерпева́я,/ лю́дем ве́рным возглаша́л еси́:/ без Це́ркве несть спасе́ния.
Чтец:
И ны́не и при́сно и во ве́ки веко́в. Ами́нь.
Что Тя нарече́м, о Благода́тная? Не́бо, я́ко возсия́ла еси́ Со́лнце Пра́вды. Рай, я́ко прозябла́ еси́ цвет нетле́ния Де́ву, я́ко пребыла́ еси́ нетле́нна. Чи́стую Ма́терь, я́ко име́ла еси́ на святы́х Твои́х объя́тиях Сы́на, всех Бо́га. Того́ моли́ спасти́ся душа́м на́шим.
Стопы́ моя́ напра́ви по словеси́ Твоему́ и да не облада́ет мно́ю вся́кое беззако́ние. Изба́ви мя от клеветы́ челове́ческия, и сохраню́ за́поведи Твоя́. Лице́ Твое́ просвети́ на раба́ Твоего́ и нау́чи мя оправда́нием Твои́м.
Да испо́лнятся уста́ моя́ хвале́ния Твоего́, Го́споди, я́ко да воспою́ сла́ву Твою́, весь день великоле́пие Твое́.

Трисвято́е по О́тче наш:

Чтец:
Святы́й Бо́же, Святы́й Кре́пкий, Святы́й Безсме́ртный, поми́луй нас.
(Трижды)
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.
Го́споди, поми́луй.
(Трижды)
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.
Иере́й:
Я́ко Твое́ есть Ца́рство и си́ла и сла́ва Отца́ и Сы́на и Свята́го Ду́ха, ны́не и при́сно и во ве́ки веко́в.
Хор:
Ами́нь.
Го́споди, поми́луй.
(40 раз)
И́же на вся́кое вре́мя и на вся́кий час, на Небеси́ и на земли́, покланя́емый и сла́вимый, Христе́ Бо́же, Долготерпели́ве, Многоми́лостиве, Многоблагоутро́бне, И́же пра́ведныя любя́й и гре́шныя ми́луяй, И́же вся зовы́й ко спасе́нию обеща́ния ра́ди бу́дущих благ. Сам, Го́споди, приими́ и на́ша в час сей моли́твы и испра́ви живо́т наш к за́поведем Твои́м, ду́ши на́ша освяти́, телеса́ очи́сти, помышле́ния испра́ви, мы́сли очи́сти и изба́ви нас от вся́кия ско́рби, зол и боле́зней, огради́ нас святы́ми Твои́ми А́нгелы, да ополче́нием их соблюда́еми и наставля́еми, дости́гнем в соедине́ние ве́ры и в ра́зум непристу́пныя Твоея́ сла́вы, я́ко благослове́н еси́ во ве́ки веко́в, ами́нь.
Го́споди поми́луй.
(Три́жды.)
Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.
Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.
И́менем Госпо́дним благослови́, о́тче.
Иере́й:
Бо́же, уще́дри ны и благослови́ ны, просвети́ лице́ Твое́ на ны и поми́луй ны.
Чтец:
Ами́нь.
Иере́й:
Христе́, Све́те И́стинный, просвеща́яй и освяща́яй вся́каго челове́ка, гряду́щаго в мир, да зна́менается на нас свет лица́ Твоего́, да в нем у́зрим Свет Непристу́пный: и испра́ви стопы́ на́ша к де́ланию за́поведей Твои́х, моли́твами Пречи́стыя Твоея́ Ма́тере, и всех Твои́х святы́х, ами́нь.

Конда́к, глас 8:

Взбра́нной Воево́де победи́тельная,/ я́ко изба́вльшеся от злы́х,/ благода́рственная воспису́ем Ти́ раби́ Твои́, Богоро́дице;/ но я́ко иму́щая держа́ву непобеди́мую,/ от вся́ких на́с бе́д свободи́, да зове́м Ти́:// ра́дуйся, Неве́сто Неневе́стная.
Иере́й:
Сла́ва Тебе́, Христе́ Бо́же, упова́ние на́ше, сла́ва Тебе́.
Хор:
Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.
Го́споди, поми́луй.
(Три́жды)
Благослови́.

Отпу́ст.

Иере́й:
Христо́с, и́стинный Бог наш, моли́твами пречи́стыя Своея́ Ма́тере, преподо́бных и Богоно́сных оте́ц на́ших и всех святы́х, поми́лует и спасе́т нас, я́ко Благ и Человеколю́бец.
Хор:
Го́споди, поми́луй.
(Три́жды)

Тре́тий час:

Иере́й:
Благослове́н Бог наш всегда́, ны́не и при́сно, и во ве́ки веко́в.
Чтец:
Ами́нь. Сла́ва Тебе́, Бо́же наш, сла́ва Тебе́.
Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Трисвято́е по О́тче наш:

Чтец:
Святы́й Бо́же, Святы́й Кре́пкий, Святы́й Безсме́ртный, поми́луй нас.
(Трижды)
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.
Го́споди, поми́луй.
(Трижды)
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.
Иере́й:
Я́ко Твое́ есть Ца́рство и си́ла и сла́ва Отца́ и Сы́на и Свята́го Ду́ха, ны́не и при́сно и во ве́ки веко́в.
Хор:
Ами́нь.
Чтец:
Ами́нь.
Го́споди, поми́луй.
(12 раз)
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Прииди́те, поклони́мся Царе́ви на́шему Бо́гу.
Прииди́те, поклони́мся и припаде́м Христу́, Царе́ви на́шему Бо́гу.
Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псало́м 16:

Услы́ши, Го́споди, пра́вду мою́, вонми́ моле́нию моему́, внуши́ моли́тву мою́ не во устна́х льсти́вых. От лица́ Твоего́ судьба́ моя́ изы́дет, óчи мои́ да ви́дита правоты́. Искуси́л eси́ се́рдце мое́, посети́л eси́ но́щию, искуси́л мя eси́, и не обре́теся во мне непра́вда. Я́ко да не возглаго́лют уста́ моя́ дел челове́ческих, за словеса́ усте́н Твои́х аз сохрани́х пути́ же́стоки. Соверши́ стопы́ моя́ во стезя́х Твои́х, да не подви́жутся стопы́ моя́. Аз воззва́х, я́ко услы́шал мя eси́, Бо́же, приклони́ у́хо Твое́ мне и услы́ши глаго́лы моя́. Удиви́ ми́лости Твоя́, спаса́яй упова́ющия на Тя от проти́вящихся десни́це Твое́й. Сохрани́ мя, Го́споди, я́ко зе́ницу óка, в кро́ве крилу́ Твоéю покры́еши мя. От лица́ нечести́вых остра́стших мя, врази́ мои́ ду́шу мою́ одержа́ша. Тук свой затвори́ша, уста́ их глаго́лаша горды́ню. Изгоня́щии мя ны́не обыдо́ша мя, óчи свои́ возложи́ша уклони́ти на зе́млю. Объя́ша мя я́ко лев гото́в на лов и я́ко ски́мен обита́яй в та́йных. Воскресни́, Го́споди, предвари́ я́ и запни́ им, изба́ви ду́шу мою́ от нечести́ваго, oру́жие Твое́ от враг руки́ Твоея́. Го́споди, от ма́лых от земли́, раздели́ я́ в животе́ их, и сокрове́нных Твои́х испо́лнися чре́во их, насы́тишася сыно́в, и оста́виша оста́нки младе́нцeм свои́м. Аз же пра́вдою явлю́ся лицу́ Твоему́, насы́щуся, внегда́ яви́ти ми ся сла́ве Твое́й.

Псало́м 24:

К Тебе́, Го́споди, воздвиго́х ду́шу мою́, Бо́же мой, на Тя упова́х, да не постыжу́ся во век, ниже́ да посмею́т ми ся врази́ мои́, и́бо вси терпя́щии Тя не постыдя́тся. Да постыдя́тся беззако́ннующии вотще́. Пути́ Твоя́, Го́споди, скажи́ ми, и стезя́м Твои́м научи́ мя. Наста́ви мя на и́стину Твою́, и научи́ мя, я́ко Ты еси́ Бог Спас мой, и Тебе́ терпе́х весь день. Помяни́ щедро́ты Твоя́, Го́споди, и ми́лости Твоя́, я́ко от ве́ка суть. Грех ю́ности моея́, и неве́дения моего́ не помяни́, по ми́лости Твое́й помяни́ мя Ты, ра́ди бла́гости Твоея́, Го́споди. Благ и прав Госпо́дь, сего́ ра́ди законоположи́т согреша́ющим на пути́. Наста́вит кро́ткия на суд, научи́т кро́ткия путе́м Свои́м. Вси путие́ Госпо́дни ми́лость и и́стина, взыска́ющим заве́та Его́, и свиде́ния Его́. Ра́ди и́мене Твоего́, Го́споди, и очи́сти грех мой, мног бо есть. Кто есть челове́к боя́йся Го́спода? Законоположи́т eму́ на пути́, eго́же изво́ли. Душа́ eго́ во благи́х водвори́тся, и се́мя eго́ насле́дит зе́млю. Держа́ва Госпо́дь боя́щихся Его́, и заве́т Его́ яви́т им. О́чи мои́ вы́ну ко Го́споду, я́ко Той исто́ргнет от се́ти но́зе мои́. При́зри на мя и поми́луй мя, я́ко единоро́д и нищ есмь аз. Ско́рби се́рдца моего́ умно́жишася, от нужд мои́х изведи́ мя. Виждь смире́ние мое́, и труд мой, и оста́ви вся грехи́ моя́. Виждь враги́ моя́, я́ко умно́жишася, и ненавиде́нием непра́ведным возненави́деша мя. Сохрани́ ду́шу мою́, и изба́ви мя, да не постыжу́ся, я́ко упова́х на Тя. Незло́бивии и пра́вии прилепля́хуся мне, я́ко потерпе́х Тя, Го́споди. Изба́ви, Бо́же, Изра́иля от всех скорбе́й eго́.

Псало́м 50:

Поми́луй мя, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. Наипа́че омы́й мя от беззако́ния моего́, и от греха́ моего́ очи́сти мя; я́ко беззако́ние мое́ аз зна́ю, и грех мой предо мно́ю есть вы́ну. Тебе́ Еди́ному согреши́х и лука́вое пред Тобо́ю сотвори́х, я́ко да оправди́шися во словесе́х Твои́х, и победи́ши внегда́ суди́ти Ти. Се бо, в беззако́ниих зача́т есмь, и во гресе́х роди́ мя ма́ти моя́. Се бо, и́стину возлюби́л еси́; безве́стная и та́йная прему́дрости Твоея́ яви́л ми еси́. Окропи́ши мя иссо́пом, и очи́щуся; омы́еши мя, и па́че сне́га убелю́ся. Слу́ху моему́ да́си ра́дость и весе́лие; возра́дуются ко́сти смире́нныя. Отврати́ лице́ Твое́ от грех мои́х и вся беззако́ния моя́ очи́сти. Се́рдце чи́сто сози́жди во мне, Бо́же, и дух прав обнови́ во утро́бе мое́й. Не отве́ржи мене́ от лица́ Твоего́ и Ду́ха Твоего́ Свята́го не отыми́ от мене́. Возда́ждь ми ра́дость спасе́ния Твоего́ и Ду́хом Влады́чним утверди́ мя. Научу́ беззако́нныя путе́м Твои́м, и нечести́вии к Тебе́ обратя́тся. Изба́ви мя от крове́й, Бо́же, Бо́же спасе́ния моего́; возра́дуется язы́к мой пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Я́ко а́ще бы восхоте́л еси́ же́ртвы, дал бых у́бо: всесожже́ния не благоволи́ши. Же́ртва Бо́гу дух сокруше́н; се́рдце сокруше́нно и смире́нно Бог не уничижи́т. Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая; тогда́ возложа́т на oлта́рь Твой тельцы́.
Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.
Аллилу́иа, аллилу́иа, аллилу́иа, сла́ва Тебе́ Бо́же.
(Три́жды)
Го́споди, поми́луй.
(Три́жды)
Сла́ва Отцу́ и Сы́ну и Свято́му Ду́ху.

Тропарь Священному́ченика Иларио́на

Святи́телю Христо́в Иларио́не,/ сла́во и похвало́ Це́ркве Ру́сския,/ ра́зум боже́ственный стяжа́в,/ пред безбо́жники Христа́ дерзнове́нно испове́дал еси́,/ Его́же ра́ди страда́ния претерпева́я,/ лю́дем ве́рным возглаша́л еси́:/ без Це́ркве несть спасе́ния.
И ны́не и при́сно и во ве́ки веко́в. Ами́нь.
Богоро́дице, Ты еси́ лоза́ и́стинная, возрасти́вшая нам Плод живота́, Тебе́ мо́лимся: моли́ся, Влады́чице, со святы́ми апо́столы поми́ловати ду́ши на́ша.
Госпо́дь Бог благослове́н, благослове́н Госпо́дь день дне,/ поспеши́т нам Бог спасе́ний на́ших, Бог наш, Бог спаса́ти.

Трисвято́е по О́тче наш:

Чтец:
Святы́й Бо́же, Святы́й Кре́пкий, Святы́й Безсме́ртный, поми́луй нас.
(Трижды)
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.
Го́споди, поми́луй.
(Трижды)
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.
Иере́й:
Я́ко Твое́ есть Ца́рство и си́ла и сла́ва Отца́ и Сы́на и Свята́го Ду́ха, ны́не и при́сно и во ве́ки веко́в.
Хор:
Ами́нь.

Кондак Священному́ченика Иларио́на, Глас 2:

Хор:
Сла́ву ми́ра сего́ оста́вив, Христу́ до́блественне после́довал еси́ и, святи́тельское служе́ние восприи́м, венце́м му́ченичества украси́лся еси́, и ны́не, Престо́лу Бо́жию предстоя́, моли́ся, Иларио́не, иера́рше прему́дре, спасти́ся душа́м на́шим.
Го́споди, поми́луй.
(40 раз)
И́же на вся́кое вре́мя и на вся́кий час, на Небеси́ и на земли́, покланя́емый и сла́вимый, Христе́ Бо́же, Долготерпели́ве, Многоми́лостиве, Многоблагоутро́бне, И́же пра́ведныя любя́й и гре́шныя ми́луяй, И́же вся зовы́й ко спасе́нию обеща́ния ра́ди бу́дущих благ. Сам, Го́споди, приими́ и на́ша в час сей моли́твы и испра́ви живо́т наш к за́поведем Твои́м, ду́ши на́ша освяти́, телеса́ очи́сти, помышле́ния испра́ви, мы́сли очи́сти и изба́ви нас от вся́кия ско́рби, зол и боле́зней, огради́ нас святы́ми Твои́ми А́нгелы, да ополче́нием их соблюда́еми и наставля́еми, дости́гнем в соедине́ние ве́ры и в ра́зум непристу́пныя Твоея́ сла́вы, я́ко благослове́н еси́ во ве́ки веко́в, ами́нь.
Го́споди поми́луй.
(Три́жды.)
Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.
Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.
И́менем Госпо́дним благослови́, о́тче.
Иере́й:
Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас.
Чтец:
Ами́нь. Влады́ко Бо́же О́тче Вседержи́телю, Го́споди Сы́не Единоро́дный Иису́се Христе́, и Святы́й Ду́ше, Еди́но Боже́ство, Еди́на Си́ла, поми́луй мя, гре́шнаго, и и́миже ве́си судьба́ми, спаси́ мя, недосто́йнаго раба́ Твоего́, я́ко благослове́н еси́ во ве́ки веко́в, ами́нь.

Шесто́й час:

Чтец:
Прииди́те, поклони́мся Царе́ви на́шему Бо́гу.
Прииди́те, поклони́мся и припаде́м Христу́, Царе́ви на́шему Бо́гу.
Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псало́м 53:

Бо́же, во и́мя Твое́ спаси́ мя, и в си́ле Твое́й суди́ ми. Бо́же, услы́ши моли́тву мою́, внуши́ глаго́лы уст мои́х. Я́ко чу́ждии воста́ша на мя и кре́пции взыска́ша ду́шу мою́, и не предложи́ша Бо́га пред собо́ю. Се бо Бог помога́ет ми, и Госпо́дь Засту́пник души́ мое́й. Отврати́т зла́я враго́м мои́м, и́стиною Твое́ю потреби́ их. Во́лею пожру́ Тебе́, испове́мся и́мени Твоему́, Го́споди, я́ко бла́го, я́ко от вся́кия печа́ли изба́вил мя еси́, и на враги́ моя́ воззре́ о́ко мое́.

Псало́м 54:

Внуши́, Бо́же, моли́тву мою́ и не пре́зри моле́ния моего́. Вонми́ ми и услы́ши мя: возскорбе́х печа́лию мое́ю и смято́хся. От гла́са вра́жия и от стуже́ния гре́шнича, я́ко уклони́ша на мя беззако́ние и во гне́ве враждова́ху ми. Се́рдце мое́ смяте́ся во мне и боя́знь сме́рти нападе́ на мя. Страх и тре́пет прии́де на мя и покры́ мя тьма. И рех: кто даст ми криле́, я́ко голубине́, и полещу́, и почи́ю? Се удали́хся бе́гая и водвори́хся в пусты́ни. Ча́ях Бо́га, спаса́ющаго мя от малоду́шия и от бу́ри. Потопи́, Го́споди, и раздели́ язы́ки их: я́ко ви́дех беззако́ние и пререка́ние во гра́де. Днем и но́щию обы́дет и́ по стена́м eго́. Беззако́ние и труд посреде́ eго́ и непра́вда. И не оскуде́ от стогн eго́ ли́хва и лесть. Я́ко а́ще бы враг поноси́л ми, претерпе́л бых у́бо, и а́ще бы ненави́дяй мя на мя велере́чевал, укры́л бых ся от него́. Ты же, челове́че равноду́шне, влады́ко мой и зна́емый мой, и́же ку́пно наслажда́лся еси́ со мно́ю бра́шен, в дому́ Бо́жии ходи́хом единомышле́нием. Да прии́дет же смерть на ня, и да сни́дут во ад жи́ви, я́ко лука́вство в жили́щах их, посреде́ их. Аз к Бо́гу воззва́х, и Госпо́дь услы́ша мя. Ве́чер и зау́тра, и полу́дне пове́м, и возвещу́, и услы́шит глас мой. Изба́вит ми́ром ду́шу мою́ от приближа́ющихся мне, я́ко во мно́зе бя́ху со мно́ю. Услы́шит Бог и смири́т я́, Сый пре́жде век. Несть бо им измене́ния, я́ко не убоя́шася Бо́га. Простре́ ру́ку свою́ на воздая́ние, оскверни́ша заве́т Его́. Раздели́шася от гне́ва лица́ Его́, и прибли́жишася сердца́ их, умя́кнуша словеса́ их па́че еле́а, и та суть стре́лы. Возве́рзи на Го́спода печа́ль твою́, и Той тя препита́ет, не даст в век молвы́ пра́веднику. Ты же, Бо́же, низведе́ши их во студене́ц истле́ния, му́жие крове́й и льсти не преполовя́т дней свои́х. Аз же, Го́споди, упова́ю на Тя.

Псало́м 90:

Живы́й в по́мощи Вы́шняго, в кро́ве Бо́га Небе́снаго водвори́тся. Рече́т Го́сподеви: Засту́пник мой еси́ и Прибе́жище мое́, Бог мой, и упова́ю на Него́. Я́ко Той изба́вит тя от се́ти ло́вчи и от словесе́ мяте́жна, плещма́ Свои́ма осени́т тя, и под криле́ Его́ наде́ешися: ору́жием обы́дет тя и́стина Его́. Не убои́шися от стра́ха нощна́го, от стрелы́ летя́щия во дни, от ве́щи во тме преходя́щия, от сря́ща и бе́са полу́деннаго. Паде́т от страны́ твоея́ ты́сяща, и тма одесну́ю тебе́, к тебе́ же не прибли́жится, оба́че очи́ма твои́ма смо́триши, и воздая́ние гре́шников у́зриши. Я́ко Ты, Го́споди, упова́ние мое́, Вы́шняго положи́л еси́ прибе́жище твое́. Не прии́дет к тебе́ зло и ра́на не прибли́жится телеси́ твоему́, я́ко А́нгелом Свои́м запове́сть о тебе́, сохрани́ти тя во всех путе́х твои́х. На рука́х во́змут тя, да не когда́ преткне́ши о ка́мень но́гу твою́, на а́спида и васили́ска насту́пиши, и попере́ши льва и зми́я. Я́ко на Мя упова́ и изба́влю и́, покры́ю и́, я́ко позна́ и́мя Мое́. Воззове́т ко Мне и услы́шу eго́, с ним есмь в ско́рби, изму́ eго́ и просла́влю eго́, долгото́ю дний испо́лню eго́ и явлю́ eму́ спасе́ние Мое́.
Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.
Аллилу́иа, аллилу́иа, аллилу́иа, сла́ва Тебе́ Бо́же.
(Три́жды)
Го́споди, поми́луй.
(Три́жды)
Сла́ва Отцу́ и Сы́ну и Свято́му Ду́ху.

Тропарь Священному́ченика Иларио́на

Святи́телю Христо́в Иларио́не,/ сла́во и похвало́ Це́ркве Ру́сския,/ ра́зум боже́ственный стяжа́в,/ пред безбо́жники Христа́ дерзнове́нно испове́дал еси́,/ Его́же ра́ди страда́ния претерпева́я,/ лю́дем ве́рным возглаша́л еси́:/ без Це́ркве несть спасе́ния.
И ны́не и при́сно и во ве́ки веко́в. Ами́нь.
Я́ко не и́мамы дерзнове́ния за премно́гия грехи́ на́ша, Ты и́же от Тебе́ Ро́ждшагося моли́, Богоро́дице Де́во, мно́го бо мо́жет моле́ние Ма́тернее ко благосе́рдию Влады́ки. Не пре́зри гре́шных мольбы́, Всечи́стая, я́ко ми́лостив есть и спасти́ моги́й, И́же и страда́ти о нас изво́ливый.
Ско́ро да предваря́т ны щедро́ты Твоя́, Го́споди, я́ко обнища́хом зело́; помози́ нам, Бо́же, Спа́се наш, сла́вы ра́ди И́мене Твоего́, Го́споди, изба́ви нас и очи́сти грехи́ на́ша, И́мене ра́ди Твоего́.

Трисвято́е по О́тче наш:

Чтец:
Святы́й Бо́же, Святы́й Кре́пкий, Святы́й Безсме́ртный, поми́луй нас.
(Трижды)
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.
Го́споди, поми́луй.
(Трижды)
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.
Иере́й:
Я́ко Твое́ есть Ца́рство и си́ла и сла́ва Отца́ и Сы́на и Свята́го Ду́ха, ны́не и при́сно и во ве́ки веко́в.
Хор:
Ами́нь.
Го́споди, поми́луй.
(40 раз)
И́же на вся́кое вре́мя и на вся́кий час, на Небеси́ и на земли́, покланя́емый и сла́вимый, Христе́ Бо́же, Долготерпели́ве, Многоми́лостиве, Многоблагоутро́бне, И́же пра́ведныя любя́й и гре́шныя ми́луяй, И́же вся зовы́й ко спасе́нию обеща́ния ра́ди бу́дущих благ. Сам, Го́споди, приими́ и на́ша в час сей моли́твы и испра́ви живо́т наш к за́поведем Твои́м, ду́ши на́ша освяти́, телеса́ очи́сти, помышле́ния испра́ви, мы́сли очи́сти и изба́ви нас от вся́кия ско́рби, зол и боле́зней, огради́ нас святы́ми Твои́ми А́нгелы, да ополче́нием их соблюда́еми и наставля́еми, дости́гнем в соедине́ние ве́ры и в ра́зум непристу́пныя Твоея́ сла́вы, я́ко благослове́н еси́ во ве́ки веко́в, ами́нь.
Го́споди поми́луй.
(Три́жды.)
Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.
Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.
И́менем Госпо́дним благослови́, о́тче.
Иере́й:
Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас.
Чтец:
Ами́нь. Бо́же и Го́споди сил и всея́ тва́ри Соде́телю, И́же за милосе́рдие безприкла́дныя ми́лости Твоея́ Единоро́днаго Сы́на Твоего́, Го́спода на́шего Иису́са Христа́, низпосла́вый на спасе́ние ро́да на́шего, и честны́м Его́ Кресто́м рукописа́ние грех на́ших растерза́вый, и победи́вый тем нача́ла и вла́сти тьмы. Сам, Влады́ко Человеколю́бче, приими́ и нас, гре́шных, благода́рственныя сия́ и моле́бныя моли́твы и изба́ви нас от вся́каго всегуби́тельнаго и мра́чнаго прегреше́ния и всех озло́бити нас и́щущих ви́димых и неви́димых враг. Пригвозди́ стра́ху Твоему́ пло́ти на́ша и не уклони́ серде́ц на́ших в словеса́ или́ помышле́ния лука́вствия, но любо́вию Твое́ю уязви́ ду́ши на́ша, да, к Тебе́ всегда́ взира́юще и е́же от Тебе́ све́том наставля́еми, Тебе́, непристу́пнаго и присносу́щнаго зря́ще Све́та, непреста́нное Тебе́ испове́дание и благодаре́ние возсыла́ем, Безнача́льному Отцу́ со Единоро́дным Твои́м Сы́ном и Всесвяты́м, и Благи́м, и Животворя́щим Твои́м Ду́хом ны́не, и при́сно, и во ве́ки веко́в, ами́нь.

Боже́ственная литурги́я:

Диа́кон:
Благослови́, влады́ко.
Иере́й:
Благослове́но Ца́рство Отца́ и Сы́на и Свята́го Ду́ха, ны́не и при́сно и во ве́ки веко́в.
Хор:
Аминь.

Вели́кая ектения́:

Диа́кон:
Ми́ром Го́споду помо́лимся.
Хор:
Го́споди, поми́луй.
(На каждое прошение)
Диа́кон:
О Свы́шнем ми́ре и спасе́нии душ на́ших, Го́споду помо́лимся.
О ми́ре всего́ ми́ра, благостоя́нии Святы́х Бо́жиих Церкве́й и соедине́нии всех, Го́споду помо́лимся.
О святе́м хра́ме сем и с ве́рою, благогове́нием и стра́хом Бо́жиим входя́щих во_нь, Го́споду помо́лимся.
О вели́ком Господи́не и Отце́ на́шем Святе́йшем Патриа́рхе (Имярек), и о Господи́не на́шем, Высокопреосвяще́ннейшем митрополи́те (или: архиепи́скопе, или: преосвяще́ннейшем епи́скопе имярек), честне́м пресви́терстве, вo Христе́ диа́констве, о всем при́чте и лю́дех, Го́споду помо́лимся.
О Богохрани́мей стране́ на́шей, власте́х и во́инстве ея, Го́споду помо́лимся.
О гра́де сем (или о ве́си сей), вся́ком гра́де, стране́ и ве́рою живу́щих в них, Го́споду помо́лимся.
О благорастворе́нии возду́хов, о изоби́лии плодо́в земны́х и вре́менех ми́рных, Го́споду помо́лимся.
О пла́вающих, путеше́ствующих, неду́гующих, стра́ждущих, плене́нных и о спасе́нии их. Го́споду помо́лимся.
О изба́витися нам от вся́кия ско́рби, гне́ва и ну́жды, Го́споду помо́лимся.
Заступи́, спаси́, поми́луй и сохрани́ нас, Бо́же, Твое́ю благода́тию.
Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.
Хор:
Тебе́, Го́споди.
Иере́й:
Я́ко подоба́ет Тебе́ вся́кая сла́ва честь и поклоне́ние, Отцу́ и Сы́ну и Свято́му Ду́ху, ны́не и при́сно и во ве́ки веко́в.
Хор:
Ами́нь.

Пе́рвый антифо́н, псало́м 102:

Хор:
Благослови́, душе́ моя́, Го́спода,/ благослове́н еси́ Го́споди./
Благослови́, душе́ моя́, Го́спода,/ и вся вну́тренняя моя́/ и́мя свя́тое Его́./ Благослови́, душе́ моя́, Го́спода,/ и не забыва́й всех воздая́ний Его́,/ очища́ющаго вся беззако́ния твоя́,/ исцеля́ющаго вся неду́ги твоя́,/ избавля́ющаго от истле́ния живо́т твой,/ венча́ющаго тя ми́лостию и щедро́тами,/ исполня́ющаго во благи́х жела́ние твое́:/ обнови́тся я́ко о́рля ю́ность твоя́./ Творя́й ми́лостыни Госпо́дь,/ и судьбу́ всем оби́димым./ Сказа́ пути́ Своя́ Моисе́ови,/ сыново́м Изра́илевым хоте́ния Своя́:/ Щедр и Ми́лостив Госпо́дь,/ Долготерпели́в и Многоми́лостив./ Не до конца́ прогне́вается,/ ниже́ в век вражду́ет,/ не по беззако́нием на́шим сотвори́л есть нам,/ ниже́ по грехо́м на́шим возда́л есть нам./ Я́ко по высоте́ небе́сней от земли́,/ утверди́л есть Госпо́дь ми́лость Свою́ на боя́щихся Его́./ Ели́ко отстоя́т восто́цы от за́пад,/ уда́лил есть от нас беззако́ния на́ша./ Я́коже ще́дрит оте́ц сы́ны,/ уще́дри Госпо́дь боя́щихся Его́./ Я́ко Той позна́ созда́ние на́ше,/ помяну́, я́ко персть есмы́./ Челове́к, я́ко трава́ дни́е eго́,/ я́ко цвет се́льный, та́ко оцвете́т,/ я́ко дух про́йде в нем,/ и не бу́дет, и не позна́ет ктому́ ме́ста своего́./ Ми́лость же Госпо́дня от ве́ка и до ве́ка на боя́щихся Его́,/ и пра́вда Его́ на сыне́х сыно́в, храня́щих заве́т Его́, и по́мнящих за́поведи Его́ твори́ти я́./ Госпо́дь на Небеси́ угото́ва Престо́л Свой,/ и Ца́рство Его́ все́ми облада́ет./ Благослови́те Го́спода вси А́нгели Его́,/ си́льнии кре́постию, творя́щии сло́во Его́, услы́шати глас слове́с Его́./ Благослови́те Го́спода вся Си́лы Его́,/ слуги́ Его́, творя́щии во́лю Его́./ Благослови́те Го́спода вся дела́ Его́, на вся́ком ме́сте влады́чествия Его́./
Благослови́, душе́ моя́, Го́спода,/ и вся вну́тренняя моя́/ и́мя свя́тое Его́.// Благослове́н еси́, Го́споди.

Ектения́ ма́лая:

Диа́кон:
Па́ки и па́ки ми́ром Го́споду помо́лимся.
Хор:
Го́споди, поми́луй.
Диа́кон:
Заступи́, спаси́, поми́луй и сохрани́ нас, Бо́же, Твое́ю благода́тию.
Хор:
Го́споди, поми́луй.
Диа́кон:
Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.
Хор:
Тебе́, Го́споди.
Иере́й:
Я́ко Твоя́ держа́ва, и Твое́ есть Ца́рство, и си́ла, и сла́ва, Отца́ и Сы́на и Свята́го Ду́ха, ны́не и при́сно и во ве́ки веко́в.
Хор:
Ами́нь.

Второ́й антифо́н, псало́м 145:

Хор:
Хвали́, душе́ моя́, Го́спода./ Восхвалю́ Го́спода в животе́ мое́м,/ пою́ Бо́гу моему́, до́ндеже есмь./ Не наде́йтеся на кня́зи, на сы́ны челове́ческия,/ в ни́хже несть спасе́ния./ Изы́дет дух eго́/ и возврати́тся в зе́млю свою́./ В той день поги́бнут вся помышле́ния eго́./ Блаже́н, eму́же Бог Иа́ковль Помо́щник его́,/ упова́ние eго́ на Го́спода Бо́га своего́,/ сотво́ршаго не́бо и зе́млю,/ мо́ре и вся, я́же в них,/ храня́щаго и́стину в век,/ творя́щаго суд оби́димым,/ даю́щаго пи́щу а́лчущим./ Госпо́дь реши́т окова́нныя./ Госпо́дь умудря́ет слепцы́./ Госпо́дь возво́дит низве́рженныя./ Госпо́дь лю́бит пра́ведники./ Госпо́дь храни́т прише́льцы,/ си́ра и вдову́ прии́мет/ и путь гре́шных погуби́т./ Воцари́тся Госпо́дь во век,// Бог твой, Сио́не, в род и род.
Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

Единоро́дный Сы́не:

Единоро́дный Сы́не и Сло́ве Бо́жий, Безсме́ртен Сый/ и изво́ливый спасе́ния на́шего ра́ди/ воплоти́тися от Святы́я Богоро́дицы и Присноде́вы Мари́и,/ непрело́жно вочелове́чивыйся,/ распны́йся же, Христе́ Бо́же, сме́ртию смерть попра́вый,/ Еди́н Сый Святы́я Тро́ицы,// спрославля́емый Отцу́ и Свято́му Ду́ху, спаси́ нас.

Ектения́ ма́лая:

Диа́кон:
Па́ки и па́ки ми́ром Го́споду помо́лимся.
Хор:
Го́споди, поми́луй.
Диа́кон:
Заступи́, спаси́, поми́луй и сохрани́ нас, Бо́же, Твое́ю благода́тию.
Хор:
Го́споди, поми́луй.
Диа́кон:
Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.
Хор:
Тебе́, Го́споди.
Иере́й:
Я́ко благ и человеколю́бец Бог еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.
Хор:
Ами́нь.

Тре́тий антифо́н, Блаже́нны:

Хор:
Во Ца́рствии Твое́м помяни́ нас, Го́споди, егда́ прии́деши, во Ца́рствии Твое́м.
На 12:
Блаже́ни ни́щии ду́хом, я́ко тех есть Ца́рство Небе́сное.
Блаже́ни пла́чущии, я́ко ти́и уте́шатся.
На 10:
Блаже́ни кро́тции, я́ко ти́и насле́дят зе́млю.
Блаже́ни а́лчущии и жа́ждущии пра́вды, я́ко ти́и насы́тятся.
На 8:
Блаже́ни ми́лостивии, я́ко ти́и поми́ловани бу́дут.
  
Песнь 3 Канона Священному́ченика Иларио́на, Глас 6:
Ирмо́с:
Тебе́ на вода́х пове́сившаго всю зе́млю неодержи́мо, тварь ви́девши на ло́бнем ви́сима, у́жасом мно́гим содрага́шеся, несть свят, ра́зве Тебе́, Го́споди, взыва́ющи.
Блаже́ни чи́стии се́рдцем, я́ко ти́и Бо́га у́зрят.
Тропарь:
От ю́ности чистоту́ возлюби́в, Иларио́не ди́вный, де́вственник душе́ю и те́лом пребы́л еси́ и, не пожела́в порабо́тати тва́ри па́че Творца́, на земли́ невеще́ственное житие́ показа́л еси́.
На 6:
Блаже́ни миротво́рцы, я́ко ти́и сы́нове Бо́жии нареку́тся.
Тропарь:
Небе́сный челове́че, земны́й А́нгеле, Иларио́не прему́дре, святы́м отце́м житие́м после́дуя, за Христа́ ду́шу твою́ положи́л еси́ и земли́ Ру́сския украше́ние яви́лся еси́.
Блаже́ни изгна́ни пра́вды ра́ди, я́ко тех есть Ца́рство Небе́сное.
Тропарь:
Архиере́ю Бо́жий, Иларио́не свя́те, кро́тостию, смире́нием и терпе́нием, па́че же любо́вию преукра́шен был еси́, сего́ ра́ди за мучи́телей твои́х моли́лся еси́, Христу́ Бо́гу подража́я.
На 4:
Блаже́ни есте́, егда́ поно́сят вам, и изжену́т, и реку́т всяк зол глаго́л на вы, лжу́ще Мене́ ра́ди.
  
Песнь 6 Канона Священному́ченика Иларио́на, Глас 6:
Тропарь:
Ты, иера́рше честны́й, о устрое́нии Це́ркве Ру́сския ревну́я, из глубины́ душе́вныя Христу́ Бо́гу взыва́л еси́: Го́споди, чин патриа́рший возста́ви и единомы́слие в Це́ркви соблюди́.
Ра́дуйтеся и весели́теся, я́ко мзда ва́ша мно́га на Небесе́х.
Тропарь:
О, Иларио́не блаже́нне, ты, Собо́ру муже́й церко́вных предстоя́, му́дрым сло́вом, благода́тию растворе́нным, призва́л еси́ их патриа́ршеством Це́рковь Ру́сскую па́ки украси́ти и по достоя́нию возвели́чити.
Сла́ва Отцу́ и Сы́ну и Свято́му Ду́ху.
Тропарь:
Архиере́я достосла́внаго Иларио́на Вере́йскаго днесь, ве́рнии лю́дие, благоче́стно восхва́лим, той бо град Москву́ от поновля́ющих и изменя́ющих чин церко́вный огради́ и ве́рных в благоче́стии утверди́.
И ны́не и при́сно и во ве́ки веко́в. Ами́нь.
Богородичен:
Ра́дуйся, Цари́це Небе́сная, Патриа́рхов правосла́вных Похвало́, оби́телей святы́х неруши́мая Стено́, гра́да же первопресто́льнаго и страны́ на́шея Утвержде́ние.

Ма́лый вход (с Ева́нгелием):

Диа́кон:
Прему́дрость, про́сти.
Хор:
Прииди́те, поклони́мся и припаде́м ко Христу́. Спаси́ ны, Сы́не Бо́жий, во святы́х ди́вен сый, пою́щия Ти: Аллилу́иа.

В храме Господском И Богородичном

  
[Тропарь ХРАМА]
  
Тропарь Священному́ченика Иларио́на, Глас 4:
Святи́телю Христо́в Иларио́не,/ сла́во и похвало́ Це́ркве Ру́сския,/ ра́зум боже́ственный стяжа́в,/ пред безбо́жники Христа́ дерзнове́нно испове́дал еси́,/ Его́же ра́ди страда́ния претерпева́я,/ лю́дем ве́рным возглаша́л еси́:/ без Це́ркве несть спасе́ния.
Сла́ва Отцу́ и Сы́ну и Свято́му Ду́ху.
  
Кондак Священному́ченика Иларио́на, Глас 2:
Сла́ву ми́ра сего́ оста́вив, Христу́ до́блественне после́довал еси́ и, святи́тельское служе́ние восприи́м, венце́м му́ченичества украси́лся еси́, и ны́не, Престо́лу Бо́жию предстоя́, моли́ся, Иларио́не, иера́рше прему́дре, спасти́ся душа́м на́шим.
И ны́не и при́сно и во ве́ки веко́в. Ами́нь.
  
[Кондак ХРАМА]

В храме Святого

  
[Тропарь ХРАМА]
  
Тропарь Священному́ченика Иларио́на, Глас 4:
Святи́телю Христо́в Иларио́не,/ сла́во и похвало́ Це́ркве Ру́сския,/ ра́зум боже́ственный стяжа́в,/ пред безбо́жники Христа́ дерзнове́нно испове́дал еси́,/ Его́же ра́ди страда́ния претерпева́я,/ лю́дем ве́рным возглаша́л еси́:/ без Це́ркве несть спасе́ния.
  
[Кондак ХРАМА]
Сла́ва Отцу́ и Сы́ну и Свято́му Ду́ху.
  
Кондак Священному́ченика Иларио́на, Глас 2:
Сла́ву ми́ра сего́ оста́вив, Христу́ до́блественне после́довал еси́ и, святи́тельское служе́ние восприи́м, венце́м му́ченичества украси́лся еси́, и ны́не, Престо́лу Бо́жию предстоя́, моли́ся, Иларио́не, иера́рше прему́дре, спасти́ся душа́м на́шим.
И ны́не и при́сно и во ве́ки веко́в. Ами́нь.

Богоро́дичен, гла́с 6‑й:

Хор:
Предста́тельство христиа́н непосты́дное,/ хода́тайство ко Творцу́ непрело́жное,/ не пре́зри гре́шных моле́ний гла́сы,/ но предвари́, я́ко Блага́я,/ на по́мощь нас, ве́рно зову́щих Ти;/ ускори́ на моли́тву и потщи́ся на умоле́ние,// предста́тельствующи при́сно, Богоро́дице, чту́щих Тя.
Диа́кон:
Го́споду помо́лимся.
Хор:
Го́споди, поми́луй.
Иере́й:
Я́ко Свят́ еси́, Бо́же наш, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно.
Диа́кон:
Го́споди, спаси́ благочести́выя.
Хор:
Го́споди, спаси́ благочести́выя.
Диа́кон:
И услы́ши ны.
Хор:
И услы́ши ны.
Диа́кон:
И во ве́ки веко́в.
Хор:
Ами́нь.

Трисвято́е:

Хор:
Святы́й Бо́же, Святы́й Кре́пкий, Святы́й Безсме́ртный, поми́луй нас.
(Три́жды)
Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.
Святы́й Безсме́ртный, поми́луй нас.
Святы́й Бо́же, Святы́й Кре́пкий, Святы́й Безсме́ртный, поми́луй нас.
Диа́кон:
Во́нмем.
Иере́й:
Мир всем.
Чтец:
И ду́хови твоему́.
Диа́кон:
Прему́дрость.

Прокимен Священному́ченика Иларио́на, глас 1:

Чтец:
Прокимен, глас пе́рвый: Уста́ моя́ возглаго́лют прему́дрость, / и поуче́ние се́рдца моего́ ра́зум.
Хор:
Уста́ моя́ возглаго́лют прему́дрость, / и поуче́ние се́рдца моего́ ра́зум.
Чтец:
Услы́шите сия́ вси язы́цы, / внуши́те вси живу́щии по вселе́нней.
Хор:
Уста́ моя́ возглаго́лют прему́дрость, / и поуче́ние се́рдца моего́ ра́зум.

Прокимен(В субботу ), Глас 8:

Чтец:
Прокимен, Глас осмы́й,: Весели́теся о Го́споде, / и ра́дуйтеся, пра́веднии.
Хор:
Весели́теся о Го́споде, / и ра́дуйтеся, пра́веднии.

Чтение Апостола:

Диа́кон:
Прему́дрость.
Чтец:
Ко Евре́ем посла́ния свята́го апо́стола Па́вла чте́ние.
Диа́кон:
Во́нмем.
  
Чтение Священному́ченика Иларио́на (Зачало 318 ,Евр.7:26-8:2):
Чтец:
Бра́тие, тако́в нам подоба́ше Архиере́й, преподо́бен, незло́бив, безскве́рнен, отлуче́н от гре́шник и вы́шше Небе́с быв. И́же не и́мать по вся дни ну́жды, я́коже первосвяще́нницы, пре́жде о свои́х гресе́х же́ртвы приноси́ти, пото́м же о людски́х: сие́ бо сотвори́ еди́ною, Себе́ прине́с. Зако́н бо челове́ки поставля́ет первосвяще́нники, иму́щыя не́мощь, сло́во же кля́твенное, е́же по зако́не, Сы́на во ве́ки соверше́нна. Глава́ же о глаго́лемых, такова́ и́мамы Первосвяще́нника, и́же се́де одесну́ю Престо́ла Вели́чествия на Небесе́х, святы́м служи́тель и ски́нии и́стинней, ю́же водрузи́ Госпо́дь, а не челове́к.
  
Чтение дня (Зачало 213,Гал.5:22-6:2):
Чтец:
Бра́тие, плод духо́вный есть любы́, ра́дость, мир, долготерпе́ние, бла́гость, милосе́рдие, ве́ра, кро́тость, воздержа́ние: на таковы́х несть зако́на. А и́же Христо́вы суть, плоть распя́ша со страстьми́ и похотьми́. А́ще живе́м ду́хом, ду́хом и да хо́дим. Не быва́им тщесла́вни, друг дру́га раздража́юще, друг дру́гу зави́дяще. Бра́тие, а́ще и впаде́т челове́к в не́кое прегреше́ние, вы духо́внии исправля́йте такова́го ду́хом кро́тости: блюды́й себе́, да не и ты искуше́н бу́деши. Друг дру́га тяготы́ носи́те, и та́ко испо́лните зако́н Христо́в.
Иере́й:
Мир ти.
Чтец:
И ду́хови твоему́.
Диа́кон:
Прему́дрость.

АЛЛИЛУА́РИЙ Священному́ченика Иларио́на, глас 1:

Чтец:
Аллилу́ия, глас пе́рвый: Терпя́ потерпе́х Го́спода, и внят ми, и услы́ша моли́тву мою́.
Хор:
Аллилу́ия, аллилу́ия, аллилу́ия.
Чтец:
Мужа́йтеся, и да крепи́тся се́рдце ва́ше, вси упова́ющии на Го́спода.
Хор:
Аллилу́ия, аллилу́ия, аллилу́ия.

АЛЛИЛУА́РИЙ (В субботу ), Глас 4:

Чтец:
Глас четве́ртый: Воззва́ша пра́веднии, и Госпо́дь услы́ша их, и от всех скорбе́й их изба́ви их.
Хор:
Аллилу́ия, аллилу́ия, аллилу́ия.
Диа́кон:
Благослови́, влады́ко, благовести́теля свята́го Апо́стола и Евангели́ста Иоа́нна Богослова
Иере́й:
Бог, моли́твами свята́го, сла́внаго, всехва́льнаго Апо́стола и Евангели́ста Иоа́нна Богослова, да да́ст тебе́ глаго́л благовеству́ющему си́лою мно́гою, во исполне́ние Ева́нгелия возлю́бленнаго Сы́на Своего́, Го́спода на́шего Иису́са Христа́.
Диа́кон:
Аминь.
2й диа́кон:
Прему́дрость, про́сти, услы́шим свята́го Ева́нгелия.
Иере́й:
Мир всем.
Хор:
И ду́хови твоему́.
Диа́кон:
От Иоа́нна Свята́го Ева́нгелия чте́ние.
Хор:
Сла́ва Тебе́, Го́споди, сла́ва Тебе́.
2й диа́кон:
Во́нмем.

Чтение Евангелия:

  
Чтение Священному́ченика Иларио́на (зачало 36.,Ин.10:9-16):
Диа́кон:
Рече́ Госпо́дь ко прише́дшым к Нему́ иуде́ем: Аз есмь дверь, Мно́ю а́ще кто вни́дет, спасе́тся, и вни́дет, и изы́дет, и па́жить обря́щет. Тать не прихо́дит, ра́зве да укра́дет, и убие́т, и погуби́т, Аз приидо́х, да живо́т и́мут и ли́шше и́мут. Аз есмь па́стырь до́брый, па́стырь до́брый ду́шу свою́ полага́ет за о́вцы. А нае́мник, и́же несть па́стырь, ему́же не суть о́вцы своя́, ви́дит во́лка гряду́ща и оставля́ет о́вцы, и бе́гает, и волк расхи́тит их, и распу́дит о́вцы. А нае́мник бежи́т, я́ко нае́мник есть и неради́т о овца́х. Аз есмь па́стырь до́брый, и зна́ю Моя́, и зна́ют Мя Моя́. Я́коже зна́ет Мя Оте́ц, и Аз зна́ю Отца́, и ду́шу Мою́ полага́ю за о́вцы. И и́ны о́вцы и́мам, я́же не суть от двора́ сего́, и ты́я Ми подоба́ет привести́, и глас Мой услы́шат, и бу́дет еди́но ста́до, и еди́н Па́стырь.
  
Чтение дня (зачало 74.,Лк.14:1-11)
Диа́кон:
Во вре́мя о́но, вни́де Иису́с в дом не́коего кня́зя фарисе́йска в суббо́ту хлеб я́сти, и ти́и бя́ху назира́юще Его́. И се челове́к не́кий, имы́й водны́й труд, бе пред Ним. И отвеща́в Иису́с рече́ к зако́нником и фарисе́ом, глаго́ля: а́ще досто́ит в суббо́ту цели́ти? Они́ же умолча́ша. И прие́м исцели́ его́, и отпусти́. И отвеща́в к ним рече́: кото́раго от вас осе́л или́ вол в студене́ц впаде́т, и не а́бие ли исто́ргнет его́ в день суббо́тный? И не возмого́ша отвеща́ти Ему́ к сим. Глаго́лаше же к зва́нным при́тчу, обдержя́, ка́ко председа́ния избира́ху, глаго́ля к ним: егда́ зван бу́деши ким на брак, не ся́ди на пре́днем ме́сте, еда́ кто честне́е тебе́ бу́дет зва́нных, и прише́д и́же тебе́ зва́вый и о́наго, рече́т ти: даждь сему́ ме́сто, и тогда́ на́чнеши со студо́м после́днее ме́сто держа́ти. Но егда́ зван бу́деши, шед ся́ди на после́днем ме́сте, да егда́ прии́дет зва́вый тя, рече́т ти: дру́же, пося́ди вы́ше, тогда́ бу́дет ти сла́ва пред зва́нными с тобо́ю. Я́ко всяк вознося́йся смири́тся, и смиря́яйся вознесе́тся.
Хор:
Сла́ва Тебе́, Го́споди, сла́ва Тебе́.

Ектения́ сугу́бая:

Диа́кон:
Рце́м вси от всея́ души́, и от всего́ помышле́ния на́шего рцем.
Хор:
Го́споди, поми́луй.
Диа́кон:
Го́споди Вседержи́телю, Бо́же оте́ц на́ших, мо́лим Ти ся, услы́ши и поми́луй.
Хор:
Го́споди, поми́луй.
Диа́кон:
Поми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй.
Хор:
Го́споди, поми́луй.
(Три́жды, на каждое прошение)
Диа́кон:
Еще́ мо́лимся о Вели́ком Господи́не и Отце́ на́шем Святе́йшем Патриа́рхе (Имярек), и о Господи́не на́шем Высокопреосвяще́ннейшем митрополи́те (или: архиепи́скопе, или: преосвяще́ннейшем епи́скопе имяре́к), и всей во Христе́ бра́тии на́шей.
Еще́ мо́лимся о Богохрани́мей стране́ на́шей, власте́х и во́инстве ея́, да ти́хое и безмо́лвное житие́ поживе́м во вся́ком благоче́стии и чистоте́.
Еще́ мо́лимся о бра́тиях на́ших, свяще́нницех, священномона́сех, и всем во Христе́ бра́тстве на́шем.
Еще́ мо́лимся о блаже́нных и приснопа́мятных созда́телех свята́го хра́ма сего́, и о всех преждепочи́вших отце́х и бра́тиях, зде лежа́щих и повсю́ду, правосла́вных.
Еще́ мо́лимся о ми́лости, жи́зни, ми́ре, здра́вии, спасе́нии, посеще́нии, проще́нии и оставле́нии грехо́в рабо́в Бо́жиих настоя́теля, бра́тии и прихо́жан свята́го хра́ма сего́.
Еще́ мо́лимся о плодонося́щих и доброде́ющих во святе́м и всечестне́м хра́ме сем, тружда́ющихся, пою́щих и предстоя́щих лю́дех, ожида́ющих от Тебе́ вели́кия и бога́тыя ми́лости.
Иере́й:
Я́ко Ми́лостив и Человеколю́бец Бог еси́, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.
Хор:
Ами́нь.

Ектения́ об оглаше́нных:

Диа́кон:
Помоли́теся, оглаше́ннии, Го́сподеви.
Хор:
Го́споди, поми́луй.
(На каждое прошение)
Диа́кон:
Ве́рнии, о оглаше́нных помо́лимся, да Госпо́дь поми́лует их.
Огласи́т их сло́вом и́стины.
Откры́ет им Ева́нгелие пра́вды.
Соедини́т их святе́й Свое́й собо́рней и апо́стольстей Це́ркви.
Спаси́, поми́луй, заступи́ и сохрани́ их, Бо́же, Твое́ю благода́тию.
Оглаше́ннии, главы ва́ша Го́сподеви приклони́те.
Хор:
Тебе́, Го́споди.
Иере́й:
Да и ти́и с на́ми сла́вят пречестно́е и великоле́пое и́мя Твое́, Отца́, и Сы́на, и Свята́го Ду́ха, ны́не и при́сно, и во ве́ки веко́в.
Хор:
Ами́нь.

Ектения́ ве́рных, пе́рвая:

Диа́кон:
Ели́цы оглаше́ннии, изыди́те, оглаше́ннии, изыди́те, ели́цы оглаше́ннии, изыди́те, да никто от оглаше́нных, ели́цы ве́рнии, па́ки и па́ки ми́ром Го́споду помо́лимся.
Хор:
Го́споди, поми́луй.
Диа́кон:
Заступи́, спаси́, поми́луй и сохрани́ нас, Бо́же, Твое́ю благода́тию.
Хор:
Го́споди, поми́луй.
Диа́кон:
Прему́дрость.
Иере́й:
Я́ко подоба́ет Тебе́ вся́кая сла́ва, честь и поклоне́ние, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.
Хор:
Ами́нь.

Ектения́ ве́рных, втора́я:

Диа́кон:
Па́ки и па́ки, ми́ром Го́споду помо́лимся.
Хор:
Го́споди, поми́луй.
(На ка́ждое проше́ние)
Диа́кон:
О свы́шнем ми́ре и спасе́нии душ на́ших, Го́споду помо́лимся.
О ми́ре всего́ мира, благостоя́нии святы́х Бо́жиих церкве́й и соедине́нии всех, Го́споду помо́лимся.
О святе́м хра́ме сем и с ве́рою, благогове́нием и стра́хом Бо́жиим входя́щих в онь, Го́споду помо́лимся.
О изба́витися нам от вся́кия ско́рби, гне́ва и ну́жды, Го́споду помо́лимся.
Заступи́, спаси́, поми́луй и сохрани́ нас, Бо́же, Твое́ю благода́тию.
Хор:
Го́споди, поми́луй.
Диа́кон:
Прему́дрость.
Иере́й:
Я́ко да под держа́вою Твое́ю всегда́ храни́ми, Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.
Хор:
Ами́нь.

Херуви́мская песнь:

Хор:
И́же Херуви́мы та́йно образу́юще и животворя́щей Тро́ице Трисвяту́ю песнь припева́юще, вся́кое ны́не жите́йское отложи́м попече́ние.

Вели́кий вход:

Диа́кон:
Вели́каго господи́на и отца́ на́шего (Имярек), Святе́йшаго Патриа́рха всея́ Ру́си, и господи́на на́шего (Высо́ко-) Преосвяще́ннейшаго (имярек), (архи-)епи́скопа (митрополита (титул)), да помяне́т Госпо́дь Бог во Ца́рствии Свое́м всегда́, ны́не и при́сно, и во ве́ки веко́в.
Иере́й:
Преосвяще́нныя митрополи́ты, архиепи́скопы и епи́скопы, и весь свяще́ннический и мона́шеский чин, и при́чет церко́вный, бра́тию свята́го хра́ма сего́, всех вас, правосла́вных христиа́н, да помяне́т Госпо́дь Бог во Ца́рствии Свое́м, всегда́, ны́не и при́сно, и во ве́ки веко́в.
Хор:
Ами́нь. Я́ко да Царя́ всех поды́мем, А́нгельскими неви́димо дориноси́ма чи́нми. Аллилу́иа, аллилу́иа, аллилу́иа.

Ектения́ проси́тельная:

Диа́кон:
Испо́лним моли́тву на́шу Го́сподеви.
Хор:
Го́споди, поми́луй.
(На каждое прошение)
Диа́кон:
О предложе́нных Честны́х Даре́х, Го́споду помо́лимся.
О святе́м хра́ме сем, и с ве́рою, благогове́нием и стра́хом Бо́жиим входя́щих в онь, Го́споду помо́лимся.
О изба́витися нам от вся́кия ско́рби, гне́ва и ну́жды, Го́споду помо́лимся.
Заступи́, спаси́, поми́луй и сохрани́ нас, Бо́же, Твое́ю благода́тию.
Хор:
Го́споди, поми́луй.
Диа́кон:
Дне всего́ соверше́нна, свя́та, ми́рна и безгре́шна у Го́спода про́сим.
Хор:
Пода́й, Го́споди.
(На каждое прошение)
Диа́кон:
А́нгела ми́рна, ве́рна наста́вника, храни́теля душ и теле́с на́ших, у Го́спода про́сим.
Проще́ния и оставле́ния грехо́в и прегреше́ний на́ших у Го́спода про́сим.
До́брых и поле́зных душа́м на́шим и ми́ра ми́рови у Го́спода про́сим.
Про́чее вре́мя живота́ на́шего в ми́ре и покая́нии сконча́ти у Го́спода про́сим.
Христиа́нския кончи́ны живота́ на́шего, безболе́знены, непосты́дны, ми́рны и до́браго отве́та на Стра́шнем Суди́щи Христо́ве про́сим.
Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́, и дру́г дру́га, и весь живо́т наш Христу́ Бо́гу предади́м.
Хор:
Тебе́, Го́споди.
Иере́й:
Щедро́тами Единоро́днаго Сы́на Твоего́, с Ни́мже благослове́н еси́, со Пресвяты́м и Благи́м и Животворя́щим Твои́м Ду́хом, ны́не и при́сно, и во ве́ки веко́в.
Хор:
Ами́нь.
Иере́й:
Мир всем.
Хор:
И ду́хови твоему́.
Диа́кон:
Возлю́бим друг дру́га, да единомы́слием испове́мы.
Хор:
Отца́, и Сы́на, и Свята́го Ду́ха, Тро́ицу единосу́щную и неразде́льную.
Диа́кон:
Две́ри, две́ри, прему́дростию во́нмем.

Си́мвол ве́ры:

Лю́ди:
Ве́рую во еди́наго Бо́га Отца́ Вседержи́теля, Творца́ не́бу и земли́, ви́димым же всем и неви́димым. И во еди́наго Го́спода Иису́са Христа́, Сы́на Бо́жия, Единоро́днаго, И́же от Отца́ рожде́ннаго пре́жде всех век. Све́та от Све́та, Бо́га и́стинна от Бо́га и́стинна, рожде́нна, несотворе́нна, единосу́щна Отцу́, И́мже вся бы́ша. Нас ра́ди челове́к и на́шего ра́ди спасе́ния сше́дшаго с небе́с и воплоти́вшагося от Ду́ха Свя́та и Мари́и Де́вы и вочелове́чшася. Распя́таго же за ны при Понти́йстем Пила́те, и страда́вша, и погребе́нна. И воскре́сшаго в тре́тий день по Писа́нием. И возше́дшаго на небеса́, и седя́ща одесну́ю Отца́. И па́ки гряду́щаго со сла́вою суди́ти живы́м и ме́ртвым, Его́же Ца́рствию не бу́дет конца́. И в Ду́ха Свята́го, Го́спода, Животворя́щаго, И́же от Отца́ исходя́щаго, И́же со Отце́м и Сы́ном спокланя́ема и ссла́вима, глаго́лавшаго проро́ки. Во еди́ну Святу́ю, Собо́рную и Апо́стольскую Це́рковь. Испове́дую еди́но креще́ние во оставле́ние грехо́в. Ча́ю воскресе́ния ме́ртвых, и жи́зни бу́дущаго ве́ка. Ами́нь.

Евхаристи́ческий Кано́н:

Диа́кон:
Ста́нем до́бре, ста́нем со стра́хом, во́нмем, свято́е возноше́ние в ми́ре приноси́ти.
Хор:
Ми́лость ми́ра, же́ртву хвале́ния.
Иере́й:
Благода́ть Го́спода на́шего Иису́са Христа́, и любы́ Бо́га и Отца́, и прича́стие Свята́го Ду́ха, бу́ди со все́ми ва́ми.
Хор:
И со ду́хом твои́м.
Иере́й:
Горе́ име́им сердца́.
Хор:
И́мамы ко Го́споду.
Иере́й:
Благодари́м Го́спода.
Хор:
Досто́йно и пра́ведно есть покланя́тися Отцу́ и Сы́ну, и Свято́му Ду́ху, Тро́ице единосу́щней и неразде́льней.
Иере́й:
Побе́дную песнь пою́ще, вопию́ще, взыва́юще и глаго́люще.
Хор:
Свят, свят, свят Госпо́дь Савао́ф, испо́лнь не́бо и земля́ сла́вы Твоея́; оса́нна в вы́шних, благослове́н Гряды́й во и́мя Госпо́дне, оса́нна в вы́шних.
Иере́й:
Приими́те, яди́те, сие́ есть Те́ло Мое́, е́же за вы ломи́мое во оставле́ние грехо́в.
Хор:
Ами́нь.
Иере́й:
Пи́йте от нея́ вси, сия́ есть Кровь Моя́ Но́ваго Заве́та, я́же за вы и за мно́гия излива́емая, во оставле́ние грехо́в.
Хор:
Ами́нь.
Иере́й:
Твоя́ от Твои́х Тебе́ принося́ще, о всех и за вся.
Хор:
Тебе́ пое́м, Тебе́ благослови́м, Тебе́ благодари́м, Го́споди, и мо́лим Ти ся, Бо́же наш.
Иере́й:
Изря́дно о Пресвяте́й, Пречи́стей, Преблагослове́нней, Сла́вней Влады́чице на́шей Богоро́дице и Присноде́ве Мари́и.

Досто́йно есть:

Хор:
Досто́йно есть я́ко вои́стинну блажи́ти Тя, Богоро́дицу, Присноблаже́нную и Пренепоро́чную и Ма́терь Бо́га на́шего. Честне́йшую Херуви́м и славне́йшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем.
Иере́й:
В пе́рвых помяни́, Го́споди, вели́каго господи́на и отца́ на́шего (Имярек), Святе́йшаго Патриа́рха всея́ Руси́, и господи́на на́шего (Высо́ко-) Преосвяще́ннейшаго (Имярек), (архи-)епи́скопа (митрополита (титул)), и́хже да́руй святы́м Твои́м це́рквам, в ми́ре, це́лых, честны́х, здра́вых, долгоде́нствующих, пра́во пра́вящих сло́во Твоея́ и́стины.
Хор:
И всех, и вся.
Иере́й:
И даждь нам еди́неми усты́ и еди́нем се́рдцем сла́вити и воспева́ти пречестно́е и великоле́пое и́мя Твое́, Отца́, и Сы́на, и Свята́го Ду́ха, ны́не и при́сно, и во ве́ки веко́в.
Хор:
Ами́нь.
Иере́й:
И да бу́дут ми́лости вели́каго Бо́га и Спа́са на́шего Иису́са Христа́ со все́ми ва́ми.
Хор:
И со ду́хом твои́м.

Ектения́ проси́тельная:

Диа́кон:
Вся святы́я помяну́вше, па́ки и па́ки ми́ром Го́споду помо́лимся.
Хор:
Го́споди, поми́луй.
(На каждое прошение)
Диа́кон:
О принесе́нных и освяще́нных Честны́х Даре́х, Го́споду помо́лимся.
Я́ко да человеколю́бец Бог наш, прие́м я́ во святы́й и пренебе́сный и мы́сленный Свой же́ртвенник, в воню́ благоуха́ния духо́внаго, возниспо́слет нам Боже́ственную благода́ть и дар Свята́го Ду́ха, помо́лимся.
О изба́витися нам от вся́кия ско́рби, гне́ва и ну́жды, Го́споду помо́лимся.
Заступи́, спаси́, поми́луй и сохрани́ нас, Бо́же, Твое́ю благода́тию.
Хор:
Го́споди, поми́луй.
Диа́кон:
Дне всего́ соверше́нна, свя́та, ми́рна и безгре́шна у Го́спода про́сим.
Хор:
Пода́й, Го́споди.
(На каждое прошение)
Диа́кон:
А́нгела ми́рна, ве́рна наста́вника, храни́теля душ и теле́с на́ших, у Го́спода про́сим.
Проще́ния и оставле́ния грехо́в и прегреше́ний на́ших у Го́спода про́сим.
До́брых и поле́зных душа́м на́шим и ми́ра ми́рови у Го́спода про́сим.
Про́чее вре́мя живота́ на́шего в ми́ре и покая́нии сконча́ти у Го́спода про́сим.
Христиа́нския кончи́ны живота́ на́шего, безболе́знены, непосты́дны, ми́рны и до́браго отве́та на Стра́шнем Суди́щи Христо́ве про́сим.
Соедине́ние ве́ры и прича́стие Свята́го Ду́ха испроси́вше, са́ми себе́, и друг дру́га, и весь живо́т наш Христу́ Бо́гу предади́м.
Хор:
Тебе́, Го́споди.
Иере́й:
И сподо́би нас, Влады́ко, со дерзнове́нием, неосужде́нно сме́ти призыва́ти Тебе́, Небе́снаго Бо́га Отца́, и глаго́лати:

Моли́тва Госпо́дня:

Лю́ди:
О́тче наш, И́же еси́ на небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.
Иере́й:
Я́ко Твое́ есть Ца́рство, и си́ла, и сла́ва, Отца́, и Сы́на, и Свята́го Ду́ха, ны́не и при́сно, и во ве́ки веко́в.
Хор:
Ами́нь.
Иере́й:
Мир всем.
Хор:
И ду́хови твоему́.
Диа́кон:
Главы́ ва́ша Го́сподеви приклони́те.
Хор:
Тебе́, Го́споди.
Иере́й:
Благода́тию, и щедро́тами, и человеколю́бием Единоро́днаго Сы́на Твоего́, с Ни́мже благослове́н еси́, со Пресвяты́м и Благи́м и Животворя́щим Твои́м Ду́хом, ны́не и при́сно, и во ве́ки веко́в.
Хор:
Ами́нь.
Диа́кон:
Во́нмем.
Иере́й:
Свята́я святы́м.
Хор:
Еди́н свят,/ еди́н Госпо́дь,/ Иису́с Христо́с,/ во сла́ву Бо́га Отца́./ Ами́нь.

Причастны:

  
Причастен Священному́ченика Иларио́на:
Хор:
В па́мять ве́чную бу́дет пра́ведник, от слу́ха зла не убои́тся.
  
Причастен(В субботу ):
Хор:
Радуйтеся, праведнии, о Господе, правым подобает похвала.
Хор:
Аллилуйа
(Трижды)

Прича́стие:

Диа́кон:
Со стра́хом Бо́жиим и ве́рою приступи́те.
Хор:
Благослове́н Гряды́й во и́мя Госпо́дне, Бог Госпо́дь и яви́ся нам.
Иере́й:
Ве́рую, Го́споди, и испове́дую, я́ко Ты еси́ вои́стинну Христо́с, Сын Бо́га жива́го, прише́дый в мир гре́шныя спасти́, от ни́хже пе́рвый есмь аз. Еще́ ве́рую, я́ко сие́ есть са́мое пречи́стое Те́ло Твое́, и сия́ есть са́мая честна́я Кровь Твоя́. Молю́ся у́бо Тебе́: поми́луй мя и прости́ ми прегреше́ния моя́, во́льная и нево́льная, я́же сло́вом, я́же де́лом, я́же ве́дением и неве́дением, и сподо́би мя неосужде́нно причастити́ся пречи́стых Твои́х Та́инств, во оставле́ние грехо́в и в жизнь ве́чную. Ами́нь.
Ве́чери Твоея́ та́йныя днесь, Сы́не Бо́жий, прича́стника мя приими́; не бо враго́м Твои́м та́йну пове́м, ни лобза́ния Ти дам, я́ко Иу́да, но я́ко разбо́йник испове́даю Тя: помяни́ мя, Го́споди, во Ца́рствии Твое́м.
Да не в суд или́ во осужде́ние бу́дет мне причаще́ние Святы́х Твои́х Та́ин, Го́споди, но во исцеле́ние души́ и те́ла.
  
Во время Причащения людей:
Хор:
Те́ло Христо́во приими́те, Источника безсме́ртнаго вкусите.
  
После Причащения людей:
Хор:
Аллилу́ия, аллилу́ия, аллилу́ия.
Иере́й:
Спаси́, Бо́же, лю́ди Твоя́, и благослови́ достоя́ние Твое́.
Хор:
Ви́дехом свет и́стинный,/ прия́хом Ду́ха Небе́снаго,/ обрето́хом ве́ру и́стинную,/ неразде́льней Тро́ице покланя́емся,// Та бо нас спасла́ есть.
Иере́й:
Всегда́, ны́не и при́сно, и во ве́ки веко́в.
Хор:
Ами́нь. Да испо́лнятся уста́ на́ша/ хвале́ния Твоего́ Го́споди,/ я́ко да пое́м сла́ву Твою́,/ я́ко сподо́бил еси́ нас причасти́тися/ Святы́м Твои́м, Боже́ственным, безсме́ртным и животворя́щим Та́йнам,/ соблюди́ нас во Твое́й святы́ни/ весь день поуча́тися пра́вде Твое́й.// Аллилу́иа, аллилу́иа, аллилу́иа.

Ектения́ заключи́тельная:

Диа́кон:
Про́сти прии́мше Боже́ственных, святы́х, пречи́стых, безсме́ртных, небе́сных и животворя́щих, стра́шных Христо́вых Та́ин, досто́йно благодари́м Го́спода.
Хор:
Го́споди, поми́луй.
Диа́кон:
Заступи́, спаси́, поми́луй и сохрани́ нас, Бо́же, Твое́ю благода́тию.
Хор:
Го́споди, поми́луй.
Диа́кон:
День весь соверше́н, свят, ми́рен и безгре́шен испроси́вше, са́ми себе́ и друг дру́га, и весь живо́т наш Христу́ Бо́гу предади́м.
Хор:
Тебе́, Го́споди.
Иере́й:
Я́ко Ты еси́ освяще́ние на́ше, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.
Хор:
Ами́нь.
Иере́й:
С ми́ром изы́дем.
Хор:
О и́мени Госпо́дни.
Диа́кон:
Го́споду помо́лимся.
Хор:
Го́споди, поми́луй.

Заамво́нная моли́тва:

Иере́й:
Благословля́яй благословя́щия Тя, Го́споди, и освяща́яй на Тя упова́ющия, спаси́ лю́ди Твоя́ и благослови́ достоя́ние Твое́, исполне́ние Це́ркве Твоея́ сохрани́, освяти́ лю́бящия благоле́пие до́му Твоего́: Ты тех возпросла́ви Боже́ственною Твое́ю си́лою, и не оста́ви нас, упова́ющих на Тя. Мир мирови Твоему́ да́руй, це́рквам Твои́м, свяще́нником, во́инству и всем лю́дем Твои́м. Я́ко вся́кое дая́ние бла́го, и всяк дар соверше́н свы́ше есть, сходя́й от Тебе́ Отца́ све́тов, и Тебе́ сла́ву, и благодаре́ние, и поклоне́ние возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.
Хор:
Ами́нь. Бу́ди И́мя Госпо́дне благослове́но от ны́не и до ве́ка.
(Три́жды)

Псало́м 33:

Хор:
Благословлю́ Го́спода на вся́кое вре́мя,/ вы́ну хвала́ Его́ во усте́х мои́х./ О Го́споде похва́лится душа́ моя́,/ да услы́шат кро́тции, и возвеселя́тся./ Возвели́чите Го́спода со мно́ю,/ и вознесе́м И́мя Его́ вку́пе./ Взыска́х Го́спода, и услы́ша мя,/ и от все́х скорбе́й мои́х изба́ви мя./ Приступи́те к Нему́, и просвети́теся,/ и ли́ца ва́ша не постыдя́тся./ Сей ни́щий воззва́, и Госпо́дь услы́ша и,/ и от все́х скорбе́й его́ спасе́ и./ Ополчи́тся А́нгел Госпо́день о́крест боя́щихся Его́,/ и изба́вит их./ Вкуси́те и ви́дите, я́ко благ Госпо́дь:/ блаже́н муж, и́же упова́ет Нань./ Бо́йтеся Го́спода, вси́ святи́и Его́,/ я́ко несть лише́ния боя́щимся Его́./ Бога́тии обнища́ша и взалка́ша:/ взыска́ющии же Го́спода не лиша́тся вся́каго бла́га./ Прииди́те, ча́да, послу́шайте мене́,/ стра́ху Госпо́дню научу́ вас./ Кто́ есть челове́к хотя́й живо́т,/ любя́й дни ви́дети бла́ги?/ Удержи́ язы́к твой от зла,/ и устне́ твои́, е́же не глаго́лати льсти./ Уклони́ся от зла и сотвори́ бла́го./ Взыщи́ ми́ра, и пожени́ и́./ О́чи Госпо́дни на пра́ведныя,/ и у́ши Его́ в моли́тву их./ Лице́ же Госпо́дне на творя́щия зла́я,/ е́же потреби́ти от земли́ па́мять их./ Воззва́ша пра́веднии, и Госпо́дь услы́ша их,/ и от всех скорбе́й их изба́ви их./ Близ Госпо́дь сокруше́нных се́рдцем,/ и смире́нныя ду́хом спасе́т./ Мно́ги ско́рби пра́ведным,/ и от всех их изба́вит я́ Госпо́дь./ Храни́т Госпо́дь вся ко́сти их,/ ни еди́на от них сокруши́тся./ Смерть гре́шников люта́,/ и ненави́дящии пра́веднаго прегре́шат./ Изба́вит Госпо́дь ду́ши раб Свои́х,/ и не прегреша́т// вси, упова́ющии на Него́.
Иере́й:
Благослове́ние Госпо́дне на ва́с, Того́ благода́тию и человеколю́бием, всегда́, ны́не и при́сно, и во ве́ки веко́в.
Хор:
Ами́нь.
Иере́й:
Сла́ва Тебе́, Христе́ Бо́же, упова́ние на́ше, сла́ва Тебе́.
Хор:
Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.
Го́споди, поми́луй.
(Три́жды)
Благослови́.

Иерей произносит Отпуст

[Многолетие]

Полезная информация о памяти Священному́ченика Иларио́на

Одним из видных деятелей Русской Церкви 20-х годов был архиепископ Верейский Иларион, выдающийся богослов и талантливейший человек. Вся его жизнь была горением величайшей любви к Церкви Христовой, вплоть до мученической кончины за нее.

Его труды отличаются строго церковным направлением, неустанной борьбой со схоластикой и специфическим латинством, влиявшим на наше богословие со времен митрополита Петра Могилы. Его идеал — это церковность духовной школы и богословской науки. Его постоянное напоминание: вне Церкви нет спасения, вне Церкви нет таинств.

Архиепископ Иларион (в миру Владимир Алексеевич Троицкий) родился 13 сентября 1886 года в семье священника с. Липицы Каширского уезда Тульской губернии.

С самого раннего детства в нем пробудилось стремление к учению. Будучи пятилетним отроком, он взял своего трехлетнего брата за руку и пошел вместе с ним из родной деревни в Москву учиться. И когда братишка от усталости заплакал, то Владимир сказал ему: «Ну и оставайся неученым». Родители вовремя спохватились, заметив исчезновение детей, и быстро возвратили их под кров своего дома. Владимир вскоре был отдан в Духовное училище, а затем в Духовную семинарию. По окончании полного курса семинарии он поступает в Московскую Духовную академию и блестяще заканчивает ее в 1910 году со степенью кандидата богословия. Его оставляют при академии профессорским стипендиатом.

Следует отметить, что Владимир во всех школах, начиная с Духовного училища и кончая Духовной академией, учился превосходно. По всем предметам он всегда имел отличные оценки.

В 1913 году Владимир получает ученую степень магистра богословия за свой фундаментальный труд «Очерки из истории догмата о Церкви».

Сердце его горит горячим желанием служить Богу в иноческом чине. 28 марта в скиту Параклит Троице-Сергиевой лавры он принимает монашество с именем Илариона (в честь преподобномученика Илариона Нового, память 28 марта), а примерно через два месяца, 2 июня, рукополагается во иеромонаха. 5 июля того же года отец Иларион был возведен в сан архимандрита.

30 мая 1913 года монах Иларион был назначен инспектором Московской Духовной академии. В декабре 1913 года архимандрита Илариона утверждают в звании экстраординарного профессора по Священному Писанию Нового Завета.

Архимандрит Иларион приобретает большой авторитет и как воспитатель учащихся Духовной школы, и как профессор-богослов, и как знаменитый церковный проповедник.

Один за другим выходят его богословско-догматические труды, обогащающие церковную науку. Его проповеди звучат с амвонов церквей, словно колокол, призывая народ Божий к вере и нравственному обновлению.

И когда остро назрел вопрос о восстановлении патриаршества, он, как член Поместного Собора 1917—1918 годов, вдохновенно выступил на Соборе в защиту патриаршества. «Никогда,— говорил архимандрит Иларион,— Русская Церковь не была без первоиерарха. Наше патриаршество уничтожено было Петром I. Кому оно помешало? Соборности Церкви? Но не во время ли патриархов было особенно много у нас Соборов? Нет, не соборности и не Церкви помешало у нас патриаршество. Кому же? Вот передо мною два великих друга, две красы XVII века — патриарх Никон и царь Алексей Михайлович. Чтобы поссорить друзей, злые бояре нашептывают царю: «...Из-за патриарха тебя, государь, не видно стало». И Никон, когда ушел с московского престола, между прочим, писал: «..Пусть ему, государю, без меня просторнее будет». Эту мысль Никона и воплотил Петр, уничтожив патриаршество. «Пусть мне, государю, без патриарха просторнее будет»...

Но церковное сознание, как в 34-м апостольском правиле, так и на Московском Соборе 1917 года, говорит неизменно одно: «...Епископам всякаго народа, в том числе и русскаго, подобает знати перваго из них и признавати его яко главу».

И хочется мне обратиться ко всем тем, кто почему-то считает еще нужным возражать против патриаршества. Отцы и братие! Не нарушайте радости нашего единомыслия! Зачем вы берете на себя неблагодарную задачу? Зачем говорите безнадежные речи? Ведь против церковного сознания боретесь вы. Бойтесь, как бы не оказаться вам богоборцами! (См. Деян.5:39) Мы и так уже согрешили, согрешили тем, что не восстановили патриаршество два месяца назад, когда приехали в Москву и в первый раз встретились друг с другом в Большом Успенском соборе. Разве не было кому тогда больно до слез видеть пустое патриаршее место?.. А когда мы прикладывались к святым мощам чудотворцев Московских и первопрестольников Российских, не слышали ли мы тогда их упрека за то, что двести лет у нас вдовствует их первосвятительская кафедра?»

После прихода к власти большевики сразу же начали гонение на Церковь, и уже в марте 1919 года архимандрит Иларион был арестован. Первое тюремное заключение продолжалось три месяца.

11/24 мая 1920 года архимандрит Иларион был наречен, а на следующий день, 12/25 мая, хиротонисан во епископа Верейского, викария Московской епархии.

Его современники рисуют его портрет светлыми красками. Он молодой, жизнерадостный, всесторонне образованный, прекрасный церковный проповедник-оратор и певец, блестящий полемист, всегда естественный, искренний, открытый. Физически очень сильный, высокого роста, с широкой грудью, имел пышные русые волосы, ясное, светлое лицо. Он был любимцем народа. Как проповедника и оратора его ставили наравне с Луначарским и Александром Введенским, и даже выше их. Епископ Иларион пользовался большим авторитетом среди духовенства и своих собратий-епископов, называвших его за ум и твердость в вере «великим».

Епископское служение его было крестным путем. Не прошло и двух лет со дня его хиротонии, как он оказался в ссылке в Архангельске. Целый год епископ Иларион был в стороне от церковной жизни. Свою деятельность он продолжил по возвращении из ссылки. Святейший Патриарх Тихон приблизил его к себе и вместе с архиепископом Серафимом (Александровым) сделал своим ближайшим советником и единомышленником.

Сразу же после возвращения из ссылки Патриарх возводит епископа Илариона в сан архиепископа. Церковная деятельность его расширяется. Он ведет серьезные переговоры с Тучковым (уполномоченным ОГПУ по церковным делам) о необходимости устроить жизнь Русской Православной Церкви в условиях Советского государства на основе канонического права, занимается восстановлением церковной организации, составляет ряд патриарших посланий.

Для обновленцев он становится грозой, в их глазах он не отделим от Святейшего Патриарха Тихона. 22 июня/5 июля 1923 года владыка Иларион совершает всенощное бдение под праздник Владимирской иконы Божией Матери в Сретенском монастыре, захваченном обновленцами. Владыка изгоняет обновленцев и великим чином, заново освятив собор, присоединяет монастырь к Церкви. На следующий день в обители служит Святейший Патриарх Тихон. Богослужение длится целый день и заканчивается лишь в шесть часов вечера. Святитель Тихон назначает владыку Илариона настоятелем Сретенского монастыря. В своих посланиях лидер обновленчества, митрополит Антонин (Грановский), с невыразимой злобой обрушивает свои удары и на Патриарха и на архиепископа Илариона, бесцеремонно обвиняя их в контрреволюции. «Тихон с Иларионом, — писал он,— вырабатывали «благодатно»-удушливые газы против революции, и революция ополчилась не только на тихоновских церковников, но и на всю церковь, как на скопище заговорщиков. Иларион ходит и окропляет храмы после обновленцев. Он наглостью входит в эти храмы... Тихон с Иларионом — подсудимые перед революцией, досадители Церкви Божией и в свое извинение не могут представить никаких добрых дел» («Известия», 23 сентября 1923).

Архиепископ Иларион ясно понимал преступность обновленцев и вел горячие диспуты в Москве с Александром Введенским. Последнего, как выразился сам архиепископ Иларион, на этих диспутах он «прижимал к стенке» и разоблачал все его хитрости и ложь.

Обновленческие заправилы чувствовали, что архиепископ Иларион мешает им, и потому употребили все усилия, чтобы лишить его свободы.

В декабре 1923 года архиепископ Иларион был приговорен к трем годам заключения. Этапом он был доставлен в Кемский лагерь, а затем на Соловки.

Когда архиепископ увидел весь ужас барачной обстановки и лагерную пищу, то сказал: «Отсюда живыми мы не выйдем».

Архиепископ Иларион вступил на крестный путь, завершившийся блаженной его кончиной.

Крестный путь архиепископа Илариона представляет для нас очень большой интерес, ибо в нем проявилось все величие духа мученика за Христа, и поэтому позволим себе более подробно остановиться на этом моменте его жизни.

Находясь на Соловках, архиепископ Иларион сохранил в себе все те добрые качества души, которые он приобрел посредством подвигов и до монашества, и в монашестве, и в священстве. Те кто в это время находились вместе с ним, являлись свидетелями его полного монашеского нестяжания, глубокой простоты, подлинного смирения, детской кротости. Он просто отдавал все, что имел, что у него просили.

Своими вещами он не интересовался. Поэтому кто-то из милосердия должен был все-таки следить за его чемоданом. И такой послушник был у него и на Соловках. Архиепископа Илариона можно было оскорбить, но он на это никогда не отвечал и даже мог не заметить сделанной попытки. Он всегда был весел, и если даже озабочен и обеспокоен, то быстро старался прикрыть это все той же веселостью. Он на все смотрел духовными очами, и все служило ему на пользу духа.

«На Филимоновой рыболовной тоне,— рассказывал очевидец,— в семи верстах от Соловецкого кремля и главного лагеря, на берегу заливчика Белого моря, мы с архиепископом Иларионом и еще двумя епископами и несколькими священниками (все заключенные) были сетевязальщиками и рыбаками. Об этой нашей работе архиепископ Иларион любил говорить переложением слов стихиры на Троицын день: «Вся подает Дух Святый: прежде рыбари богословцы показа, а теперь наоборот — богословцы рыбари показа». Так смирялся его дух с новым положением.

Благодушие его простиралось на самую советскую власть, и на нее он мог смотреть незлобивыми очами.

Как-то привезли на Соловки молодого иеромонаха из Казани, которому дали три года ссылки за то, что он снял с диакона-обновленца орарь и не позволил ему служить с собой. Архиепископ одобрял иеромонаха и шутил по поводу разных сроков заключения, данных тем или иным лицам независимо от тяжести их «преступлений». «Любочестив бо сый Владыка,— говорил архиепископ Иларион пасхальными словами Иоанна Златоуста,— приемлет последнего якоже и перваго; упокоевает в единонадесятый час пришедшаго, якоже делавшаго от перваго часа. И дела приемлет, и намерение целует, и деяние почитает и предложение хвалит». Слова эти звучали иронически, но давали чувство мира и заставляли принимать испытание как от руки Божией.

Владыку Илариона очень веселила мысль, что Соловки есть школа добродетелей — нестяжания, кротости, смирения, воздержания, терпения, трудолюбия. Однажды обокрали прибывшую партию духовенства, и отцы сильно огорчились. Один из заключенных в шутку сказал им, что так их обучают нестяжанию. Владыка от этой шутки был в восторге. У одного ссыльного два раза подряд пропадали сапоги, и он разгуливал по лагерю в рваных галошах. Архиепископ Иларион, глядя на него, приходил в подлинное веселье, чем и вселял в заключенных благодушие. Любовь его ко всякому человеку, внимание и интерес к каждому, общительность были просто поразительными. Он был самой популярной личностью в лагере, среди всех его слоев. Мы не говорим, что генерал, офицер, студент и профессор знали его, разговаривали с ним, находили его или он их, при всем том, что епископов было много и были старейшие и не менее образованные. Его знала «шпана», уголовщина, преступный мир воров и бандитов именно как хорошего, уважаемого человека, которого нельзя не любить. На работе ли урывками, или в свободный час его можно было увидеть разгуливающим под руку с каким-нибудь таким «экземпляром» из этой среды. Это не было снисхождение к младшему брату и погибшему, нет. Владыка разговаривал с каждым как с равным, интересуясь, например, «профессией», любимым делом каждого. «Шпана» очень горда и чутко самолюбива. Ей нельзя показать пренебрежения безнаказанно. И потому манера владыки была всепобеждающей. Он, как друг, облагораживал их своим присутствием и вниманием. Наблюдения же его в этой среде, когда он делился ими, были исключительного интереса.

Он доступен всем, он такой же, как все, с ним легко всем быть, встречаться и разговаривать. Самая обыкновенная, простая, несвятая внешность — вот что был сам владыка. Но за этой заурядной формой веселости и светскости можно было постепенно усмотреть детскую чистоту, великую духовную опытность, доброту и милосердие, это сладостное безразличие к материальным благам, истинную веру, подлинное благочестие, высокое нравственное совершенство, не говоря уже об умственном, сопряженном с силой и ясностью убеждения. Этот вид обыкновенной греховности, юродство, личина светскости скрывали от людей внутреннее делание и спасали его самого от лицемерия и тщеславия. Он был заклятый враг лицемерия и всякого «вида благочестия», совершенно сознательный и прямой. В «артели Троицкого» (так называлась рабочая группа архиепископа Илариона) духовенство прошло в Соловках хорошее воспитание. Все поняли, что называть себя грешным или только вести долгие благочестивые разговоры, показать строгость своего быта не стоит. А тем более думать о себе больше, чем ты есть на самом деле.

Каждого приезжающего священника владыка подробно расспрашивал обо всем, что предшествовало заключению. Привезли однажды в Соловки одного игумена. Архиепископ спрашивает его: — За что же вас арестовали? — Да служил молебны у себя на дому, когда монастырь закрыли,— отвечает отец игумен,— ну, собирался народ, и даже бывали исцеления... — Ах, вот как, даже исцеления бывали... Сколько же вам дали Соловков? — Три года. — Ну, это мало, за исцеления надо бы дать больше, советская власть недосмотрела...

Само собой понятно, что говорить об исцелениях по своим молитвам было более чем нескромно.

В середине лета 1925 года с Соловков архиепископа Илариона отправили в Ярославскую тюрьму. Здесь обстановка была иная, чем на Соловках. В тюрьме он пользовался особыми льготами, ему дозволили получать книги духовного содержания. Пользуясь данными льготами, архиепископ Иларион прочитывает много святоотеческой литературы, делает выписки, из которых получается много толстых тетрадей святоотеческих наставлений. Эти тетради он имел возможность после тюремной цензуры передавать своим друзьям на хранение. Святитель тайком посещал тюремного надзирателя, доброго человека, и вел у него собирание подпольной рукописной религиозной, советской литературы и копий всяких церковно-административных документов и переписки архиереев.

В это же самое время архиепископ Иларион мужественно перенес и ряд неприятностей. Когда он находился в Ярославской тюрьме, в лоне Русской Церкви возник григорианский раскол. Тогда-то, как к популярному архиерею, и явился к нему агент ГПУ и стал склонять его присоединиться к новому расколу. «Вас Москва любит,— заявил представитель ГПУ,— вас Москва ждет». Архиепископ Иларион остался непреклонен. Он уразумел замысел ГПУ и мужественно отверг сладость свободы, предлагаемой за измену. Агент удивился его мужеству и сказал: «Приятно с умным человеком поговорить.— И тут же добавил:— А сколько вы имеете срока на Соловках? Три года?! Для Илариона три года?! Так мало?» Неудивительно, что после этого архиепископу Илариону было добавлено еще три года. И добавлено «за разглашение государственных тайн», то есть разглашение разговора его с агентом в Ярославской тюрьме.

Весной 1926 года архиепископ Иларион был снова возвращен на Соловки. Крестный путь его продолжался. Григорианцы не оставили его в покое. Они не теряли надежды на то, что им удастся склонить на свою сторону такого авторитетного иерарха, каким был архиепископ Иларион, и закрепить его переходом свои позиции.

В начале июня 1927 года, едва началась навигация на Белом море, архиепископ Иларион был привезен в Москву для переговоров с архиепископом Григорием. Последний в присутствии светских лиц настойчиво упрашивал архиепископа Илариона «набраться мужества» и возглавить все более терявший значение григорианский «высший церковный совет». Архиепископ Иларион категорически отказался, объяснив, что дело высшего церковного совета несправедливое и пропавшее, задуманное людьми, не сведущими ни в церковной жизни, ни в церковных канонах, и что это дело обречено на провал. При этом архиепископ Иларион братски увещевал архиепископа Григория оставить ненужные и вредные для Церкви замыслы.

Подобные встречи повторялись несколько раз. Владыку Илариона и умоляли, и обещали ему полную свободу действий, и белый клобук, но он твердо держался своих убеждений. Был слух, что однажды он сказал своему собеседнику: «Хотя я и архипастырь, но вспыльчивый человек, очень прошу вас уйти, ведь я могу потерять власть над собой».

«Я скорее сгнию в тюрьме, а своему направлению не изменю»,— говорил он в свое время епископу Гервасию.

Такой позиции в отношении григорианцев он держался до конца своей жизни.

В смутное время, когда после обновленческого раскола проникли разногласия и в среду ссыльных архиереев на Соловках, архиепископ Иларион явился настоящим миротворцем среди них. Он сумел на основе Православия объединить их между собой. Архиепископ Иларион был в числе епископов, выработавших в 1926 году церковную декларацию, определяющую положение Православной Церкви в новых исторических условиях. Она сыграла огромную роль в борьбе с возникшими тогда разделениями.

В ноябре 1927 года некоторые из соловецких епископов начали было колебаться в связи с иосифлянским расколом. Архиепископ Иларион сумел собрать до пятнадцати епископов в келии архимандрита Феофана, где все единодушно постановили сохранять верность Православной Церкви, возглавляемой митрополитом Сергием.

«Никакого раскола!— возгласил архиепископ Иларион.— Что бы нам ни стали говорить, будем смотреть на это, как на провокацию!»

28 июня 1928 года владыка Иларион писал своим близким, что до крайней степени не сочувствует всем отделившимся и считает их дело неосновательным, вздорным и крайне вредным. Такое отделение он считал «церковным преступлением», по условиям текущего момента весьма тяжким. «Я ровно ничего не вижу в действиях митрополита Сергия и его Синода, что бы превосходило меру снисхождения и терпения»,— заявляет он. А в письме от 12 августа 1928 года развивает свою мысль: «Везде писаны пустяки, кто напротив пишет. Какую штуку выдумали. Он, мол, отступник. И как пишут, будто без ума они. Сами в яму попадают и за собой других тащат». При этом он делает заключение, что митрополиту Иосифу ничего не докажешь, «хоть лбом об стенку бейся», что он, как допустивший грех отделения по злобе, останется до конца жизни при своих взглядах.

Много трудов положил архиепископ Иларион и для того, чтобы переубедить епископа Виктора (Островидова) Глазовского, близкого по направлению к иосифлянам. «Говорить с ним не приведи Бог, — писал владыка в письме от 28 июня 1928 года.— Ничего слушать не хочет и себя одного за правого почитает”.

Несмотря на эту характеристику архиепископ Иларион добился того, что епископ Виктор не только сознал свою неправоту, но и написал своей пастве, увещевая ее прекратить разделение.

Интересно отметить, что архиепископ Иларион безбоязненно укорял агента ГПУ за нелепый союз власти с обновленцами. И в то же время он подавал ему мысль, что не лучше ли заключить союз с Православной Церковью и поддержать ее: это позволит настоящей и авторитетной Церкви признать власть Советов.

Хотя и не все было известно архиепископу Илариону о тогдашней церковной жизни, но тем не менее он не был равнодушным зрителем тех или иных церковных нестроений и бедствий, обрушившихся на православный народ. К нему обращались за советом и спрашивали, что нужно делать, чтобы в новых условиях политической жизни достигнуть умиротворения Церкви. Вопрос был очень сложный. И на него архиепископ Иларион дал весьма глубокий и проанализированный ответ, основанный на православных канонах и церковной практике.

Вот что написал он вопрошавшим в своем письме от 10 декабря 1927 года:

“Последние два года с лишком я не участвую в церковной жизни, имею о ней лишь отрывочные и, возможно, неточные сведения. Поэтому для меня затруднительно суждение о частностях и подробностях этой жизни, но, думаю, общая линия церковной жизни и ее недостатки, и ее болезни мне известны. Главный недостаток, который чувствовался еще и раньше, это отсутствие в нашей Церкви Соборов с 1917 года, т. е. в то самое время, когда они особенно были нужны, так как Русская Церковь не без воли Божией вступила в совершенно новые исторические условия, условия необычные, значительно отличающиеся от раннейших условий. Церковная практика, включая и постановления Собора 1917—1918 годов, к этим новым условиям не приспособлена, так как она образовалась в иных исторических условиях. Положение значительно осложнилось со смерти Святейшего Патриарха Тихона. Вопрос о местоблюстительстве, насколько мне известно, тоже сильно запутан, церковное управление в полном расстройстве. Не знаю, есть ли среди нашей иерархии и вообще среди сознательных членов Церкви такие наивные и близорукие люди, которые имели бы нелепые иллюзии о реставрации и свержении советской власти и т. п., но думаю, что все, желающие блага Церкви, сознают необходимость Русской Церкви устраиваться в новых исторических условиях. Следовательно, нужен Собор, и прежде всего нужно просить государственную власть разрешить созвать Собор. Но кто-то должен собрать Собор, сделать для него необходимые приготовления, словом, довести Церковь до Собора. Поэтому нужен теперь же, до Собора, церковный орган. К организации и деятельности этого органа у меня ряд требований, которые у меня, думаю, общие со всеми, кто хочет церковного устроения, а не расстройства мира и не нового смятения. Некоторые из этих требований я и укажу.

1. Временный церковный орган не должен быть в своем начале самовольным, т.е. должен при своем начале иметь согласие Местоблюстителя.

2. По возможности во временный церковный орган должны войти те, кому поручено Местоблюстителем митр. Петром (Полянским) или Святейшим Патриархом.

3. Временный церковный орган должен объединять, а не разделять епископат, он не судья и не каратель несогласных — таковым будет Собор.

4. Временный церковный орган свою задачу должен мыслить скромной и практической — создание Собора.

Последние два пункта требуют особого пояснения. Над иерархией и церковными людьми витает отвратительный призрак ВЦУ 1922 года. Церковные люди стали подозрительными. Временный церковный орган должен как огня бояться хотя бы малейшего сходства своей деятельности с преступной деятельностью ВЦУ. Иначе получится только новое смятение. ВЦУ начинало со лжи и обмана. У нас все должно быть основано на правде. ВЦУ, орган совершенно самозванный, объявил себя верховным вершителем судеб Русской Церкви, для которого не обязательны церковные законы и вообще все Божеские и человеческие законы. Наш церковный орган — только временный, с одной определенной задачей — созвать Собор. ВЦУ занялось гонением на всех, ему не подчиняющихся, т. е. на всех порядочных людей из иерархии и из других церковных деятелей, и, грозя направо и налево казнями, обещая милость покорным, ВЦУ вызвало нарекания на власть, нарекания едва ли желательные для самой власти. Эта отвратительная сторона преступной деятельности ВЦУ и его преемника, так называемого Синода, с его соборами 1923— 1925 годов, заслужила им достойное презрение, доставив много горя и страданий неповинным людям, принесла только зло и имела своим следствием только то, что часть иерархии и несознательных церковных людей отстала от Церкви и составила раскольническое общество. Ничего подобного, до самого малейшего намека, не должно быть в действиях временного церковного органа. Эту мысль я особенно подчеркиваю, потому что здесь именно вижу величайшую опасность. Наш церковный орган должен только созвать Собор. Относительно этого Собора обязательны следующие требования.

5. Временный церковный орган должен собрать, а не подбирать Собор, как то сделано печальной памяти ВЦУ в 1923 году. Собор подобранный не будет иметь никакого авторитета и принесет не успокоение, а только новое смятение в Церкви. Едва ли есть нужда увеличить в истории количество разбойничьих соборов; довольно и трех: Ефесского 449 года и двух московских 1923—1925 годов. Самому же будущему Собору мое первое пожелание то, чтобы он мог доказать свою полную непричастность и несолидарность со всякими политически неблагонадежными направлениями, рассеять тот туман бессовестной и смрадной клеветы, которым окутана Русская Церковь преступными стараниями злых деятелей (обновления). Лишь только настоящий Собор может быть авторитетным и сможет внести успокоение в церковную жизнь, дать покой измученным сердцам церковных людей. Я верю, что на Соборе обнаружится понимание всей важности ответственного церковного момента, и он устроит церковную жизнь соответственно новым условиям”.

Только при соборности Церкви, как мыслил и утверждал архиепископ Иларион, произойдет умиротворение церковное и утвердится нормальная деятельность Русской Православной Церкви в новых условиях Советского государства.

Крестный путь его подходил к завершению. В декабре 1929 года архиепископа Илариона направили на поселение в Среднюю Азию, в город Алма-Ату, сроком на три года. Этапом он добирался от одной тюрьмы до другой. По дороге его обокрали, и в Ленинград он прибыл в рубище, кишащем паразитами, и уже больным. Из ленинградской тюремной больницы, куда его поместили, он писал: “Я тяжело болен сыпным тифом, лежу в тюремной больнице, заразился, должно быть, в дороге; в субботу, 28 декабря, решается моя участь (кризис болезни), вряд ли перенесу”.

В больнице ему заявили, что его надо обрить, на что Преосвященный ответил: “Делайте теперь со мной, что хотите”. В бреду он говорил: “Вот теперь-то я совсем свободен, никто меня не возьмет”.

Ангел смерти стоял уже у главы страдальца. За несколько минут до кончины к нему подошел врач и сказал, что кризис миновал и что он может поправиться. Архиепископ Иларион едва слышно прошептал: “Как хорошо! Теперь мы далеки от…” И с этими словами исповедник Христов скончался. Это было 15/28 декабря.

Митрополит Серафим Чичагов, занимавший тогда Ленинградскую кафедру, добился разрешения взять тело для погребения. В больницу доставили белое архиерейское облачение и белую митру. Покойного облачили и перевезли в церковь ленинградского Новодевичьего монастыря. Владыка страшно изменился. В гробу лежал жалкий, весь обритый, седой старичок. Одна из родственниц покойного, увидевшая его в гробу, упала в обморок. Так он был непохож на прежнего Илариона.

Похоронили его на кладбище Новодевичьего монастыря, недалеко от могил родственников архиепископа, а впоследствии Патриарха Алексия I.

Кроме митрополита Серафима и архиепископа Алексия в погребении участвовали епископ Амвросий (Либин) Лужский, епископ Сергий (Зенкевич) Лодейнопольский и еще три архиерея.

Так отошел в вечность этот богатырь духом и телом, чудесной души человек, наделенный от Господа выдающимися богословскими дарованиями, жизнь свою положивший за Церковь. Его смерть явилась величайшей утратой для Русской Православной Церкви.